Експресен пат Штип - Кочани

Според тоа што го најави министерот Бочварски за околу месец дена треба конечно да биде пуштен во употреба. Временските услови сега за сега па и за наредните две недели генерално се поволни. Што мислите дали конечно овој рок ќе биде испочитуван?

Поминав неколку пати деновиве тука, имаше доста луѓе и механизација на делот кај Тркање

Originally posted by Vasilij Го затвориле целосно на почетокот од новата делница што се работи, истуриле куп земја и не може да се поминува. Кај Кочани (после Тркање) кај што беше спорниот имот турбо се работи и 15ти, 20ти Декември според ситуацијата на терен веќе е реален рок. До Тркање се е завршено, еластичните огради и жицата е целосно поставена, се поставуваше вертикална сигнализација, фали уште хоризонтална...

Најверојатно е затворен за да се довршат некои работи. Едвај чекам да возам кога ќе биде целосно отворенн.

Рустеми: „Граѓаните на Кочани во скоро време ќе возат по нов експресен пат“

Директорот на Јавното претпријатие за државни патишта Ејуп Рустеми заедно со претседателот на Владата на РСМ Димитар Ковачевски и министерот за транспорт и врски Благој Бочварски извршија увид во изградбата на експресниот пат А3 Штип-Кочани со вкупна должина од 28 километри каде што привршуваат работите за изградбата на втората фаза Крупиште-Кочани во должина од 13,75 км, за која се издвоени средства во висина од 18,23 милиони евра обезбедени од ЕБОР. Во моментот се поставува сигнализација, осветлување на клучките, еластична одбојна ограда и се асфалтират последните 700 метри.
Изградбата на новиот експресен пат А3 Штип-Кочани е со вкупна должина од 28 километри, поделена е во две фази: Штип–Крупиште во должина од 14,30 километри која што е завршена во 2020 година.
„Со завршувањето на оваа втора фаза наскоро обезбедуваме модерна, сигурна и безбедна врска со Источниот регион. Нашите очекувања се дека во скоро време делницата ќе биде целосно завршена. Експресниот пат е со висок квалитет на градба. Ширина на патот е 11,4 метри, ќе има четири ленти, и тоа по две коловозни од по 3,5 метри и две ленти за застанување од по 2 метри, како и две рабни ленти од по 0,20 метри. Максималната брзина на движење на експресниот пат меѓу Штип и Кочани ќе биде 110 километри на час. Изведувач на градежните работи е „Синохидро“ од Р.Кина, а Надзор е „Патинвест инженеринг“ АД Софија Р.Бугарија“, изјави директорот на Јавното претпријаите за државни патишта Ејуп Рустеми по извршениот увид.
Планирана вредност на целокупниот проект (двете фази) е околу 40 милиони евра, а новиот патен правец започнува кај месноста Три чешми во Штип и се надоврзува на веќе завршениот автопат Миладиновци–Свети Николе–Штип со што се овозможува брзо и современо поврзување помеѓу Штип и Кочани.





https://www.facebook.com/drzavnipatista

Грешка голема што тунелите и мостовите не се fitire-proof за некогаш во иднина да бидат дел од некој иден автопат. Ќе мора да се кршат и да се прават од ново.

Originally posted by Théoden . Ако се сеќавам добро, можните варијанти кои се разгледуваа за оваа делница од А3 воопшто не минуваа покрај Истибања и Македонска Каменица, туку трасата одеше од Кочани преку Виница, па по западните падини на Голак Планина и излегуваше негде западно од Делчево. Експресен пат би бил сосем доволен за задоволување на потребите во догледна иднина.

Па добро, јас како што гледам теренот овде и не е толку лош. Нема големи планини, генерално нема многу за премостување, за копање на тунели, или големи вијадукти.


Но пак од една страна, кога ќе размислам... експресен пат во формат со 2 ленти и ленти за застанување низ тежок терен, со по - остри кривини каде што би било по - опасно за претекнување не е добра идеја. За пример ќе го земам експресниот пат Фариш Дреново (Градско - Прилеп) каде што баш еден дел е направен во 4 ленти за возење, наместо 2 + ленти за застанување, баш заради теренот низ кој што трасата поминува, што е непогоден за безбедно претекнување.

Ако овде, во овој случај теренот е полесен, и може да се изведе експресен пат (полуавтопат), и без да има големо искачување (успон) за кое што би требало трета лента (веќе беше дискутирано зошто патишта во формат 1+2 се опасна работа во Македонија) тогаш не гледам никаков проблем да се оди со опцијата само експресен пат. Но секако, пожелно би било да се остави простор (баш заради тоа што овој предел е планински) за во иднина кога ќе треба да се прошири во автопат. Бидејки ако не се направи тоа, евентуално кога ќе треба да се проширува тој експресен пат во автопат, ќе биде по - комплицирана работа.

