build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Проблем со летните тераси

Bookmark and Share
 Post Reply Post Reply Page  <1234>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #21 Posted: 03-Oct-2009 at 15:25
ГРАДСКАТА ИНСПЕКЦИЈА ВО АКЦИЈА
Од три кафулиња во Аеродром одземена опрема

Град Скопје, со асистенција на полицијата, вчера организира акција за подигање урбанистичка опрема од три кафулиња кои се наоѓаат на улицата Владимир Комаров во општината Аеродром, во близина на слаткарницата „Палма“. При редовна контрола од страна на инспекциските служби на Градот, биле забележани низа неправилности во работењето на трите кафулиња и недозволено поставување урбанистичка опрема на јавна површина. - Град Скопје од нас побара асистенција за подигање урбанистичка опрема, која незаконски била поставена на јавна површина во општина Аеродром. Полицијата веднаш излезе на терен, а одземањето на опремата траеше околу еден час и акцијата помина без какви било проблеми и“вели Лиза Бендевска, портпаролка на СВР Скопје. Од Град Скопје најавуваат дека и во иднина инспекциските служби ќе прават обиколки по кафулињата.

Е.М.



http://vreme.com.mk/DesktopDefault.aspx?tabindex=3&tabid=1&EditionID=1829&ArticleID=123091
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #22 Posted: 29-Oct-2009 at 15:56

Сезоната за летните тераси завршува утре

Град Скопје ги потсетува сопствениците на угостителски објекти дека во согласност со Одлуката за поставување мебел и опрема на јавни површини, на 30 октомври, односно утре, истекува рокот на дозволата за поставување на летните тераси.

По истекувањето на рокот надлежната градска инспекција ќе излезе на терен и ќе ги казни угостителските објекти кои нема да го испочитуваат предвидениот рок.


http://dnevnik.com.mk/?ItemID=DB184583A98B9A4D8FB39200E4414D36
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #23 Posted: 02-Nov-2009 at 22:18
Ама кај нас прописите се многу релативна работа...

Crazy

Додека има сонце ќе има и летни тераси





 

Од градот најавуваат дека нивните инспектори следните денови постојано ќе бидат на терен и ќе ги казнуваат угостителите што нема да ја почитуваат оваа одлука, односно ќе им бидат собрани масите и столовите

 
 
%20  
Иако на 30 октомври заврши сезоната за поставување на летните тераси пред кафулињата, сепак некои од сопствениците на локалите го искористија сончевото време изминатиот викенд и се распослаа со неколку маси и столови. Тоа беше случај со неколку кафулиња на улиците Македонија и на Ленинова, како и на кејот „13 Ноември“, каде што делот пред локалите веќе е ограден со најлон и со тоа подготвен за зима.

Кафеанџиите велат дека собрале голем дел од урбаната опрема од терасите, но дека временските услови се поволни, граѓаните бараат да седат надвор, па се случува да извадат неколку маси.

- Само неколку часа во текот на денот, додека има сонце, ги вадиме масите и столчињата, а потоа ги собираме. Го почитуваме Законот, но мислиме дека на никого нема да му пречиме ако уште некој ден опремата ја оставиме надвор. Се противам на узурпирањето на простор со најлони. Тоа не е изгледа убаво - објасни сопственик на кафуле на улицата Ленинова.

Тој додаде дека не треба на едни да им се дозволи да оградат одреден простор пред локалите, а другите да се казнат.

Од градот најавуваат дека нивните инспектори следните денови постојано ќе бидат на терен и ќе ги казнуваат угостителите што нема да ја почитуваат оваа одлука, односно ќе им бидат собрани масите и столовите. Оттаму додаваат дека нема да бидат поштедени најлон терасите на кејот „13 Ноември“.

- Ќе се тргнат терасите од вториот дел, односно од пешачката патека на кејот, но сé уште не знаеме дали ќе им дозволиме да остане заграден просторот пред кафулињата. Чекаме да се договориме со општината Центар и да најдеме едно решение со кое ќе се решат сите проблеми што се јавуваат со летните тераси. Во секој случај, угостителите што нема да ги почитуваат одредбите на правилникот ќе бидат санкционирани - објасни градоначалникот Коце Трајановски.

%20


Изминатите пет години не се најде решение за узурпирањето на јавните површини, но оваа година градот првпат ја презеде од општините надлежноста да ги собира парите од комуналната такса и да воспостави ред со летните тераси. Досега инспекторите од општината Центар не ги казнуваа оние што не го почитуваат Правилникот за користење јавна површина.

