build.mk Homepage
Forum Home Forum Home > Главни теми > Инфраструктура > Градска инфраструктура
  Active Topics Active Topics
  FAQ FAQ  Forum Search   Register Register  Login Login

Урбани автопати - Скопје

Bookmark and Share
 Post Reply Post Reply Page  <1 1415161718 24>
Author
Message
  Topic Search Topic Search  Topic Options Topic Options
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #301 Posted: 11-Aug-2012 at 08:13
Originally posted by Нова Македонија


Судбината на 400 куќи и две згради виси на конец

Од градот велат дека во тек е собирањето на забелешките по стручната расправа за нацртот на генералниот урбанистички план, по што ќе се дефинира и конечната верзија


Сѐ уште е неизвесна судбината на петстотини објекти што се наоѓаат во општината Кисела Вода, на трасата по која треба да се направи долго планираниот Јужен булевар, кој треба да поминува низ сите општини, од Сарај до Драчево. Најзасегната од изградбата на оваа сообраќајница, која треба да е подземна, е општината Кисела Вода, која е и единствената општина што категорично е против изградбата на овој булевар, затоа што освен што сметаат дека решението за изградбата на Јужниот булевар е застарено, ќе треба да се урнат и околу 400 куќи во населбата Градинар и две згради во населбата 11 Октомври.

Марјан Ѓорчев, градоначалникот на општината, вели дека на сите состаноци и координации со градските власти кажал дека изградбата на овој булевар со години го кочи развивањето на нивната општина. Според него, булеварот, кој се протегнува во плановите од 1966 година, е застарено решение што воопшто не му е потребно на градот.
- Ние имаме помодерни и попрактични решенија за тоа како да го решиме проблемот со сообраќајот во нашата општина, а притоа да не го оштетиме или, пак, да го забавиме развојот во Кисела Вода. Трасата на Јужниот булевар поминува низ средината, низ центарот на нашата општина и тука ќе треба да минуваат камиони, автобуси и возила, па според нас, тоа не е соодветно решение. Не смееме ниту да го заборавиме фактот дека Јужниот булевар бил планиран во време кога во нашата општина немало околу 13 илјади дивоградби. А сега, иако граѓаните имаат поднесено документи за легализација, ние не можеме да ги легализираме зашто не знаеме што ќе се случи со Јужниот булевар и дали неговата траса ќе поминува токму кај тие објекти - објаснува градоначалникот Ѓорчев.

Тој вели дека од градот го одбиле нивното барање и дека засега трасата на Јужниот булевар останува иста.
Од градот велат дека во тек е собирањето на забелешките по стручната расправа за нацртот на генералниот урбанистички план. Откога ќе завршела оваа фаза, ќе се дефинирала конечната верзија на генералниот урбанистички план.
Новиот булевар ќе се гради на шест метри длабочина и со шест ленти во двата правца, а треба да го гради турската компанија „Лимак“, која го купи земјиштето со површина од 32.000 квадратни метри на лицитација за 3,27 милиони евра. Над подземниот булевар компанијата треба да изгради станбен, трговски и хотелски комплекс. Според предвиденото, сообраќајницата ќе се пушти во употреба за шест години.

Автор: Александра Денковска

Фотографија: Игор Бансколиев

Извор: http://www.novamakedonija.com.mk/NewsDetal.asp?vest=81012943213&id=14&prilog=0&setIzdanie=22652


„Ние имаме помодерни и попрактични решенија за тоа како да го решиме проблемот со сообраќајот во нашата општина, а притоа да не го оштетиме или, пак, да го забавиме развојот во Кисела Вода.“ Wallbash

Ќе го замолам господинот Марјан да не просветли кои се тие решенија.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #302 Posted: 12-Aug-2012 at 20:34


И мене многу ме интересира кои се тие „помодерни и попрактични решенија“ што ги имал во ракав Марјан Ѓорчев.   Toilet
Ајде нека повели нека ги претстави. Ако не, би било редно веќе да престане да се занимава со поткопување на проектот Јужен Булевар.

И патем, господинот очигледно лаже-суши и без осет го пумпа бројот на објекти кои се засегнати од јужниот булевар, што не му е прв пат:
http://www.build.mk/forum/forum_posts.asp?TID=33&PID=123854#123854
Во денешно време такви лаги и глупости какви што сервира Ѓорчев може да се побијат за една минута со краток поглед на Google Earth!

