Лоша изведба на фасада на зграда

Ќе ве замолам за совет.
Живеам во зграда стара 5-6 години, значи новоградба.пред некој ден забележав дека фасадата на зградата е скроз 'ишарана' со хоризонтални и вертикални линии појавени мислам после дождовите од пред 10-тина дена. значи изгледаат како мрсни хоризонтални линии по цела површина на фасадата, под секој кат (прозор) или на висина на катот, и вертикални линии како да има течење. Во разговор со некои од комшиите разбрав дека кај голем дел од нив во текот на овие години се јавила влага и мувла.
прашањата ми се:
1. дали имаме основа како заедница на станари (куќен совет) да бараме целосна реконструкција на фасадата од инвеститорот на негов трошок, со оглед дека зградата е сепак новоградба? потребно ли е мислење од вештак?
2. постои ли некаква регулатива што бара минимум гаранција за фасада?

За фасадата не сум експерт но мислам дека нема ништо да постигнете, сепак се работи за држава во која воздухот е прилично загаден во градовите особено во Скопје, а со тоа и фасадите ќе се изобличуваат и ќе менуваат бои, особено околу прозорите, лимовите и самите вертикали за одвод на дождови (олуци) бидејќи тие имаат боја која со тек на време отпаѓа ,а тука спаѓаат и прашини и останати работи, сето тоа се насобира на фасадата која ги упива боите. Може да се види тоа и на новите објекти од Скопје 2014 на кој веќе одамна има дамки ,линии и шаренила.

Тоа со мувлата и влагата. Претежно новите фасади се прават со стиропор ,а стиропорот не му овозможува на ѕидот да дише па создава некаков вид на топлина, исто така претпоставувам дека дограмата во становите е со солидна изолација (најверојатно пвц) а и таа не овозможува дишење и затоа е препорачливо да се проветрува почесто за да не дојде до појавување на влага и мувла.

Се на се не верувам дека проблемот ќе го решите судски ,односно пробајте да најдете некое друго решение.