Skopje East Gate (поранешно ERA City)

isto pomisliv

ЗА ПРВ ПАТ ВО ЗЕМЈАВА ДОАЃААТ ZARA HOME и OYSHO - ќе ја имаме најголемата ZARA во регионот

Светскиот моден магнат од Шпанија, Групацијата ИНДИТЕКС ќе закупи деловен простор за сите свои брендови, со што популарната седморка: ZARA, ZARA HOME, ОYSHO, МassimoDutti, Bershka, Pull and Bear и Stradivarius, ќе се најдена само едно место во Ист Гејт Мол.

Оваа информација за Фактор ја потврдуваат од Скопје Ист Гејт.

„Групацијата Индитекс постигна договор со Ист Гејт Мол за историски најголемиот закуп на малопродажен деловен простор во Македонија. Договорот предвидува закуп на малопродажна површина од 8.600 м2 за сите седум брендови. За прв пат на пазарот Групацијата Индитекс во Ист Гејт Мол ќе се појави со брендовите ZARA HOME и OYSHO, а брендот ZARA ќе се простира на повеќе од 4.600 м2, со што станува најголемата ZARA во целиот регион“, се вели во информацијата што ја добивме од компанијата.

Оттаму нагласуваат дека со оваа трансакција Ист Гејт Мол стратешки се позицинира како една од клучните малопродажни дестинации во регионот, обезбедувајќи притоа предуслови за стабилни инвестициски параметри на ниво кое вообичаено се бара од инвеститорите кои вложуваат во ваков тип на недвижнини.

„Со ZARA HOME, Ист Гејт Мол станува идна водечка дестинација за додатоци во домот при што купувачите ќе добијат можност да ги следат најновите трендови во ентериерниот декор и да имаат пристап до најновите колекции во ист момент кога ќе се појават на пазарот.

OYSHO e специјализирана модна марка за удобна примарна гардероба за дома, за спортски активности како и квалитетна долна облека. Нивните колекции се создадени за жените и ја следат линијата на мода и елеганција со удобност и квалитет.

Продавниците ќе бидат изградени според најновиот дизајн, автентичен на современиот имиџ на ZARA HOME и OYSHO ширум светот“, потенцираат од компанијата.

Велат и дека форматот на продавниците на Групацијата ИНДИТЕКС во Ист Гејт Мол, налага сите брендови да се презентираат со целото свое продуктно портфолио, обезбедувајќи со тоа широка палета на производи и диверзифитет во понудата пред македонските потрошувачи.

Фактор веќе пишуваше дека оваа есен скопјани, но и граѓаните од цела држава и пошироко, ќе имаат прилика да го посетат најголемиот и убедливо најрепрезентативниот шопинг центар во регионот, Ист Гејт Мол. Објектот интензивно се гради, а од компанијата велат дека активностите, и покрај проблемите и забавувањата кои ги наметна пандемијата, течат според планот, па инвестицијата ќе биде завршена во предвидениот рок.

https://faktor.mk/pokraj-najgolemata-zara-vo-regionot-na-4600-m2---vo-skopje-za-prv-pat-doagjaat-i-zara-home-i-oysho

LPP” модните брендови ги отвораат своите први продавници во Ист Гејт Мол во Скопје

Полската модна компанија и воедно реномиран моден бренд ,,LPP SA” ги отвора своите први продавници во Скопје во Ист Гејт Мол наесен годинава. ,,LPP SA” е групацијата која раководи со пет познати брендови: Reserved, Mohito, House, Cropp и Sinsay. Секој бренд е насочен кон различна целна група, нуди различен стил и претставува поинаков начин на изразување.

LPP SA е глобална компанија со присуство на 38 пазари (директно и со продажба преку интернет), има 1.800 продавници и повеќе од 24.000 вработени во Европа, Азија и Африка.

