build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Проблем со летните тераси

Bookmark and Share
 Post Reply Post Reply Page  <1234>
Author
Message
  Topic Search Topic Search  Topic Options Topic Options
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #41 Posted: 13-Apr-2010 at 22:09


Дефинитивно е нова, ене го Ченто од десно
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #42 Posted: 20-Apr-2010 at 11:40
ЕТНИТЕ ТЕРАСИ СЕ ПРИСПОСОБУВААТ НА НОВИТЕ ПРАВИЛА
Чадори наместо стреи на улица Македонија

Роза Петкова

Улица Македонија осамна со црвени, бели, зелени чадори за сонце откако кафеанџиите почнаа да ја применуваат новата градска одлука за летните тераси. Одлуката наложува сопствениците на кафулињата да се откажат од досегашните тенди и стреи, па се чини исплашени од честите контроли на Општина Центар, сопствениците побрзале да ги применат новите правила. Така, по шеталиштето во строгиот центар може да се забележат чадори во различна боја и облик, во зависност од тоа кој спонзор се рекламира. Според одлуката за поставување привремени објекти и урбана опрема, сите чадори на една тераса треба да бидат усогласени по боја и облик за да формираат една целина. Сепак, од Град Скопје и од Општина Центар не прецизираа што точно значи унифициран изглед за кафулињата и дали за да не се наруши естетскиот и општиот лик на околината, како што се вели во одлуката, терасите треба да се усогласат и меѓу себе по бојата на опремата. - Унификацијата на летните тераси треба да ја направи Општината. Ние ја донесовме одлуката, а понатаму неа треба да ја усвојат и општините - вели Неделчо Крстевски, портпаролот на Град Скопје.
На денешната седница на Советот на Општина Центар на дневен ред е предлог-одлука за овластување за поставување урбана опрема на општинско подрачје, но и оттаму не кажаа прецизно дали кафулињата на еден ист простор ќе треба да се усогласат со боите на чадорите. Одговорот на портпаролот на општината, Јовица Ацковски, е дека прашањето е уредено со одлуката на Градот.
Кафеанџиите во изминатиов период направија промени и во мебелот што го поставуваат пред локалите, па така место фотелји и каучи, како досега, можат да се забележат претежно лесни маси и столчиња. Со новите правила, стреи и тенди се дозволени ако пред локалите се извадени само по еден ред маси, што не е случај со најголемиот број кафулиња во центарот на Скопје. Исто така, тендите мора да бидат монтажни и да се поставени на чело на објектот, паралелно со ѕидот, без потпирачи на јавната површина. Тие смеат да го покриваат само просторот за летна тераса и не е дозволено да се затвораат со најлон или друг материјал за да се изгради зимска тераса, како што беше случај досега. Минималната височина за чадорите за сонце, пак, изнесува 2,4 метри, а за стреите и тендите 3,2 метри над слободната површина.
Нејасно е и кој ќе ја врши контролата за спроведувањето на новата одлука, па така додека во Градот тврдат дека на плоштадот, улица Македонија и на кејот 13 Ноември треба да бидат општинските инспектори, во Центар тврдат дека контролата ќе ја врши и општинска и градска инспекција, секој во својата надлежност.


http://www.vreme.com.mk/DesktopDefault.aspx?tabindex=0&tabid=1&EditionID=2000&ArticleID=138914
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #43 Posted: 22-Apr-2010 at 22:58
Blahblah
ПРОБЛЕМ СО ЛЕТНИТЕ БАВЧИ
Парите ги скараа Центар и Град Скопје