Особено е фасцинантно како градоначалникот ја врти наопаку работата во врска со дивоградбите. Демек не е проблемот во дивоградбите кои пречат за реализација на јужниот булевар, туку јужниот булевар бил проблемот затоа што им пречел на дивоградбите. Ваков став би бил разбирлив од сопственик на дивоградба, ама од градоначалник?!? Според функцијата, тој треба да е во прва линија на одбрана на урбанистичкиот ред, а не помеѓу саботерите на тој ред!



Originally posted by deko

Ne sum od SK ,i neznam tocno za shto se raboti,ama i vie shto komentirate deka treba itno da se iselat nekoi delovi od gradot,ako vi se sluceshe istoto ,sigurno nemashe da go prifatite taka lesno.Zmislete sega nekoj da ve iseli vshiot dom sega kaj shto ziveete.
Ова беше во врска со дискусијата за булевар Крушевска Република во Маџир Маало...

Деко, во врска со Маџир Маало, таму е прашање на соодветно обештетување на оние чиви имоти треба да бидат експроприрани. И ништо повеќе од тоа. Не може да биде прашање на нечив сентимент за домот, ниту може да станува збор личен суверенитет врз некое парче земја. Како што кажав претходно, експропријација на имот за потребите на битни јавни проекти не е измислување на топла вода. Механизмот експропријација постои и функционира многу долго во секоја нормална и напредна земја. И тоа е механизам кој обезбедува прогрес и општо добро. Замисли какви би биле градовите, ако ја послушаме логиката на дедото од Маџир Маало кој беше цитиран во текстот...

Маџир Маалци треба да престанат да се држат до идејата дека за нив треба да важат некакви специјални правила. За нивните имоти треба да бидат фер обештетени и тука приказната завршува. Ниту имаат некакво божјо дадено право дека на таа земја треба да живеат за вјек и вјеков, ниту е нивно поради лични интереси да цртаат и да бришат булевари и да ја прецртуваат сообраќајната мрежа на градот.


Edited by Cloverstack - 12-Aug-2012 at 21:15
Back to Top
vlatko.mk View Drop Down
Senior Member
Senior Member


Joined: 17-Sep-2010
Online Status: Offline
Posts: 259
  Quote vlatko.mk Quote  Post ReplyReply #303 Posted: 14-Aug-2012 at 15:00
Токму градонажалникот на Кисела Вода - Ѓорчев живее во еднаа од зградите во населбата 11 Октомври предвидени за рушење согласно трасата на Јужен Булевар

Можеби и Ѓорчев е делумно во право кога вели:

“Јужниот булевар поминува низ средината, низ центарот на нашата општина и тука ќе треба да минуваат камиони, автобуси и возила, па според нас, тоа не е соодветно решение“

Ако бидеме барем малку реални и се потсетиме дека живееме во Македонија - каде проектот проширување на Првомајска со уште по 1 лента во должина од неколку километри е проект кој трае повеќе од 10 години (тука вклучувајќи го и сето време на чекање на средства) тогаш апсолутно сум сигурен дека вака исцртаниот Јужен булевар нема да се гради воопшто во делот кога оди веднаш до Првомајска - туку ќе се вклучи во неа



и што добиваме тогаш - паралела на Првомајска во централниот дел на општината која ќе поминува на 50м до зградите и куќите од населбата 11 Октомври - или во превод загадување на општината со бучава и издувни гасови ...

Можеби е веќе доцна но веројатно најдобро можно решение за добар проток на сообраќајот во овој дел на Скопје ќе беше проширување на Првомајска во профил 3+3 во одредени делови и со средишно зеленило (нешто налик на бул. 11 Октомври - во централниот дел на општината и бул. Партизански одреди - каде што има повеќе простор)


Edited by vlatko.mk - 14-Aug-2012 at 15:04
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2598
  Quote fichot Quote  Post ReplyReply #304 Posted: 15-Aug-2012 at 00:46
Да даде господ Ѓорчев секој ден во шпицот да мора накај Сарај да оди и да се враќа. Тогаш дали нема да му треба Јужен.
Back to Top
tonikostov View Drop Down
Senior Member
Senior Member


Joined: 18-Oct-2009
Location: Скопје
Online Status: Offline
Posts: 127
  Quote tonikostov Quote  Post ReplyReply #305 Posted: 24-Aug-2012 at 08:36
Незнам за какви „попрактични и помодерни решенија“ зборува Марјан Ѓорчев. Не верувам дека ниту тој, ниту администрацијата која ја раководи има капацитет да предложи нешто квалитетно. Едноставно, толку му е... За демагогии е прв, но за конкретна реализација - до сега се што е направено, најчесто барало повторна интервенција за санација на пропусти, а често не е ни санирано...