Ја погледнав мапата (знам дека е и во обратна насока), па како што гледам според мене Јужната варијанта (во плаво) ми се бендисува повеќе, бидејќи со таа варијанта би се поврзала Виница подобро, но пак Македонска Каменица полошо. Сепак, Виница има повеќе жители и нема смисла да се одбегне Виница во овој случај. Незнам од Северната и Јужната траса, која поминува низ потежок терен. Би било убаво ако некој се обиде (знам дека би било тешко) да проба да ја вцрта целосната траса (со се дополнителните траси) од некогаш планираниот автопат од Кочани до Делчево (граница со Р. Бугарија). На Google My Maps според мене би било најдобро да се исцрта трасата, бидејќи секој ќе може со линк да ја погледне и анализира детално.

Другата предност која за мене ја има Јужната траса, е тоа што освен Виница би се остварила и побрза, подобра врска и до Берово и Пехчево. Морам да признаам дека низ годините обете града имаат доста направено во врска со подобрување на туризмот. Далеку се, на пример од некое ниво на Охрид, ама сепак имаат направено промени колку за пофалба. Кога бев во Берово, си поминав убаво, на чист воздух, природа, убавини, и бев пријатно изненаден. Кога ќе размислам колку многу профит можеме да направиме со убавините на Македонија... само да имавме сериозни луѓе кои што би ни ја воделе државата.

Да се наратам на тоа што го зборев, дополнително за подобро поврзување на Берово, би можел регионалниот пат R1304 да се реконструира убаво (ако не бил во опште), или пак ако има можност да се исправат кривините, и да се доведе минимум 70 - 80 км/ч за да се намали патувањето до Пехчево и Берово, и овие два туристички центри да бидат зближени до тој експресен пат или автопат од Кочани до Делчево.

Или пак, што ќе кажете за идејата да се направи тунел измеѓу Струмица и Берово? Обичен тунел, со 2 ленти, брзина 60 - 80 км/ч. Тоа доста би скратило од возењето на регионалниот пат R1302 измеѓу Струмичките Села и Берово. Претходна пат кога поминував низ овој предел, овој пат беше во лоша состојба (знам дека сега е реновиран), и имаше многу кривини. Возењето од Струмица до Берово тогаш ми се виде како вечност. Големо искачување.

Е сега, незнам колку точно, на колкава надморска височина се обете града, претпоставувам Берово е доста повисоко, и нема можност да се направи еден тунел, да се скрати растојанието измеѓу овие града. Знам дека такво нешто би коштало доста, но од аспект на туризмот и пристапноста на овој град, многу нешта би се промениле, и Беровчани би биле во ќар.

Можеби сепак подобро ќе е да се инвестира во рутата измеѓу Кочани и Берово / Пехчево (Регионален пат R1304), па кога би се надоврзал на екпресен пат или автопат измеѓу Кочани и Делчево, би била најбрза врска измеѓу Скопје до Берово.

Инаку, еве што мислеав за обиколницата на Македонска Каменица

Првата опција, нешто вака:

Оваа опција е една од нај - кратките, нема куќи на трасата.

Втората опција:

Оваа опција е најкратка, но на нејзината траса има куќи и можни приватни земјишта. Незнам колкава е висинската разлика овде. Ако е преголема, тогаш оваа опција би отпаднала.

Трета и последна опција:

Оваа опција, како што успеав да видам нема некоја голема висинска разлика. Бара највеќе премостување, но со неколку помали моста, наместо еден поголем.

А и, кога ќе погледнам на Google Street View баш и теренот изгледа повеќе погоден за од овде да поминува една таква обиколница. Еве погледнете:
https://goo.gl/maps/fYGM3dyg2RTBGA1Q9

За обиколницата на Виница, лесна работа:



Овде нема да има потреба од многу варијанти, лесно би можеле да се избегнат куќите, приватните имоти. Коцките прикажани на сликата можат да бидат потенцијални кружни токови, или денивелирани клучки. Брзината лесно може да биде и до 100 км/ч, имајки во предвид дека овде теренот е рамен.

Јас лично за овие мали инвестиции не гледам никаков проблем, знаејќи дека во догледна иднина после Кочани, према Делчево нема да има никаков нов пат. Вака за многу брзо, и евтино може да се подобрат работите, барем привремено се дур не би се изградил нов пат (експресен или автопат) према Делчево. Мали, евтини инвестиции, кратење на времето при патување, зголемена безбедност, решени проблеми.

Само за обиколницата на Македонска Каменица према Делчево, би можело едно 15 минути да се скрати од вртење низ самиот град. Да не спомнувам што сообраќајот во Каменица ќе се олабави, и ќе се намали загадувањето.

Za 5 godini veruvam deka Miladinovci Stip kje ima nad 10.000 vozila. Dodatno mnogu e bitno kolku od tie vozila se teski tovarni vozila ili sleperi.

Originally posted by The Wild Boy Инаку, еве што мислеав за обиколницата на Македонска Каменица