Урбани автопати - Скопје

Двата крајни сегмента веројатно ќе бидат со по две цели и една помошна сообраќајна лента, додека средниот е резервиран за трамвај, но за што би можел реално да се користи, не би знаел.

Би возел велосипед во тунел?

Не е пријатно за уши и нос...

@ Staro Skopje

Еве како е според ГУП-от од 2012

Ова што го имаш постирано е од ГУП-от 2002, има одредени разлики во трасата.

Originally posted by Staro Skopje Каде завршува Јужен на исток, клучка Петровец? Тој дел не е опфатен во ГУП-от.

Не знам каде завршува на исток, но би било голема грешка да се врзува на клучка Петровец, бидејќи со комплетна реализација на Јужен булевар до Сарај, односно до автопатот кон Тетово (каков што одамна е испланиран), ќе се стимулира транзитен сообраќај низ градот, наместо да се користи обиколницата.

Како и да е, колку и да продолжува источно од Драчево, таму не гледам никаква потреба да биде ништо повеќе од обичен пат со профил 2х1 и вкрстувања на ниво. Вистинското продолжување на Јужен булевар всушност треба да биде кон север и поврзување со автопатската мрежа некаде кај Трубарево или кај Хиподром.

Интересна најава од најновата програма на СДСМ. Незнам дали сме обрнале внимание тука:
"Клучка во населено место Хиподром 2      Гази Баба" страна. 72
https://mozeme.mk/wp-content/uploads/2020/06/Programa-2020.pdf

Незнам каде би било ова, но најлогично ми е надвозникот од Хиподром за Ченто да биде преправен до ниво на клучка, ама во ГУП мислам дека нема такво нешто, всушност незнам дали воопшто има вцртано нешто или допрва ќе биде вцртувано?!

Edited by user8642 - 15-Feb-2021 at 00:01

Јужен булевар   

1


2


3


4

ПОДЗЕМНАТА УЛИЦА ЗАД „РАМСТОР“ СЕ ГРАДИ И ДО 2023 ЌЕ БИДЕ ГОТОВА, КАЈ ЗГРАДИТЕ КОИ СЕ КРЕВААТ ВЕЌЕ Е ИЗВЕДЕНА, ВЕЛАТ ОД „ЛИМАК“



Подземната улица се гради и досега се изведени 25 отсто од градежните работи за неа, велат инвеститори од компанијата „Лимак“. Веќе три години некогашниот Јужен булевар е затворен за сообраќај и на него се гради новиот комплекс кој ќе го сочинуваат трговски центар, станбени и деловни објекти. Турскиот инвеститорот треба под овие објекти да изгради подземна сообраќајница.

Откако се почнати градежните работи зад тарабите не може да се виде што се гради и како напредуваат градежните работи за копањето на тунелот и пробивањето на улицата. Од пред неколку месеци над тарабите веќе почнаа да се издигаат зградите, кои на потпишувањето на договорот со Град Скопје беше кажано дека ќе се градат кога ќе се изгради сообраќајницата.

Инвеститорите за САКАМДАКАЖАМ.МК објаснуваат дека онаму каде што се креваат зградите, подземната улица е веќе готова и затоа се гради над неа. Тврдат дека Скопје ќе ја добие сообраќајницата односно овој проект нема да заврши со кренати згради и трговски центри, а неизградена подземна улица.

„Најтешката работа е завршена, поголемиот дел од тунелот под земја е пробиен односно направен е ископот, поставени се потпорни ѕидови и подземни инсталации. Сега останува полесниот дел во градењето на улицата. Досега 25 отсто од улицата е изградена. Градежните работи се одвиваат во делови или блокови односно завршуваме еден дел од улицата и потоа таму се продолжува со работа односно се креваат објекти. Потоа се гради друг дел од улицата па содржините кои се над неа. Без да се изгради тунелот не може да се кренат зградите. Зградата која ја гледате кај ‘Тутунска банка‘ е прва од четирите кули. Таа се гради бидејќи тунелот во тој дел е готов и сега продолжуваме со негово градење натаму“, вели Чагри Шерен, проект менаџер на компанијата „Лимак“.

Според проектот, улицата ќе биде со должина од 800 метри и широка 37 метри. Ќе има по две ленти во секој правец и две линии за трамвај во средината. Вкупната површина на која се гради целиот комплекс е 325 000 метри квадратни, од кои трговскиот центар ќе биде со површина од 47. 000 метри квадратни и веќе е почнат да се гради, а ќе се наоѓа зад Музејот на Град Скопје. Ќе има 4 згради, две источни и две западни со 20 ката, три нивоа паркинг простор и 17 ката станбени единици. Делот меѓу трговскиот центар и кулите ќе биде шеталиште со јавни содржини. Инвеститорите велат дека во комплекстот ќе има 3.200 паркинг места и 11.000 метри квадратни зелена површина.