Edited by tonikostov - 24-Aug-2012 at 11:12
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #306 Posted: 01-Sep-2012 at 16:13
Originally posted by vlatko.mk


и што добиваме тогаш - паралела на Првомајска во централниот дел на општината која ќе поминува на 50м до зградите и куќите од населбата 11 Октомври - или во превод загадување на општината со бучава и издувни гасови ...

Можеби е веќе доцна но веројатно најдобро можно решение за добар проток на сообраќајот во овој дел на Скопје ќе беше проширување на Првомајска во профил 3+3 во одредени делови и со средишно зеленило (нешто налик на бул. 11 Октомври - во централниот дел на општината и бул. Партизански одреди - каде што има повеќе простор)

Влатко извини што вака доцна реплицирам, го имав затурено табот меѓу милион други...

Во право си дека во одредена мерка Јужен булевар и Првомајска се преклопуваат во однос на просторот кој би го опслужувале, но сепак Јужен булевар е проект со многу поширок опфат и значење, и поинаква намена, така да мислам дека дефинитивно не треба да се гледа толку ограничено локално.

Исто така скептик сум дека Првомајска може на задоволителен начин и со комплетно запазени стандарди да се прошири на профил 3+3, но и доколку тоа е можно, сепак според мене не би било најсреќно решение. Пред се поради тоа што Првомајска не може да го замени Јужен булевар, без разлика на бројот на лентите. Една од најважните разлики помеѓу овие две сообраќајници е во тоа што јужен булевар има континуирани сообраќајни текови, односно вкрстувањата се решени со клучки, наместо со крстосници. Тоа меѓудругото подразбира побрз транзит (Првомајска е совршена за внатрешна сообраќајница за потребите на населбата, но Јужен булевар е експресна сообраќајница со многу пошироко регионално значење). Континуираниот сообраќаен тек значи и неспоредливо поголем капацитет на Јужниот булевар, особено кога ќе се врачуна и дозволената брзина на движење по овие две сообраќајници.

Во врска со загадувањето и бучавата мислам дека ситуацијата е сосема обратна - Јужен булевар може само да помогне да се намалат овие несакани појави, а не да ги влоши. Дефинитивно е подобро што поголем дел од тој сообраќај да има опција да го користи Јужен булевар, каде што ќе може да се движи со помала потрошувачка и помалку издувни гасови, отколку единствена опција да е закрчената Првомајска (што секако не очекува во иднина, без разлика на проширувањето), и која на секои 100-200 метри има крстосници, пешачки премини, автобуски постојки... Бучавата исто така би било многу потешко да се заузда на Првомајска, отколку на Јужен булевар, каде што би можело многу ефектно да се изведат звучни бариери.

И конечно, кога се размислува за Јужен булевар, мора да се гледа десетици години понапред. Тој е дел од основниот транспортен скелет на градот и неговото писуство или отсуство ќе направи огромна разлика во целокупниот развој на градот, разлика која на долгорочен план ја прави смешна сумата потребна за негова релизација. Се разбира, Јужниот булевар мора да се гледа како една целина, а не само како збир на сегменти, од кои што некои би биле супституирани со други сообраќајници, во случајов Првомајска, бидејќи тој така би ја изгубил смислата.

Во контекст на долгорочното гледање на работите, би ја додал и оваа идеја за дооформување на скопската обиколница, за која се разви интересна дискусија на форумов:

http://www.build.mk/forum/forum_posts.asp?TID=84&PID=119152#119152

Околу оваа идеја (за жал) сеуште не се ни размислува во надлежните институции, но градот ќе биде овде и после 20, 30, 50 и повеќе години и ваквите потреби природно ќе се наметнуваат. Затоа е битно да не го занемаруваме основниот транспортен скелет, бидејќи на него релативно лесно можат да се надоврзат разни решенија и да се осигураат можности за задоволување на потребите кои ќе ги наметне иднината. Но доколку се откажеме од него, ќе ги мултиплицираме проблемите и значително ќе си ги намалиме потенцијалите за развој.



