build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Проблем со летните тераси

Bookmark and Share
 Post Reply Post Reply Page  123 4>
Author
Message
  Topic Search Topic Search  Topic Options Topic Options
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #1 Topic: Проблем со летните тераси
    Posted: 29-Nov-2007 at 09:33
незнам дали на оваа сапунска серија и треба посебна нишка бидејќи очигледно не и се гледа крајот Bash
 

НЕМА КРАЈ НА НЕДИСЦИПЛИНАТА НА КАФЕАНЏИИТЕ

Најлон-маалото се втемели на кејот

Од општина Центар велат дека на сопствениците им испратиле известување да ги тргнат терасите во рок од седум дена

Одделението за инспекциски работи при општина Центар завчера на 10 кафулиња на кејот 13 Ноември им издало известување со кое сопствениците се предупредуваат да ја отстранат оставената урбана опрема на шеталиштето, односно масите и столовите од летните тераси. Ако сопствениците на локалите не го направат тоа во рок од седум дена, урбаната полиција на општина Центар, присилно ќе ги тргне.

На кејот повторно се повторува истата приказна што трае неколку години. По завршувањето на летната сезона, која трае до 31 октомври, кафеанџиите наместо да ги тргнат масите, ги заградуваат со најлони, што создава екстремно грда слика на атрактивното шеталиште.

Од општината Центар велат дека и претходно, на 16 октомври, односно 15 дена пред истекот на сезоната, сите угостители со известување од комуналните инспектори биле предупредени дека се должни уште пред престанокот на дозволата за летна тераса да ја отстранат урбаната опрема и најлонските церади од пред своите објекти и да ја преуредат површината за непречено минување на пешаците.

- Општината и писмено ги извести сопствениците на локалите дека на сите на кои им е доставено второ известување присилно ќе им бидат отстранети терасите ако самите не го направат тоа - вели Лидија Неделковска од Општина Центар.

На прашањето дали добиле известување од општината Центар да ги отстранат урбаната опрема и најлоните, сопственичката на локалот „Пица торес“, која сакаше да остане анонимна, беше изненадена.

- Не знам дали сме добиле известување за тоа бидејќи неколку дена не бев тука. Ако сме добиле, ќе постапиме според предупредувањето - вели таа.

На прашањето зошто досега сами не ја отстраниле опремата кога им истекла дозволата, таа прокоментира дека нивната летна тераса никому не му пречи и дека таа го разубавува просторот, а не го нагрдува.

Слично одговори и шефот во кафе-пицеријата „Ања“, кој во отсуство на сопственикот, не знаеше дали добиле известување за отстранување на терасата. Тој не сакаше да коментира тоа зошто досега не ја испочитувале договорената обврска, но истакна дека ако има известување од Центар, ќе постапат според него.

Кејот со години е место каде што владее вистински неред. Општината Центар и Градот Скопје не успеаја да воведат ред на шеталиштето и да ги дисциплинираат несовесните кафеанџии, кои бркајќи профит, воопшто не водат сметка за изгледот и за намената на кејот. Летните тераси ги вадат надвор со недели пред почетокот на сезоната, а не ги тргаат цела зима. Некои ги заградуваат масите со најлони и така бесправно ја користат јавната површина за вадење профит, а други ги собираат масите и столовите на купови и ги покриваат со грди церади.

Анела Петрова

 
Извор: Дневник
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #2 Posted: 29-Nov-2007 at 20:50
Абе до кога оние кафанџии ќе си тераат по свое??? И до кога надлежните ќе бидат лабави (од којзнае кои мотиви)

Mad Mad Mad Mad Mad



Ама и ние сме криви што им ги пуниме кафичите... Треба малце бојкот за тие говеда!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #3 Posted: 20-Dec-2007 at 02:00
Фала богу... Арно им текна Roll%20eyes

http://www.utrinski.com.mk/?ItemID=2707561C219095489B695BA0AE94CE17



Механизацијата се „загреа“ на кеј


Градежната инспекција на Општина Центар вчера интервенираше на дивите настрешници на кафулињата на кејот. И покрај студеното време, градежната механизација работеше со полна пареа. Рушењето на тендите почна од кафулето „Опиум“, додека сопствениците од соседните кафулиња сами почнаа да ги отстрануваат дивопоставените делови. Според општинарите, на кеј има десетина нелегални настрешници. (В.Д.)




Edited by Cloverstack - 20-Dec-2007 at 02:01
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #4 Posted: 25-Mar-2008 at 14:12
Дежурна тема Ohno

А надлежните во Општина Центар секогаш со интересни ставови Bash

http://dnevnik.com.mk/?ItemID=AC1F86FBB7EDCF48931B52F4D6342301


ОПШТИНА ЦЕНТАР ПОВТОРНО Им ПРОГЛЕДУВА НИЗ ПРСТИ на кафеанЏиите

Наместо уривање, си добија одобренија

Сега е бесполезно да се интервенира бидејќи доаѓа 1 април, кога почнува новата летна сезона за поставување на масите,вели Милан Пижула , градежен инспектор во Центар