„Овој дел ќе биде главна атракција во Скопје, а улицата под комплексот ќе овозможи побрз проток на сообраќајот од едниот до другиот дел на градот. Улицата ќе биде готова во првата половина на 2023, а целиот комплекс до крајот на 2023. Сме работеле на многу проекти, но оваа улица во Скопје е уникатна бидејќи над неа ќе живеат луѓе. Затоа градиме според највисоките стандарди, постојано сме во контакти со органите во државата и Институтот за земјотресно инженерство и инженерска сеизмологија (ИЗИИС) од каде редовно се вршат потребни мерења“, вели Куртхан Апајдин, директор на „Лимак Скопје“.

Град Скопје треба да изгради три приклучоци за подземната улица, односно кружен тек кај „Нова Македонија“, на крстосницата на Железничка со Бихаќка и кај подвозникот кај крстосницаата на булеварите Свети Кирил и Методиј и Кочо Рацин. Но, на терен сè уште нема никакви активности за нивната изградба, ниту пак градоначалникот Петре Шилегов ги најави за годинешната градежна офанзива.

„Сите три кружни текови за излез и влез во подземната сообраќајница се проектирани и догодина ќе ги распишеме тендерите за изведувачи. Очекувам паралелно со завршување на градежните работи за подзмената улица во 2023 да бидат и тие готови. Според првичните проценки, ќе чинат околу 22 милиони евра“, ни изјави Шилегов пред месец и половина.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од ексградоначалникот Коце Трајановски и на тогашната прес-конференција беше најавено дека ќе се почне со градба за една година. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи. На прес-конференцијата за стартот на проектот покрај градоначалникот Шилегов, присуствуваа и премиерот Зоран Заев и тогашниот вицепремиер за економски прашања Кочо Анѓушев.

Вкупната инвестиција за овој проект е 250 милиони евра.

https://sdk.mk/index.php/dopisna-mrezha/podzemnata-ulitsa-zad-ramstor-se-gradi-i-do-2023-ke-bide-gotova-kaj-zgradite-koi-se-krevaat-veke-e-izvedena-velat-od-limak/

Тунелите под „Лимак“ половина готови (фото, видео)





Тунелите со кои се спојува булеварот „Македонија“ (Јужен булевар) со бул. „Кочо Рацин“ и поминуваат под објектот на Лимак половина се завршени, а денеска во посета им беше градоначалникот Петре Шилегов.

– Ова сообраќајно решение е дел од планот кој го поставив пред четири години кога станав градоначалник – а тоа е Скопје да биде град без сообраќаен метеж, со најголема пешачка зона во Европа во центарот на градот. Со реализацијата на овој план скопјани добиваат брзо и непречено патување низ градот со возила, јавен превоз или други средства за транспорт, изјави градоначалникот Шилегов на денешната прес-конференција.

– Ова што денес го презентирам многумина рекоа дека е неверојатно и не може да се реализира. Денес гледаме дека не само што може, туку веќе сме на пола пат, а до 2024 ќе бидеме целосно готови, додава Шилегов.

Во продолжение тој додаде дека целосното сообраќајно решение кое се состои од три големи целини.

– Првата е токму оваа која денес ја гледаме. Овој коридор кој се прави со изградбата на тунелите под Лимак, овозможува без поминување преку строгиот центар на градот, граѓаните кои патуваат од Карпош, Ѓорче Петров да стигнат до Кисела Вода или Аеродром. Практично отвораме нова артерија која ќе го растерети центарот. Во рамки на целото решение за овој дел е вклучена изградба на голем кружен тек на раскрсницата кај Нова Македонија. Со ова добиваме брз и сообраќај без застој во овој дел на градот, продолжува Шилегов.

– Втората целина од планот е отворање на другата артерија од другата страна на градот со изградба на мостот на булевар „АСНОМ“. Со ова решение, граѓаните на Аеродром и сите кои доаѓаат од таму, ќе можат директно и без поминување во строгиот центар да патуваат до Карпош. Со тоа уште повеќе го ослободуваме од притисок на возила централното градско подрачје, додаде Шилегов.

https://nezavisen.mk/tunelite-pod-limak-polovina-gotovi/

Супер изгледа све, само овој рахитичниов дел Х некако ептен ме багира. Мислам дека е некако импровизирано, како да морало тоа стеснување па раширување. Нели можело да се оддржи средишниот простор по целиот влез?

Многу ме потсеќа на оваа точка на влез во населба Бутел1 (42.028687° 21.444712°) иако нема врска, воопшто не е ист сообраќајниот режим.