Советниците на Општина Центар не дозволија Градот да им ја преземе надлежноста врз летните бавчи за да не ја делат со градските власти добивката од комуналната такса. Општината и натаму ќе ги издава одобренијата за урбана опрема, која се поставува пред локалите од нејзиното подрачје, по претходно добиена согласност од Градот. На последната седница Советот ја одби одлуката со која градоначалникот Владимир Тодоровиќ требаше да склучи договор со Град Скопје, за тие да го преземат издавањето одобренија на кафулињата, а парите од комуналиите да ги делат по половина. Советниците жестоко реагираа дека тоа би било уште еден упад во нивните надлежности и дека ќе ги изгубат приходите, како што тоа се случува со зонското паркирање и со издавањето на рекламните паноа. - Не еднаш сме изиграни од Градот. Ние ќе ја изгубиме контролата и утре кога ќе има нови измени на Законот за локална самоуправа ќе докажеме дека сме само подрачна единица, а не општина - рече советникот Иванчо Вучевски. Советничката Благородна Крстевска-Мојсовска предложи градските власти, како тест за нивната соработка со Општината, да ја делат и добивката од зонското паркирање, кое се одвива на улиците под општинската надлежност. Градоначалникот одговори дека измешаноста во надлежностите меѓу Градот и општините е стара. Тој потсети дека улица Македонија, според делбениот биланс, е во надлежност на Градот, а Центар ја реконструираше. Истиот случај е и со кејот, кој по делбата припаднал на општината, а градските власти го уредија. 

Р. П.

http://vreme.com.mk/DesktopDefault.aspx?tabindex=0&tabid=1&EditionID=2002&ArticleID=139115



Би ги потсетил господата од општина центар дека надлежност за летните тераси не значи само собирање на пари, туку и обврска да се воведе и одржува ред. Години наназад гледавме како се покажаа на тоа поле.

Инаку дотичните господа во одредени случаи радо прифаќаат да бидат декор и нечија алатка (или по нивно „подрачна единица“)  за упад во надлежностите на градот (во времето на Трифун), ама некогаш па сакаат да бидат држава во држава. Епа не бива  Bash
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #44 Posted: 24-Apr-2010 at 14:22

Решение за уривање на стреата на „Тренд“

Трите фирми што на тендер ги избра општината Центар, деновиве прават увид на ситуацијата со надградбата на кафулето „Тренд“, во центарот на градот

Трите фирми треба да видат во каква состојба е кафулето и колку пари ќе чини отстранувањето на покривот, кој сопственикот незаконски го постави. Фирмата што ќе побара најмалку пари ќе биде овластена од општината Центар да ја отстрани дивоградбата. Јовица Ацковски, портпарол на општината Центар, изјави дека е донесено решение за уривање на „Тренд“, а се чека само фирмите да се изјаснат за сумата потребна за отстранување на стреата.

Од општината информираат дека на подрачјето на Центар има околу шеесетина диви надградби и доградби, кои наскоро ќе се отстранат.

- Инспекторите се на терен, така што наскоро ќе се донесат решенија за уривање на неколку дивоградби - кажа Ацковски.

Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #45 Posted: 24-Apr-2010 at 14:27

Советниците од Центар се премислија за летните тераси

Откако во вторникот советниците од општината Центар решија дека сами ќе издаваат дозволи за поставување летни тераси, на седницата на советот што се одржа во четвртокот се премислија и решија сепак градот да ги издава овие дозволи во нивно име

На оваа седница на советниците им се поделени нови материјали, меѓу кои и попрецизниот договор со кој Владимир Тодоровиќ, градоначалникот на општината Центар, треба да го овласти скопскиот градоначалник Коце Трајановски да ги издава дозволите за летни тераси во име на општината Центар. Советниците велат дека овој пат го усвоиле договорот затоа што во него се прецизирани повеќе точки, за кои тие мислеле дека со претходниот договор не се опфатени.

- Го усвоивме договорот, а со тоа и го овластивме градот да собира елаборати и да издава дозволи во име на општината Центар, а нашата администрација да добива редовни информации за тоа - објаснија советниците од Центар.

Градоначалникот Тодоровиќ кажа дека со потпишувањето на договорот на сите оние што ќе бараат дозволи ќе им се овозможи полесна постапка, а повеќе не ќе мора да поднесуваат документи и во градот и во општината.