Наместо присилно да ги отстранат летните тераси поради предвременото поставување, надлежните од Општина Центар на кафеанџиите почнаа да им делат одобренија бидејќи летната сезона била на прагот. Пред три недели општинските инспектори на кафеанџиите на Кејот 13 Ноември и на улицата Македонија им врачија решенија за отстранување на масите и столовите, но тие не го сторија тоа, а инспекторите, како и многупати досега, не се ангажираа за присилно да ги отстранат. Градоначалничката на Центар, Виолета Аларова, вети дека оваа година нема да дозволи да се повтори проблемот со незаконското узурпирање на просторот за пешаците, кој се провлекува со години, но очигледно е дека го прави спротивното. Сега е бесполезно да се интервенира бидејќи доаѓа 1 април, кога почнува новата летна сезона за поставување на масите и столовите. Инспекторите на сопствениците на кафулињата веќе им врачуваат одобренија за поставување урбана опрема на јавните површини за претстојната сезона, врз основа на нивните поднесени барања. Веќе почнува сезоната и сега не е во ред да се тргаат масите и столовите за една недела. Доколку сопствениците на локалите не се придржуваат на условите и роковите наведени во новите одобренија, тогаш ќе интервенираме - вели Милан Пижула, градежен инспектор во Општина Центар. Додека Општина Центар замижува пред самоволието на кафеанџиите, тие веќе цел месец го користат топлото време за да ќарат што е можно повеќе пари од летните тераси, без да платат надомест за користење на јавната површина.  Советот на Градот Скопје на вчерашната седница требаше да го усвои новиот правилник за поставување урбана опрема на јавните пешачки површини, според кој се раководат општините при издавањето на дозволите. Кафеанџиите пред неколку месеци побараа од Општината да им дозволи летните тераси да ги поставуваат во текот на целата година, а не само од април до октомври, но за тоа треба да одлучи Градот. Оттаму, пак, велат дека кај нив не пристигнало такво барање. Општината Центар се' уште работи според стариот правилник и се' уште не сме го добиле новиот од Градот - вели Соња Шумковска, раководител на Секторот за урбанизам во Општина Центар и додава дека ако е потребно ќе се направат соодветни измени за да се усогласат со новите правила на градските власти. И таа потврди дека веќе почнало врачувањето на новите одобренија за поставување летни тераси. Секој од угостителите со барањето за одобрение поднесува и изработен проект на кој претходно согласност даваат и градските власти. Дури потоа, Општината Центар го издава одобрението за поставување маси и столови - објаснува Шумковска.

Анела Петрова



Edited by Cloverstack - 25-Mar-2008 at 14:57
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #5 Posted: 14-Apr-2008 at 22:12
Eeek2 овие битанги (кафеанџиите) заслужуваат своја нишка... а богами и по која година затвор... во Вест има подеднакво спектакуларен примитивен излив на кафеанџиите... ќе го постирам утре ко ќе искочи електронската верзија

Клупа настрадала од моторна пила


Завчера еден час пред полноќ, една клупа на улицата Македонија точно пред новоотвореното кафуле Рома, спроти Домот на АРМ била пресечена на пола. Пред очите на минувачите, пред гостите, некој" извадил моторна пила ја пресекол, а потоа ја откорнал од лежиштето. На нејзино место ги поставил масите и столовите.

Во трката за профит кафеанџиите не се воздржуваат да преземат се, само за да ги распостелат летните тераси до каде што им е волја. Не им треба ни дозвола за користење, ниту пак некој им ја побарал. А и ваквите вандализми не се некоја новина!?.

Инаку, ЕУ ја прогласи улицата Македонија за најевропска улица. Комисијата веројатно не ги зела предвид навиките на скопјани.

Фото:Н.Батев


http://www.vecer.com.mk/?ItemID=0D8403ECB91D004AB4ACC2E9CD66045C
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #6 Posted: 14-Apr-2008 at 23:36


Колку и да сме навикнати на екстремен безобразлук и дрскост, ова веќе поставува нови стандарди во однесувањето на овие крлежи... Но да не го забораваме главниот проблем! Главниот проблем е што надлежните не си ја вршат работата. Идиоти имало и ќе има, ама на нив институциите треба да применат закон и ред. За жал тоа изостанува... Општина Центар е очигледно до толку удавена во корупција и неодговорност, што еве некој тоа го протолкувал како одврзани раце дури и за вакви работи.

Wallbash Wallbash Wallbash
Back to Top
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #7 Posted: 15-Apr-2008 at 00:15
Applause originalno reshenie
 
 

Фото вест

Безобразлакот на скопските кафеанџии нема крај. Сопствениците на кафулето„Стрип“,спроти гимназијата„Јосип Броз Тито“, летната тераса си ја поставиле во уредената жардиниера натротоарот, а тревата ја покриле со бродски под, небаре се работи за нивен двор. Комуналната инспекција мора да реагира итно, во спротивно, ќе станат соучесници во ова перверзно окупирање на драгоценото јавно зеленило.

Фото: Маја Златевска

Dnevnik

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #8 Posted: 15-Apr-2008 at 09:08


За ова чудо зборев во претходниот пост, не било во Вест туку во Дневник Ohno
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #9 Posted: 14-May-2008 at 14:06
Фарсата продолжува... Демек нешто се превзема...