Edited by Cloverstack - 01-Sep-2012 at 16:40
Back to Top
vlatko.mk View Drop Down
Senior Member
Senior Member


Joined: 17-Sep-2010
Online Status: Offline
Posts: 259
  Quote vlatko.mk Quote  Post ReplyReply #307 Posted: 03-Sep-2012 at 14:35
Би се согласил дека треба да имаме некаква стратегија која во иднина ќе овозможи Скопје да функционира непречено. Можеби недостатокот на комуникација со јавноста и недостатокот на јавна дебата и презентација на идните планови е проблем со кој се соочуваме. (кога велам јавна дебата мислам на дијалог меѓу граѓаните и градот-односно оние кои го предлагаат ГУП)

Што се однесува до решавањето на проблемот со бучавата мислам дека тоа треба да се изведе уште во делот на подготовка на целиот проект т.е. што поскоро. Доколку јас се прашувам би формирал еден убав дебел зелен појас покрај засегнатите објекти кои ќе останат да егзистираат во близина на сообраќајницата. Од ова нема да има штета без разлика кога ќе започне изградбата.

Кога говорев за близина на објекти мислев на следните засегнати објекти:




Edited by vlatko.mk - 03-Sep-2012 at 14:41
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #308 Posted: 27-May-2013 at 11:21

Можеби треба во друга тема, но не најдов посебна, па еве ја информацијата поврзана со Јужен булевар


ИЗГРАДБАТА НА ПОДЗЕМНА УЛИЦА ЌЕ ГО ИЗМЕНИ СООБРАЌАЈНИОТ РЕЖИМ

Јужен булевар ќе се затвори, а ќе се вози по други улици

Јорданка Ивановска

Откако турскиот инвеститор „Лимак“ ќе ја почне изградбата на трговски центар и хотел, но и на подземна улица зад Музејот на Скопје, во овој дел од градот ќе стапи во сила ново и изменето сообраќајно решение за движење на возилата. Сегашниот Јужен булевар, кој е врска на центарот на метрополата со Kисела Вода и со Аеродром, и обратно кон Kарпош, е предвидено да понира под земја, а тоа значи дека оваа траса за време на реализацијата целосно ќе биде затворена. Поради тоа, очекувано, сообраќајот ќе биде пренасочен по други алтернативни патишта, како што се „Свети Kирил и Методиј“ (поранешна „Јасмин“) и „Јордан Мијалков“ (поранешна „Железничка“).

Од Градот не посочуваат кога точно ќе почнат работите, но лани во март, при потпишување на договорот со „Лимак“, беше кажано дека подземната улица ќе почне да се гради една година по официјализирање на документацијата. Дека почетокот е извесен потврдуваат и неодамнешните настани - претпријатието „Градски паркинг“ доби допис од „Лимак“ да ги тргне рампите од паркиралиштата кај Музејот на Скопје и да го ослободи теренот, поради нивната најава за градење на замисленото. Што се однесува до самиот терен, тој е расчистен уште лани.

Од градското одделение за односи со јавноста потврдија дека Јужен булевар ќе биде затворен додека се гради тунелот и појаснија дека за изработка на проектот за изменет режим е задолжена турската компанија. Тврдат дека с` уште не добиле барање за проект за нов режим од компанијата.

- Сообраќајот во тој дел ќе биде решен со привремен режим, откако ќе почнат градежните активности на инвеститорот. Тој мора да биде одобрен од Градот и од сообраќајната полиција. Инвеститорот „Лимак“ до Градот треба да достави барање со проект за сообраќаен режим на посочената локација, кое ќе биде разгледано од надлежните служби од градската администрација и полиција - објаснија од Градот.

За потсетување, „Лимак“, лани, на јавно наддавање купи државни парцела од 31.929 метри квадратни за околу 201 милион денари. Локациите кај Музејот зафаќаат дел и од постојната надземна улица, која турската компанија на свој трошок има обврска да ја изведе под земја, а потоа да му ја предаде на Градот.