- Со овој договор поднесувањето документи ќе биде нешто како едношалтерски систем. Од градот редовно ќе нé информираат за сите новости. Сметам дека ова е добра одлука - кажа Тодоровиќ.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #46 Posted: 24-Apr-2010 at 14:54


Знаејќи како стојат работите, поверојатно ми е дека ги повлекле за уши 
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #47 Posted: 24-Apr-2010 at 23:46
СОПСТВЕНИКОТ НА КАФУЛЕТО „ТРЕНД“ ОБВИНУВА
Весникот „Вест“ сака да го уништи „Тренд“

Сопственикот на кафулето „Тренд“, Предраг Василевиќ-Пеџа, кое се наоѓа во строгиот центар на градот, тврди дека весникот „Вест“ и неговиот главен уредник Горан Михајловски од лични мотиви константно се обидува да му го наруши угледот и целосно да му го уништи бизнисот. Само во изминатиов период во овој весник се излезени околу дваесетина текстови со кои без аргументи и по секоја цена се напаѓа исклучиво кафулето „Тренд“. Текстовите се однесуваат на се и сешто, од невистинити обвинувања за гласна музика, до тврдења за незаконско работење. - Очигледно дека целта на „Вест“ и на Михајловски е да ми ја затворат кафеаната по секоја цена. Нема друг одговор. Им пречам и тие ја манипулираат јавноста и вршат притисок врз институциите да ме затворат - вели Василевиќ. Мотивот за ваквите напади, според газдата на ова популарно кафуле, е во фактот што близок роднина на Михајловски живее во зградата веднаш до „Тренд“ и најверојатно тој врши притисок врз главниот уредник на „Вест“ да се пишуваат текстови оти му пречи кафулето. Интересно е што од во центарот на Скопје, поточно, околу плоштадот Македонија и трговскиот центар, гравитираат околу 300 кафулиња, но „Вест“ објавува толку текстови само за едно, а тоа е кафулето „Тренд“.
- Не можам да разберам како може од толку кафеани, само за мојата да се пишува, како само „Тренд“ да постои во центарот. Нема друг одговор освен дека сакаат да ме затворат, да ми го уништат бизнисот - вели Василевиќ. Тој тврди дека кафулето ги почитува сите можни закони и одлуки, кои ги имаат донесено надлежните институции. Редовно исплаќа плати на преку десетина вработени, редовно си го плаќа данокот и другите давачки кон државата и општината. Поради некои од одлуките, кои се однесуваат на бавчата и на тендата, газдата морал и да отпушта вработени. Но, тоа не е доволно, вели Василевиќ, оти по притисокот и текстовите од весникот „Вест“ секојдневно доаѓале разни инспекции, но кога ќе виделе дека се е во ред си заминувале со извинување. Апсурдот оди до таму што, иако во кафулето има само тивка музика, роднината на главниот уредник на „Вест“ постојано пријавува дека се кршат прописите за предизвикување бучава. Полицијата неколку пати доаѓала да интервенира, но попусто, оти кога ќе дојдат се уверуваат дека музиката е тивка. - Сега веќе не ни доаѓаат, зошто и самите знаат дека пријавите се лажни - вели Василевиќ. Тој смета дека главниот уредник на „Вест“, Горан Михајловски, со ова ја злоупотребува својата функција и го злоупотребува медиумот за свои лични интереси. Поради тоа, Василевиќ веќе има подготвено претставки со кои ќе се жали до Здружението на новинари, уредништвото на „Вест“, менаџментот на „Медиа принт Македонија“, кој го издава весникот, но и до седиштето на германски „ВАЦ“.

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #48 Posted: 24-Apr-2010 at 23:55


Трагична судбина на скопскиот кафеанџија. Тој само сака чесно да си го заработи лебот

Puke
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #49 Posted: 06-May-2010 at 23:37
вака-така, терасава на Тренд пак стои и функционира и е залепена до постаментот за споменикот на Ченто (кој патем некако ми се чини превисок)..


Edited by SkyBoy - 06-May-2010 at 23:38
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #50 Posted: 27-May-2010 at 22:09
ЌЕ СЕ СТАВИ ЛИ РЕД ВО ХАОСОТ НА ПЕШАЧКИТЕ ЗОНИ