Првин се зачудив зошто треба цел месец за да се отстранат маси и столови поставени во жардињера (иако ми е несфатливо и кој сељак би седнал да пие кафе у жардињера), ама читајќи го текстот се потсетив дека на кафичот „Тренд“ никој не може да му застане на пат веќе со години, така да во Македонски услови веројатно треба да сме и пресреќни со ваква динамика - еден месец е експресно брзо за нас...

Crazy Crazy Crazy


Добро е Пижула... Само ти продужи да спиеш... Bash


http://dnevnik.com.mk/?ItemID=F68218C7219FD14994928AEFA84C395B

ОПШТИНА ЦЕНТАР УТРЕ ВО АКЦИЈА

Уривање на две летни тераси

Инспекторот Пижула вели дека не е запознат со најновиот случај со кафулето „Нана“, чија тераса на плоштадот прилега на куќа

Градежната инспекција на општина Центар утре ќе отстранува бесправно поставени маси и столови од кафулиња на јавните површини, како и друга урбана опрема. Инспекторот Милан Пижула најавува дека први ќе бидат отстранети масите и столовите од кафулето „Стрип“, спроти гимназијата „Јосип Броз Тито“, кои се поставени среде жардиниера со зеленило. Ќе бидат отстранети и стреата пред некогашен „Јукан“, како и киоск на улицата Партизански одреди, кај кројачкиот дуќан „Ангелковски“.За в четврток е закажана интервенција со полицијата за отстранување на масите и столовите на локалот „Стрит“. На сопственикот претходно му беше укажано сам да ги отстрани, оти се поставени без дозвола. Ако не бидат тргнати до четврток, ние ќе ги тргнеме присилно - вели Пижула.Тој информира дека и на сопственикот на кафулето „Тренд“, кое се наоѓа на плоштадот Македонија, му е врачено решение за отстранување на стреата. Веќе трета година едноподруго летната тераса на ова кафуле прилега на куќа, со лежечки гарнитури и завеси, покриена со дрвена конструкција и со цврст под. Сопственикот го игнорира правилникот за поставување урбана опрема, според кој, на летните тераси може да се поставуваат маси, столови, чадори и ништо друго. Пижула најави дека инспекцијата наскоро ќе го посети и овој локал.Тој не беше запознаен дека деновиве и летната тераса на кафулето „Нана“ во близина на „Тренд“ прилега на објект со цврста градба. Сопственикот на „Нана“ терасата си ја огради со дрвена конструкција и направи покрив. Вчера оградата ја разубавуваа со пластични жардиниери со цвеќе. Веднаш ќе го испитаме и случајот со терасата на „Нана“. Ние сме постојано на терен, но во минатата недела не забележавме дека ова кафуле поставува тераса. Тоа е направено најверојатно скоро и веднаш ќе провериме - вели Пижула.Од локалот „Нана“ велат дека имаат дозвола за поставување на масите и на столовите, дури и дека платиле за поголем простор отколку што користат.Ситуацијата со летните тераси е иста и во другите делови на Скопје, а проблемот е најизразен на улицата Македонија и на Кејот 13 Ноември. Таму летните тераси не само што не се унифицирани, како што е пропишано, туку се изградени од недозволени материјали и се поставени на простор поголем отколку што треба.Од Општина Центар за ваквата состојба се бранат дека интервенираат, но локалите повторно го узурпираат просторот за пешаците.Изминативе две години четири пати интервенираме и на Кејот и на улицата Македонија, но сопствениците на дуќаните повторно си ги враќаат масите и столовите - вели Пижула. Од оваа сезона на општинските инспектори ќе им се приклучат и градските инспектори, кои со новиот Правилник добија можност да ја отстрануваат бесправно поставената урбана опрема. Градската инспекција вети дека кафеанџиите повеќе нема да се толерираат и дека редовно ќе спроведуваат акции за отстранување на бесправно поставените тераси.

(А.П.)

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #10 Posted: 14-Jul-2008 at 12:55

Започнува обележувањето на зоните за кафулиња на кејот

Првата линија на летните тераси да биде залепена до излогот на рестораните

Градските власти следната недела ќе започнат со исцртување на зоните на кејот „13 Ноември“, во кои е дозволено поставување на масите на кафулињата. Зоните се определени со новата Одлука за користење јавни површини, која неодамна ја усвои Советот на Скопје и со која детално се уредува поставувањето урбана опрема на кејот, плоштадот и на улицата „Македонија“. Таа почнува да се спроведува веднаш откако ќе биде објавена во „Службен гласник“. За нејзиното спроведување на терен, отсега ќе се грижи, покрај Општинската, и Градската инспекција.

Со најавеното исцртување на кејот, велат во Градот, на најтранспарентен начин ќе се одвои просторот наменет за пешаци од закупените зони од кафулињата. Предвидено е првата линија на летните тераси да биде залепена до излогот на рестораните, а слободната пешачка зона, веднаш по нив да се зголеми за 2,5 метри и да изнесува 6,5 метри. Исцртувањето ќе се направи помеѓу дрвјата во средишниот дел, каде што повторно ќе има маси и столчиња. Слободниот простор за движење до крајот на кејот сега ќе изнесува 12,5 метри.