LPP SA е една од најбрзо растечките модни синџири во источна и централна Европа. Компанијата официјално котира на најразвиената берза во централна и источна Европа, берзата во Варшава, и тоа на индексот WIG20 - кругот на најсилните полски компании, а акциите на LPP SA се дел од престижната листа MSCI на ниво на Полска.

Олга Јосевска, Претставник на ,,LPP” за Северна Македонија, Албанија и Косово изјави: ,,Среќни сме што ги отвораме првите продавници во Северна Македонија, која е седма земја на балканскиот пазар во која ја нудиме нашата мода. Стилот и разновидноста на нашите колекции се одлично прифатени од страна на клиентите во овој дел на Европа. Веруваме дека клиентите во Северна Македонија, според интересот што го покажуваат за модна инспирација, ќе добијат многу можности да го пронајдат својот стил и да ја изразат својата исклучителност, благодарение на нашите пет брендови.

Н.Е. Амбасадорот на Република Полска во Република Северна Македонија, Војциех Тицињски, изјави: ,,Огромна чест е да се има водечкиот европски бренд од Гдањск во Северна Македонија, кое додава вредност на светскиот избор на брендови кој ќе го понуди најмодерниот трговски центар во Скопје, Ист Гејт Мол.”

Извршниот директор на Скопје Ист Гејт, Игор Давков подвлече дека присуството на LPP со целокупното портфолио на брендови ги носи најсвежите новости и најинтересните трендови во модниот сегмент за жени, мажи и деца. Како една од најголемите меѓународни малопродажни синџири за облека, групацијата LPP со над 6.500м2 изнајмена површина, се позиционира како стратешки бренд на македонскиот моден пазар.

https://kanal5.com.mk/-lpp-modnite-brendovi-gi-otvoraat-svoite-prvi-prodavnici-vo-ist-gejt-mol-vo-skopje/a461856

https://www.facebook.com/bochvarskiblagoj

Напредок во изградба февруари 2021











https://eastgate.mk

Игор Давков: Ист гејт мол – поинакво потрошувачко искуство за сите во регионот

Во втората половина од октомври планирано е отворањето на трговскиот центар Ист гејт мол во Скопје, најголем во регионот. Повеќе од 260 продавници, светските и домашните брендови, осумте киносали и многуте други забавни содржини за сите, од 7 до 77 години, би требало да го направат овој трговски центар посакувана дестинација не само за граѓаните на Македонија, туку и за нашите соседи и за туристите што се на пропатување. Така ветува Игор Давков, извршниот директор на Скопје Ист гејт.

Давков во интервју за МКД.мк вели дека подготовките за отворањето на трговскиот центар се во завршна градежна фаза.

„Завршени се машинските, вентилациските и електричните инсталации на поголем дел од објектот. Паралелно се работи на фасадата и сите други завршни работи во ентериерот. До почетокот на јуни ќе бидеме готови за да ги примиме закупците, кои треба да почнат да ги уредуваат своите простори. Таа фаза трае четири месеци. Ние сме должни да го предадеме просторот во облик на карабина. Во меѓувреме се довршуваат деталите од договорите со закупците.“

Веќе е објавено дека многу светски познати брендови ќе отворат продавници тука. Што е она што го понудивте за да дојдат толку голем број од нив?

За еден бренд да донесе одлука за влез на еден пазар потребни се сериозни анализи на пазарот, на регионот, на куповната моќ на популацијата, на капацитетот на трговскиот центар да привлече посетители. Се работи за навистина детални анализи пред да се донесе одлуката. Тоа е едната страна од медалот.