Постојано се случуваше да излезат на терен еднаш и да соберат маси и столови од неколку кафулиња, но наредниот ден угостителите повторно по истата шема вадеа нови маси и столчиња.

Граѓаните велат дека надлежните треба посериозно да се занимаваат со овој проблем, бидејќи поради летните терасите тие се движат по улиците.
 
   
Автор: Р.З.


http://www.novamakedonija.com.mk/NewsDetal.asp?vest=11291014275&id=14&setIzdanie=21826
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #24 Posted: 14-Dec-2009 at 02:12

Чистка на најлон-маалото до Нова година

Кафе-барот „Тренд“ на плоштадот Македонија и речиси сите кафулиња на Кејот 13 Ноември не го почитуваат предупредувањето од Општина Центар итно да ја отстранат урбаната опрема пред објектите. Иако сезоната за летни тераси заврши пред еден и пол месец, некои угостители продолжуваат нелегално да го узурпираат јавниот простор, кој го оградуваат со најлони, како што правеа и во изминатите пет-шест години.

Општина Центар на несовесните кафеанџии пред десетина дена им наложи површината пред објектите да ја приспособат за непречено користење од пешаците, бидејќи сезоната за користење на јавните прометни површини трае до 31 октомври. Најавија дека во спротивно инспекциските служби ќе ја отстранат нелегално поставената урбана опрема, но досега не го направија тоа.

Градоначалникот на Центар, Владимир Тодоровиќ, најави акција по која состојбата со летните тераси ќе биде доведена во ред.

- Нашата инспекција до Нова година ќе излезе на терен и со асистенција од полицијата ќе го собере тоа што смета дека не е законски поставено. Впрочем, тоа и сами ќе го видите на терен. Ќе се реагира и на Кејот и на улицата Македонија, таму каде што сопствениците на локалите не ја почитуваат регулативата - вели Тодоровиќ.

http://dnevnik.com.mk/?ItemID=0ADD8277EA342540A56A4572AA851E8A
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #25 Posted: 14-Dec-2009 at 13:52
Crazy

Од 31 Октомври до нова година има цели 2 месеци... кога веќе од општина центар се до толку стрпливи, нека почекаат уште некој месец за повторно да почне летна сезона и да не мора да се „замараат“ со проблемов.

Всушност, зошто да веруваме дека ете барем до нова година ќе ја средат состојбата? Затоа што до сега си „стоеја“ на збор?
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #26 Posted: 18-Dec-2009 at 15:42

Долгогодишната најлон-узурпација станува легална


Од градската управа велат дека само четири кафулиња до сега побарале дозвола за поставување зимски тераси, можност што се отвора со измените во Законот за градење и со која илјадници квадратни метри јавна површина најверојатно засекогаш ќе им бидеодземена на пешаците




Од април до октомври легални, со багателна кирија, а од ноември до март на диво, со најлони и со грејачи и одвреме навреме понекоја „држ-не дај“ акција на градежните инспектори. Ваква беше досега приказната за популарните кафулиња и за нивните летни тераси, кои само го носеа тој назив, а стоеја цела година. Но со измените во Законот за градба се отвора можност илјадници квадратни метри јавна површина што им припаѓа на сите граѓани засекогаш да биде загубена поради бизнис интересите на угостителите. Со новите одредби се овозможува да се направат таканаречени зимски тераси, односно површините што се закупуваат за летната сезона да им се остават на користење на кафеанџиите и во зимската. За таа цел тие ќе може да се заградат, а градската управа е институцијата што ќе треба да одлучи дали тоа ќе може да се направи со најлони, со стакло, со метална конструкција или без ништо, само да се постават високи грејачи. Засега градот е со став дека не треба да има заградувања, бидејќи на тој начин настануваат привремени објекти.


И ГОДИНАВА ПРИКАЗНАТА Е ИСТА


Законската можност за зимски тераси е новина само на хартија, бидејќи на улиците тие постојат веќе неколку години. Познато е дека кејот 13 Ноември и улиците Македонија и Ленинова се најпопуларните локации каде што угостителите распослуваат маси и столови на јавните површини, пред се во лето, но се обидуваат да се задржат што подолго. И годинава состојбата е иста. Сезоната официјално заврши на 30 октомври, општината Центар испрати неколку предупредувања до кафеанџиите, а инспекциите направија обиди да ја соберат поставената урбана опрема.