Наши извори од Градот појаснуваат дека движењето по улиците најверојатно ќе се адаптира на градежните работи, па наместо еднонасочен режим, како што е сега, ќе биде востановен двонасочен. Kако сето тоа ќе се одвива на терен и дали постојните профили ќе имаат доволно капацитет да го соберат целиот сообраќај кон Kарпош и Kисела Вода и обратно ќе решат надлежните градски власти.

Подземната улица зад Музејот ќе биде долга 800 метри, со три коловозни ленти во секој правец. Под земја ќе понира шест метри. Според урбанистичкиот план, „Лимак“на купените парцели може да гради хотелски комплекси, комерцијални и деловни простории, ресторани и трговски центри, во висина и до 70 метри.

Во Скопје, освен оваа улица, наскоро се очекува почеток на работите и на втора подземна сообраќајница, и тоа од мостот „Гоце Делчев“ до комплекс банки. Инвеститори се Градот и Владата, а зафатот ќе чини 32 милиона евра. По реализација на овие два проекта, градската власт очекува значително растоварување на метежот во центарот на Скопје.

#

Edited by ehrlich - 27-May-2013 at 11:24
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2598
  Quote fichot Quote  Post ReplyReply #309 Posted: 27-May-2013 at 20:51
Колку време би им требало на турциве да го изведат нивниот дел од ЈБ?
Редовно го користам Јужен за транзитирање низ Центар, па ме интересира на колку време да си ја гаражирам колата, имајќи в предвид кој хаос ќе настане кога ќе се затвори улицава.
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #310 Posted: 27-May-2013 at 20:58
Според мене 2 години.
Него што бидна со трамвајскиот коридор, во првите најави редовно се споменуваше, сега нешто молчат за ова. Иначе како по обичај безумен проект од никаде за нигде со криминално лоши влезови кои ниту близу не се оние зацртани во ГУПот за Јужен бул.
"Тaм, където глупостта е образец, разумът е безумие." Гьоте
Back to Top
vlatko.mk View Drop Down
Senior Member
Senior Member


Joined: 17-Sep-2010
Online Status: Offline
Posts: 259
  Quote vlatko.mk Quote  Post ReplyReply #311 Posted: 27-Sep-2013 at 17:25
Остануваат 6 месеци до крајниот рок за почеток на изградба на “Јужен“ на терен засега нема почеток на активности од страна на Лимак, но мене ме загрижува повеќе што градските власти очигледно не планираат да ја прошират улицата Јордан Мијалков (поранешна Железничка). Инаку на бул.Свети Kирил и Методиј (поранешна М.Х.Јасмин) и онака во текот на целиот ден има многу гужва.


Edited by vlatko.mk - 27-Sep-2013 at 17:25
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2083
  Quote alexsend Quote  Post ReplyReply #312 Posted: 27-Sep-2013 at 19:18
Кога сме веќе кај бул.Свети Kирил и Методиј (поранешна М.Х.Јасмин) вчера од Аеродром до Капиштец патував 45 минути (околу 16-17). Ова е недозволиво! Замислете колку ќе се патува кога ќе почне да го прават "Јужен".

Го ставив во наводници затоа што сем овој дел кој патем би се изградил САМО заради објектите над него, а не поради желба од такво нешто, не верувам дека некој ќе има желба или можности да го добради во нашиот животен век... Со оглед на тоа што Митрополит Теодосиј Гологанов ја ПРОШИТУВААТ 3 години и никако да ја завршат, а се работи за само 3км. Колку ли ќе им треба за ИЗГРАДБА на десетина километри во најголем дел подземен булевар до 6 ленти - вечно.
Јас Скопје никогаш не сум го замислувал вака.
Back to Top
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #313 Posted: 03-Feb-2014 at 20:36
Јас имам лоша меморија или претходно Јужен булевар целосно ја следеше железничката пруга, се до Драчево? Сега вака како што е нацртан булеварот во ГУП... па ова е бесполезно.
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2598
  Quote fichot Quote  Post ReplyReply #314 Posted: 05-Feb-2014 at 01:26
Мислиш на делот каде се спојува со Првомајска? Зошто безполезно?
Back to Top
mirakuliks View Drop Down
Senior Member
Senior Member


