build.mk Homepage
Forum Home Forum Home > Главни теми > Проекти > Образовни
  Active Topics Active Topics
  FAQ FAQ  Forum Search   Register Register  Login Login

Комплекс факултети на УКИМ

Bookmark and Share
 Post Reply Post Reply Page  123 9>
Author
Message Reverse Sort Order
  Topic Search Topic Search  Topic Options Topic Options
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15018
  Quote Џоле Quote  Post ReplyReply #1 Topic: Комплекс факултети на УКИМ
    Posted: 03-Jan-2024 at 10:19
Па, тие беа лудаци, немаа ни за леб, а трошеа на чоколади.
За сè има вторпат
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #2 Posted: 03-Jan-2024 at 01:24
Веднаш да се срушат овие грозотии. Да направиш факултет за информатика и спорт на најпрометната раскрсница во државата, па уште и во вакви мизерни згради, треба да си едноставно лудак!
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #3 Posted: 02-Jan-2024 at 14:11
Студентите во тесно, барокните згради чекаат нов изглед

Речиси деценија помина од почетокот на изградбата на објекти за факултетите ФИНКИ и ДИФ. Министерството за образование три години размислува како да го промени планираниот барокен изглед додека студентите учат во во преполни простории или имаат предавања на други факултети, а нема услови ни за вежби











https://www.slobodnaevropa.mk/a/studentite-vo-tesno-baroknite-zgradi-chekaat-nov-izgled/32746307.html
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #4 Posted: 02-Jan-2024 at 13:25
МЕТА ФАКТ: Помина уште една година, ветената доизградба на зградите на ФИНКИ и ФФК не продолжи



Најголемиот и најброен факултет во државата, ФИНКИ, останува без свој сопствен објект, исто како и неговиот „иден сосед“ – Факултетот за физичко образование, спорт и здравје (ФФОСЗ). Најавата дека изградбата на зградите на овие два факултета ќе продолжи годинава не се реализираше и според тоа, ова ветување на министерот за образование и наука Јетон Шаќири е неисполнето.

Изградбата на двата објекта која започна во декември 2015 година како дел од проектот „Скопје 2014“, осум години подоцна, не е завршена. Двете згради кои беше предвидено да бидат во барокен стил, требаше да ги решат проблемите на факултетите кои со години опстојуваа(т) во лоши услови. Изведувач на градбата беше фирмата „Бетон-Штип“, но откако во јули 2019 отиде во стечај, изградбата прекина.

Поради ова, најголемата високообразовна установа во земјава – Факултетот за информатички науки и компјутерско инженерство (ФИНКИ), која, според податоците на Државниот завод за статистика од јули годинава, брои 4.468 студенти, останува без свој сопствен објект. И покрај тоа што информатиката е веројатно најпросперитетната наука денес, дванаесет години откако започна со работа, факултетот сè уште нема свој сопствен објект, а за настава се користат простории од други високообразовни институции, што пак им создава проблеми и на студентите и на нивните наставници.

Поради недостатокот на училници, во моментов за задолжителните предмети на ФИНКИ се одржуваат физички предавања, додека најголемиот дел од изборните предмети студентите ги следат онлајн.

Огромна потреба да добие свои простории има и Факултетот за физичко образование, спорт и здравје. На овој факултет минатата година учеле вкупно 402 студенти, од кои 283 биле редовни. За теоретска настава на сите овие студенти, професорите имаат на располагање само еден амфитеатар, а во просторот каде што се наоѓа факултетот, покрај него функционираат и спортската гимназија – Државното училиште за физичка култура „Методи Митевски – Брицо“ и Спортската академија.

За потребите на дел од предметите, факултетот користи и објекти под закуп на различни локации во Скопје.

Студентите на овие два факултета и понатаму се надеваат дека нивните институции ќе добијат сопствени објекти каде ќе можат да се образоваат, иако е малку веројатно сегашната генерација студенти да се вселат во планираните згради кај општествениот кампус на УКИМ.

Министерот за образование и наука Јетон Шаќири во декември 2022 година рече дека во 2023 ќе продолжи изградбата на зградите на двете високообразовни установи.

