Урбани автопати - Скопје

Не сум многу оптимист дека Јужен булевар ке го прават во скоро време. Причина за тоа е дека го направија кружниот тек на Гологанов, кој според мене ке треба да се предизајнира ако се гради Јужен булевар. Исто така ја проширија улицата, а сега исто ке направат и со Првомајска. Можеби планот им е да ги поврзат овие два булевара со тунелот како замена за Јужен. Да се надеваме дека не сум во право.

Originally posted by mladen_s Доколку тоа е „конечното решение“ тогаш да се надеваме дека не си во право. Но како привремено решение би било донекаде и прифатливо. Спорно е тоа што се продаде толку долга парцела чија источна граница е преблиску до подвозникот за Црниче. Имено, доколку се оставеше простор во јавна сопственост, постојниот булевар Македонија би можел да се спушти во „Лимак-тунелот“. Вака, за да може истиот да се користи, ќе мора темелно да се разруши подвозникот и да се промени цела околина, што ќе чини многу и ќе биде целосно на јавен трошок (бидејќи делот под парцелата е всушност наједноставниот). Би сакал да верувам дека во тие 6 години Градот ќе го направи сето тоа, па можеби и целиот Јужен булевар, ама некако сум сомничав. Доколку парцелата што се продаде на Лимак беше малку пократка од двете страни, мислам дека ќе се оставеше многу повеќе простор за различни решенија. Секако, проблем е и катната гаража спроти Макпетрол, но да не навлегувам во историјатот на локацијата..

Погледни во Планот за Јужен булевар во овој дел од градот и ќе видиш дека тоа е и планот, како што спомнав и претходно јужшен булевар ќе биде подземја и технички во овој дел подвозник а сегашната врска која е во вид на подвозник нема да понира како што е сега. Што во основа е и подобро решение од сегашното каде врската со црниче релативно стрмно понира па се искачува стрмно само за да се пројде под јужен од црниче накај Мито Хаџивасилев Јасмин.

Originally posted by mladen_s Јасно ми е како е тоа во планот - зборувам за привремено решение. „Лимак“ го има наједноставниот дел - сложените активности остануваат на јавен трошок.. Ако Градот во одреден момент не почне со таа огромна трансформација на цела околина на подвозникот па потоа и Стара Рампа, по 6 години ќе имаме ситуација каде тунелот ќе завршува слепо.. Освен ако не променат уште нешто и го поврзат на кружните текови горе = fail..

Времето ќе покаже со каква динмика е се остварува целото сообраќајно решение од дадениот  моментален дуп.

Originally posted by BOJAN Најновата пречка е самиот објект што ќе го гради „Лимак“, но не само тој објект, со сите тие планирани зданија позади Рамстор ќе се затвори подземниот или надземниот коридор што би можел Ѓорче Петров да го поврзе со Кисела Вода во функција на заокружување на железничкиот прстен. Така што, оваа подземна сообраќајница од 800 метри ќе значи крај за ваквиот проект.

Мислам дека поврзувањето на Ѓорче Петров и попатните реони многу поадекватно ќе биде со ЛРТ линија (или линии) низ самиот град и со приградска железница која ќе ја користи постојната пруга преку Скопје Север и Бардовци. Според мене тоа е подобро решение отколку градска железница на овој сегмент од јужниот булевар. Шински коридор за ЛРТ долж јужен булевар е секако планиран и се надевам дека барем во овој случај нема повторно да бидеме крајно непријатно изненадени со некаква лудост.

Оформување на железнички прстен (за тешка железница) внатре во самиот град, не знам дали и колку би било потребно или целисходно, особено во контекст на планираниот ЛРТ шински коридор.

Originally posted by BOJAN Второ, сегментот од Јужен булевар во Кисела Вода ќе поминува веднаш до постоечката пруга, со што повторно би се нарушило функционирањето на градската железница. Ако евентуално некогаш би се градела, тогаш би морало да се направи барем едно стојалиште во близина на населбата Кисела Вода или 11 октомври. Но и тоа не ми е поентата, ќе треба да се прави втор колосек или барем неколку раскрсници со кои би можело да се разминуваат возовите. Ако би се спровела градска железница во Скопје, тогаш токму на овој сегмент би имало најмногу возови, меѓуградски и градски. За вакво нешто треба простор, а мислам дека Јужен булевар со неговата изградба би го одзел.