Joined: 06-Feb-2010
Location: New York
Online Status: Offline
Posts: 831
  Quote mirakuliks Quote  Post ReplyReply #315 Posted: 06-Feb-2014 at 05:22
Поправете ме ако грешам ама јас имам претстава дека урбан автопат, во нашиов слушај тоа е јужен булевар нема за цел да бие поврзување на западниот со источниот излез на скопје туку брза врска со голем капацитет на западниот со источниот дел на скопје при што капацицтете е побитно да е поголем во централното подрачје отколку на краевите (Ѓ. Петров и Лисиче).
Со други зборов јас си го претставувам Јужен како брза сообраќајница која почнува во ЃП како помал булевар со 4 ленти а од мостот на Вардар да почне да се проширува и до лисиче или еве бар на пола од патот по границата меѓу Кисела Вода и Аеродром да биде денивлеиран без раскрсници туку само со влезови и излези од споредните улици (на пр. Гологанов, Хаџивасилев Јасмин итн.) за некаде пред Лисиче да се врати во форматот во кој е сега Првомајска.

Edited by mirakuliks - 06-Feb-2014 at 05:25
Back to Top
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #316 Posted: 06-Feb-2014 at 23:12
Originally posted by fichot

Мислиш на делот каде се спојува со Првомајска? Зошто безполезно?


Бидејќи таму нема простор за сообраќајница каква што треба да биде Јужен, а и која е поентата таму да поминува Јужен, кога тоа е индустриска зона и Првомајска (ќе) ги обслужува потребите на истата со профил 2х2.
Зошто трасата на Јужен да не ја следи постојано пругата кон Драчево и да се направи како што треба, во полн профил, бидејќи тоа бара простор, простор што го нема на друго место.
Во моментов е зацртан да се приклучи кон Првомајска (читај: да ја преименуваат Првомајска и да ја наречат Јужен Булевар) блиску до Цементарница и да ја следи истата траса се до крајот на ОХИС, каде што скршнува и оди кон пругата. Зошто?
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #317 Posted: 12-May-2014 at 23:09
Датум: 12.05.2014, 18:09
ПОЧНАА ПОДГОТОВKИТЕ ЗА ПОДЗЕМНАТА УЛИЦА

ТУРСКИ „ЛИМАК“ ГО ИСПИТУВА ЗЕМЈИШТЕТО ПОД ЈУЖЕН БУЛЕВАР


По една година затишје, на Јужниот булевар повторно е раздвижено. Турскиот инвеститор „Лимак“, кој пред две години го купи државното земјиште зад Музејот на Град Скопје за изградба на подземна улица, хотели и деловни објекти, деновиве, почна да го испитува земјиштето. На терен има машини, луѓе што надгледуваат, но, сето тоа влегува во подготвителни работи. Во тие рамки влегува и ланското расчистување на земјиштето од привремени објекти, како и оградувањето на локацијата, по што на терен замре секаква активност.

Шест години рок

И покрај раздвиженоста на идното големо градилиште, с` уште нема официјална најава од Градот Скопје и од конзорциумот за почеток на градежните работи,

како и за вадење градежна дозвола, иако тоа се очекуваше уште лани. Така најави градоначалникот на Скопје, Kоце Трајановски, при склучувањето на меморандумот со „Лимак“ пред две години. Тој тогаш рече дека очекува за една година да почне да се гради тунелската улица, а дури потоа објектите врз неа. Работите, според договореното, треба да завршат за шест години откако ќе се почне со градење. Според неодамнешното објаснување од Градот, изградбата доцни поради корекции на урбанистичкиот проект. Во меѓувреме, како што потврдија надлежните, од „Лимак“ вршат геомеханички испитувања на локацијата.

- За изградбата на подземната сообраќајница на Јужен булевар задолжен е турскиот конзорциум „Лимак“, врз основа на одредбите во договорот склучен со Министерството за транспорт и врски. Сите други параметри поврзани со динамиката на изградбата и привремените сообраќајни решенија ќе се регулираат согласно домашното законодавство, во роковите предвидени со закон - изјавија од градското одделение за односи со јавноста.

Оттаму не открија други детали за проектот.

Според договорот, подземната сообраќајница од 800 метри е предвидена да се гради зад трговскиот центар „Рамстор“, на длабочина од шест метри, на делницата што кај скопјани е позната како Јужен булевар. Ќе има по три коловозни ленти во една насока. Ова подземно решение е предвидено и според Генералниот урбанистички план на Скопје. По комплетирањето на нејзината изградба, „Лимак” ќе му ја предаде во владение на Градот. Над улицата, турскиот инвеститор може да изгради објекти со максимална височина од 70 метри.