„Ќе посочам неколку покрупни проекти – ќе отпочне изградба на објект за потребите на Универзитетот „Мајка Тереза“ во Скопје, а ќе продолжи и изградбата на објектите на ФИНКИ и Факултетот за физичка култура во Скопје“, рече, меѓу другото, министерот за образование Јетон Шаќири на прес-конференција на која го образложуваше буџетот на МОН за календарската 2023 година.

На почетокот на 2023 година и МОН најави дека ќе ги ревидира проектите со цел да се отстранат одредени позиции кои се дел од естетиката на објектите, но оттогаш помина една година.

Ревидирањето на проектите трае цела година?
Мета.мк во февруари минатата година се обрати со прашање до Министерството за образование и наука за тоа до каде е постапката, а од таму одговорија дека ги ревидираат проектите.

„Во тек е ревидирање на проектите за изградба на ФИНКИ и Факултетот за физичка култура, а целта е да се отстранат одредени позиции кои се дел од естетиката на објектите, а не се поврзани со функционалноста, со цел да се намалат непотребните трошоци во услови на економска криза. Откако ќе заврши ревидирањето, ќе се спроведе и постапка за јавна набавка, со цел избор на економски оператор кој ќе ја доврши изградбата“, ни рекоа од МОН во одговор во февруари 2023 година.

Дополнително, најава дека ќе продолжи изградбата на ФИНКИ и ФФОСЗ, Шаќири даде и во интервју за интернет-порталот Факултети.мк во март минатата година.

„Планираме изградба на 3-4 училишта, да почне реконструкција на 118 училишни објекти, да се изградат 10-тина спортски сали, нов универзитетски кампус за „Мајка Тереза“, да продолжи изградбата на ФИНКИ и ФФК“, вели Шаќири во интервјуто во својот одговор на прашањето „На какви проекти им давате приоритет годинава (2023, н.з.), што Ви е најважно да реализирате?“.

Бидејќи во текот на целата календарска година, лани не можеа да се забележат никакви градежни активности на два објекта кај Ректорат, а ова прашање не беше повторно актуализирано од МОН, Мета.мк во декември повторно се обрати до министерството со прашања за тоа што се случи со ветувањето и која е причината поради која изградбата на двете згради не продолжи.

Од МОН ни дадоа одговор идентичен на оној што го добивме пред десет месеци.

„Во тек е ревидирање на проектите за изградба на ФИНКИ и Факултетот за физичка култура, а целта е да се отстранат одредени позиции кои се дел од естетиката на објектите, а не се поврзани со функционалноста, заради намалување на непотребните трошоци за изградба. Откако ќе заврши ревидирањето, ќе се спроведе и постапка за јавна набавка, со цел избор на економски оператор кој ќе ја доврши изградбата“, се вели во одговорот на МОН кој е ист со оној што го добивме пред речиси една година.

Според ова, имајќи ги предвид моменталната ситуација на зградите која е идентична, а можеби и полоша во споредба со онаа од пред една година и каде не се забележани градежни работи, како и одговорот од МОН, според кој проектите сè уште се ревидираат, можеме да оцениме дека најавеното оти изградбата на зградите на ФИНКИ и ФФОСЗ ќе продолжи во 2023 година, не е исполнето.

https://meta.mk/meta-fakt-pomina-ushte-edna-godina-vetenata-doizgradba-na-zgradite-na-finki-i-ffk-ne-prodolzhi/
Carpe diem
Back to Top
Vire View Drop Down
Senior Member
Senior Member
Avatar

Joined: 17-Aug-2021
Online Status: Offline
Posts: 349
  Quote Vire Quote  Post ReplyReply #5 Posted: 14-Nov-2023 at 16:03
Важно не е барок
...шабани неспособни.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #6 Posted: 14-Nov-2023 at 15:12
ЛЕТААТ ПОКРИВИТЕ НА НЕДОВРШЕНИТЕ ЗГРАДИ НА ФИНКИ И ФАКУЛТЕТОТ ЗА ФИЗИЧКА КУЛТУРА, ВЛАДАТА НЕМА НАМЕРА ДА ГИ ДОГРАДИ



Пет години нема никакви градежни работи на зградите на Факултетот за физичка култура (ФФК) и Факултетот за информатички технологии (ФИНКИ) во рамките на кампусот на Универзитетот „Свети Кирил и Методиј“во Скопје. Зградите стојат во фаза на карабина и почнуваат да се уништуваат. При посилен ветер или невреме летаат парчиња од крововите на зградите и даски. Минувањето во овој дел е небезбедно.

