Експресен пат Штип - Кочани

ГИМ ќе го проектира експресниот пат Штип – Кочани

На вториот тендер за избор на проектантско биро што ќе го проектира експресниот пат (полуавтопат) Штип – Кочани, како единствен понудувач победил Градежен институт „Македонија“ АД Скопје (ГИМ). Се работи за надградба на постоечкиот магистрален пат помеѓу овие два града, во должина од 26 километри. Вредноста на потпишаниот договор со ЈП за државни патишта изнесува 23.600.000 денари, односно 384 илјади евра. За изработка на проектната документација ГИМ има на располагање 10 месеци. Потребните финансии за изведба на експресниот пат се веќе обезбедени преку неодамна подигнатиот заем во висина од 160 милиони евра од Европската банка за обнова и развој. Предвидено е сегашниот магистрален пат од Штип до Кочани да се реконструира и прошири, после што коловозот би имал две коловозни ленти за возење широки по 3,5 метри и две ленти за застанување широки по 2,45 метри.

http://www.build.mk/?p=44154

Ќе се гради експресен пат Штип-Кочани, обезбедени средства од ЕБОР



Македонија доби од Европската банка за обнова и развој (ЕБОР) дополнителни 21 милион евра со кои се овозможува, наместо реконструкција на постоечкиот, изградба на нов експресен пат од Штип до Кочани. Договорот денеска во Лондон го потпишаа вицепремиерот и министер за финансии Зоран Ставрески, првиот потпретседател на Банката Фил Бенет и директорот на Јавното претпријатие за државни патишта Александар Стојанов.

Експресниот пат ќе биде со должина од 28 километри и ќе има четири ленти. Ќе се зголеми безбедноста на сообраќајот, а ќе се влијае и на заштита на животната средина. Треба да почне да се гради во првиот квартал следната година.

Во Лондон го потпишавме договорот со Европската банка за обнова и развој за финансирање нов експресен пат од Штип до Кочани. Вредноста на проектот е 53 милиони евра кои ќе овозможат да се изгради целосно нов експресен пат со четири ленти во должина од 28 километри кој ќе ги поврзува Штип и Кочани. На тој начин им излегуваме во пресрет на граѓаните на Штип, на Кочани и на другите населени места со изградба на модерен пат кој ќе обезбеди побезбедно и побрзо патување помеѓу овие два града. Истовремено се овозможува да се подобри и конкурентноста во регионот и да се привлечат нови инвеститори кои ќе го користат овој пат, изјави Ставрески по потпишувањето на Договорот.

Тој додаде дека изградбата на регионалниот пат од Штип до Кочани се вклопува во агендата на Владата на РМ за интензивна изградба на регионални патишта од кои пак, како што рече, ЕБОР ја поддржува и изградбата на патот од Раевци до Дреново која, исто така, ќе започне набрзо, како и изградбата на патот од Охрид кон Пештани и од Требеништа до Струга.

– Соработуваме и во делот на железничката инфраструктура каде со средства на ЕБОР се поддржува изградбата на пругата кон Бугарија, а очекуваме и поддршка во енергетскиот сектор, рече Ставрески и додаде дека на ваков начин се заокружуваат крупни транспортни проекти со кои се подобрува конкурентноста на македонската економија.

Се заблагодари на ЕБОР која во Македонија во изминатиот период изнесува вкупно 1,5 милијарда евра од кои голем дел се средства за траснпортната инфраструктура, изградба на железницата и поддршка на приватниот сектор.

Фил Бенет по потпишувањето на Договорот за ЕБОР рече дека клучен приоритет во Македонија е развој на инфраструктурата. – Добро развиени и современи регионални транспортни конекции ќе го зајакнат регионот и ќе го подобрат пристапот на оддалечените области до поголемите пазари. Во прилог на ова, подобрениот дизајн на продолжувањето на патот ќе резултира во значајно зголемување на безбедоста, истакна Бенет.

ЕБОР почна да инвестира во македонската економија во 1993 година. До денес, во земјата има потпишано над 90 проекти.

Извор

Како што имам прочитано, експресниот пат ке се гради по трасата, коjа беше планирана за автопат Велес-Делчево-Бугариjа по проектот на ДИВИ Македонија од пред неколку години, што значи далеко од сегашниот постоечки пат. Со тоа се цели во иднина експресниот пат да се прошири и да прерасне во автопат.

Еве тука има карти

Ке биде добро решение ако се продолжи кон Делчево и границата, со што ке се поврзат автопатиштата Скопjе-Штип и Софиjа-Благоевград. Со тоа се избегнува потребноста од експресен пат преку Кустендил. Растоjанието Скопjе-Софиjа ке биде речиси исто, но поголемиот дел ке биде автопат, со што вероватно и времето за патуванье ке е помалку, отколку вариjантата преку Крива Паланка-Кустендил.

Објавен тендер за изградба на 13,8 км од патот Штип-Кочани

Македонското јавно претпријатие за државни патишта објави тендер за изградба на 13,8 км долга делница од експресниот пат Штип-Кочани која треба да се финансира со средства од заемот од Европската банка за обнова и развој (ЕБРД), соопшти банката.

Изградбата на делницата од Крупиште до Кочани треба да трае 24 месеци. Според договорот, компанијата која ќе го добие тендерот треба целосно да го изгради патот, вклучувајќи и 10 мостови и надвозници. Експресниот пат Штип-Кочани треба да биде долг 28 км и да има четири ленти.

Инаку, проектот е вреден вкупно 53 милиони евра, а е дел од Коридорот Исток-Запад, од Трбеништа до границата со Бугарија.

http://www.mkd.mk/makedonija/ekonomija/objaven-tender-za-izgradba-na-138-km-od-patot-shtip-kochani

Започната градба на експресен пат од Штип до Кочани



http://mia.mk/mk/Inside/RenderSingleGalleryTest/133706548/1?month=5&year=2017&day=22&desc=0

Вчера возев до Кочани. Не ми личи дека се работи.

Edited by AmyntA - 23-May-2017 at 10:24

И се работи веќе денови уназад пред медиумите да објават ...А ти амунта коа си возел изгледа на пауза си ги фатил луѓето па не си ги видел

Edited by WolfLeader - 23-May-2017 at 17:55

И јас не видов бидејќи трасата започнува кај Три Чешми, кај оној мутавион надвозник што нема никаква функција засега кога одиш од Штип за Кадрифаково, ако ги виде ископите околу надвозникот од лево и од десно за клучката ,на десно према Кочани се гледа дека се извршувани земјени работи.

Дали некои има информации до каде е изградбата на Експресниот пат Три чешми - Кочани. Дали има некои напредок.

Ги контактирав од ЈП за државни патишта пред нова година и има текст за оваа тема. Над 40% од градежните работи се досега завршени, а од ова претпријатие очекуваат изведувачот да го заврши во целост новиот патен правец до крајот на 2019 година.