Другата страна е она што се нуди за изнајмување. Тоа зависи од големината на трговскиот центар, од тоа колку е способен да привлече купувачи, од миксот на закупци што тој центар ги привлекува, од тие т.н. закупци 'сидраши'. Такви 'сидраши' се сите седум бренда на Индитекс или ЛПП со сите свои пет бренда, како и супермаркетот и кината. Тие се главни креатори на посетеноста на трговскиот центар и затоа првенствено се фокусиравме токму на нив. Со нив се подобрува преговарачката позиција и со останатите закупци. Инаку, поради големината на пазарот, дел од брендовите тука доаѓаат како франшизери, што е вообичаено за ваков тип центри во релативно мали пазари. Франшизерите имаат договори со трговските марки и врз основа на тоа отвораат продавници. Дополнително, големи закупци се супермаркетот, продавницата за бела техника, за мебел и покуќнина, голема игротека, киносали. Сѐ на сѐ, трговскиот центар Ист гејт мол ќе има 260 единици со различни брендови. Ова е бројот на закупците со кој до овој момент оперираме.

Трговскиот центар носи странски марки и стимулира увоз. На кој начин може уште еден трговски центар да помогне да се развие локалната економија?

Ние живееме во едно глобално општество. И Македонија како мала отворена економија се наоѓа во таа глобализација, и треба да ја најде својата конкурентска предност на меѓународниот пазар. Во услови на глобализам, кога може да се пазари и преку интернет, се губат оние условно кажано физички граници. Со самото тоа што во околината, на пример во Софија има 9 трговски центри, на Косово 2, во Белград 8, Солун 8, на потрошувачот му се дава голем избор. Дали ќе оди во странство или ќе купува локално - нема разлика.

Не дека стимулираме увоз, туку сме дел од еден глобален пазар и глобална економија. Со Ист геј мол правиме обид тој промет да остане дома, со што средствата на купувачите ќе се потрошат дома, ќе се покрие данок на додадена вредност во земјата и тоа има придобивка на развој на локалната економија. И она што е најважно е дека со отворањето на трговскиот центар се отвораат 2.500 нови работни места и 500 дополнителни вработувања поврзани со функционирањето на самиот трговски центар, кој бара една сериозна логистика. Значи само компанијата за одржување на центарот ќе вработува 140 лица, што дополнително, индиректно се доаѓа до таа бројка од околу 3.000 вработувања, што значи 3.000 плати со платени придонеси кон државата.

Дали Ист гејт мол ќе претстави домашни имиња и во кој процент во вкупниот микс на закупци? Дали има поатрактивни услови за домашните текстилни производства и брендови, кои се борат да бидат видливи на македонскиот пазар?

Зависно од големината и пазарната позиција, присутни се и голем број на македонските компании со свои брендови или франшизери. Повеќе од 20 проценти од бруто-издадената површина на центарот ќе бидат локални брендови, кафетерии, ресторани.

Што ви покажаа анализите, вашите истражувања на пазарот... кои ќе бидат муштериите?

Ако ме прашувате во однос на возраста – од 7 до 77. А од аспект на граѓани, ние сме регионален трговски центар, нашите процени покажуваат дека ќе успееме да обезбедиме потрошувачка публика во радиус од 200 километри – Косово, јужна Србија до Ниш и цела Македонија. Пред коронакризата, нашите проекции беа на 12 милиони посетители годишно. Сега таа проекција е некаде околу 10,5 до 11,5 милиони посетители годишно.

И коригираната бројка е голема.

На пример, трговскиот центар Сити мол, кој е со 40 отсто помала површина, во 2019 имаше осум милиони посетители, што за таа големина на трговски центар не е мала бројка.

До каде сте со реализацијата на станбениот и деловниот дел од целиот овој проект?

Станбениот дел ќе почнеме да го градиме во април, првиот дел од четирите станбени згради. Проектната документација е завршена, дадена е пресметката до Град Скопје, поднесено е барањето за издавање дозвола и до крајот на месецов таа дозвола за градба би требало да ја добиеме. Првата фаза ќе биде завршена до 2022.