Изградбата на двете згради почна пред 8 години кога на власт беше ВМРО-ДПМНЕ. Според проектот, требаше да бидат со барокна фасада и во нив да се преселат студентите на овие два факултети. Но, по доаѓањето на власт на СДСМ, фирмата изведувач „Бетон Штип“ отиде во стечај и зградите останаа да стојат недоградени во фаза на карабина.

Во овој мандат на владата на СДСМ и ДУИ нема ниту да се почне постапапката за доградба на зградите, а камоли да се завршат. Министерството за образование нема намера да ги доврши зградите на факултетите оти уште врши ревизија на проектите.

Од Министерството за образование на нашето прашање дали знаат дека објектите почнуваат да се распаѓаат, не се безбедни и кога планираат да ги довршат, ни го испратија целосно истиот одговор како и во февруари годинава.

„Во тек е ревидирање на проектите за изградба на ФИНКИ и Факултетот за физичка култура, а целта е да се отстранат одредени позиции кои се дел од естетиката на објектите, а не се поврзани со функционалноста, заради намалување на непотребните трошоци за изградба. Откако ќе заврши ревидирањето, ќе се спроведе и постапка за јавна набавка, со цел избор на економски оператор кој ќе ја доврши изградбата. Во моментов нема активности на терен“, велат од Министерството.

Според тендерот и договорот кој беше склучен со „Бетон Штип“, изградбата на зградата на ФИНКИ чини 10 милиони евра, а на Факултет за физичка култура 5,9 милиони евра.

https://sdk.mk/index.php/dopisna-mrezha/letaat-pokrivite-na-nedovrshenite-zgradi-na-finki-i-fakultetot-za-fizichka-kultira-vladata-nema-namera-da-gi-dogradi/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #7 Posted: 09-Nov-2023 at 18:37
Салата на УКИМ и натаму лом, АМС не знае кога ќе може да ја користат студентите
Скршени прозорци, градежен шут, и оборени кошеви. Ваква е сликата за спортската сала на Универзитетот „Св. Кирил и Методиј“ сместена во кампусот зад Економскиот факултет за која лани на студентите им се ветуваше дека од годинава ќе може да ја користат.
Иако темелите за оваа сала беа поставени во 2013 година, а проектот е вреден 2,5 милиони евра, студентите од четирите факултета во кампусот на УКИМ една деценија оттогаш, часовите по предметот Спорт и здравје ги одржуваат во барака во која времено е сместен Факултетот за физичко образование, спорт и здравје.









https://www.facebook.com/photo/?fbid=835623185234078&set=pcb.835624151900648
Carpe diem
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #8 Posted: 21-Oct-2023 at 01:04
Ова под итно да се срамни со земја. Да ставиш два вакви факултета покрај најфреквентна раскрсница во земјата и хаос околина е грев над гревовите...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #9 Posted: 20-Oct-2023 at 17:43
Каде заглави изградбата на објектите на ФИНКИ и Факултетот за спорт?



Наместо нови објекти во кои ќе учат идните информатичари и фискултурци, почнатите градби од крајот на 2015та останаа на едвај 30 отсто реализираност.

Повеќе од четири години нема никакви градежни активности на зградите на Факултетот за информатички технологии ФИНКИ и Факултетот за физичка култура. Се уште се во фаза на карабина. Изградбата на зградите кои се дел на државниот УКИМ започна пред седум години и досега за нив се потрошени околу 3 милиони евра.