Летните тераси ќе ги одобрува Градот

Контролата и санкциите и натаму ќе ја вршат општинските градежни инспектори


Одобренијата за летните тераси кафеанџиите ќе треба да ги побараат во Град Скопје, каде што ќе се изработуваат и елаборатите, а не како досега во општините, а контролата и натаму ќе ја вршат општинските градежни инспектори. Ова било договорено на средбата на Координативното тело на градоначалници, со цел, како што истакна градоначалникот Коце Трајановски, да се реши хаосот што во изминативе години се правеше поради недоследности во законската регулатива и преклопување на надлежностите меѓу Градот Скопје и општините.
- Годинава првпат се воведува ред и во овој дел од надлежностите на локалната власт. Град Скопје ја презема обврската да ги изготви елаборатите и програмите за урбаната опрема за сите општини. На атрактивните делови, како улицата Македонија" и кејот 13 Ноември" се направени елаборати со Општина Центар според кои се даваат одобренија, информираше Трајановски и потсети дека Градот ги издава одобренијата за поставување урбана опрема за сите општини, а финансиите од приходите ќе се делат 50 отсто за општини и 50 за Градот.
Досега во Градот биле поднесени 300 барања за поставување на урбана опрема на јавни површини од кои на половината било позитивно одговорено.
Градоначалникот Трајановски најави и дека се планира летово на плоштадот Македонија" и поширокиот центар да се постават повеќе мултифункционални тезги од отворен и од затворен тип на кои ќе се продаваат уметнички и занаетчиски производи. За таа цел веќе се склучуваат договори со избраните форми за изработка на тезгите кои ќе имаат унифициран изглед.

http://www.vecer.com.mk/default.asp?ItemID=842371AED322E94DA77A1FE102BF9F21
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #51 Posted: 01-Jun-2010 at 22:23

Нова градска шема за летни тераси

 
Сопствениците на кафулето „Тренд“ викендов ја сменија својата натстрешница, односно ја урнаа старата и изградија нова, уште поголема, но овој пат легална, со дозвола од градските власти. Иако според Правилникот за поставување урбана опрема, според кој летните тераси ќе се покриваат само со чадори, а масите треба да се местат директно на подлогата, без да се зашрафува нешто друго на неа, легалната стреа на „Тренд“ има посебна подлога, цврста изградена натстрешница и никаде нема чадори. Сопствениците на кафулето велат дека се' е легално и дека градските власти им издале одобрение за натстрешницата врз основа на однапред подготвен и одобрен елаборат.

Од Градот Скопје, кој од оваа сезона ги издава дозволите за летни тераси, потврдија дека „Тренд“ е меѓу кафулињата што обезбедиле дозволи. Велат дека сите субјекти што сакаат да постават опрема и мебел надвор од објектите мора да ги почитуваат нормите.

- Сите елементи треба да бидат според стандардите предвидени во правилникот и не смеат да бидат градежно фиксирани за подлогата. „Тренд“ има добиено одобрение за поставување мебел на јавна површина и не смее да изведува никакви градежни активности со кои ќе го огради и покрие просторот. Ако не се придржувал до нормата, општинската градежна инспекција треба да го констатира тоа и да ги преземе сите законски мерки за почитување на пропишаните стандарди - велат во одделението за односи со јавноста.

Општина Центар досега неколкупати најавуваше дека ќе ја урне старата натстрешница на кафулето, но не го исполни ветувањето. Првин немаа обезбедено фирми за уривање, потоа им фалеше полициска асистенција, а на крајот се правдаа дека фирмите за уривање рушеле на улицата Железничка.
 
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #52 Posted: 15-Jun-2010 at 02:23
Сопствениците на кафулето „Тренд“ викендов ја сменија својата натстрешница, односно ја урнаа старата и изградија нова, уште поголема, но овој пат легална, со дозвола од градските власти.



Може некој да ми објасни како летната (и зимска!) тераса на „Тренд“ стана легална?!?
летните тераси ќе се покриваат само со чадори, а масите треба да се местат директно на подлогата, без да се зашрафува нешто друго на неа
Со новите правила, стреи и тенди се дозволени ако пред локалите се извадени само по еден ред маси, што не е случај со најголемиот број кафулиња во центарот на Скопје. Исто така, тендите мора да бидат монтажни и да се поставени на чело на објектот, паралелно со ѕидот, без потпирачи на јавната површина. Тие смеат да го покриваат само просторот за летна тераса и не е дозволено да се затвораат со најлон или друг материјал за да се изгради зимска тераса, како што беше случај досега. Минималната височина за чадорите за сонце, пак, изнесува 2,4 метри, а за стреите и тендите 3,2 метри над слободната површина.

