Skopje East Gate (поранешно ERA City)

Construction progress - November 2020









https://www.facebook.com/skopjeeastgate/videos/808607399920003

Интервју на Арсим Папранику за Телеграфи
Телеграфи Македонија и СКСЗМ разговараа со Арсим Папранику, ко-сопственик на СЕГ и Нептун, на тема претприемништво и идните предизвици.

Телеграфи Македонија и СКСЗМ разговараа со Арсим Папранику, ко-сопственик на СЕГ и Нептун, на тема претприемништво и идните предизвици.

Нептун, веќе неколку години е рангиран како еден од најмоќните брендови во Македонија. Опишете го вашиот успех во 3 реченици?

Да се ​​опише успехот на Нептун и нивото на кое е денес по 21 година активност, би било многу тешко да се опише во 3 реченици, но би ги издвоил: посветеност, енергија, визија и нови идеи.

Што научивте од искуството сиве овие години?

Ако сте навистина посветени на некоја област, професија, работа или дури и проект, шансите се многу мали за грешки, секако со оглед на можностите за грешки, моментот и „know-how“.

Какво е вашето искуство со младите кои работат со вас. Дали сте задоволни од нивната работа?

Со голема самодоверба можам да кажам дека нашата младина има високи квалитети, но нешто што недостасува е стратегијата за човечки ресурси што е генерално погрешна, не само во приватните компании, туку и воопшто. Исто така државната стратегија мислам дека е погрешна со години и тука главно размислувам во однос на квалитетно образование и искуство во пракса.

Се гради СЕГ. Колку работни места ќе се отворат, колкава е инвестицијата и кога се очекува да се отвори?

СЕГ како проект генерално зафаќа инвестиции од над 300 милиони евра што ќе се реализираат во три фази. Треба да се напомене дека станува збор за најголема инвестиција од областа на недвижностите во Северна Македонија, која е реализирана досега и е поделена на три насоки или области, кои се:

– „Ист Гејт Мол“ – Трговски центар со бруто површина од 160.000 м2 или површина за изнајмување од 57.000 м2, што е еден од најголемите центри во регионот со скоро 45% брендови кои ќе дојдат за прв пат во Македонија. Изградбата во моментов е скоро 75% завршена и размислуваме да се отвори во октомври 2021 година.

– „Ист Гејт Ливинг“ – станбена населба со 1.600 станови што ќе биде еден од најмодерните комплекси за своето време со многу соби и дополнително зеленило. Почетокот на работите е предвиден за февруари 2021 година и да заврши на крајот на 2023 година.

– „Ист Гејт Бизнис“ – деловен канцелариски простор со вкупна површина од 67 000 м2, поделена на пет згради. Изградбата започнува во април 2021 година и завршува во 2026 година.

Кои се вашите планови за во иднина и која е пораката до младите претприемачи?

Постојат многу планови и верувам дека наскоро ќе започнеме нов проект за кој наскоро ќе бидете информирани. Во однос на пораката за младите претприемачи, ќе споменам неколку столбови кои според мене се најважни:

– здружување на силите и капиталот помеѓу компаниите во различни области и сектори, создавање деловна разновидност, што овозможува повеќе ризици мал;

– инвестиции во човечки ресурси или човечки ресурси и структури;

– проширување на нови пазари и земји.

https://eastgate.mk/news/skopje-east-gate-mk/intervju-arsim-papraniku-za-telegrafi/

Кој безкрупулозен криминал е комплексов најдобро се гледа од последниве слики од високо. Значи, прво од власта дозволија пренамена на дејноста на маркицата (од саем/конвенциски центар) во трговски центар и станбени згради, па доделија маркица тројно поголема од претходните објекти која сега покрива и до 90% од просторот...срушија функционален комплекс кој имаше повеќе намени, за да се изгради ова чудовиште со кое Скопје сообраќајно конечно ќе колабрира бидејќи без разлика дали утре ќе додадат по една лента плус на околните сообраќајници или се пушти новиот мост кон аееродром...едноставно, со сообраќајниот прилив кој ќе го повлекува молов и станбените згради во него, на Скопје повеќе му нема спас!

