build.mk Homepage
Forum Home Forum Home > Главни теми > Инфраструктура > Градска инфраструктура
  Active Topics Active Topics
  FAQ FAQ  Forum Search   Register Register  Login Login

Урбани автопати - Скопје

Bookmark and Share
 Post Reply Post Reply Page  <1 222324
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #461 Posted: 30-Apr-2022 at 15:27
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #462 Posted: 08-Jun-2022 at 16:35
Подземната сообраќајница блокирана, Арсовска: Не сметам дека имало волја да се заврши туку само е започнат

И изградбата на подземната сообраќајница која поминува низ центарот на Скопје позади „Рамстор“ е закочена. Градоначалничката Данела Арсовска вината ја гледа кај претходното раководство на градот, бидејќи од пет фази се реализираа само две, а не се решени ниту имотно-правните односи на приватни сопственици на парцели каде треба да поминува сообраќајницата.

Тоа е еден од оние проект кој е повторно отпочнат без целосна визија како ќе се реализира и како ќе се заврши. Не сметам дека имало волја да се заврши туку само е започнато. Од пет фази се завршуваат фазата 3 и 4, а фазата 1,2 и 5 не е пипнато ништо. Што значи јас сега започнувам со фазата број 1, тоа е делот во Кисела Вода каде се поврзува на едната кружница, па од делот кој го работи Лимак да излезе кај Нова Македонија. За да се реализира требало да се најде начин како да се среди тоа земјиште кое во овој момент е на Железници. Не се направени експроприции, ништо не е завршено. Јас не знам како се планирало да се заврши овој цел проект во 2023 година, кога имотно правните спорови не се знае дали ќе се разрешат до тој момент“, кажа Арсовска.

Подземната сообраќајница треба да биде долга 1.300 метри, од кои 900 метри се под земја, а 400 метри над земја. Проектот предвидува изградба на подземна сообраќајница која ќе се движи од крстосницата на булеварот „Илинден“ со булеварот „Гоце Делчев“, под кејот „13 Ноември“ до крстосницата на булеварите „Крсте Мисирков“ и „Кочо Рацин“.

https://skopje1.mk/archives/185115
Carpe diem
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #463 Posted: 08-Jun-2022 at 18:28
Нормално дека не е пипнато. Два мандата не мрднаа со прст ни Коце ни Шилегов. Требаше веќе на големо да се гради и за 2 години се да е завршено заедно со комплексот.

Ако ништо друго, бар ќе може Данела да се пофали со доста крупни проекти. Не дека има желба да ги реализира, туку бидејќи ке биде приморана од крупни бизнис играчи што се засегнати.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #464 Posted: 27-Jun-2022 at 10:57
ПОДЗЕМНАТА УЛИЦА КАЈ ЈУЖЕН БУЛЕВАР ЏАБЕ ЌЕ БИДЕ ГОТОВА ВО 2023, АРСОВСКА ВЕЛИ ДОТОГАШ НЕ МОЖАТ ДА СЕ РЕШАТ ИМОТНО-ПРАВНИТЕ ОДНОСИ, А КАМОЛИ ДА ПОЧНЕ ГРАДБА НА ПРИСТАПИТЕ

Подземната улица на Јужен булевар и да биде готова во 2023, како што најави турскиот инвеститор „Лимак“, нема да може да се користи. Град Скопје дотогаш нема ниту да почне да ги гради трите кружни текови за влез и излез од сообраќајницата. Градоначалничката Данела Арсовска, на прашање на САКАМДАКАЖАМ.МК до каде е Градот со исполнување на својот дел од обврските, вели дека работите се далеку од реализација оти ништо не било почнато од претходното раководство.

„Ова е еден од проектите којшто е отпочнат без целосна визија како ќе се реализира и како ќе се заврши, ниту пак имало каква било волја да се реализира и заврши. Било само отпочнато и не знам како се сметало дека ќе се реализира, затоа што во овој момент ниту една од фазите кои се обврска на Градот не е почната, ништо не е пипнато. Што значи дека сега јас во средината на 2022 година отпочнувам со реализиација на фазата број еден за кружниот тек кај Кисела Вода, која досега можела да биде завршена“, вели Арсовска.