А како бонус, зарем не е недоличен начинот на кој што терасата на „Тренд“ е слепена за споменикот на Ченто? Милион евра за огромен мермерен споменик, за некој кафанџија практично да си го направи инвентар. Кого лажеме дека со овие споменици им оддаваме почит на нашите великани? Очигледно на некои им е битно да се направат набавките, а за понатака не се замараат премногу.
  Bash

1


2

Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #53 Posted: 15-Jun-2010 at 10:59
Значи нема никаква разлика со претходната „стреа“...



...а и близината до Ченто е иста. Мора некако да се притиснат градов и општиниве да стават крај на ова узурпирање на јавен простор. Направија каков таков ред на кеј и ул. Македонија, ама на Тренд и на сите кафичи со тераси на тротоар (Ленинова, Буњаковец и низ цело Скопје) им дадоа одврзани раце да прават што сакаат. Се знае како се прави тоа, еден два реда маси, мала стреа над нив и тоа е тоа. А на медиумиве глас не им се слуша, па ако нешто заслужува посебно внимание тоа е оваа тема.
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #54 Posted: 15-Jun-2010 at 12:51
Ама се е поткупено во таа проклетија од држава. Вие зошто мислите му правеа рации неколку пати, за да го зауздаат ли? НЕ, да си ја поткупи дебело дозволата. Така се случува со повеќето угостителски објекти (ниту зборовите кафич, ниту кафуле се правилни на македонски, всушност мислам дека е настанат вакум во 1945 со вештачката промена...кафене треба да е правилно, но не тврдам), а и зградите воопшто. Истото е и со СК2014, мрсна пара се изналапаа од сите страни, простиот народ се пали и се дели, тие безделничат и само за свое добро гледаат.
"Тaм, където глупостта е образец, разумът е безумие." Гьоте
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #55 Posted: 15-Jun-2010 at 18:10

ако веќе неможе да се тргне (незнам од кои причини) бар да беше пола од ова што е.. срамота е до спомеников е залапена тересава.. што апетити ќе беа во прашање.. ептен се нема респект за спомеников..

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #56 Posted: 15-Jun-2010 at 23:35

Во Дебар Маало метеж на големо

Невиден сообраќаен метеж се случува во Дебар Маало откако стана популарно место за излегување. Поради новата мода летните тераси да се распослуваат до самите рабници на тротоарите, пешаците ги изгубија и последните педи слободен простор за безбедно движење. Сега сите, и млади и стари, се принудени постојано да се движат на улица, каде што фреквенцијата на возила е зголемена поради проширувањето на Илинденска и поради летната шема во Дебар Маало. Таква е ситуацијата на улиците Орце Николов, 29 Ноември, Ленинова и на другите помали улици.

- Дебар Маало е јазол, без тротоари, секое слободно парче од улиците е прекриено со кафеани или со разна стока на маалските продавничиња, играчки, велосипеди. Ризик е да си пешак во Дебар Маало. Нема каде да одиме, а најстрашно е што некои улици и воопшто немаат тротоари. Кој и како ќе го среди овој метеж, не знам - вели дебармаалецот Владо Матевски.

Откако годинава градските власти ја презедоа надлежноста да ги издаваат дозволите за летните тераси, се очекуваше да се воведе каков-таков ред. Иако контролата требаше да ја вршат и градските и општинските инспекциски служби, од Центар досега исконтролирале малку. Инспекторите се правдаат дека тие не се виновни за ништо, оти ги немале на увид елаборатите за изгледот на кафеаните, кои останале во Градот.

- Градските власти не ни ги доставија елаборатите од кафеанџиите. Досега немавме увид кој и каква дозвола има да поставува летна тераса. Не е вистина дека во Дебар Маало нема тротоари - велат инспекторите во Центар.

Од друга страна, од Градот Скопје порачуваат дека онаму каде што е очигледно дека терасата е поставена спротивно на правилата, нема потреба од елаборатот за да се напише казна. Оттаму велат дека вината е во Општина Центар, оти таа требало да си ги побара елаборатите и дека вработените таму имаат увид во нив оти претходно ги потпишуваат.

- Не е точно дека градската администрација доцни, туку општинската треба да си ги знае надлежностите. Според прописите, за поставување летна тераса задолжително мора да има место за минување на пешаците, а ако тоа некаде не е запазено, не мора инспекциските служби да го гледаат елаборатот, се подразбира дека е нелегално поставена - велат во одделението за односи со јавноста во Градот.