Што се однесува до бизнис-центрите, нема да одиме според моделот прво да градиме, па да бараме закупци. Донесена е одлука да не влегуваме во инвестиција за непознати закупци, туку ќе одиме со стратегија да градиме згради само за познат закупец. Веќе разговараме со неколку компании за овој модел на вложување. Значи врз основа на техничка спецификација на одредена компанија, ние ќе ја изградиме зградата и потоа компанијата ќе има можност да ја закупи или да ја купи како деловна зграда. Не е исклучена можноста, доколку се најдат инвеститори чија примарна дејност е изнајмување на деловен простор, тие да ја откупат, па потоа да издаваат.

По што ќе се разликува овој трговски центар од другите?

-Понудата нема да биде стандардна. Секој трговски центар си има свои специфики. Делот за забава во Ист гејт мол ќе биде позастапен, 20% од целиот простор. Во САД на пример тој процент веќе оди и до 40%, но таму трендовите се поинакви поради растот на интернет-трговијата. Таму имаме бран на затворање на големите трговски центри и тие сѐ повеќе се преориентираат на забавниот дел.

Но во Скопје се изградија многу трговски центри. Што ќе биде поинакво тука?

-Големината и понудата. Не би правел паралела на пример на Капитол мол, трговски центар од 12.500 квадрати, со Ист гејт мол од 57.000 квадрати. Има материјална разлика и од големината и во понудата. Најголемиот трговски центар во Скопје на пример има 37.000 квадратни метри. Самата големина дава можност за поголема разновидност на понудата и поинакво потрошувачко искуство.

Вашата порака е дека ова ќе биде „центар-дестинација“. Што значи тоа?

-Ова значи дека овој трговски центар ќе даде понуда што на потрошувачот ќе му овозможи да ги најде сите услуги на едно место. Овој трговски центар по својата физиономија е способен да привлече и стандардни туристи. На пример, ние сакаме да ги привлечеме и сите оние транзит-туристи што секое лето патуваат низ Македонија на летување во Грција. Со соодветна понуда и со атрактивноста на закупците можеме еден дел од тие туристи во летните месеци да ги донесеме тука. Од Солун до Белград нема таква попатна станица. Тоа ни е планот, тие туристи од Полска, Чешка, Романија, Србија да ги привлечеме тука, да застанат, па и да преноќат. Кога се планира летен одмор, се планира и шопинг.

Сметате дека има пазар за уште еден, уште поголем трговски центар?

-Пред да влеземе во една ваква инвестиција направени се три физибилити-студии, една наша и две од независни консултантски компании. Сите студии покажаа и го потврдија она што беше и наша процена за капацитетот и просторот. Вториот момент е тоа што целиот проект помина низ ригорозна процена и кај банките, кои го помогнаа овој проект од 72 милиони евра. Пет банки застанаа зад овој проект. Имаме повеќестепена потврда на физибилноста на проектот. Како групација, како дел од групацијата Балфин имаме искуство во овој бизнис. Оваа групација до 2016 го поседуваше Скопје сити мол, има два трговски центри во Тирана, па оттука состојбата на пазарот ни е добро позната. Презентиравме бизнис план потврден од повеќе независни страни и немаше зошто да не се влезе. Се разбира постојат и ризици. Никој не можеше да ја предвиди пандемијата, но ќе помине и таа криза и ќе продолжиме со нормалниот живот.

Што Ве предизвика да ја прифатите оваа позиција? Имате богата биографија во банкарството, во НБРМ, во една комерцијална банка...

-13 години работев во Народната банка на РСМ, потоа три години како главен оперативен директор во Алфа банка, потоа во Нептун ја дизајнирав целата гама за развој на продажбата односно „Лојалити програмата” и „Хепи” картичката на Нептун, која сѐ уште функционира.

И во овој проект, Скопје ист гејт, бев вклучен од самиот почеток, јас ги правев почетните анализи. Сѐ почна со пет бројки на еден лист хартија. Проектот почна со идеја за просторот што банките го имаа како обезбедување по еден нефункционален кредит. Имајќи предвид дека бев инволвиран во целиот процес од самиот почеток, како и претходното работно искуство, акционерите одлучија да ми ја доверат должноста да го менаџирам проектот за што сум многу благодарен. Ова е навистина уникатен проект за еден ваков мал пазар, и голем предизвик за мене.