Град Скопје треба да изгради три приклучоци за подземната улица, односно кружен тек кај зградата на поранешна „Нова Македонија“, на крстосницата на Железничка со Бихаќка и кај подвозникот кај крстосницата на булеварите Свети Кирил и Методиј и Кочо Рацин. Ексградоначалникот Петре Шилегов во изборната кампања ги промовираше проектите за изградба на трите кружни текови и тогаш најави дека Градот од 2022 ќе почне со нивна градба и тие ќе чинат 22 милиони евра.

Според Арсовска, која постојано вели дека не наследила ниту еден проект, џабе што ексградоначалникот Шилегов ѝ оставил проекти кога не ги решил имотно-правните односи.

„Проектите се најмалиот проблем, тие не се од претходниот градоначланик туку нешто што се заговара од 2012 година, меѓутоа, за да се реализира требало да се пристапи кон процес да се среди тоа земјиште кое сега е во надлежност на Македонски железници. Ниту од другата страна каде треба да се градат два кружни текови ништо не е пипнато во однос на имотно-правните односи. Јас не знам како се планирало да се заврши нешто како цел проект до 2023. Не знам што треба да се направи, имотно-правните спорови не знам дали ќе успеат да се разрешат до 2023“, додава Аросовска.

Според најавите од менаџментот на „Лимак“, подземната сообраќајница ќе биде готова во 2023 година.

„Најтешката работа е завршена, поголемиот дел од тунелот под земја е пробиен односно направен е ископот, поставени се потпорни ѕидови и подземни инсталации. Сега останува полесниот дел во градењето на улицата. Градежните работи се одвиваат во делови или блокови односно завршуваме еден дел од улицата и потоа таму се продолжува со работа односно се креваат објекти. Потоа се гради друг дел од улицата па содржините кои се над неа. Без да се изгради тунелот не може да се кренат зградите. Зградата која ја гледате кај ‘Тутунска банка‘ е прва од четирите кули. Таа се гради бидејќи тунелот во тој дел е готов и сега продолжуваме со негово градење натаму“, изјави за САКАМДАКАЖАМ.МК лани во август Чагри Шерен, проект менаџер на компанијата „Лимак“.

Над улицата веќе е крената првата од четирите 20-катници, а во моментов се гради и втората која е речиси до половина. Тунелот за улицата во овој дел е изведен.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од тогашниот градоначалникот Коце Трајановски и на тогашната прес-конференција беше најавено дека ќе се почне со градба за една година. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов во 2017, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи.

Сообраќајницата треба да биде долга 800 метри, 6 метри под земја и со 6 коловозни ленти. Комплексот на ’Дајмонд Скопје‘ ќе има станбени и деловни објекти, трговски центар, простор за културни активности ресторани, кафулиња. Во комплексот автентично треба да се вклопи и симболот на градот, Старата железничка станица, денес Музеј на град Скопје. Вкупната површина на комплексот ќе биде 325.000 метри квадратни.

https://sdk.mk/index.php/naslovna/podzemnata-ulitsa-kaj-juzhen-bulevar-dhabe-ke-bide-gotova-vo-2023-arsovska-veli-dotogash-ne-mozhat-da-se-reshat-imotno-pravnite-odnosi-a-kamoli-da-pochne-gradba-na-pristapite/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #465 Posted: 05-Sep-2022 at 11:56
И ова е Скопје…подземна улица без влез и излез

Според договорот турскиот инвеститор „Лимак“ има обврска да го изгради Јужен булевар под земја, додека приклучоците, односно кружните крстосници, треба да ги прави Град Скопје. Според речиси десетгодишните најави, треба да се градат три кружни крстосници, кај поранешна „Нова Македонија“ и два помеѓу булеварот „Кочо Рацин“ и улицата „Свети Кирил и Методиј“, кои треба да бидат влезови во подземната сообраќајница.