Тоа е се' што може да се добие како објаснување од локалните власти за хаосната ситуација. Во Општина Центар никој не сака да зборува повеќе на оваа тема, ниту објаснува според кои стандарди граѓаните седат на половина метар од автомобилите во движење и пијат кафе зачинето со миризбата од нивните издувни гасови. Освен изјавите дека се запознаени со состојбата и дека во минатата недела вршеле некои мерења, од кабинетот на градоначалникот Владимир Тодоровиќ не објаснуваат како ќе создадат услови за побезбедно движење на граѓаните.

- Секое отстапување од одбележаното, инспекцијата на Општина Центар ќе го казнува според законските прописи - велат оттаму.

http://dnevnik.com.mk/?ItemID=E9434279F69F164B80728A66B68EBC61

Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #57 Posted: 19-Jun-2010 at 22:21

Кафеанџиите се залепија до излозите

В понеделник ќе биде дефинирана шемата за поставување на масите и столовите

Иако кафеанџиите од улица „Македонија“ и кеј „13 Ноември“ веќе три месеци ја тераат летната шема, тие дури в понеделник ќе знаат, конечно, до каде можат да ги распостилаат масите и столовите. Градот Скопје во изминатата недела на терен ја снимаше ситуацијата и го испитуваше визуелниот ефект од досегашните состојби, а ги имаше предвид и последните предлози за начинот на поставување на инвентарот.

На кафеанџиите од улицата „Македонија“ од неодамна им е сугерирано меѓу излозите на локалите и поставените маси и столови воопшто да нема празен простор, а инвентарот да им биде поставен во должина од најмногу 5 метри од излогот. На кејот, пак, маси може да има до четири метри од излозите, што, генерално, е само навидум идентичен распоред како и во изминативе години. И годинава кафеанџиите го поставуваат инвентарот врз основа на поединечни елаборати, но разликата е што сега не смеат да остават коридор меѓу масите и излозите на дуќаните.

Од Град Скопје објаснуваат дека сегашнава ситуација, всушност, е испитување на визуелниот ефект. Посочуваат дека метражата за оддалеченост на инвентарот од локалот не е наведена во Правилникот за поставување урбана опрема. Тоа се дефинирало со елаборатите.

„И досега начелно важеа овие правила, но не беше унифицирано за сите кафулиња. Деновиве инспекцијата е на терен за да утврди дали е пофункционално, првенствено, во интерес на пешачките зони, масите да се залепени или одделени од излозите. В понеделник и дефинитивно ќе биде утврдено по која шема кафеанџиите ќе треба да го постават инвентарот“, рекоа вчера од Град Скопје.

Не е исклучена можноста предложените должини да се намалат или да се зголемат, се' со цел кафеанџиите од „Македонија“ да не бидат оштетени во однос на оние од кејот, имајќи предвид дека кафулињата покрај Вардар имаат на располагање далеку поголем простор.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #58 Posted: 16-Dec-2010 at 00:59
Треба да ги патентираме овие наши уникатни „летни тераси“.  Ниту се летни, ниту се тераси.

Летните тераси прераснаа во куќи

Од Градот убедуваа дека на терасите во зимскиот период нема да дозволат ништо освен маси и столови

Еден месец по одлуката на Градот да им дозволи на кафеанџиите да користат летни тераси и зиме, на терен е хаос. Не поради тоа што немаат одобренија, напротив, сите спорни кафулиња имаат одобренија. Хаосот е во немањето одговори од градската власт зошто за едни кафулиња важат одредбите од Правилникот за користење урбана опрема, а за други не.

- Улица Македонија и Кејот се до толку изградени, и на нив владее невиден башибозук и беззаконие, да ми е срам да кажам дека живеам во центар. Имаме ли ние воопшто градоначалници? - вели Соња К., која живее во непосредна близина на плоштадот.

Како што е познато, пред одредено време од Градот дозволија кафеанџиите да користат летни тераси и зиме, но исклучиво само маси и столови и гасна боца за греење за тие што ќе сакаат да запалат цигара надвор. Градоначалникот Коце Трајановски две години ја убедува јавноста во неговата решеност да ги казнува тие што ќе се дрзнат да отстапат од пишаните правила, но на терен со терасите се случува нешто сосема друго - претворени се во цврсти градби со покриви и оградени се со железарија и материјали за да не им дува и студи на гостите. Зголемена е комоцијата, им се делат и ќебиња на гостите за да ги покријат колената, и тоа е еден вид нова мода по скопските кафулиња.

