Турски театар

Штета што стаклениот дел на фасадата не е свртен кон булеварот одзади, па некако театаров изгледа како скриен меѓу зградите.

ПО ДЕВЕТ ГОДИНИ ОД ПОЧЕТОКОТ НА ГРАДБАТА, ГОТОВИ СЕ ФАСАДАТА И КРОВОТ НА ТУРСКИОТ ТЕАТАР ВО СКОПЈЕ





Завршуваат последните активности околу изградбата на фасадата и кровот на новата зграда на Турскиот театар во Скопје, со кои објектот ќе биде целосно затворен, вели за САКАМДАКАЖАМ.МК директорката Ајлин Емин-Скоро. Објектот, кој се наоѓа во населбата Пролет близу железничката станица, почна да се гради пред девет години, а следна е фазата за внатрешни инсталации.

„Архитектонскиот израз е пронајден во примената на современи градежни материјали кои го обвиткуваат објектот – стакло и метал, софистицирано аплицирани во форма на двојна структурална фасада, која е геометриски и колоритно третирана со транскрипција на елементи карактеристични за ориентот.
Објектот на Турскиот театар во Скопје е замислен да функционира како културен центар за приближување и промовирање на турските култура и традиција кон секојдневниот живот на градот и државата. Затоа тој претставува комлексна целина која во себе го интегрира театарот со сродни функции, како што се галерија, мала сала, национален ресторан, културен инфо-центар и слично, со цел да се овозможи зголемен интерес за посета на објектот“, вели директорката.

Објектот е проект на Министерството за култура и институцијата Турски театар, кој се јавува како инвеститор. Автор на идејното решение е архитектот Виктор Михајлов, кој е автор и на објектот на Филхармонијата. Театарот има две сали, голема со 329 места и мала со 120 места. Функционално, објектот е на седум нивоа, од кои пет надземни и два подземни.

Изградбата на карабината почна на 23 јуни 2014, а беше завршена и примопредадена на 15 јуни 2017. Театарот почна да се гради како еден од капиталните проекти на тогашната влада на ВМРО-ДПМНЕ со премиерот Никола Груевски и министерката за култура Елизабета Канческа-Милевска.

Скопскиот Турски театар е единствениот театар на Балканот кој опстојува 73 години како национална установа поддржана од Министерството за култура, кој претставите ги игра на турски јазик надвор од границите на Турција. Откако почна да се гради новиот објект, Турски театар ги користи просториите и сцената на Театар Комедија. Претходно, Турскиот и Албанскиот театар со години заедно работеа во Театарот на народностите во скопската Стара чаршија.

https://sdk.mk/index.php/kultura/po-devet-godini-od-pochetokot-na-gradbata-gotovi-se-fasadata-i-krovot-na-turskiot-teatar-vo-skopje/?

Стаклената фасада е завршена,ќе видиме дали ќе се продолжи со активности во внатрешноста или повторно ќе има застој

Јужната страна е веќе застаклена

Денес поминував оттука:

Originally posted by user8642 Јас мислам дека објектов ќе се пренамени. Е сега малку специфичен е, не е баш како што АДСДП се пренамени во Министерство за Политички Систем, ама со оглед на тоа што турската заедница во Македонија не е на ниво на значаен политички фактор, а и тоа што турската заедница е ставена на располагање на дуи, мислам дека многу брзо ова ќе стане втор албански театар.

Вицеминистерот за политички систем (Џабир Доко), од турската партија, е режисер по струка. Ми делува ко можеби да има некое влијание тоа на забрзувањето на темпото на тетарот.

Јас мислам дека објектов ќе се пренамени. Е сега малку специфичен е, не е баш како што АДСДП се пренамени во Министерство за Политички Систем, ама со оглед на тоа што турската заедница во Македонија не е на ниво на значаен политички фактор, а и тоа што турската заедница е ставена на располагање на дуи, мислам дека многу брзо ова ќе стане втор албански театар.

Денешни

Деновиве почнаа со местење на метални профили веројатно за застаклување на објектот