На кејот 13 Ноември кафулињата „Рич“, „Ало Ало“ и ирскиот паб „Ст. Патрик“ ги затворија просторите непосредно пред локалите со најлони. Кубанскиот ресторан и „Плаза дел торос“ го направиле истото со конструкции од цврсти материјали и со стакло. Ресторанот „Ања“ има поставено најлони не само пред својот влез, туку и во средишниот дел. Само терасата на „Картел“ се уште е отворена. На улицата Македонија нема затворени тераси, поставени се само грејачи за да го затоплуваат отворениот простор. Слична е и состојбата со улицата Ленинова, каде што дел кафулиња се уште чуваат маси надвор и се обидуваат да искористат понекој последен сончев зрак.

Граѓаните коментираат дека на овој начин преку целата година губат површина што треба да служи за пешачење, а во многу случаи со тоа им се намалува и безбедноста во сообраќајот.

- Безбедноста е на ниско ниво, особено на улицата Ленинова, бидејќи целите тротоари се зафатени со маси, а од двете страни на коловозот се паркираат возила. На пешаците им останува да одат само среде улица. Одвај чекавме да заврши летото за кафулињата да се повлечат, но ништо од тоа. Ако им дозволат да останат цела година, пак, хаосот ќе биде неподнослив - велат жителите на Ленинова.


ЕДЕН КВАДРАТ ЧИНИ 15 ДЕНАРИ ДНЕВНО


Од градската управа велат дека само четири кафулиња до сега побарале дозвола за поставување зимска тераса, но не сакаат да откријат кои се и на кои локации закупиле јавен простор. Градот и Министерството за транспорт и врски се уште не се договориле дали ќе се вадат сезонски дозволи, прво за летна, па за зимска тераса, или ќе се издаваат годишни. Извесно е само дека закупувањето на просторот зиме ќе ги чини кафеанџиите исто како и лете, скромни 15 денари за квадратен метар дневно.

Градските власти цврсто уверуваат дека законските измени нема да овозможат неограничено ширење на кафулињата и преградување нови простори.

- Нема да биде дозволено класично затворање на терасите со најлон или со метална или дрвена конструкција и стакло. Таквите градби ќе имаат статус на привремени објекти и нема да се толерираат. Затоа секој што сака да си ја задржи терасата и во зимскиот период ќе може само да постави грејачи. Се уште нема одлука за времетраењето на дозволата. Законот е релативно нов и уште преговараме со министерството. Засега таа ќе биде сезонска, а во иднина може да се направи и годишна - објаснуваат од градската управа.

Драган Симоновски, портпаролот на Министерството за тра­н­спорт и врски, пак, вели дека за начинот на кој што ќе треба да се постават зимските тераси ќе одлучуваат локалните власти. Но тие ќе треба да се придржуваат кон упатствата што ги изработува надлежното министерство.




Советници од Центар загрижени за преградувањето

Дел советници апелираат до Владимир Тодоровиќ, градоначалникот на општината, и до инспекциските служби да ги отстранат сите конструкции што немаат добиено дозвола за поставување зимски тераси. Тие велат дека кејот 13 Ноември повторно е преполн со најлони и со цврсти конструкции.

- Сакаме да знаеме кои се условите за добивање дозвола за зимски тераси и колку од објектите во Центар имаат таков документ. Според тоа што ние сме го слушнале, дозвола имаат два-три локали, а целиот кеј личи на еден голем магацин, одделен со најлони. Преградите треба да се тргнат од сите места каде што стојат без одобрение. Нивното толерирање е неправда за тие што платиле - велат општинските советници.

http://novamakedonija.com.mk/NewsDetal.asp?vest=121891040473&id=14&prilog=0&setIzdanie=21865
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #27 Posted: 09-Jan-2010 at 06:32

Летни тераси работат и во зима

Иако уште пред два месеца требаше да бидат отстранети летните тераси и заградените најлон-површини од кафетериите во Велес, се' уште постојат и функционираат. Во друг случај, на главната улица Благој Ѓорев изминатиот период киосците што се привремени објекти преку ноќ станаа мини-маркети со двојно поголема површина. Граѓаните и конкуренцијата реагираа на ваквата состојба, бидејќи станува збор за узурпирање јавни површини, дивоградби, кои немаат документација.

Локалната власт знае за ваквата состојба, а не може да ја реши зашто нема извршна служба.