На улицата „Македонија“, според новата Одлука, ќе има најмногу промени, бидејќи во иднина летните тераси ќе почнуваат веднаш до прозорците на локалот, со што тампон-просторот од 2,5 метри наменет за пешаци ќе се префрли во централната средишна зона за движење. Во Градот најавуваат дека на улицата, каде што досега најмногу се злоупотребуваше просторот за слободно поминување, ќе има најригорозни контроли од инспекцијата, особено во вечерните часови кога кафеанџиите двојно го зголемуваат бројот на масите. За непочитување на Одлуката ќе се запленува урбаната опрема на сметка на сопствениците на локалите. (С.Н.)



http://www.utrinski.com.mk/?ItemID=FE57EDF32001D8429FA6FA009F5FD5ED


Edited by pbanks - 14-Jul-2008 at 12:56
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #11 Posted: 14-Jul-2008 at 19:58
немам ништо против кафулиња со летни тераси на кеј и ул. Македонија, сепак и тие се потребни на вакви места, но претераа веќе со ширењево, на кеј има само некој метар два за поминување, а замисли си да го изградат мостот на цвеќето, од кај ли ќе се поминуваше?
фала богу што им текнало мерки да превземат
Architects create dreams...politicians create nightmares
Back to Top
dimme.von.macedonia View Drop Down
Groupie
Groupie
Avatar

Joined: 30-Jun-2008
Location: Hrvatska
Online Status: Offline
Posts: 78
  Quote dimme.von.macedonia Quote  Post ReplyReply #12 Posted: 16-Feb-2009 at 10:47
Originally posted by pbanks

Eeek2 овие битанги (кафеанџиите) заслужуваат своја нишка... а богами и по која година затвор... во Вест има подеднакво спектакуларен примитивен излив на кафеанџиите... ќе го постирам утре ко ќе искочи електронската верзија

Клупа настрадала од моторна пила


Завчера еден час пред полноќ, една клупа на улицата Македонија точно пред новоотвореното кафуле Рома, спроти Домот на АРМ била пресечена на пола. Пред очите на минувачите, пред гостите, некој" извадил моторна пила ја пресекол, а потоа ја откорнал од лежиштето. На нејзино место ги поставил масите и столовите.

Во трката за профит кафеанџиите не се воздржуваат да преземат се, само за да ги распостелат летните тераси до каде што им е волја. Не им треба ни дозвола за користење, ниту пак некој им ја побарал. А и ваквите вандализми не се некоја новина!?.

Инаку, ЕУ ја прогласи улицата Македонија за најевропска улица. Комисијата веројатно не ги зела предвид навиките на скопјани.

Фото:Н.Батев


http://www.vecer.com.mk/?ItemID=0D8403ECB91D004AB4ACC2E9CD66045C
 
WallbashWallbashWallbashWallbash
 
Zemi STAP i udri!! Abe, kako ne im e sram? Question
 
Edna rabota ne mi e jasna, sto pravat nadleznite? WallbashWallbashWallbashWallbash
 
Mozam samo da si zamislam vo Zagreb kako bi bilo toa da se sluci, udarni vesti na HRT! Mad
 
 
Se izvinuvam za offtopicot, eli dali moze nekoj da mi kaze kade mozam da ja najdam informacijata deka ''ЕУ ја прогласи улицата Македонија за најевропска улица. ''? Smile
The beauty comes from within.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #13 Posted: 07-Apr-2009 at 04:28

Блокирани скали, што е многу, многу е!

Окупирана пешачка зона и блокирани скали и приоди до блиски институции. Ваквата ситуација е сосема доволна причина новоизбраните градоначалници на Скопје и на Општина Центар уште во првите работни денови да го проверат функционирањето на летните тераси. Навистина ли сите имаат соодветни дозволи да поставуваат инвентар на толкава површина, плаќаат ли комунална такса и реагира ли воопшто инспекцијата на терен? Никој не е против летната шема на кафулињата, но што е многу, многу е!

http://utrinski.com.mk/?ItemID=47A12D3133789241ADA0C4AAC1B82485
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #14 Posted: 23-Apr-2009 at 19:39

„Мачката“ фатена во кафеанска стапица

Од Министерство за култура очекуваат надлежните во Општина Центар скулптурата на улица Македонија итно да ја „ослободат“ од масите, столовите и чадорите за сонце

Скулптурата „Мачка“ на улицата Македонија, која помпезно ја отвори премиерот Никола Груевски, сега се крие од сонце и дожд - под кафеански тенди!

- За Велигден ги прошетав гостите од Србија низ центарот и кога сакав да се пофалам со „Шмизлата“, „Мачката“ и „Бикот“, „Мачката“ ја најдовме под стреа. Се засрамив и воопшто не се обидував да им објаснувам што се случува. По само два-три месеци веќе никој не се грижи и за новите споменици. Знаев дека ако досега немало чувство за старите, ќе нема ни за новите. Поставувањето на скулптурите е чудо за три дена пред избори. Жив доказ за тоа е „Мачката“ што пие кафе во кафеана - вели скопјанецот Оливер Димовски.

