Брза железница Македонија

Се погласни се натписите за воведување на брза железница на релација Будимпешта-Солун.И Македонија сакала или нејќела би била на некој начин вовлечена во ова бидејќи железничкиот коридор X поминува токму низ Македонија.
Јас мислам редно е да отвориме и ваква тема па макар и да не се оствари ништо од ова.Чисто да видиме размислувања на форумов на оваа тема.

Еве една денешна статија на "Дневник"

KИНА ПРИТИСKА ЗА БРЗАТА ПРУГА

БРЗИОТ ВОЗ ДО БУДИМПЕШТА ЗЕМЈАВА БИ ЈА ЧИНЕЛ МИЛИЈАРДА ЕВРА



Kинезите притискаат и Македонија да се вклучи во проектот за изградба на брза пруга што ќе се протега од Будимпешта, преку Белград и Скопје, се до Солун и Атина, дознава „Дневник“. Притисокот доаѓа најмногу поради фактот што земјата така ќе има брз железнички пристап од централна Европа до стратегиските грчки пристаништа за чија приватизација се заинтересирани големи кинески компании.

Унгарските и српските власти дефинитивно се решени да го „истуркаат“ проектот и да ги модернизираат железничките линии во своите земји. Веќе е договорено официјалниот документ за брзата пруга да биде потпишан во Белград следниот месец, на самитот на европските лидери што го организира Kина, кога и ќе бидат презентирани детали за модернизацијата на пругата Белград-Будимпешта. Македонија се уште калкулира дали овој проект ќе биде исплатлив, имајќи предвид дека првичните проценки се оти ќе ја чини земјава околу една милијарда евра.

- За проектот не информира кинеската делегација при последната посета, но проектот се уште е во фаза на подготовка и е рано да се каже што ќе содржи - изјави неодамна министерот за транспорт и врски Миле Јанакиески.

Според првичните снимања на теренот, ако земјава реши да стане дел од брзата железница, нема да има потреба да се гради целосно нова пруга од Kоридорот 10, кој се протега од север кон југ. Односно, одредени делници ќе треба да се реконструираат и да се приспособат на планираната брзина по целата траса, а на некои ќе треба да се гради комплетно нова железничка инфраструктура.

Грција, пак, е најнезаинтересирана од сите четири земји низ кои треба да поминува брзата железница. Грчките власти досега не се изјасниле дали воопшто размислуваат и сакаат да се вклучат во целиот проект, кој ќе се финансира со кредит од Kинеската развојна банка.

Според најавите на Србија и Унгарија, ако договорот дефинитивно се потпише во декември, градежните работи на пругата би можеле да почнат уште напролет, а би требало да завршат за три години.

KОЈ Е ИНТЕРЕСОТ НА KИНА?

Kина е заинтересирана за овој проект поради железничката врска со која грчкото пристаниште во Пиреја, кое е делумна сопственост на кинескиот државен гигант „Kоско“, ќе се поврзе со централна Европа. Kинески компании се влезени и во потесниот круг за купување на Солунското пристаниште и уште неколку помали во Грција, што е дополнителен поттик да се притиска за изградба на брзата пруга, со која стоките за многу пократко време и со помалку трошоци ќе стигаат до централна Европа. Пресметките покажуваат дека со изградбата и модернизацијата на пругата Будимпешта-Белград, времето на патување од осум часа ќе се намали на само три.

Edited by jyvation - 06-Nov-2014 at 17:05

Прво не е брза железница движењето на возовите со 160км/ч. Ќе треба да менуваме наслов на нишкава. На брзи пруги сообраќаат само патнички возови со брзина од над 250км/ч, но тоа е сулудо решение за земји во кои најмногу се патува од Скопје до Велес или од Лесковац до Ниш.

Кина сака унапредување на нашите пруги, претпоставувам пруга со брзина од 160 до 200, максимум 220 километри на час која би се користела за товарен, а потоа и за патнички сообраќај.

Баткава ги измешал брзиние. Не ни знае што е брза железница току ајде колку да се пишело.

Треба да правите разлика помеѓу брза железница и супер брза железница. Така да тоа што го гледаме по телевизии за најбрзите возови тоа се супер брзи железници. И чудо едно како се фативте од толкав текст за поимот. Олицетворние на нашиот чудесен менталитет секогаш да се фаќаме и да го тупиме за најнебитните работи. Споре мене кажав и погоре возовите да одат до 160 километри на час ќе биде феноменално за нас со што Македонија од горе до доле би се поминувала за помалку од 2 часа.

Поентата на Ѓоко е добра. За тие што имаат искуство со германските железници би требало да знаат дека интер-сити експресите кои технички се способни да имаат патна брзина од над 250 км/ч (значи зборам патна а не максимална) а пругите (инфраструктурата) се оспособени за патни брзини до 300 км/ч на делници каде станиците/поголемите градови се не подалеку од 100 км ретко кога ја постигнуваат патната брзина од 250 км/ч. Во просек се движат со 170-180 км/ч. Нешто што реално нема да биде ништо полошо опслужено од возови способни за патна брзина од 160-180 км/ч (максимална 200) и пруги кои се приспособени за брзини до 200 км/ч. Претпоставката е дека дадената линија би застанувала само на поглавни и поодалечени станици Будимпешта-Нови Сад-Белград-Ниш-Скопје-Велес-Солун

Јас би рекол
Будимпешта-Нови Сад-Белград-Ниш-Скопје-Гевгелија-Солун
А дефинирам брзо како се што е во најмала рака побргу од да патуваш со автомобил. 160км/ч би било феноменално. Од еден до друг крај на државата за саат.

