Адора Flatiron - Кисела Вода

KАЈ САПУНАРНИЦАТА МОЖЕ ДА СЕ ИЗГРАДИ 20-КАТНИЦА

Висококатница чија висина може да достигне до 57,50 метри ќе се гради на градежната парцела кај некогашната фабрика за сапуни „Цветан Димов“. Општина Kисела Вода деновиве распиша објава за продажба на градежното земјиште, кое е во сопственост на Република Македонија, а на кое според детаљниот урбанистички план за „Цветан Димов-Славија“,може да се гради станбена зграда. Инвеститорот ќе може да одбере колку ќе биде висок објектот, во распон од минимум 20, а максимум 57,5 метри.

Површината на градежната парцела е 4.403 квадратни метри, а почетната цена на јавното наддавање ќе биде 4.300 денари за квадрат.

Најповолниот понудувач е должен на сопствен трошок да отстрани три објекти од парцелата кои се дел од некогашната фабрика и за кои постои опасност од уривање. Тој не е должен да го испита квалитетот на земјиштето каде што ќе гради, со оглед дека таму порано работела инсталација од хемиската индустрија.

Пријавите за учество на јавното наддавање може да се достават до 3 декември.

http://dnevnik.mk/?ItemID=9B9C21743B017D4FAF9AA9FD85DA7EAA