Градските комунални инспектори, кои имаат обврска да вршат контрола на летните тераси и поставувањето урбана опрема, иако ја забележале оваа „заштита на Мачката“, до вчера не презеле никакви законски мерки. Од Министерство за култура, кое ги финансирање изградбата и поставувањето на спомениците во центарот на Скопје, очекуваат дека надлежните во Општина Центар итно ќе ја „ослободат“ скулптурата од масите, столовите и чадорите за сонце. Вработените од кафеаната „Космик“ велат дека непотребно се обвинети од граѓаните, зашто урбаната опрема што ја заробила мачката му припаѓа на соседното кафуле, кое, според нив, немало ни дозвола за работа.

- Опремата е на продавничката што одвај има пет квадратни метри, а е сместена во Палата Македонија. Фирмата е регистрирана за продажба на тутун и весници, а има импровизиран шанк и кафемат во ходникот, од каде што се носат нарачките за муштериите. Тие бесправно со маси и столови го зазедоа просторот околу „Мачката“. Работат без дозвола, на диво, а го држат најубавото место на улицата Македонија. И ние сме кафеанџии, но никогаш не би го окупирале споменикот. Инспектори од Градот беа завчера, но иако утврдија неправилности, новите кафеанџии не ја затворија терасата, велат вработени од кафулето „Космик“.

Импровизираното кафуле вчера беше затворено и немаше никој за да ни даде изјава. Од општина Центар велат дека Градот е надлежен за спроведување на правилникот за летни тераси, а тие биле одговорни само за урбаната опрема. Лидија Неделковска, шефица ка кабинетот на поранешната градоначалничка Виолета Аларова, вели дека за летните тераси е одговорен нивниот инспектор Пижула и дека таа нема информации што работи тој.

Милан Пижула, главен градежен инспектор во Центар, изјави дека се' уште не може да дава изјави за поставувањето на терасите.Од Градот велат дека тие имаат обврска да издаваат одобренија за вршење дејност надвор од деловен простор, кои се однесува и на летните тераси.

- Одобренијата се издаваат според проектот за летните тераси, усвоен во минатата година од Советот на Град Скопје. Стандардите за летните тераси во тој проект се исти како и во претходниот правилник. Наплатата на таксата за користење на јавната површина се врши според Законот за комунални такси. Досега во Градот не пристигнало ниту едно барање за издавање одобрение за користење летна тераса од кафулињата на кејот 13 Ноември. Во Градот пристигнаа барања за издавање одобрение за летните тераси од неколку локали од улицата Македонија. За санкционирање на летните тераси отворени без одобрение е задолжена градската комунална инспекција, која веќе врши увид на терен, велат од одделението за односи со јавноста на Град Скопје. Скулптурата „Мачка“ е дело на Томе Аџиевски, која ја нарача и постави Министерството за култура пред околу три месеци на шеталиштето Македонија, во близина на киното „Манаки“.

Поставувањето на 35 скулптури на разни локации во центарот на градот, според Министерството за култура, требаше да му дадат посебен белег на Скопје.На шеталиштето меѓу метежот од столови, маси и чадори за сонце се поставени и скулптурите „Еееј“, „Шмизла“, „Бик“, „Питач“ и „Чистачот на чевли“.

Марија Тасев
Фото Слободан Ѓуриќ



http://www.dnevnik.com.mk/?ItemID=F368AB727775E74C998FE740BF4B9671
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #15 Posted: 27-Apr-2009 at 19:51
абе остај ја мачката, жали ја улицата Crazy
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #16 Posted: 19-May-2009 at 20:02
neverending story  Bash


Креваа маси, останаа тераси

Огромните дивоизградени кафеански објекти на Кејот 13 Ноември и вчера останаа невидливи за инспекторите на Општина Центар. Нивната акција за чистење на омиленото шеталиште заврши со одземање на неколкуте маси и столови што излегувале од пропишаната рамка. Од општината неофицијално коментираат дека нивните инспектори се плашат од газдите на кафеаните, кои се помоќни од законот.Дел од граѓаните инсистираа да се урнат бесправно изградените тераси. Имаше и такви што ги поддржуваа кафеанџиите.

- Кејот е прекрасно место и без кафулињата би бил само една слепа улица по која ќе се собираат кучиња-скитници. До неодамна беше пуст. Наместо да урива, општината треба да најде начин како да заработи од кафеаните - дофрли студентот Никола Мијалковиќ додека траеше акцијата за собирање на урбаната опрема. Иако инспекторите на кејот конфискуваа во придружба на полицијата, беа вербално нападнати од револтираните кафеанџии, па наместо полни камиони урбана опрема, си заминаа само со еден камион.

Пред неколку дена од улицата Македонија инспекторите од Општина Центар одзедоа четири камиони урбана опрема, односно 42 маси и 58 стола, а од кејот одвај десетина маси и стола.

- Не ја разбирам оваа парада на глупоста. Дојдоа да соберат две-три маси. Иако издадоа решенија, ние инсистираме на друго решение: да ни ги легализираат летните тераси во кои инвестиравме. Акцијата беше резил. Гостите, меѓу кои имаше и странци, беа уплашени и си заминуваа - изјави еден вработен во кафулињата кој инсистираше да остане анонимен.

Горан Матевски, портпарол на Општина Центар, изјави дека поставувањето на урбаната опрема се толерира само ако таа е според одобренијата, согласно со елаборатот од минатата година.