Нема никакви активности на терен поради тоа што инвеститорот, Министерството за образование и наука, нема распишано нов тендер за доградба на зградите, првично превидено да бидет во барок стил, откако Бетон Штип отиде во стечај. Уште минатата година премиерот Ковачевски најави дека проектот ќе биде завршен а градежните активности да се спроведат во текот на годинава.

-Целта е да се заврши проектот оваа година за да се буџетираат средства во буџетот на МОН за 2023 година и да отпочнат физичките работи за градба за завршување на тој објект.-изјави – Димитар Ковачевски – Претседател на Влада.

На почетокот на годинава и МОН најави дека ќе ги ревидира проектите со цел да се отстранат одредени позиции кои се дел од естетиката на објектите, но оттогаш поминаа скоро десет месеци. Канал 5 побара одговор од министерството со кое раководи Јетон Шаќири, дали и кога се планира да се заврши градбата. Но оттаму досега нема одговор.

Освен изградбата на зградите на двата факултети, беше најавена и реконструкција на училишта и студентски домови. Се додека нема нов тендер за ФИНКИ и Факултетот за физичко образование, не може ниту да се знае кога, евентуално, професорите и студентите ќе ги напуштат нивните стари објекти.

https://kanal5.com.mk/kade-zaglavi-izgradbata-na-objektite-na-finki-i-fakultetot-za-sport/a606756
Carpe diem
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #10 Posted: 16-Aug-2023 at 16:49
Штета што факултетите не се изградени во целост, во проектот има повеќе ламели за факултетите и една третина простор повеќе за филозофски и филолошки. Вака би имало скоро доволно кабинети за да нема потреба да се преправаат прозорци и помошни простории, ниту да бидат по 2-3 професори во еден кабинет.

Ни сега не е доцна за целосна обнова на целиот комплекс со доизградба на оригиналниот проект, но имајќи предвид дека бројот на студенти на сите 4 факултети опаѓа нема да има потреба од тоа.

Извор: architectuul.com
Градот убав никна, но го откорнаа
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #11 Posted: 13-Apr-2023 at 23:13
„АУЛА“ – ентериерно решение на аулата во Филозофскиот Факултет при УКИМ /Томовска, Петрунова, Мусли

Автори: д-р Радмила Томовска, д-р Ива Петрунова и Хекуран Мусли

Година на проект: 2022

Место на интервенција: аулата во Филозофскиот Факултет при УКИМ

Локација на објект: Бул. “Гоце Делчев” бр.9, Скопје


Повеќе: marh.mk

Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #12 Posted: 06-Feb-2023 at 18:27
ФИНКИ и Факултетот за физичка култура ќе продолжат да се градат годинава, но не во барокен стил

Повеќе од единаесет години по основањето, најголемиот факултет во државата никако да добие свој сопствен објект. Бројот на студенти на Факултетот за информатички науки и компјутерско инженерство (ФИНКИ) од година в година се зголемува, а „туѓите“ простории што ги користи институцијата и за кои плаќа кирија, стануваат премали за да ги задоволат потребите. Тесно е и на Факултетот за физичко образование, спорт и здравје (ФФОСЗ), кој во моментов просториите ги дели заедно со уште три субјекти и е единствениот факултет за физичка култура во регионот кој нема свој спортски комплекс, пишува Новинската агенција Мета.

Новите домови во кои треба да се вселат овие два факултета при Универзитетот „Св. Кирил и Методиј“ (УКИМ) во Скопје останаа недоградени, откако фирмата изведувач отиде во стечај. Годинава, надежите дека изградбата ќе продолжи повторно се вратија, а барокниот изглед што требаше да го добијат се чини дека ќе остане само нереализирана замисла.

Изградбата на двата објекта започна во декември 2015 година како дел од проектот „Скопје 2014“. Двете згради за кои беше предвидено да бидат во барокен стил, требаше да ги решат проблемите на факултетите кои со години опстојуваа во лоши услови. Изведувач на градбата беше фирмата „Бетон-Штип“, но откако во јули 2019 година отиде во стечај, изградбата прекина.