- Има многу вакви примери на градежна недисциплина кај сограѓани, откако во 2005 година на локално ниво беше спуштена ингеренцијата за извршната служба. Во Велес во овој период нема ваква служба и сега се обидуваме да ја надминеме состојбата со распишување оглас за фирма што ќе ги извршува овие работи - вели градоначалникот Горан Петров.

http://dnevnik.com.mk/?ItemID=25C824C9F91A27498CC7389BA8DCCF62
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #28 Posted: 16-Jan-2010 at 20:44
Конечно го подбраа Тренд Cheers


Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #29 Posted: 21-Jan-2010 at 03:09


А богами акцијата продолжи Cheers

Вистинска чистка на нелегалните тераси на кеј

Истовремено се вршеше безмилосно уривање на терасите на сите седум локали на шеталиштето. Кафеанџиите не даваа отпор

Како никогаш досега општинската инспекција од Центар вчера ги уриваше незаконски заградените тераси на кејот на Вардар. Педесетина ангажирани извршители од рано изутрина почнаа со демонтирање на најлоните, подовите и воопшто на сите делови од конструкциите од нелегалните градби. Безмилосна чистка истовремено се вршеше на терасите на сите седум локали на шеталиштето. Освен општинските работници во акцијата се вклучија и дел од сопствениците на кафулињата со свои работници. Иако револтирани, сепак, кафеанџиите не даваа отпор.

Милан Пижула, градежен инспектор во Општина Центар, објасни дека надлежните имале сознанија оти ниту еден од кафеанџиите не поседува дозвола за користење на терасите, но акција досега не била преземена, бидејќи Општината се' уште немала избрано фирма за уривање. 

„Тендерот конечно заврши и ангажирани се три фирми, или вкупно педесетина работници. Почнавме со уривање утринава и очекувам работата да ја завршиме најдоцна до понеделник“, изјави Пижула. 

Општинскиот инспектор немаше сознанија дали и кои дивозаградени тераси се следни на списокот за уривање, имајќи предвид дека на повеќе локации во Центар кафеанџии нелегално узурпираат јавни површини со месеци.



http://www.utrinski.com.mk/?ItemID=9928B7E1406EC544B566647789E07D49
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #30 Posted: 21-Jan-2010 at 03:53
Конечно нешто за пофалба  Cheers

Сепак, да не биде само чудо за три дена... доколку се јави потреба, веднаш да се интервенира повторно!
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #31 Posted: 21-Jan-2010 at 04:41
   Аха, дриим он... Доаѓа пролет, а со неа и печурките по дождот.
"Тaм, където глупостта е образец, разумът е безумие." Гьоте
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #32 Posted: 21-Jan-2010 at 08:51
Како почнаа, две маси, па церадар, па фрижидер за сладолен, па тенда, па ај ги сменија мсите со гарнитури, па маси скроз до кејот, ај покив, некои почнаа со дрвени конструкции. И така све тоа налепено, а не сме ни го приметиле како драстична промена. 
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #33 Posted: 25-Jan-2010 at 00:02

КАФЕАНЏИИТЕ БАРААТ ИЗМЕНА НА ЗАСТАРЕНИТЕ АДМИНИСТРАТИВНИ ОДЛУКИ


Нови правилници - лек за летните тераси


Угостителите се жалат дека Правилникот за поставување летни тераси и останатите законски норми се носат или задоцнето или пак со предлози кои тешко се спроведуваат на теренот


Кафеанџиите и угостителите бараат измена на актуелната законска регулатива од доменот на нивната дејност и итно донесување на нови акти во кои ќе бидат имплементирани и нивните предлози со што конечно би се ставило ред на јавните површини. Оваа иницијатива не е нова, но е актуелизирана деновиве откако Општина Центар почна да ја спроведува акцијата за отстранување на летните тераси од кејот 13 Ноември и плоштадот Македонија. Угостителите се жалат дека Правилникот за поставување летни тераси и останатите законски норми се носат или задоцнето или пак со предлози кои тешко се спроведуваат на теренот.
- Секоја година се повторува истата приказна. Се донесуваат административни одлуки, правилници, па измени, кои е тешко да се спроведат на теренот. Не сум изненаден од вакви ад хок акции бидејќи градските власти тоа го правеле и досега. Но, тоа не е решение. Ние сме подготвени да разговараме и сето она што е во интерес на Градот, општината и граѓаните да го прифатиме и да го спроведеме. Конечно, да изнајдеме вистинско, долгорочно решение. Оваа локација е навистина атрактивна, а на неа има место и за летни тераси и за пешаците, вели еден од угостителите на Кејот којшто деновиве остана без летна тераса.