- На оние на кои им е одземен дел од урбаната опрема, а повторно местат нова, Општина Центар комплетно ќе им ја одземе и нема да дозволи поставување на маси во текот на целата сезона. Акцијата за одземање на урбаната опрема ќе продолжи се' додека корисниците на просторот пред угостителските објекти не се дисциплинираат - се вели во соопштението од Општина Центар.

Марија Тасев



http://www.dnevnik.com.mk/?ItemID=A9451655E4B5C641A64044C7F7035599
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #17 Posted: 01-Jun-2009 at 01:51
Рикверц за возилата на пешачките зони


Од денеска дотурот на стока во кафулињата на Кејот ќе може да го извршуваат само оние кои имаат дозвола и тоа во периодот меѓу 2 и 10 часот наутро


Пешачките зони во центарот на македонската метропола, особено Кејот 13 Ноември, се претворија во егзибиционистички патеки на кои скутерџии и моторџии со висока брзина ги покажуваат своите возачки способности. Не помалку опасни за пешаците се и возилата за кои не важи забраната за движење. На жалбите на скопјани, а посебно на жителите од околните згради, деновиве одговорија одговорните од Град Скопје кои ги известуваат сите граѓани, особено оние што вршат дотур на стоки од Кејот дека од денеска заедно со сообраќајната полиција ќе се врши засилена контрола на влегувањето на возилата за дотур.
- Дотурот на стока ќе можат да го извршуваат само оние кои имаат дозвола и тоа во периодот меѓу 2 и 10 часот наутро. Најостро ќе бидат санкционирани сите кои ќе вршат дотур надвор од пропишаното време, или пак, истото ќе го прават без валидна дозвола издадена од Град Скопје.

Контролата на возилата со дозвола, при влегувањето и излегувањето, во рамки на пропишаното време ќе ја вршат вработените на паркинг пунктот на хотелот Холидеј Ин - информираат градските власти. Тие ги повикуваат сите субјекти кои немаат дозвола што поскоро да поднесат барање до Секторот за сообраќај за издавање на дозвола. Граѓаните се задоволни од најавените мерки и се надеваат дека со нив ќе се намали сообраќајот а ќе се зголеми нивната безбедност на Кејот.
- Ноќе не се спие од бучава, а дење да ти е страв да излезеш од дома. Моторџии возат на едно тркало, се вртат под рачна, се чкрипат со гумите. Посебна пориказна е кога се врши дотур во кафулињата, тогаш врие од автомобили. Општ хаос...Можеби зачестените полициски контроли ќе ги вразумат сите несовесни возачи - вели еден жител од кулите на Кејот.

Градот Скопје и досега имаше воспоставен режим на забрана за движења на моторни возила на Кејот и улицата Македонија според кој единствено возилата на Комуналец, на Брза помош, пожарникарските и полициските возилата имаат слободен влез. Секое возење на пешачка зона без дозвола се казнува со глоба во висина од 25 евра во денарска противвредност.

http://www.vecer.com.mk/default.asp?ItemID=19C3F4A7E7DA514A9BCDF15F9071F7C3
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #18 Posted: 08-Jun-2009 at 18:08

Див запад во Струга

Стружани негодуваат поради урбанистичкиот хаос во градот, за што некои го обвинуваат поранешниот макро Дилавер Бојку Леку, кој е сопственик на хотел во Струга, а за други, виновна е локалната власт

Летни тераси и шанкови во чаршијата и на кејот на реката Црн Дрим, но и несредените плажи деновиве ги пречекуваат малобројните туристи во Струга, пред почетокот на летната туристичка сезона. Додека посетителите се одмораат во сенките на шанковите на кејот, стружани негодуваат поради урбанистичкиот хаос што со години владее во градот на поезијата. Дел од нив за нередот го обвинуваат поранешниот макро Дилавер Бојку Леку, кој е сопственик на хотелот „Блу скај“ во центарот на Струга и на шанковите на градската плажа, а останатите го бранат и вината ја гледаат во државата и во локалната самоуправа. Додека Советот на Општина Струга во исчекување на изборот на претседател на Советот не функционира, струшките угостители и бизнисмени меѓусебните проблеми почнаа да ги расчистуваат со пиштоли.


Летните тераси жежок проблем

Екипа на „Дневник“ беше во Струга по инцидентот во понеделникот, кога полицијата го приведе Леку, откако пукал со пиштол за да го реши имотниот спор со Меџит Цома, сопственик на ТЦ „Цома“.

- Лека избрка десет трговци од кејот и стана газда, а ја узурпира и плажата. Постави секаде маси, а потоа неговиот пример го следеа и останатите угостители. Нареди околу 100 квадратни метри маси со кои навлегува во локацијата на „Цома“, како и на скалите од кејот. Масите и столовите го попречуваат пристапот на граѓаните, но и на возилата за дотур на стока. Во Центарот има 40 дуќани на кои им е попречено работењето. Затоа пред две години, заедно со сопствениците на дуќаните, поднесовме петиција и барање до градоначалникот, до МВР и до Министерството за локална самоуправа да го решат проблемот и дивопоставените маси да бидат отстранети. До сега немаме одговор - вели Цома.Според него, пред да се случи инцидентот Леку му се заканувал нему и на неговото семејството. Барал од него да го тргне градежниот материјал оставен пред Центарот, наменет за реновирање. Вели дека е среќа што никој не бил повреден, иако куршумот завршил во патиката на неговиот син.