Originally posted by BOJAN Она што е изработено како проектна документација за евентуална нова пруга минува подалеку од река Вардар, малтене во ридиштата помеѓу река Вардар и Овче Поле. Тоа е за Велес, а и самата станица би била многу оддалечена од градот. За другите градови не знам, но можам да се кладам дека слично би било и за Демир Капија.

Бојан може ли повеќе околу трасата која стои во проектната документација. Според мене иделано би било железницата ако веќе е во овчеполието да има станица и во Штип , со тоа е опфатена цела источна Македонија. Ако е така Куманово , Штип и Гевгелија се најидеални за опслужување. А од Скопје до Куманово да има исто така редовна и брза врска која ќе биде прилагодена со овие возови.   

Ако биде на постоечката пруга со еден колосек и 300 км/ч да ја направат, пак ќе се има истиот проблем со чекање возови. На сегашната пруга не е проблем колку е брза, главниот проблем е што има еден колосек и често пати има лоша комуникација, па споредните возови мора да чекаат. Ми се има случено да чекам 30 минути на станица да помине возот за Белград, а тоа чекање можеше да се направи и на друга станица. Меѓутоа поради лошата комуникација на Македонски железници споредниот воз не смее да тргне додека не добие зелено светло. Овој проблем ќе биде уште поизразен во случај да има зголемен сообраќај на пругите. Министерство за транспорт и врски имаат планови да ја развијат железница, но тоа нема да се случи со постоење на еден колосек.

КОЛКУ Е РЕАЛНО ОСТВАРЛИВА И КАКО ЌЕ ИЗГЛЕДА БРЗАТА КИНЕСКА ПРУГА?



По официјалното објавување на плановите за изградба на брза железница од Грција до Западна Европа преку Македонија и Србија со кинески пари околу изводливоста на ова решение веќе почнаа да владеат поделени мислења. Ефектите и бенефитите од секое инфраструктурно напредување се познати и позитивни. Прашањето кое го поставува експертската јавност е дали самиот проект е реално остварлив и финансиски исплатлив.

Првичните проценки се дека најверојатно ќе нема потреба од изградба на целосно нова линија, туку само реконструкција и доградба на постоечката мрежа која е дел од коридорот 10. Во прилог на ова одат и фактите дека делови од оваа линија која се протега од северот до југот на земјава веќе се реконструирани со пари од европските фондови. Согласно на тоа сесмета дека ќе се потребни многу мали корекции.

Но, многумина експерти имаат тотално различно мислење. Според нив, ако Македонија навистина влезе во овој проект ќе треба да се замени цела постојна пруга долж Коридорот 10.

Македонската пруга долж Коридорот 10 со последните реконструкции од 2012 година е проектирана брзина на возовите од 120 километри на сат, а брзите железници бараат истата да може безбедно да издржи возови кои ќе се движат со брзина помеѓу 160 и 200 километри. Во некои проценки се зборува дури и за 300 км на час.

Дејан Трпевски, претставник на чешката Локо Транс во Македонија и човек кој цела работна кариера е во бизнисот со железници се обиде да ни ги доближи дилемата околу тоа како би требало да изгледа или да се гради новата супер брза пруга.

„Ако навистина Кинезите сакаат да достигнат брзини на движење како оние што ги пренесуваат медиумите, тогаш дефинитивно им е потребна целосно нова траса на пругата. Значи не станува збор само за промена на металнитеделови и подлогата, бидејќи најголем проблем се самите кривини. Дали можете да замислите воз со брзина од 200 или еве да речеме 300 км на час да влезе во кривини и тунели како оние во Демиркаписка или Таорска клисура? Значи потребно е целосно нова траса и целосно нова пруга изградена по сите стандарди за безбедност на брзи железници“, вели Трпевски.

А на нашето прашање колку би чинело сето тоа Трпески ни даде интересна проценка.

„Ако километар на обична пруга чини два три до пет милиони евра, брза пруга би требало да чини барем 7 до 8 пати повеќе. Тоа се светски стандарди од кои нема бегање. Останува да се види дали има економска исплатливост за тоа“, смета Трпевски.

Од Македонската транспортна асоцијација се поголеми оптимисти, но и тие додаваат дека гледано од трошковен и технички аспект, може да дојде до неусогласеност на постојните решенија кои се однесуваат на модернизирање на пругата на делот од Коридорот 10 во Македонија со потребите на „брзата пруга“, бидејќи сегашното модернизирање на пругите во Македонија се прави за брзина на возовите од 120 километри на час, не за брзина од 160 километри на час, колку што се предвидува за „брзата пруга“.

„Доколку се прифати учество во овој проект, тогаш ќе треба одделни делови од пругата во земјава да се изградат одново, а останатите делови само да се приспособат на планираната брзина од 160 километри на час“.

Од Асоцијацита сметаат дека значајно е да се нагласи дека за да може Македонија да одговори на овие предизвици ќе има потреба од обезбедување на високи износи на финансиски средства.

„Во овој момент, без соодветна финансиска поддршка од меѓународните финансиски институции и без поширока регионална финансиска поддршка, која би се реализирала преку заеднички регионални проекти, а во ситуација на исцрпена финансиска моќ на стопанството, таа, реално, не е во можност на истите соодветно да одговори“.

http://kapital.mk/kolku-e-realno-ostvarliva-i-kako-ke-izgleda-brzata-kineska-pruga/

Да, де, уште само уште една милијарда ни фали да се задолжиме кај Кинезите за оваа пруга, која е целосно непотребна во овој даден момент, особено кога Железницата нема основни средства (како локомотови, па откажува линии), а камоли занесување и изградба на вакви брзи пруги, кои нам не ни се воопшто потребни.

Се освен концесиска изградба на делницата не треба да се прифати. Ако толку сакаат Кинезите пруга, нека одврзат кесето и нека си направат, а нам нека ни ја вратат по 20-30 години.