И Македонската туристичка заедница - МТЗ ги повика сите градоначалници во државава да иницираат измени во своите индивидуални правилници и да побараат измена и дополнување во Законот за угостителска дејност. Тие предлагаат да се издаваат дозволи за вршење на угостителски услуги на јавните пешачки површини: плоштади, простори, пешачки улици и дозволи и за поставување на маси, столчиња, шанкови, фрижидери, мебел и др., но со услов корисниците да обезбедат услови за непречено и безбедно одвивање на пешачко движење. Тие предлагаат законски да се спречи поставувањето на архитектонски бариери кои можат да го попречат безбедното движење на пешаците или да го отежнат и оневозможат движењето на хендикепираните лица. Овие предлози МТЗ ќе ги достави до Владата и истовремено ќе покрене иницијатива за формирање на Министерство за туризам или да направи измена, туризмот да го префрли од министерството за економија во Министерството за локална самоуправа.

И скопјани немаат ништо против летните тераси, доколку се ослободи место и за пешаците и за угостителите. "Летните тераси се неопходни особено сега со новиот Закон против пушење. Ама кафеанџиите треба да имаат точно определена површина и доколку се прошират надвор од границите ригорозно да бидат санкционирани - сметаат тие.
Минатата недела Општина Центар успеа да ги отстрани конструкциите и летните тераси од Кејот и улицата Македонија.                                                                                                                              http://www.vecer.com.mk/?ItemID=FD7506BAB06FF040AD7301040F63A800      

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #34 Posted: 19-Feb-2010 at 11:35
ПРЕЦИЗИРАНИ ПРОПИСИТЕ ЗА ПОСТАВУВАЊЕ УРБАНИСТИЧКА ОПРЕМА
Летните тераси под строг режим

Кафеанџиите повеќе нема да можат да изнесуваат цели гарнитури и фотелји пред кафулињата затоа што се дозволени само лесноподвижни маси, столови, жардиниери, ограда, чадори, стреи или тенди. Сите овие елементи треба да бидат усогласени по боја и облик и да сочинуваат една естетска целина. Страните на тендата не смеат да се затвораат со најлон или каков било друг материјал заради изградба на зимска градина на јавна површина. Ова е дел од прописите во новите одлуки што ги донесе Советот на Град Скопје, во согласност со Законот за градење. Со градските одлуки се забранува да се поставуваат платформи или рампи пред кафулињата, освен ако служат за нивелирање на подлогата на теренот. Кога столовите и масите се на тротоар, мора да постои 1,5 метар простор за пешаци, а во централното градско подрачје, односно Малиот ринг, 2,5 метра. Ако сопственикот сака да постави опрема на површината која е во границите на заштитено подрачје или објект со посебен режим на користење, тој мора да има мислење од Државната управа за заштита на културно-историското наследство или од друга надлежна институција. Конечно, се разрешува и прашањето кој ја издава дозволата за поставување на урбанистичката опрема, а не како досега одобрението да се зема од две страни, и од Градот и од Општината. Со одлуката, сопственикот ќе вади дозвола од Градот ако локалот се наоѓа на површина под градска надлежност или од Општината ако се наоѓа на нејзино земјиште. Сепак, општинската дозвола ќе подлежи на претходна согласност од Градот. Доколку општината не сака да се ангажира за издавање дозволи, може да потпише договор со Градот и нему да му ја препушти обврската. Но, во тој случај ќе треба и парите од комуналната такса да ги дели по половина со градските власти. Одобрението за поставување опрема трае 24 часа ако се зема за еднодневни манифестации и презентации, еден месец доколку е наменето за подолготрајни настани и за изложби, сезонско од три до седум месеци, ако е за трговија на мало, и годишно, ако е за угостителство, трговија, градилиште и друга намена. За да го извадат документот, граѓаните треба да достават заверен елаборат со детални цртежи за тоа како планираат да ја постават опремата, колкава површина за пешаци и за пристап на итни возила ќе остават и да приложат доказ за платена комунална такса. Пресметката за таксата ја прави надлежниот Сектор за планирање и уредување на просторот. Ако сопственикот пред локалот изнесе опрема на поголема површина од таа во елаборатот или пак не постапува според мерките од инспекцијата, службите ќе му ја одземат дозволата и нема да му издадат нова во рок од шест месеци. Граѓаните ќе треба да го усогласат своето работење со одлуката во рок од еден месец, а ако не го направат тоа, опремата ќе им биде тргната на нивни трошок. Од Одделението за односи со јавност на Градот не одговорија со колку инспектори ќе ги спроведуваат одлуките, со оглед на тоа што во последниот извештај за работата на инспекцијата, овој сектор се жалеше за недоволна екипираност.