- Знам само дека полицијата му поднела кривична пријава за предизвикување општа опасност. Сепак, страв ми е дека ќе се забошоти случајот. Намерата на Леку е да ме избрка одовде, ама јас пред десет години се вратив од Америка за да останам тука. Инвестирав чесно и нема никој да ме избрка. Ако тој се преселил од Велешта во Струга за да води бизнис, нека работи, ама нека не ги плаши сите - вели Цома.По разговорот со Цома, го побаравме и Леку, но тој не беше во градот. Не' пречека неговиот син Ербен, кој ги негираше обвинувањата.

Државата и Општината во спор

- Татко ми реагираше со право бидејќи градежниот материјал од ТЦ „Цома“ беше поставен пред влезот на хотелот. Ако сака некој да влезе во хотелот, ќе мора да скока преку него. Не држат ниту обвинувањата за масите, бидејќи ние имаме поставено маси и столови на кејот пред хотелот и на дел од скалите. За нив уредно си ја плаќаме киријата во Општината. Тие што се пред „Цома“ не се наши - вели Ербен.Тој смета дека на дел од стружани им пречи што неговиот татко работи во градот поради што прават проблем и таму кај што ги нема. Јас сум сопственик и на шанкот и на тобоганот на дел од плажата. Имам договор за купопродажба со двајца стружани, кои беа претходни сопственици на објектите на тој дел од плажата - вели Ербен. Според неговиот адвокат, Гоце Ибушевски, Ербен за плажата ги има сите документи.

- Мојот клиент беше тужен од државата, но откако видоа дека ја имаме целокупната документација, се повлекоа. Земјиштето од 700 квадратни метри сопственост на државата е доделено со корисничко право на Ербен до 2010 година. Тој дел од струшката плажа беше ѓубриште. Многу пари се инвестирани во плажата и поради тоа аплициравме за добивање на предвидените концесии за плажите, со што би го добиле на долгорочно користење - вели Ибушевски. Одговор за состојбата побаравме и во Општината. Оттаму велат дека Советот не работи и поради тоа се во мат-позиција.

- По изборот на претседател ќе има седница на која на дневен ред ќе биде програмата со која ќе се утврдуваат локациите на привремените објекти. До тогаш ќе биде статус кво. Проблемот со дивите шанкови на плажите постои и покрај забраната за секакви градежни зафати додека не се реши судскиот спор меѓу државата и локалната власт за надлежноста на градските плажи. Иако немаме овластување да раководиме со плажите, можеме да правиме инспекција. Сите плажи од детското одморалиште „25 мај“ до хотелот „Евротел“ подлежат на инспекција. Ќе се проверуваат и плажите што имаат дозвола од транспорт и врски и ќе се отстранат сите привремени објекти поставени на нелегален и незаконски начин - вели Зоран Гулицовски, секретар во Општината.

Даниела Вељановска, Игор Шегавиќ
Фото Маја Златевска



http://dnevnik.com.mk/?ItemID=A2A112EF49027948B1A3413BF1007723
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #19 Posted: 09-Jun-2009 at 21:00

Наместо казни, олеснителни околности за кафеанџиите

Ќе се менува правилникот, но без корекции за суштинско решавање на проблемот

Деспина Трајковска

Локалните власти најавуваат измени во постапките за користење на летните тераси и трансфер на некои од надлежностите помеѓу Градот и општините, но очигледно тоа нема да резултира со подобрување на состојбите на терен. Градоначалниците на неодамна одржаната координативна средба утврдиле недостатоци во законите кои го регулираат прашањето за летните тераси и договориле заеднички да се заложат за решавање на досегашните проблеми. Сепак, во утврдените потребни измени нема да се извршат суштински корекции за да се стави крај на хаосот со поставувањето на урбаната опрема на јавните површини. Засега, нема да се менува Правилникот кој го регулира поставувањето на инвентарот, туку единствено корекции ќе се направат во постапката низ која треба да помине секој кафеанџија.

„На Координативното тело беше утврдено дека Правилникот засега нема да се менува, но беше постигната согласност општините да ги префрлат надлежностите во оваа област на Градот, со цел да има подобра контрола и управување на целиот процес во насока на воведување ред во поставувањето на летните тераси низ градот“, велат од Градот.

Оттаму појаснуваат дека со трансферот на надлежностите, административната постапка за добивање согласност за користење летна тераса, кафеанџиите сега ќе ја завршуваат во Градот без да минува и во општинските служби. Поделбата на надоместокот за користење на јавните површини, како и досега, ќе биде помеѓу Градот и општините, додека инспекцискиот надзор и понатаму останува единствена обврска за општинските служби.

Токму тој сегмент, се чини, е клучниот за трајно решавање на проблемот. Иако од општините тврдат дека повремените акции за надгледување на состојбите на терен даваат резултати, директните извршители признаваат дека кафеанџиите ја демонстрираат недисциплината во вечерните часови и за време на викендите, кога инспекцијата не работи. Често, како што досега неколкупати изјавуваа инспекторите, кафеанџиите го распостилаат инвентарот на недозволени површини и по само неколку минути по спроведување на акцијата. Дел од градоначалниците се согласуваат дека големи парични казни и затворање на локалите, чии сопственици не ги почитуваат правилниците, се единственото решение за проблемот. Сепак, досега никој од надлежните не повел иницијатива за воведување ригорозни мерки во соодветните регулативи.