Просперитетни информатички науки со оскудни услови за настава

ФИНКИ е најголемата високообразовна установа во земјава – според податоците од Државниот завод за статистика (ДЗС) објавени во јули минатата година, на овој факултет биле запишани 4.145 студенти. Бројката годинава се зголеми за уште околу 1.100 бруцоши, што значи дека, не сметајќи ги оние што дипломирале во меѓувреме, на ФИНКИ во моментов се образоваат речиси 5.000 студенти.

И покрај тоа што информатиката е веројатно најпросперитетната наука денес, единаесет години откако започна со работа, факултетот сè уште нема свој сопствен објект. За потребите на наставата, ФИНКИ користи простории на други факултети, што пак на професорите и студентите им создава проблеми.

Онлајн наставата изминатите две години ја омекна итноста на проблемот, но сега откако ковид-пандемијата стивна и студентите почнаа да се враќаат на настава со физичко присуство, проблемите почнуваат да испливуваат на површина.

Поради недостатокот на училници, во моментов за задолжителните предмети на ФИНКИ се одржуваат физички предавања, додека најголемиот дел од изборните предмети студентите ги следат онлајн, вели претседателката на Факултетското студентско собрание на ФИНКИ (ФСС ФИНКИ), Весела Трајковска. Според неа, училниците кои во 2019 година, пред пандемијата, биле достапни за нив, денес не се доволни. Факултетот во моментов користи простории на Технолошко-металуршкиот факултет и Факултетот за електротехника и информациски технологии (ФЕИТ), а од оваа академска година и на Педагошкиот факултет.

„Најпрво, секогаш мора да бидеме флексибилни на останатите распореди за предавања и испитни сесии, како и во однос на бројот на предавални кои ни се ослободени за користење. Предавањата на техничкиот кампус се одвиваат од 8 часот сабајле до 20 часот навечер, бидејќи нема доволно училници за сите да се распоредат во рамки на класично работно време до 16 или 17 часот. Во последните неколку години сè повеќе и повеќе се зголемува бројот на примени студенти на ФИНКИ, така што училниците кои биле достапни за нас во 2019 година веќе во 2022 не се доволно, и покрај фактот што добивме плус 4 училници од Педагошки факултет“, вели Весела Трајковска.

Според неа, потребата за сопствена зграда на ФИНКИ е недебатлива и е нешто што му треба на факултетот со самото негово создавање и им следува на студентите со самото запишување.

„Кампуси на факултети за информатички науки располагаат со голем број лаборатории за користење на студентите, читални, односно простории за самостојно или групно учење, кафетерии, бифеа и така натаму. Во тие лаборатории или читални можат да инвестираат многу софтверски компании кои сакаат да се промовираат меѓу студентите, со цел да има навистина квалитетна опрема. Во моментов, сметам дека ова не се случува често на ФИНКИ бидејќи лабораториите не се наши и се привремени, па на компаниите не им е исплатливо да инвестираат во просторија која за 3 или 5 години од сега може да не биде воопшто потребна на овој кампус, бидејќи ФИНКИ се преселиле во новата зграда. Истото важи и за продавници за храна, кафулиња, ресторани и кафетерии“, вели Трајковска.

Стотици студенти, еден амфитеатар

Компјутерските науки можеби и можат да се студираат онлајн, но не и спортот. Огромна потреба да добие свои простории има и Факултетот за физичко образование, спорт и здравје. На овој факултет минатата година учеле вкупно 455 студенти, од кои 340 биле редовни. За теоретска настава на сите овие студенти, професорите имаат на располагање само еден амфитеатар, а во просторот каде што се наоѓа факултетот, покрај него функционираат и спортската гимназија – Државното училиште за физичка култура „Методи Митевски – Брицо“ и Спортската академија.

За потребите на дел од предметите, факултетот користи и објекти под закуп на различни локации во Скопје.