Па што знам колку луѓе ќе привлече молов. Пример јас од Ѓорче, или некој од Сарај, сигурно нема да се летнам секој ден да одам да пазарам тука, можеби еднаш во месецот, или после факултет ако се врати настава со физичко присуство. Не знам, да се надеваме дека овие трговски центри ќе ја намалат гужвата односно на некој начин ќе формираат реони каде ќе имаш сѐ што ти треба на одредена близина. Доколку се СП Планет во Ѓорче функционираше како што треба и се направеше Емпорио и доколу се творат некои ланци таму, фреквенцијата на луѓе кон СК Сити Мол ќе се намалеше до сега.

Originally posted by antigona Кој безкрупулозен криминал е комплексов најдобро се гледа од последниве слики од високо. Значи, прво од власта дозволија пренамена на дејноста на маркицата (од саем/конвенциски центар) во трговски центар и станбени згради, па доделија маркица тројно поголема од претходните објекти која сега покрива и до 90% од просторот..

Трговски центар и деловен простор на локацијава се планирани барем од 2007, а во 2008 словенците што го имаа купено саемот поставија камен-теменлник на ERA City (проект што скоро и не мрдна од мртва точка).

Во секој случај мислам дека SEG е поквалитетно решение отколку ERA City.
Еве ги плановите од 2007, вака од временска дистанца воопшто не ми се допаѓаат:

за да се изгради ова чудовиште со кое Скопје сообраќајно конечно ќе колабрира бидејќи без разлика дали утре ќе додадат по една лента плус на околните сообраќајници или се пушти новиот мост кон аееродром...едноставно, со сообраќајниот прилив кој ќе го повлекува молов и станбените згради во него, на Скопје повеќе му нема спас!

Мислам дека ова е непотребно фаталистички.

Со комплетирање на околната сообраќајна мрежа и доколку паркинг просторот е адекватен, SEG нема да биде проблем. Во Скопје сообраќајни проблеми има од три главни причини:

1. Примарната сообраќајна мрежа е далеку од комплетирање.
2. Јавниот превоз е лош
3. Преголемо згустнување на одредени реони кои немаат соодветна сообраќајна инфраструктура да издржат такво згустнување.

SEG нема врска со ниту една од овие причини, и секако не може да оставаме неискористени толкави градски простори да бидат грдо деградирано земјиште, со идеја дека така ќе ги решаваме сообраќајните проблеми.

Originally posted by zabegan трговски центар кој ќе пропадне за 5 години и нема да се користи со полн капацитет

Да речеме дека си во право и трговскиот пропадне за 5 години. Нели е тоа проблем на инвеститорот, а не наш?

Во меѓувреме, наместо огромен змијарник покрај главниот влез во градот, тој простор барем се средил. Исто така тој простор се здобил со инфраструктура, па таму во иднина лесно би можело да легне нешто друго, ако така диктираат потребите и времињата.

Originally posted by zabegan околу него имаше огромен бришан простор за било какви содржини

Какви содржини конкретно?

За саемот во добар дел се согласувам.
Останатото едноставно не држи вода.


А и не можам точно да идентификувам кој е проблемот, дали дека SEG ќе пропадне за 5 години како што викаат едни, или дека ќе привлекува толку многу луѓе што, цитирам: „Скопје сообраќајно конечно ќе колабрира“

Но ајде по ред.

Originally posted by antigona Значи, вака, камо среќа да се реализираше претходниот проект. Разликата е огромна.

Прва огромна разлика што паѓа во очи е дека ERA City е саде асфалт и бетон, а SEG има и по нешто зеленило и логично испланиран јавен простор помеѓу објектите

Друга огромна разлика е градската естетика на SEG, наспроти индустрискиот шмек на ERA City:
http://www.build.mk/forum/forum_posts.asp?TID=3&PN=6

Јас би рекол SEG е премија во споредба со ERA City, и особено е премија во споредба со 15 хектари змијарник

Originally posted by antigona Во првиот случај само ќе се доградеше далеку помал трговски центар

Originally posted by antigona Молов е барем три пати поголем во габарит

Не знам врз база на кои информации дојде до вакви заклучоци. И патем, ERA City предвидуваше два трговски центри, јасно се гледа и на мапата што ја постирав, ама кој да се замара да погледне   

Еве како стојат работите (за SEG ги земав најголемите спомнати квадратури):


Кога на ERA моловите ќе се додаде и саемот, како може тоа да е океј, а SEG сам ќе направел тотален колапс на Скопје?