Прописи за се и сешто

Одлуката пропишува и како да се прават привремени паркиралишта и пешачки патеки на неизградено земјиште, како треба да се постават платформи за различни манифестации, сплавови за јавни настани на вода, информативни табли, летни дискотеки, дури и колкава површина смеат да зафатат тие што продаваат билети, весници, сувенири и цвеќе на отворено. Таа ги опфаќа и автобуските постојки, телефонските говорници, куќарките за чувари, јавните тоалети, тезгите, опремата за детски игралишта, фонтаните, чешмите, клупите, кантите и паркиралиштата за велосипеди.

http://vreme.com.mk/DesktopDefault.aspx?tabindex=0&tabid=1&EditionID=1948&ArticleID=134343
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #35 Posted: 19-Feb-2010 at 11:36
Сега системот е поставен, нема потреба ни кафеанџиите да импровизираат цели ресторани, а ниту градските власти да импровизираат акција. За поздравување полтикичката воља да се реши проблемов.
Back to Top
krale View Drop Down
Senior Member
Senior Member

БАНИРАН

Joined: 28-Dec-2009
Online Status: Offline
Posts: 1487
  Quote krale Quote  Post ReplyReply #36 Posted: 19-Feb-2010 at 15:03
Мислам дека прописите се малку престроги - па на што ќе личат кафичите и рестораните ако се поставуваат само пластични столици? Од друга страна кај нас, како и со пушењето, мора изгледа се да се забрани додека не се стави ред, па после може да се попушти за по некоја работа.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #37 Posted: 08-Apr-2010 at 11:11

Сите летни бавчи треба да имаат иста боја и височина, но и да бидат лесно расклопливи затоа што по завршувањето на работното време на кафулињата урбаната опрема ќе мора да се собира

 
 
%20  
Наскоро сите летни и зимски тераси во угостителските објекти во градот ќе треба да имаат чадори или, пак, тенди во иста боја. Тендите по кафулиња ќе треба да бидат со иста висина. Досегашните гарнитури за седење како двоседи, троседи и фотелји поставени на терасите ќе треба да се заменат со обични маси и столчиња. Сето ова е предвидено со новата предлог- одлука која градот ја достави до општините, кои се должни да ја изгласаат, но и да се грижат за нејзиното спроведување. Во иднина ниту едно кафуле не смее да постави платформа на јавна површина, оградите и жардиниерите не смеат да бидат фиксирани за земја, а нивната висина да не е поголема од 80 сантиметри. По завршувањето на работното време сопствениците на кафулињата ќе треба да ја соберат својата опрема. При поставувањето на масите и столичињата, кафеанџиите мораат да внимаваат да остават по 1,5 метар слободен простор за пешаците, а оние во Малиот ринг ќе мора да остават 2,5 метри слободен простор за движење.

- Оваа одлука е обид кафулињата во сите градски општини на некој начин да добијат ист унифициран изглед. По нејзиното усвојување од општинските совети, таа ќе се објави и во Службен весник, по што таа ќе стапи на сила и ќе важи на подрачјето на градот. Досега имавме проблем со поставување на урбаната опрема, но се надеваме дека овој пат оваа одлука успешно ќе се применува - ни изјавија од градот.

Одлуката досега помина на советот на општината Центар, а во другите ќе се разгледува деновиве. Од градот додаваат дека очекуваат најдоцна за две недели таа да се изгласа и на ниво на цел град.

Цената за квадратен метар површина на која се поставуваат летните тераси е иста како и досега - 15 денари.
Некои сопственици на кафулињата на кејот „13 Ноември“ велат дека не се многу сигурни во резултатот што ќе произлезе од оваа акција. Тие објаснуваат дека порано не можеле да се договорат со општинските власти само за поставување на масите и столчињата, а камоли пак, сега кога ќе треба сите да се договараат за тоа како да изгледаат локалите.