„Објектите за реализација на наставата на Факултетот за физичко образование, спорт и здравје ги делиме со уште три субјекти. Особено е критична состојбата со реализација на теоретската настава каде што сме сведени истата да ја реализираме во само еден амфитеатар. Факултетот за физичко образование, спорт и здравје е единствен факултет во регионот кој нема свој спортски комплекс. За потребите на наставата по предметите Пливање со ватерполо и Атлетика користиме објекти под закуп – за реализација на предметот Пливање со ватерполо студентите наставата ја реализираат на Базенот Карпош, додека за реализација на наставата по предметот Атлетика се користи Воениот стадион и Арената ‘Тоше Проески’“, вели професорот и проректор за настава на ФФОСЗ, Борче Даскаловски.

Деканот на ФИНКИ, Боро Јакимовски, не одговори на прашањата на Мета.мк за тоа со какви проблеми се соочува факултетот во моментов и какви сознанија има околу изградбата на новата зграда.

Студентите на овие два факултета се надеваат дека нивните факултети ќе добијат објекти каде ќе можат да се образоваат, иако малку е веројатно сегашната генерација студенти да се „вселат“ во планираните згради кај општествениот кампус на УКИМ.

Несудениот барок

Министерот за образование и наука Јетон Шаќири во декември рече дека во 2023 година ќе продолжи изградбата на зградите на двете високообразовни установи. Мета.мк се обрати со прашање до Министерството за образование и наука (МОН) со прашања за тоа до каде е ваквата постапка, од каде одговорија дека ги ревидираат проектите.

„Во тек е ревидирање на проектите за изградба на ФИНКИ и Факултетот за физичка култура, а целта е да се отстранат одредени позиции кои се дел од естетиката на објектите, а не се поврзани со функционалноста, со цел да се намалат непотребните трошоци во услови на економска криза. Откако ќе заврши ревидирањето, ќе се спроведе и постапка за јавна набавка, со цел избор на економски оператор кој ќе ја доврши изградбата“, велат од МОН.

Според одговорот на министерството, може да се заклучи дека барокниот изглед во кој „Бетон-Штип“ требаше да ги изгради овие објекти, сепак нема да го дочека светлото на денот.

Останува да се види какво решение за изглед ќе добијат двете згради и кога ќе биде распишан тендерот за избор на компанија што ќе ја продолжи изградбата на објектите на ФИНКИ и ФФОСЗ.

Инаку, во буџетот на Министерството за образование и наука за годинава се предвидени 21,6 милиони денари за продолжување на реализацијата на оваа инвестиција.

https://www.radiomof.mk/finki-i-fakultetot-za-fizichka-kultura-kje-prodolzhat-da-se-gradat-godinava-no-ne-vo-baroken-stil
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #13 Posted: 03-Feb-2023 at 13:25
ЗГРАДИТЕ НА ФАКУЛТЕТОТ ЗА ФИЗИЧКА КУЛТУРА И ФИНКИ 4 ГОДИНИ СТОЈАТ НЕЧЕПНАТИ, ТЕНДЕР ЗА ДОГРАДБА УШТЕ НЕМА



Четири години не се градат и стојат во фаза на карабина зградите на Факултетот за физичка култура (ФФК) и Факултетот за информатички технологии (ФИНКИ).

Изградбата на двете згради во рамките на кампусот на Универзитетот „Св. Кирил и Методиј“ почнаа да се градат пред 7 години кога на власт беше ВМРО-ДПМНЕ. Според проектот, требаше да бидат во барок и во нив да се преселат студентите на овие два факултети. Но, по доаѓањето на власт на СДСМ, фирмата изведувач „Бетон Штип“ отиде во стечај и зградите останаа да стојат недоградени во фаза на карабина и веќе четири години на нив не се изведуваат никакви градежни активности.

СДСМ и ДУИ се на власт шест години. Во Министерството за образование се сменија неколку министри од СДСМ и ДУИ, но ниту еден од нив сите овие години не најде начин, ниту покажа иницијатива за да се довршат зградите за кои веќе се потрошени над 3 милиони евра. Уште не е распишан тендер за избор на нова фирма која ќе ги догради зградите.

Од Министерството за образование велат дека во тек е ревидирање на проектите за изградба на ФИНКИ и ФФК, а целта е да се отстранат одредени позиции кои се дел од естетиката на објектите, а не се поврзани со функционалноста, со цел да се намалат непотребните трошоци во услови на економска криза.

