Коритото и кејот на Вардар низ Скопје

Пред и потоа Не ми се верува колку е запуштен кејот, и тоа среде центар.





извор: фб страницата на Шилегов

Со тие такси кои домаќинствата ги плаќаат на општината за комуналии и слично, понекогаш и ние очекуваме чуда. Неможе Скопје никад да биде средено како што ни се сака,ниту приближно како во Словенија а да не правиме муабет за понатаму Централна Европа, за Запад и Север не вреди да се спомиња.

И не само за ова, него кај нас издатоци кои се плаќаат за имање кола,данок на стан (втор,трет,пети),инвеститори при градба итн се симболични споредени со оние што се плаќаат по Европа.

Edited by kiriOK - 14-Dec-2020 at 06:11

Да, јас мислам треба да ги имаме истите такси и надоместици како во Шведска, едноставно нашите плати тоа го дозволуваат, нема никаков проблем да има.

Настрана сарказмот, кај нас недостигаат пари затоа што комуналните претпријатија служат за собирање на партиски и социјални случаи. Со ефикасно водење дури и вишок пари ќе им останат.

Пешачев денес по левата страна на кејот, од поранешна Градска куќа (сега седиште на ЕВН) до мостот на бул. 8 септември. Накратко, многу ѓубре, диви депонии, посебно кај што имаше дива ромска населба, тој дел е страшен, насекаде ѓубришта, остатоци од палени кабли, пластични шишиња, секаков вид отпад, тука ако поминеш со велосипед сметај дека десетпати ќе ти се дупне гума од скршените стакла. И така е до почетокот на комплексот Ента Сеал, потоа станува нормално и релативно чисто. Ова е огромен простор, погоден за рекреација, но сè додека не се направи некаков зафат од големи размери, пред сè за негово чистење и оспособување за пешачко-велосипедско спортување, ќе си остане една голема депонија отспротива на Градски парк. Толку од мене.

Ах, ова зборавив да го додадам - Вардар преполн со пластични шишиња.

Edited by Џоле - 20-Dec-2020 at 20:27

А бе, спроти стадионот во Вардар имаше фрлен телевизор Толку бев шокиран што заборавив да сликам

Edited by Џоле - 20-Dec-2020 at 20:45

Од 18.12.2020(петок) локалите се ограничени да работат до 18:00 забранети се било какви собирања и прослави,видеото мислам е направено ден-два пред да стапи на сила новата мерка. Претходно им беше дозволено да работат до 21:00 инаку полициски час нема.

Edited by stef4o - 20-Dec-2020 at 21:56

Originally posted by Џоле Пешачев денес по левата страна на кејот, од поранешна Градска куќа (сега седиште на ЕВН) до мостот на бул. 8 септември. Накратко, многу ѓубре, диви депонии, посебно кај што имаше дива ромска населба, тој дел е страшен, насекаде ѓубришта, остатоци од палени кабли, пластични шишиња, секаков вид отпад, тука ако поминеш со велосипед сметај дека десетпати ќе ти се дупне гума од скршените стакла. И така е до почетокот на комплексот Ента Сеал, потоа станува нормално и релативно чисто. Ова е огромен простор, погоден за рекреација, но сè додека не се направи некаков зафат од големи размери, пред сè за негово чистење и оспособување за пешачко-велосипедско спортување, ќе си остане една голема депонија отспротива на Градски парк. Толку од мене. Ах, ова зборавив да го додадам - Вардар преполн со пластични шишиња.

Се додека има диви населби преполни со смет,спалување отпад и отсуство на било какви интересни содржини левата страна од кејот нема да заживее,и спроти ПИОМ е ужас невиден. Спроти стадионот(под Кале) имаше дива населба сега чинам ја срушија ама просторот е приватен и си остана така неисчистен и честопати беше место за спалување кабли. Ако се урбанизира потегот спроти ПИОМ кон Космос можеби малку ќе живне таа страна ама дотогаш тешко а за точак дури и неизводливо особено на одредени делници полни со со скршени стакла и друг остар отпад. Пластичните шишиња ги има многу особено ги имаше доста околу галиите и градилиштето за панорамското сега незнам како е дали нешто имаат потсредено на тој дел.

Одличен проект, за првпат исчистен овој дел од кога е направен кејот. Нема потреба од реновирање веќе.

ПО 8 ГОДИНИ КОНЕЧНО СЕ ОСЛОБОДУВА ПАТЕКАТА НА КЕЈОТ, КАЈ НОВИОТ ПЕШАЧКИ МОСТ ВО ЦЕНТАР

Екипите на Град Скопје почнаа да го расчистуваат кејот на реката Вардар околу новиот пешачки мост кај зградата на Македонскиот народен театар.
Овој дел од кејот скоро 8 години не беше прооден за пешаци и за велосипедисти поради градежните работи и натрупаниот градежен материјал поради изградбата на „Панорамското тркало“. Изградбата на мостот е готова, „Панорамско тркало“ нема, а сега се работи на конечно ослободување и на оваа делница од кејот, за граѓаните да можат непречено да ја користат.
Од овој потег досега се подигнати 27 кубни метри градежен материјал. Чистењето ќе продолжи и во наредните денови.
Значајно е да се нагласи дека активностите на Град Скопје за чистење на кејот на реката Вардар продолжуваат и оваа година. Се расчистуваат и уредуваат пешачките патеки, се чистат калдрмата, каменот и коритото на реката.
Дополнително, се корнат гранки, треви и грмушки со кои се обраснати делови од кејот, се кастрат дрвјата, се уредува зеленилото и се чисти ѓубрето.









https://www.facebook.com/CityofSkopje/

Тоа бара проект, знаете како е, па тендер треба да се распишува, постапка е знаете...

Чисто доловувам како би изгледал одговор од Град Скопје