И така го оставивте Скопје без саем...

-Не ние, туку Скопски саем, компанијата што го менаџираше саемот, го остави Скопје без саем.

За жал, таа компанија била доведена во таква ситуација и банките како кредитори со својот проблем на изложеност кон нив мораа да барат решение. Банките не се социјални институции. Имаат свои стандарди на работење, тие се дел од меѓународни банкарски групи, имаат обврски кон акционерите, тоа беше деловна одлука на банките и ние, условно кажано, им помогнавме на банките со тоа што најдоа купувачи на овој пазар. Банките најдоа сериозен партнер во инвеститорите Балфин и семејството Папранику, кои имаат инвестициски фокус на во овој регион. Така беше донесена одлуката да се инвестира. До денес во проектот се вложени над 50 милиони евра капитал на акционерите. Сметаме дека инвестицијата од овој размер има големо значење за развојот на економијата на нашата земја, особено во услови на намален обем на инвестиции во екот на ковид-19 пандемијата.

https://www.mkd.mk/makedonija/ekonomija/igor-davkov-ist-gejt-mol-poinakvo-potroshuvachko-iskustvo-za-site-vo-regionot?

Мене, пак, ова ми падна в очи. Со други зборови, ако нема закупци, нема ни деловни згради, така го разбирам пасусов.

Originally posted by stef4o До каде сте со реализацијата на станбениот и деловниот дел од целиот овој проект? Станбениот дел ќе почнеме да го градиме во април, првиот дел од четирите станбени згради. Проектната документација е завршена, дадена е пресметката до Град Скопје, поднесено е барањето за издавање дозвола и до крајот на месецов таа дозвола за градба би требало да ја добиеме. Првата фаза ќе биде завршена до 2022. Што се однесува до бизнис-центрите, нема да одиме според моделот прво да градиме, па да бараме закупци. Донесена е одлука да не влегуваме во инвестиција за непознати закупци, туку ќе одиме со стратегија да градиме згради само за познат закупец. Веќе разговараме со неколку компании за овој модел на вложување. Значи врз основа на техничка спецификација на одредена компанија, ние ќе ја изградиме зградата и потоа компанијата ќе има можност да ја закупи или да ја купи како деловна зграда. Не е исклучена можноста, доколку се најдат инвеститори чија примарна дејност е изнајмување на деловен простор, тие да ја откупат, па потоа да издаваат.

Edited by Џоле - 22-Mar-2021 at 13:38

Значи толку од надежта дека некој голем странски бренд ќе има хипермаркет во трговскиов...ова се вика на здравје бричење и кратко потстрижување









Паѓаат во вода најавите за влез на „Лидл“ на македонскиот пазар, кој бренд ќе отвори маркет во „Скопје Ист Гејт“?




Компанијата „Тинекс“ ќе отвори хипермаркет кој ќе e комбиниран формат на Супер Тинекс и сегментот на Тинекс Деликатесен со одбран асортиман. Ова во интервју за Скопје Инфо го открива извршниот менаџер на „Скопје Ист Гејт“, Игор Давков.

Тој додава дека хипермаркетот кој ќе го оперира Тинекс се простира на 2.000м2 и се вбројува во таканаречените ,,анкори” закупци кои се реномирани на пазарот и привлекуваат голем број на купувачи.



Хипермаркетот е единствениот маркет во трговскиот центар и тој простор го закупува македонска компанија со долгогодишно искуство во индустријата, вели Давков во интервјуто.