- Не знаеме ниту кој ќе одлучува, ниту, пак, на кој начин ќе се спроведе целата акција. Се надевам дека нема да претрпиме големи загуби поради овој проект. Минатата година, па и на почетокот на оваа, имавме проблем со општината Центар која ни ги отстрануваше терасите, дури ни ги извадија и платформите. Се надевам дека откако конечно ќе се донесе ова одлука, нема повеќе да ги имаме истите проблеми – велат кафеанџиите.     
 
                                                                                                                                                    http://www.novamakedonija.com.mk/NewsDetal.asp?vest=47101550555&id=14&prilog=0&setIzdanie=21953
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #38 Posted: 13-Apr-2010 at 00:59

„Тренд“ пак гради дивоградба

Од Општина Центар велат дека нема да се толерира никој што гради дивоградби, а најмалку на градскиот плоштад и тоа веднаш до споменикот на Ченто

Сопствениците на кафулето „Тренд“ на плоштадот Македонија деновиве повторно нелегално изградија подлога со натстрешница, под која е сместена голема летна тераса. За сопствениците, кои редовно бесправно ја поставуваат терасата, како да не значеше ништо тоа што пред само два и пол месеца градежната инспекција на Општина Центар ја урна претходно поставената натстрешница. За нив не важи ниту правилникот за поставување урбана опрема, кој неодамна го усвои Град Скопје, според кој, масите и столовите мора да се поставуваат директно на подлогата, односно на тротоарот, а врз него не смее да се зашрафува или гради друга подлога. Исто така, правилата не дозволуваат да се градат натстрешници, а гостите од сонце и дожд треба да се штитат единствено со чадори.

Инспекторите на општина Центар велат дека уште во саботата ги опоменале сопствениците на кафулето да престанат со изградбата, но тие продолжиле да градат со исто темпо. И вчера работници ја монтираа металната конструкција, а скопјани коментираа дека споменикот на Методија Андонов-Ченто, кој наскоро ќе биде поставен пред кафулето, нема да се гледа од огромната тераса.

Од Општина Центар вчера изјавија дека нема да го толерираат однесувањето на сопствениците и дека ќе го урнат објектот.

- Иако ги опоменавме уште во саботата да престанат со изградба на натстрешницата, тие продолжиле. Главниот градежен инспектор Милан Пижула го подготвува решението за уривање и штом ќе добиеме асистенција од полицијата, дивоизградениот дел „Тренд“ ќе биде урнат. Нема да се толерира никој што гради дивоградби, а најмалку на градскиот плоштад и тоа веднаш до споменикот на Ченто - велат од Општина Центар.

Сопствениците на кафулето вчера не беа достапни да и' објаснат на јавноста зошто повторно го узурпираат плоштадот и градат тераса без дозвола.

Тие со години ги игнорираат правилата на игра кога се летните тераси во прашање, па досега наместо едноставни летни тераси градеа цели куќи, односно поставуваа завеси, лустери, телевизори, гарнитури за седење, па дури и за лежење. И покрај тоа, за неколку години беа уривани едвај два-три пати.
 
Back to Top
Baze View Drop Down
Senior Member
Senior Member
Avatar

Joined: 08-Jan-2010
Location: Skopje
Online Status: Offline
Posts: 409
  Quote Baze Quote  Post ReplyReply #39 Posted: 13-Apr-2010 at 16:52
НОВ ПРА­ВИЛ­НИК НА ГРА­ДОТ ЗА РЕД НА ЛЕТ­НИ­ТЕ ТЕ­РА­СИ

Заб­ра­не­ти тен­ди и плат­фор­ми

На ке­јот 13 Но­ем­ври ма­си ќе смее да има че­ти­ри мет­ри пред ка­фу­ле­то, по­тоа сло­бо­ден прос­то­рот од де­вет мет­ри за пе­ша­ци­те, и пов­тор­но прос­тор од де­вет мет­ри за лет­ни те­ра­си. Во мо­мен­тов се од­ре­ду­ва прос­то­рот за лет­ни те­ра­си и на ули­ца Ма­ке­до­ни­ја