Мислам дека непотребно стравуваш. 6 сообраќајни ленти со широчина од 3,75 метри (според најдарежливи стандарди) се вкупно 22,5 метри. Тоа остава доволно дополнителен простор и за повеќеколосечна пруга и за станици.

Единствен голем проблем на трасата во Кисела Вода е оваа зграда:

41°58'55.42"N  21°26'40.59"E

Таа зграда секако би се рушела за изградба на јужен булевар, така да не ја тангира нашава дискусија...  После нејзе најблизок голем објект до трасата е оваа зграда:

41°58'52.34"N  21°26'45.60"E

Но растојанието од нејзе до сегашната магистрална пруга изнесува цели 50 метри, а растојанието до првиот колосек од железничкото депо Лисиче изнесува цели 66 метри. Во овие 66 метри без проблем би можел да се смести и јужен булевар и 4 колосеци пруга, па и станица ако се процени дека токму на таа локација би била најцелисходна (а се сомневам дека тоа е оптималната локација за станица за градска железница).

Јас мислам дека реализацијата на јужниот булевар не е пречка, туку напротив, од повеќе аспекти би делувала стимулативно за развој на софистициран шински сообраќај долж неговата траса.

Малку инспирација


Локација: Токио  
Музика: Mark Norman - Niagara (Extended)  

Еве го објектот и бараките на МЖ кај Водњанска кои долги години се претставуваат како непремостива пречка за спојување на ул. Народен Фронт со ул. Железничка и со тоа оформување на колекторскиот сообраќаен систем на Јужен Булевар, кој колекторски систем покрај тоа што би бил значаен чекор во реализација на мега-проектот, туку би овозможил битно подобрување на сообраќајот во Скопје и сам по себе. А овде се работи за должина од само околу 150 метри.

Локацијата е оваа:
41°59'32.87"N  21°25'23.28"E

Разноразни бараки шупи и лимени гаражи ќе треба да се урнат, а за објектот (десно) не сум сигурен дека и воопшто треба да се урива за да се пробие улицата и да се направи оваа круцијална сообраќајна спојка (а не дека е некој објект за кој што би требало да има преголеми дилеми и доколку треба да се руши).

Двесте години со поколенија живееме овде. Тука бил и мојот прадедо и татко ми. Сега и јас живеам овде 77 години.

И шо? Треба да ти се загарантира дека уште 2000 години ќе живееш таму, или колку веќе планираш?
Концептот на експропријација, за потребите на вакви битни проекти, не е топла вода, нека ти го објасни некој.

И да не се правиме недоветни, доколку твојот плац беше на само 2 метри вон трасата на булеварот и некој инвеститор ти понудеше сочна сума за да го купи, веднаш ќе заборавеше на „корените“ и веднаш ќе си ги спакуваше куферите.

Доколку некој беше обесправен поради разноразни игри на криминалната администрација и урбаната мафија, при што тие би почнале да ја менуваат, поместуваат и манипулираат трасата на Крушевска република, тогаш ќе го разберев и ќе го подржев револтот. Арно ама трасата поминува таму каде што поминува и факт е дека нема никаква завера зад тоа, туку тоа е оптималната траса. Ако се помести, не само што веќе нема да биде оптимална, туку со тоа неправедно ќе биде оштетен некој друг. А да се избрише овој круцијален транспортен коридор едноставно не може. Така да мислам дека е крајно време Маџир-маалци да ја прифатат ситуацијата таква каква што е и да излезат од филмот дека нив им следуваат некакви специјални права.


Edited by Cloverstack - 10-Aug-2012 at 00:23

Originally posted by gjoko каква врска има со јужен булевар?

Претпоставувам ова прашање е упатено кон забелешката на господинот Никола Велковски во текстот, дека Крушевска република „е продолжение на Јужниот булевар и е костур на сообраќајниците во Градот и затоа треба да му се заштити трасата“.

Врската на Крушевска република со јужниот булевар е неоспорна, се работи за два проекти кои еден без друг прилично ја губат смислата. Едноставно се работи за систем на сообраќајници (Јужен булевар, Крушевска република, а и Северен булевар) кои го сочинуваат транспортниот скелет на градов и кои мора да бидат поврзани (и меѓусебе и со автопатите кои влегуваат во градот).

сега сватив Кловер,иначе никако неможев во глава физички да ги поврзам овие два булевари

на мојата фамилија и зеле многу повеќе него на сите овие,па не се жалам,ако можам нешто да повратам,ОК,ако не здравје