Со ова паѓаат во вода најавите и шпекулациите дека маркет од брендот „Лидл“ ќе биде отворен во новиот шопинг мол.




https://skopjeinfo.mk/pagjaat-vo-voda-najavite-za-vlez-na-lidl-na-makedonskiot-pazar-koj-brend-kje-otvori-market-vo-skopje    

Edited by mr bombastic - 24-Mar-2021 at 01:47

Ист гејт мол“ очекува 12 милиони посетители за првата година

Ист гејт мол“ очекува 12 милиони посетители за првата година. Од наесен, Скопје го добива „Ист гејт мол“, кој ќе биде најголем од ваков вид во регионот. Модни брендови, игротека, кино сали, ресторани, салони за мебел и бела техника распослани на 57 000 метри квадратни. Инвестицијата ќе чини 103 милиони евра.

За само една година, предвидувањата на менаџментот се дека ќе успеат да привлечат до 12 милиони домашни и странски посетители. За процесот на градба кој се уште тече, брендовите кои ќе бидат присутни за потрошувачите, но, и за колку време очекуваат поврат на инвестицијата, разговаравме со Игор Давков, генерален меџанер на компанијата во „Скопје ист гејт“.

рговски центар адаптиран за секоја ситуација
Отворањето на „Ист Гејт Мол“ се најавува за оваа есен? Дали пандемијата со ковид-19 би можела да ги помести плановите и пролонгира рокот?

– „Ист Гејт Мол“ се отвора на есен за посетители. Научивме да работиме во условите кои ги наметна пандемијата и тоа е „новата нормала“. Со адаптирана методологија со онлајн алатки преку кои тимски можеме да бидеме во тек со сите активности. Но, и да бидеме физички присутни на градилиште со заштитна опрема за да го следиме прогресот на градбата.

Го следиме текот на пандемијата и ги следиме мерките во целост. Безбедноста, удобноста и комфорот се адресирани во aрхитектурата и инфраструктурата на трговскиот центар.

Ист Геј Мол“ е граден според најнови меѓународни стандарди. Ги имплементиравме сите достапни механизми со цел да го адаптираме трговскиот центар за која било ситуација и да овозможиме заштита и комфор за посетителите. „Ист Гејт Мол“ е подготвен да ги почитува сите мерки што ќе ги препорачаат регулаторите и здравствените институции. Со новите VRV-системи на вентилација, со антибактериски филтри кои обезбедуваат свеж доток на воздух, се овозможува високо ниво на заштита и висок степен на комфор и безбедност за посетителите.

Над 90 проценти- веќе издаден
Со оглед на тоа дека „Ист Гејт Мол“ ќе биде најголем по површина во регионот, имате ли проекции за тоа колку домашни, а колку странски посетители би можеле да се очекуваат во период од една година?

– „Ист Гејт Мол“ ќе биде најпопуларното место за посета. Проценуваме дека околу 10-12 милиони луѓе ќе го посетат центарот во првата година од отворањето. Од нив минимум 20 отсто ќе бидат странски посетители. И тоа туристи, патници, транзитери кои го користат коридорот А1 и Е75.

Колку од просторот досега е веќе закупен?

– Во моментов трговскиот центар е издаден над 90 проценти. До отворањето есенва, очекуваме да стигнеме над 97 отсто од вкупната закупена површина. Најголемите површини на трговски единици поголеми од 500м2 се веќе издадени. Двата доминантни модни синџири закупуваат 26,3 отсто од целата површина во центарот. Тоа се големите анкори Индитекс со целото портфолио (ZARA, ZARA HOME, MASSIMO DUTTI, BERSCHKA, PULL AND BEAR, STRADIVARIUS, OYSCHO) со вкупна површина од 8.400м2. А вториот е ЛПП со сите пет бренда (RESERVED, MOHITO, CROPP, HOUSE, SINSAY) со вкупна површина од 6.800м2.

Модните содржини се доминантни и се простираат на повеќе од 50 отсто, а забавните содржини ќе окупираат скоро 20 проценти од површината на целиот трговски центар.

http://antoris.mk/ist-gejt-mol-ocekuva-12-milioni-posetiteli-za-prvata-godina/

Почнале со активности кај станбениот блок(од фб)