Сопс­тве­ни­ци­те на ка­фу­ли­ња­та оваа се­зо­на ќе сме­ат да пос­та­ву­ва­ат са­мо ма­си, сто­ли­о­ви и ча­до­ри на лет­ни­те те­ра­си. Ни­ту ед­на те­ра­са не смее да би­де ог­ра­де­на со ме­тал­ни конс­трук­ции и со плат­фор­ми. Ова е пред­ви­де­но спо­ред но­ви­от пра­вил­ник за лет­ни те­ра­си, кој го до­не­се Град Скоп­је, сог­лас­но За­ко­нот за град­ба, кој пред­ви­ду­ва уни­фи­ци­ра­ни лет­ни те­ра­си.
Спо­ред пра­вил­ни­кот, стро­го се од­ре­ду­ва и кол­кав прос­тор ќе мо­же да за­фа­ќа­ат ка­фу­ли­ња­та. На ке­јот 13 Но­ем­ври по­ве­ќе не­ма да би­де доз­во­ле­но ка­фе­ан­џи­и­те ма­си­те и сто­ло­ви­те да ги рас­пос­ти­ла­ат по це­ло­то ше­та­лиш­те. Ма­си ќе смее да има че­ти­ри мет­ри пред ка­фу­ле­то, по­тоа тре­ба да има сло­бо­ден прос­то­рот од де­вет мет­ри за пе­ша­ци­те, и пов­тор­но прос­тор од де­вет мет­ри за лет­ни те­ра­си. Во мо­мен­тов се од­ре­ду­ва и кол­кав прос­тор со ма­си и сто­ли­о­ви ќе мо­же да за­зе­ма­ат ка­фу­ли­ња­та на ули­ца Ма­ке­до­ни­ја, во Де­бар ма­а­ло и на ос­та­на­ти­те ло­ка­ции ка­де што има лет­ни те­ра­си. Сопс­тве­ни­ци­те на ка­фу­ли­ња­та ќе тре­ба, по за­вр­шу­ва­ње на ра­бот­но­то вре­ме, да ги со­би­ра­ат си­те ма­си и сто­ло­ви­те од јав­на­та по­вр­ши­на, а не ка­ко до­се­га, да сто­јат це­ла ноќ, ка­ко што бе­ше слу­чај со ке­јот 13 Но­ем­ври.
"Со овој пра­вил­ник лет­ни­те те­ра­си на ка­фу­ли­ња­та ќе би­дат уни­фи­ци­ра­ни. Не­ма ве­ќе да се доз­во­лу­ва ко­му ка­ко му тек­не да го ог­ра­ду­ва прос­то­рот со ме­тал­ни конс­трук­ции, да пос­та­ву­ва же­лез­ни тен­ди и др­ве­ни плат­фор­ми", ве­лат од Оп­шти­на Цен­тар.
Ин­спек­то­ри­те од оп­шти­на­та на чи­ја те­ри­то­ри­ја се на­о­ѓа­ат ка­фу­ли­ња­та кои не­ма да ги по­чи­ту­ва­ат од­ред­би­те од пра­вил­ни­кот ќе ги ури­ва­ат ди­во­из­гра­де­ни­те те­ра­си.(А.А.)

"Тренд" гра­ди ди­ва лет­на те­ра­са

Ка­фу­ле­то "Тренд" де­но­ви­ве пов­тор­но поч­на да го ог­ра­ду­ва прос­то­рот за лет­на те­ра­са со ме­тал­ни конс­трук­ции. Иа­ко од Град Скоп­је и од Оп­шти­на Цен­тар ги пре­дуп­ре­ди­ле ка­фе­ан­џи­и­те де­ка мо­ра да ги по­чи­ту­ва­ат од­ред­би­те на но­ви­от пра­вил­ник и де­ка, во спо­ро­тив­но, ќе би­дат ур­на­ти, сопс­тве­ни­ци­те на ка­фу­ле­то си те­ра­ат по свое.
"Ка­фу­ле­то 'Тренд' не смее да го ог­ра­ду­ва прос­то­рот со ме­тал­ни конс­трук­ции. До­не­се­но е ре­ше­ние за ури­ва­ње, и на­ши­те ин­спек­то­ри де­но­ви­ве ќе из­ле­зат на те­рен и ќе ин­тер­ве­ни­ра­ат", ве­ли Јо­ви­ца Ац­ков­ски, пор­тпа­рол на Оп­шти­на Цен­тар.

http://www.vest.com.mk/?ItemID=58C194A2223C4E4FA3F79A64D1401375


Edited by Cloverstack - 13-Apr-2010 at 17:20
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #40 Posted: 13-Apr-2010 at 22:06
 
 
дифрент енгл, се надевам не е стара
 
Back to Top
 Post Reply Post Reply Page  <1234>

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.