Од Градот негираат дека на Координативното тело станало збор за вклучување во целата проблематика на Пазарната инспекција, која по налог на Градот би добила задача да затвори локал, чиј сопственик и покрај неколкуте итервенции за отстранување на непрописно поставен инвентар, би продолжил со узурпирање на просторот.



http://www.utrinski.com.mk/?ItemID=B21F9DEB3073A149ADADF9FC92D05E40
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #20 Posted: 25-Sep-2009 at 13:33

Кафулиња узурпираат приватно земјиште

Додека локалите „Грин хаус“, „Филипис“ и „Попе“ без одобрение го користат приватниот двор на зграда во Дебар Маало, надлежните со молчење овозможуваат грубо кршење на нашите уставни права, обвинуваат станаритe

Без одобрение и на наше земјиште пред нашата зграда кафе-барови си поставуваат летни тераси и узурпираат приватна сопственост, обвинуваат станарите од зградата број 2 на улицата Благој Давков во Дебар Маало. За сопственоста на парцелата пред и околу зградата станарите имаат и имотни листови.

- Во заедничка сопственост имаме земјиште со површина од вкупно 2.337 квадратни метри, од кои 1.132 квадрати се околу зградата, а останатите се под зградата. Над 100 лица сме заеднички сопственици. На дел од нашето земјиште, на околу 600 квадрати, кои всушност се двор околу зградата, два локала и една сендвичарница си поставија летни тераси со чадори и огради со жардинијерии, без одобрение од градските власти - велат станарите.

Станува збор за кафе-баровите „Грин хаус“ и „Филипис“ и за сендвичарницата „Попе“.

Станарите велат дека градските власти во јули им одговориле дека локалите немаат одобрение за летни тераси. Во тој реон одобрение има само кафе-барот „Кино Карпош-Бастион“, издадено на 5 август, но станарите се жалат дека и овој локал ја распослал терасата повеќе од дозволеното. Тие велат дека мора да дадат согласност на нотар за поставување тераси пред нивната зграда, а тоа досега не го сториле.

- Одземено ни е правото на сопственост, кое ни е загарантирано со Уставот. Досега никој од надлежните не ни помогна, иако сме реагирале повеќе пати. Ние не можеме да им забраниме објектите да бидат кафе-барови, но бараме надлежните да реагираат и да се почитуваат законите. Се обративме до градежниот инспекторат во Општина Центар, но досега немаме писмен одговор, само усно ни образложија дека тие не биле надлежни за отстранување на монтажни натстрешници, односно тенди, туку само за уривање натстрешници кои се фиксирани за под или за ѕид, како и за времени објекти - револтирани се станарите.

Тие пријавиле и во Пазарната инспекција, но оттаму ги одбиле со образложение дека била во тек постапка за добивање одобренија за тераси за сите локали во Скопје, а тие ќе реагирале кога постапката ќе заврши.

Од Градот велат дека освен на „Бастион“ не му издале одобрение на ниту еден друг стопански субјект во зградата на „Благој Давков“ 2.

- За опремата на локалите „Грин хаус“, „Филипи“ и „Попе“, станарите треба да се обратат до надлежните инспекции во Општина Центар, за да извршат контрола на документацијата - велат градските власти.

Од Општината Центар се правдаат дека комуналните инспектори немаат овластување да дејствуваат, бидејќи терасите на локалите не се наоѓале на јавни површини, туку на заедничка сопственост. Додаваат дека комуналните инспектори на 4 септември му издале опомена на „Бастион“ поради непридржување кон дозволата за користење јавни пешачки површини.

Управителот на кафе-барот „Филипи“, Горан Зечевиќ, вели дека просторот пред локалот е во приватна сопственост и дека му е издаден под закуп.

- Јас имам документи од Катастар и имотен лист од кој се гледа дека просторот пред локалот е приватна сопственост и дека ми е издаден под закуп. Имам елаборат од кој, исто така, се гледа дека имам оставено простор со ширина од 3,5 метри за да може да минуваат станарите. Тие се бунат за простор што е во заедничка сопственост, како што е атриумот, ходниците и местото за поминување. Ова се луѓе што не се реализирани и прават проблем онаму каде што го нема - изјави Зечевиќ.

Тој додаде дека локалот нема тенди, туку само чадори, но призна дека се' уште нема добиено одобрение за поставување маси и столови.

- Уредно поднесовме барање со потребните документи уште во јуни, но од определени причини постојано ни беа барани нови документи. Не е наша вина што постапката се одолжува - вели Зечевиќ.

Станарите се незадоволни од однесувањето на надлежните институции, бидејќи не покажале интерес да го решат овој проблем. Велат дека нема да застанат со постапката и дека ќе поднесат преставка до народниот правобранител, а ќе реагираат и до Уставниот суд. (А.П.)



http://dnevnik.com.mk/?ItemID=D65616CC1E10764394D2B94AD1C1F811
Back to Top
 Post Reply Post Reply Page  123 4>

Forum Jump Forum Permissions View Drop Down



This page was generated in 0.078 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.