Originally posted by antigona буквално е залепен до улица Беласица, кое не само што урбанистички и естетски е одвратно, туку ќе предизвикува огромни гужви не само поради големината на трговскиот, туку и тоа што влезот во исиот ќе биде залепен на само неколлку метри од улица Беласица

Според актуелниот ДУП, Беласица ќе има профил 2х3, со средишно зеленило од 4,5 метри и тротоари од по 4,74 метри. Дополнително, меѓу вака планираната Беласица и SEG има просечно 15-тина метри простор. Објективно, овде може само со сила да се бара проблем.

Originally posted by antigona постојано ќе застануваат коли и таксија да истоавараат посетители, а со тоа ќе се создава хаос сличен на оној пред Сити мол

Зарем ERA City ќе ја решеше и сообраќајната некултура?
Можеби сепак сообраќајната полиција треба по нешто да работи, наместо SEG да биде крив и за големиот процент кретени во сообраќајот.

Originally posted by antigona И најпоследно, сообраќајниот колапс со Ист Гејт е неизбежен бидејќи навидум широките сообраќајници околу овој Мол (кои и сега се преоптоварени) се влезни и транзитни артерии за градот, а не се наменети и димензионирани да служат како сервисни улици на еден огромен комерцијален, станбен и деловен комплекс.

Како треба да се димензионираат сообраќајници за ваков комплекс? Плус тоа, ако се и сега преоптоварени, можеби треба да се работи на реализација на булевар Крушевска Република и сл. Пишав и претходно, не може да оставаме огромни змијарници на атрактивна локација, со идеја дека така ќе ги решаваме сообраќајните проблеми.

Нејсе, макар и само со доизградба на булевар АСНОМ, сообраќајниците што го опкружуваат комплексов нема да имаат некој особен проблем со сообраќајот од/кон него, туку проблем евентуално би имало доколку паркинг просторот не е доволен и/или доколку врските со гаражите не се добро испланирани. Во контекст на ова, дали се сеќаваш каков хаос беше околу саемот, кога имаше некоја саемска манифестација или концерт или журка? Но тоа не беше колапс на сообраќајниците, туку паркинг колапс.




Edited by Cloverstack - 23-Jan-2021 at 02:20

Тука пак се нафрлани многу работи што не држат вода или ги изместуваат тезите, но не би сакал бескрајно да навлегувам во тоа.

Еве да скратиме. Зошто го го немаме, ниту некогаш сме го виделе тој одличен план на ТриГранит и ЕРА, па за него да дебатираме со какви-такви поконкретни информации? Зошто тој план е обвиен во тајност и никогаш не бил достапен до јавноста?



Edited by Cloverstack - 23-Jan-2021 at 02:49

Ама ја промашуваш поентата на моево пишување, јас пред се зборувам за урбанизам, а не за тоа кој е инвеститорот (иако и за ова има за муабет ако се оди подлабоко). Значи, сега се гради нешто кое е предимензионирано, залепено буквално на сама улица која за градот има транзитно значење. Со претходниот проект тоа не беше случај или барем беше помалку проблематично (и во тој случај, немаше предвиден периметар на сервисни/пристапни улици). Но, тука не се криви инвеститорите, нашле можност за корупција, подмачкале кај треба и добиле пренамена и дуплирање на маркица. Ако ЕРА беше неодговорна со својот проект (а беше), решението не беше да се овозможи рушење на саемот за да се удоволи на нов инвеститор кој единствено се грижи за голема и брза заработувачка. Во случајот со Ист Гејт се работи за истиот инвеститор ко првичниот на Сити Мол. Верувам и сега, некое време по работењето на новиов мол, исто ко со Сити Мол, ќе го продаде за добра заработувачка, а ние ќе ги трпиме сообраќајните последици за навек. И последно, и толку од мене: Словенечка ЕРА на ниво на групација рикна, но за проектот во Скопје ги ангажираа феноменалните ТриГранит (сите нивни објекти, кои ги има од Варшава, Будимпешта па се до Виена), се кој од кој подобри. За скопскиот проект ТриГранит одржаа промоција на одлични рендери која се одржа во управната зграда на Скопски саем, но набрзо тие увидоа дека ЕРА пропаѓа и самите се повлекоа од проектот и тоа малку што го имаше на нет, го тргнаа, па останаа старите, груби рендери. Но, да повторам, проблемот не е во архитектурата, туку во урбанизмот и тука кривицата е само кај властите, општински и градски.

Edited by antigona - 23-Jan-2021 at 03:13