Skopje East Gate (поранешно ERA City)

Најавите никогаш не беа официјално од Ист Гејт, туку медиумите ја буткаа таа приказна, секој знае дека лидл е дисконт маркет (сличен на кам/стокомак) и дека во молови го нема.
Отворањето на Лидл не е најавено се уште но ќе го има во неколку градови и во свои посебни објекти.

Состојбата со станбениот дел







https://www.facebook.com/baukop.dooel

Originally posted by skopskodete Значи, зградите со деловен простор ќе се градат последни?

Да,и станбениот дел ќе се гради етапно прва е оваа зграда на СМС Констракшн незнам следните кој ќе ги гради,чинам беа предвидени 4 деловни кули што мислам дека се премногу и би стоеле во голем процент непродадени/неиздадени.

Ако МекДоналдс го водат турци или албанци ич нека не го враќаат.
Само албанци и турци ќе бидат вработени,услуга никаква,промоции новитети практично и да нема,цени хаос.Зборувам од досегашново искуство од КФЦ и Бургер Кинг.

Нивна си е франшизата, како сакаат нека истураат пари во неа. Ако не чини услугата, нема да имаат потрошувачи и ќе ги фрлаат парите во бунар без дно.

Туку, знае некој дали во KFC и во Бургер Кинг месото е халал?

КФЦ е океј, Бургер Кинг ми е без везе.

Во светот опстојува бидејќи е буквално најевтиното нешто од сектор брза храна. Сите други попристојни работи се поскапи. Кај нас, пак, поскапо е од било што друго што има квалитет. Навистина и мене не ми е јасно како опстојува кај нас.

Во Софија ринг молот го има Лидл, така што... не дека е невозможно да го има во молов

https://www.instagram.com/stories/smsconstruction/2664031632451749622/

УЛТРА МОДЕРНИ СТАНОВИ ПО ЦЕНИ ОД 1.250 ДО 1.350 ЕВРА ПО КВАДРАТ: East Gate Living гради 10 згради кај Скопски саем

Нови десет згради ќе никнат на местото на поранешен Скопски саем.

East Gate Living денеска објави нов модерен концепт на домување, и велат дека тоа се конечно добри вести за сите кои се во потрага по промена во начинот на живеење во главниот град на земјава.

„На само пет минути од ценатрот на Скопје и на помалку од три минути од парк шумата Гази Баба, East Gate Living е новиот визиопнерски проект во изградба, позициониран веднаш до Ист гејт молот, кој треба да биде пуштен во употреба во втората половина на октомври. Сместен во единствениот повеќенаменски проект од овој размер, распространет на вкупна површина од 13 хектари и зелена површина од 2,5 хектари, овој станбен комплекс е одговор на потребата од нова визија во живеењето и потребата од квалитетен активен живот“, рече Игор Давков, извршен директор на Скопје Ист гејт.

Бројот на планирани станбени единици е 672, а тоа е повеќе од 50 отсто од вкупниот број завршени стамнови во изминатава 2020 година. Токму оваа градежна динамика е тесно поврзана со трендот на побарувачка на станови, која од година во година рапидно се зголемува.

Една од уникатните карактеристики е чистото опкружување околу зградите и детално планираниот простор, при што паркинзите се лоцирани под зградите на паркинг простор, кој брои 818 паркинг места, а на располагање е и сервисен паркинг со вкупно 152 места“, вели Давков.

Изборот на станови од 42 до 210 метри квадратни ветува разноликост и динамика, велат инвеститорите.

„Нашите блокови се на ртастојание од 50 метри. Знаеме дека градското зеленило е неопходно. Зеленикло проектиравме насекаде, а до нас е и парк шумата Гази Баба“, потенцира Давков.

Инаку, во првата фаза ќе бидат готови четири згради, и тие ќе бидат завршени до 2023 година.

Првите четири згради ќе имаат висина од П плус 14 ката. Оние од втората фаза ќе бидат П плус 12, а од третата фаза четирите згради исто така ќе бидат во висина П плус 14 ката.

За овие станови има голем интерес, односно како што велат од компанијата, веќе се резервирани 50 стана.

Сите десет згради ќе треба да бидат готови до 2027 година. Во сите згради вкупно ќе има 1.600 станови. Овие згради ги градат четири различни изнвеститори, со кои компанијата има партнерски однос.

Цената на становите ќе се движи меѓу 1.250 евра до 1.350 евра по метар квадратен. Инвеститорите велат дека цената ќе зависи од големината на станот, при што поевтин квадрат ќе имаат поголемите станови, како и од нивната местоположба.

Оној што ќе сака да купи стан ќе треба да купи и макар еден паркинг простор, кој ќе чини 7.000 евра.

Изборот на станови ќе биде од помали станови од 42 метри квадратни, па се до дуплекс станови, од 210 метри квадратни.

Она што сигурно многу ги интересира граѓаните кои сакаат да купат станови во овој комплекс, е какво ќе биде греењеето. Во овие станови греењето ќе биде на градско парно. Но, како што објаснуваат инвеститорите, становите ќе бидат опремени со смартфон решенија, преку кои всушност ќе може да се управува со сите уреди во станот.

На овој простор се предвидени да се изградат и пет деловни згради, покрај десетте станбени згради.

Станарите ќе плаќаат и за одржување на становите, но, како што велат инвеститорите, не станува збор за висока цена, односно оние со помалите станови од 42 метри квадратни, ќе треба да платат сума од околу 15 евра месечно.

https://faktor.mk/ultra-moderni-stanovi-po-ceni-od-1250-do-1350-evra-po-kvadrat-east-gate-living-gradi-10-zgradi-kaj-skopski-saem