Од Градот не дадоа договори кој на кафеанџиите им издава одобренија и им потпишува елаборати под превезот на урбана опрема, која всушност потоа прераснува во цврсти градби. Се оградуваат и од интервенции на терен ако некој го прекршил Правилникот, кој го усвои Советот на Скопје. Од Општина Центар тврдат дека општинските и градските инспектори треба да ја контролираат заедно оваа состојба, но од Градот имаат сосема друга изјава.

- Според Законот за градба, урбаната опрема, надзор, контрола или отстранување на истата се надлежност на градежните инспекции на општините. Градскиот инспекторат преку комуналните инспектори редовно врши увид на терен на локации што се под надлежност на Градот и потоа писмено со официјален допис ги известува надлежните општини -изјавија од градското одделение за односи со јавноста.

Највпечатлива слика за хаосот со летните тераси во Скопје, може да се види ако се прошета низ Дебар Маало, на плоштадот, на кеј 13 Ноември... Пример е кафулето „Тренд“. Овој објект со години е предмет на медиумска опсервација, околу дозволата за летна тераса. Градските власти не кажаа каков елаборат им е потпишан од градоначалникот Коце Трајановски, за нивната летна тераса сега да личи на куќа со покрив, да е оградена со материјал - плексиглас.

- Градската инспекција и во случајот со кафулето „Тренд“ писмено ја информира градежната инспекција на општината Центар за состојбата на терен - кратко рекоа од Градот, без да кажат за што точно ја информирале општинската инспекција.

Јовица Ацкоски, портпарол на Центар, рече дека немаат никаков допис од градската власт за вакво нешто. Тој изјави дека пред неколку дена имале акција на улица Македонија и на плоштадот и дека биле отстранети и казнети тие што отстапувале од елаборатите. Но, „Тренд“ не бил меѓу казнетите, што за него е знак дека имал соодветна документација издадена од Градот.

Јорданка Ивановска

http://dnevnik.com.mk/default.asp?ItemID=88B8541EB6E0B04F850031CF240BE604
Back to Top
Radoslav View Drop Down
Newbiе
Newbiе


Joined: 14-Apr-2014
Online Status: Offline
Posts: 0
  Quote Radoslav Quote  Post ReplyReply #59 Posted: 14-Apr-2014 at 17:17
Верувам дека темава е можеби и претходно спомната, али сепак морам да прашам.

Значи во маало имаме кафеана, која е во сопственост на полицаец. Е сега, како полека иде летната сезона тие почнаа да местат тераса, а сигурен сум дека они за тоа немаат дозвола, затоа што целиот плац е планиран да биде паркинг. Мене лично ми смета затоа што таа летна тераса би се наоѓала на 3м од мојот прозорец, па во ситуација кога тие би имале гости - јас немам приватност.

Цело маало сме против оваа незаконска летна тераса, а знаеме дека ја местат поради поврзаноста на сопственикот со локалната самоуправа.

Прашањето ми е, дали постои некоја правна алатка на која би можеле да се повикаме? Собирање потписи и тн.? Затоа што, обичен разговор со инспекцијата нема да биде од помош....
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #60 Posted: 15-Apr-2014 at 23:28



Не сум многу упатен, но гледам никој не пишал, па еве ги моите 2 денари. Немој да претпоставуваш дека нема дозвола, увери се. Ако навистина нема, тогаш не би требало да е проблем да издејствувате отстранување, мада и тоа зависи од местото на твоето живеење, односно нивото на каубојштина кај локалната власт.
Инаку фактот дека на таа локација е планиран паркинг (претпоставувам се повикуваш на некој ДУП) не би требало да значи дека не може во меѓувреме да се издаде дозвола за летна тераса. Има некаков си правилник за поставување на урбана опрема, најди го и прочитај го, дури и ако типот има дозвола за терасата, види дали е прекршен правилникот, па терај оттаму.
Back to Top
 Post Reply Post Reply Page  <1234>

Forum Jump Forum Permissions View Drop Down



This page was generated in 0.133 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.