„Откако ќе заврши ревидирањето, ќе се спроведе и постапка за јавна набавка, со цел избор на економски оператор кој ќе ја доврши изградбата. Инаку, во буџетот на МОН за 2023 година предвидени се 21,6 милиони денари (350.000 евра) со цел продолжување на реализацијата на оваа инвестиција“, велат од Министерството.

Со оглед на тоа што во буџетот за годинава се предвидени само 350.000 евра за овој проект, годинава не се ни очекува да продолжи градбата со оглед на тоа дека тоа се малку пари за градежни работи на двете згради.

Според тендерот и договорот кој беше склучен со „Бетон Штип“, изградбата на зградата на ФИНКИ чини 10 милиони евра, а на Факултет за физичка култура 5,9 милиони евра.

https://sdk.mk/index.php/dopisna-mrezha/zgradite-na-fakultetot-za-fizichka-kultura-i-finki-4-godini-stojat-nechepnati-tender-za-dogradba-ushte-nema/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #14 Posted: 09-Jan-2023 at 18:32
од средувањето на партерот во текот на ноември









https://www.facebook.com/italmakkj
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #15 Posted: 12-Dec-2022 at 18:10
Зградите на ФИНКИ и ФФОСЗ ќе продолжат да се градат догодина, ќе почне и реконструкцијата на државните студентски домови

Изградбата на објектите на Факултетот за информатички науки и компјутерско инженерство (ФИНКИ) и на Факултетот за физичко образование, спорт и здравје (ФФОСЗ) ќе продолжи догодина, информираше денеска министерот за образование Јетон Шаќири на прес-конференцијата на која беше образложен буџетот на Министерството за образование и наука (МОН) за 2023 година.

Зградите на овие две високообразовни установи во рамки на Универзитетот „Св. Кирил и Методиј“ (УКИМ) во Скопје започнаа да се градат пред шест години, но веќе три години не виделе работници ниту градежни активности откако изведувачот „Бетон“ од Штип отиде во стечај. Во меѓувреме, студентите на најбројниот факултет во земјава, ФИНКИ, предавањата и полагањата ги одржуваат во позајмени простории од други факултети во рамките на УКИМ, како Технолошко-металуршкиот, Педагошкиот и ФЕИТ.

За инвестиции во образовната инфраструктура за догодина се предвидени вкупно 18,3 милиони евра, односно 8,9 отсто повеќе средства од тековната 2022 година.

Покрај довршувањето на зградите на ФИНКИ и ФФОЗ, предвидено е да отпочне изградба и на објект за потребите на најмладиот државен универзитет – „Мајка Тереза“ во Скопје, кој исто така нема свои простории.

Министерот за образование најави дека догодина ќе започнат активностите за целосна реконструкција на сите девет државни студентски домови, за кои Шаќири рече дека очекува да станат „современи и енергетски ефикасни“ во рок од триесеттина месеци.

Тоа значи дека реконструкцијата на државните студентски домови „Гоце Делчев“, „Кузман Јосифовски Питу“, „Стив Наумов“, „Томе Стефановски Сениќ“ и „Пелагонија“ во Скопје, „Кочо Рацин“ во Битола, „Никола Карев“ во Охрид, „Орде Чопела“ во Прилеп и „Браќа Миладиновци“ во Штип ќе биде завршена најрано кон крајот на 2025 година.

Ставките од буџетот на МОН кои ги засегаат студентите предвидуваат и 19,5 милиони евра за студентски и ученички стандард. Како што инфомираше Шаќири, овде спаѓа исплатата на стипендиите, вклучително и новите категории кои МОН ги воведе за првпат оваа година – за студентите запишани на студиски програми за преведување и толкување, оние на земјоделски, шумарски и ветеринарни науки, како и на програми по историја на уметност, археологија, ликовна уметност и етнологија и антропологија. Во оваа ставка се предвидени и партиципациите за студентите кои престојуваат во студентски домови, како и за други субвенции, меѓу кои и субвенционираниот студентски оброк.