Две ленти за „Мијалков“

На двата влеза во идната подземна улица, од булеварите Свети Kлимент Охридски и Kочо Рацин, Градот и Општина Центар најавија дека ќе градат кружни раскрсници на две нивоа. Очекувањата на Трајановски се дека оваа подземна улица и таа што Градот и Владата ќе ја градат под плоштадот и кејот значително ќе придонесат за растоварување на сообраќајот во центарот.

Турскиот конзорциум градежната парцела со површина од 31.929 квадратни метри пред две години ја купи од Владата за 3,3 милиони евра.

Во меѓувреме, додека шест години ќе се гради улицата под Јужен булевар, сообраќајот од западниот кон источниот дел од градот и обратно, ќе биде пренасочен на други улици во околината, како Свети Kирил и Методиј и Јордан Мијалков. Во тој контекст, Градот Скопје за годинава најави проширување на „Јордан Мијалков“ (поранешна „Железничка“) за нови две ленти и целосна обнова. Се очекува таа повторно да стане двонасочна, а такво нешто се размислува и за улицата пред „Рамстор“, но допрва ќе се одлучува, велат одговорни лица од Секторот за сообраќај.

Од Градот вчера не одговорија дали „Лимак“ ќе чека прво Градот да заврши со проширувањето, за потоа тие да стартуваат со подземната улица.

Реконструкцијата и проширувањето на „Јордан Мијалков“ ќе се одвива од раскрсницата со булеварот Мајка Тереза (поранешна „Водњанска“) до раскрсницата со булеварот Kочо Рацин, во должина од 850 метри. Планирано е ново улично осветление и нови тротоари, а ќе се обноват и постојната атмосферска, водоводната и фекалната канализација. Според најавите од градската власт, за реализација на проектот ќе се издвојат околу 60 милиони денари.

Јорданка Ивановска
#
http://dnevnik.mk/?ItemID=55068DFABFAB8444974FD9EA78D48AFD
Back to Top
jyvation View Drop Down
Senior Member
Senior Member
Avatar

Joined: 11-May-2013
Location: Skopje
Online Status: Offline
Posts: 4190
  Quote jyvation Quote  Post ReplyReply #318 Posted: 22-Nov-2014 at 18:47
Originally posted by fichot

Не сфатив, ЈБ ќе се вклучува во кружниве текови или ќе оди независно (под) од нив?


Ако добро сфатив од Коце Трајановски овде би биле кружните текови.
Не се баш прецизно нацртани но само колку да имаме визеулен приказ отприлика што е каде е.

Back to Top
kultuzin View Drop Down
Senior Member
Senior Member


Joined: 07-Nov-2010
Online Status: Offline
Posts: 3811
  Quote kultuzin Quote  Post ReplyReply #319 Posted: 22-Nov-2014 at 18:52
Ако се прошират тие улици и реализират кружните текови јас во никој случај не го подржувам проширувањето на Даме Груев. Центарот треба да се претвори во мрежа од споредни улички колку некој да си дојде до дома или до работното место никако низ него да минуват главните булеварски артерии на градот. Незнам навистина вака како лаик за вакви работи не ми иде во глава воопшто што се добива со проширувањето на Даме Груев освен уште еден булевар кој директно ќе го сече и гуши центарот на градот
Back to Top
daci92 View Drop Down
Senior Member
Senior Member
Avatar

Joined: 10-Dec-2012
Location: Skopje
Online Status: Offline
Posts: 1937
  Quote daci92 Quote  Post ReplyReply #320 Posted: 22-Nov-2014 at 19:00
Да Коце исто така најави голем кружен тек и кај Тутунски комбинат ,на едно од најтесните грла во Скопје.
Јас проширувањето на Даме Груев и онака не го подржувам под тие услови ,би го подржал само доколку и бул на рекорд остане во функција и тоа како што некој член спомна погоре ,за да се добие 3+3 решение.
Инаку Коце најави и напуштање на проектот подземна сообраќајница и неговото објаснување беше дека со проширувањето на Даме Груев нема да има потреба од таа сообраќајница Bash
Back to Top
 Post Reply Post Reply Page  <1 1415161718 24>

Forum Jump Forum Permissions View Drop Down



This page was generated in 0.205 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.