Експресен пат Штип - Кочани

Абе битно е дали ќе биде пред избори или не. Ако ја пуштат брзо тоа ќе биде за овој викенд тие што ќе си одат дома да видат. Ако не биде до тогаш нема да биде ни за два месеца. Кој би пуштал нешто било што во употреба изградено, една недела по избори?

Во функција делницата Штип-Крупиште

Јавното претпријатие за државни патишта ја известува јавноста дека делницата Штип – Крупиште која е дел од експресниот пат во изградба А3 Штип - Кочани, е во функција, односно може да се користи за сообраќај.

Посакувајќи им пријатно и удобно возење на учесниците во сообраќајот на експресниот пат на делницата Штип (клучка Три Чешми)-Крупиште, сакаме да им посочиме патниот правец да го користат согласно со одобрениот времен режим и да се почитува поставената патна сообраќајна сигнализација.















https://www.facebook.com/drzavnipatista/

Со здравје да се користи, па за брзо да биде и другата фаза.

Дали има и кои се ограничувањата на оваа делница?

Originally posted by Vasilij   Си остана на зборот Китанов. Искрено ми претставуваше денес задоволство што меѓу првите го возев експресниот пат. Само една реченица: делницат е две класи над Велес - Кадрифаково

Утре ќе го тестирам и јас првиот експресен пат во Македонија.

Originally posted by The Wild Boy Ајдеее нека е со среќа, убаво што им текна .Јас прееска поминував ама не беше отворена, дали оти пред 4 сум поминал.Ајде сега некој со dashcam нека снима да видиме како е

Ако не заборавам ќе снимам

Тоа на сликата е на другиот крај, клучка Крупиште. Не може да продолжиш право заради тоа што втората делница се гради. Мора да се исклучиш. многу едноставно. Е сега го немам возено во спротивен правец ама мислам дека клучка Три Чешми е целосно во функција.

СЕ ВОЗИ ПО НОВИОТ ПАТ ШТИП – КРУПИШТЕ ШТО Е ДЕЛ ОД ЕКСПРЕСНИОТ ПАТ ЗА КОЧАНИ

Јавното претпријатие за државни патишта дозволи да се вози по новиот пат Штип – Крупиште, како дел од експресниот пат за Кочани во вкупна должина од 16 километри, објави на својата фејсбук страница Јавното претпријатие.

„Јавното претпријатие за државни патишта ја известува јавноста дека делницата Штип – Крупиште која е дел од експресниот пат во изградба А3 Штип – Кочани, е во функција, односно може да се користи за сообраќај. Посакувајќи им пријатно и удобно возење на учесниците во сообраќајот на експресниот пат на делницата Штип (клучка Три Чешми) – Крупиште, сакаме да им посочиме патниот правец да го користат согласно со одобрениот времен режим и да се почитува поставената патна сообраќајна сигнализација“, велат од претпријатието.

Сообраќајната полиција вели дека експресниот пат Три Чешми кај Штип – Ванчо Прќе кај селото Крупиште може да се користи но со почитување на сообраќајните знаци, иако таблата кај Штип која означува дека десно може да се оди за Кочани е покриена со платно или прецртана со црвено.

На самата патна делница утврдивме дека асфалтирана и во можна употреба е првата делница од новиот експресен пат за Кочани. Ја има потребната ширина за обострано разминување, со помошна лента за паркирање која кај нас многу често се користи за престигнување. Има неколку надвозници за штипските села Горни и Долни Балван, а една од главните клучки е за ТИР зоната кај Штип која сега има многу важни комуникации и од страна на Штип и сега по новиот експресен пат одалечен 3 километри од автопатот за Скопје.

Патот може да се употребува со ограничена брзина, затоа што на неколку места уште се работи на дополнителните клучки и заштитници покрај патот. По пат и во двете насоки наидовме на работи што се изведуваат. Кај клучката за ТИР зоната кај Штип се поставуваат светла, па експресниот пат кај оваа делница целосно ќе биде осветлен. На само мал дел од патната делница се поставени заштитници на мостовите и на нив интезивно се работи, но нема насекаде заштитници од одрони и крајните заштитни мрежи после одводните канали кои спречуваат влез на дивеч.

Продолжението од експресниот пат од Ванчо Прќе кај Крупиште за Кочани и патот за Пробиштип исто така е во изградба. Но, новиот експресен пат во многу ќе им олесни на оние кои патуваат од Кочани, а посебно од Пробиштип за Скопје и обратно кои сега не мораат да влегуваат во Штип и сите добиваат нов современ пат пократок за 10-20 километри.

https://sdk.mk/index.php/dopisna-mrezha/se-vozi-po-noviot-pat-shtip-krupishte-shto-e-del-od-ekspresniot-pat-za-kochani/

Одлично.
Не само што изгледа така, туку и делува дека доста побрзо ќе се стига до Кочани.
Кога ќе се заврши во целост овој патен правец, колкуе скрати време во споредба со претходниот патен правец? Има некоја огромна разлика, или?

Originally posted by user8642 Мислам дека со експресниов пат се промакна една грешка која не требаше да се случи. Индустриската зона Штип мораше да биде целосно поврзана со автопатско решение без никаков компромис во профилот. Се работи само за 1,5 километар, а сега технички гледано зоната нема автопатско поврзување кон Европа што е клучен параметар кога компании одлучуваат дали ќе инвестираат во некоја зона или не. Секогаш ќе треба дообјаснување, а да имаше само уште една лента ќе можеше да се извади класификација на автопат од профил на Тетово-Гостивар и да се избрише секаков сомнеж дека зоната не е поврзана со автопат.

Да, ама и самата клучка кај Три Чешми требаше да биде доста поразлична и експресниот пат кон Радовиш требаше да има директно поврзуваење кај Три Чешми. Со тоа ќе се избегнеа моменталните проблеми на првата секција со бензинските, и со фабриките, оти тој пат ќе се врзеше директно на Штип Југ, па така да, автопат ќе си имаше целосно до влезот кај Штип.