За потсетување, субвенционираниот оброк до март ќе се исплаќа согласно минатогодишните услови, по што се очекува да се воведе ново системско решение. Студентите до март ќе добиваат по 120 денари дневно, средства кои ќе им се исплаќаат на месечно ниво, додека подоцна се очекува износот да се зголеми на најмалку 140 денари дневно.

https://meta.mk/zgradite-na-finki-i-ffosz-kje-prodolzhat-da-se-gradat-dogodina-kje-pochne-i-rekonstrukcijata-na-drzhavnite-studentski-domovi/?fbclid=IwAR2FVmLeQmnif4YFKT8Fph3JtHxJy6Z6UUo-gxSKMpHYBliEjBt_sMwFYUY
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #16 Posted: 25-Nov-2022 at 17:55
Срча, отпад, демолирани кошеви и столчиња, градежен шут… вака денес изгледа спортската сала наменета за Универзитетот „Св. Кирил и Методиј“ – Скопје (УКИМ) изградена пред 3 години на кампусот зад Економскиот факултет. Во неа сега може да влезе кој сака, бидејќи е оставена без врата. Објектот чии темели беа поставени во 2013 година целосно е запуштен, руиниран и оставен на милост и немилост како јавен нужник.

За изградбата на салата, за која е надлежна Агенцијата за млади и спорт (АМС) и беше дел од проектот за изградба на 35 спортски сали од Владата, беа издвоени 2,5 милиони евра од државниот буџет. Тендерот му припадна на Друштвото за градежништво, трговија и услуги „Алконпроект“ од Скопје.

Во моментов, од Агенцијата за млади и спорт го има само логото над главниот влез на салата која секојдневно се распаѓа во сопствениот отпад.









https://www.radiomof.mk/salata-na-ukim-od-2-5-milioni-evra-demolirana-i-pretvorena-vo-javno-vece-dodeka-instituciite-se-raspravaat-na-sud/?fbclid=IwAR1vfHyF5cujtmyGnjPDOUO5NhNTjcH_RegZCj09ruf8brBbKYNFRvYp5mU#prettyPhoto
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #17 Posted: 11-Nov-2022 at 15:08
Originally posted by JovanOdGjorche

Мислам дека објектот е заглавен во некој судски спор измеѓу Агенцијата за млади и спорт и фирмата што ја градеше.


06.11.2020

Случај „Спортска сала на УКИМ“: Врховен го врати предметот на повторно судење



https://360stepeni.mk/sluchaj-sportska-sala-na-ukim-vrhoven-go-vrati-predmetot-na-povtorno-sudene/
Carpe diem
Back to Top
JovanOdGjorche View Drop Down
Senior Member
Senior Member
Avatar

Joined: 13-Oct-2012
Location: Скопје
Online Status: Offline
Posts: 511
  Quote JovanOdGjorche Quote  Post ReplyReply #18 Posted: 11-Nov-2022 at 14:09
Мислам дека објектот е заглавен во некој судски спор измеѓу Агенцијата за млади и спорт и фирмата што ја градеше.
And something, somewhere was lost in 1938...
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #19 Posted: 10-Nov-2022 at 23:21
Со оглед на тоа што салата е универзитетска сала, претпоставувам, дека треба тоа го среди УКИМ. Готова, направена сала, а да не ја користиш за интра-универзитетски (па и интер-универзитетски) спортски натпревари е стварно голема штета. На тој начин ќе се зголеми културата за универзитетски спорт во државата и би се зголемил квалитетот на универзитетскиот спорт.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #20 Posted: 10-Nov-2022 at 17:57
Originally posted by stef4o

Денес,се копа стариот асфалт и плочки пред Економски.Работат екипи на ВИА Инженеринг Вевчани.
Не знам дали ќе го средуваа цел простор или само овој дел бидејќи таблата е поставена на влезот од Економски





По речиси една година од почетокот на работите,претходно правеа нивелации и поставуваа шахти а сега го бетонираат платото







Бонус фотки од спортската сала која не знам зошто не се користи и е оставена во ваква состојба









веројатно последица од невремето во август







Carpe diem
Back to Top
 Post Reply Post Reply Page  123 9>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.