Но, се уште подземната сообраќајница е без влез и излез. Сите градоначалници си ја префрлаат топката, а јавноста имаше можност да види само слики, но не и проект за кружните крстосници.









https://www.porta3.mk/i-ova-e-skopje-podzemna-ulica-bez-vlez-i-izlez/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #466 Posted: 19-Sep-2022 at 17:18




https://www.facebook.com/photo?fbid=396724222643240&set=pcb.396724399309889
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #467 Posted: 22-Sep-2022 at 12:12
ПОДЗЕМНАТА УЛИЦА ЌЕ БИДЕ ГОТОВА ИДНАТА ГОДИНА, НО НЕ ЌЕ МОЖЕ ДА СЕ ВОЗИ ПО НЕА ОТИ ГРАД СКОПЈЕ ТРЕБА ДА НАПРАВИ ВЛЕЗОВИ, ВЕЛАТ ОД „ЛИМАК“

До крајот на наредната година ние ќе ја направиме подземната улица, но за да може да биде пуштена во сообраќај Град Скопје треба да ги изведе трите кружни тека преку кои ќе се влегува и излегува од тунелот, велат инвеститорите од турски „Лимак“, кој го гради комплексот пд станови и трговски центар кај старата железничка станица во Скопје. Тие велат дека сообраќајницата се гради и веќе е пробиен голем дел од тунелот.

„Во делот каде што веќе се дигнати зградите и каде што ќе биде трговскиот центар улицата е веќе пробиена и направена. Сега останува уште да се направи ископот односно да се пробие во делот каде што ќе бидат другите две згради. Роковите кои ги дадовме ќе бидат запазени односно во 2023 подземната улица ќе биде готова“, вели Чагри Шерен, проект менаџер на компанијата „Лимак Скопје“.

Иако подземната улица ќе биде готова таа нема да може да се користи бидејќи Град Скопје не почнал со постапките за изградба на кружните текови. Градот треба да изгради три приклучоци за подземната улица, односно кружен тек кај „Нова Македонија“, на крстосницата на Железничка со Бихаќка и кај подвозникот кај крстосницаата на булеварите Свети Кирил и Методиј и Кочо Рацин. Градоначалничката Данела Арсовска во јуни изјави дека работите се далеку од реализација оти ништо не било почнато од претходното раководство.

Ексградоначалникот Петре Шилегов на крајот од неговиот мандат ги презентираше проектите за трите крстосници и најави дека по завршувањето на изборите ќе започнат постапките за избор на фирми изведувачи и градежните работи.

Директорот на „Лимак Скопје“ Куртхан Апајдин вели дека имале средба со градоначалничката Арсовска и очекува Градот да го заврши својот дел од обврските. Вели дека напролет планираат првиот дел од комплексот да биде готов и пуштен во употреба односно првите две кули да бидат вселени, да почне со работа трговскиот центар и пешачката улица со ресторани и кафитерии.

САКАМДАКАЖАМ.МК го праша Алајдин нели смета дека со пуштањето на двете 20-катници, трговскиот центар и улицата со кафулињата треба да биде пуштена и подземната улица бидејќи уште толку ќе се зголеми сообраќајниот метеж во центарот на градот, а улицата која требаше тој метеж да го реши нема да се користи. Не се знае ниту кога ќе биде пуштена во употреба оти за изградба на приклучоци кои не се едноставни проекти се потребни неколку години, а работите не се ни почнати.

„Ние за изградба на комплексот плативме висока цена за комуналии, секој месец на Општина Центар плаќаме пенали бидејќи се доцнеше со стартот на проект. Нашиот дел од обврските целосно го исполнуваме, улицата се гради според високи стандарди и таа ќе биде готова за една година. Град Скопје треба да ги изгради трите кружни текови и се надеваме и веруваме дека тоа ќе биде направено“, вели директорот Куртхан Апајдин.

Од компанијат велат дека во првите две кули кои се веќе дигнати купени се речиси сите станови.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од тогашниот градоначалникот Коце Трајановски и на тогашната прес-конференција беше најавено дека ќе се почне со градба за една година и прво инвеститорот треба да ја изгради улицата а потоа објектите над неа. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов во 2017, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи.

Сообраќајницата треба да биде долга 800 метри, 6 метри под земја и со 6 коловозни ленти. Комплексот на ’Дајмонд Скопје‘ ќе има станбени и деловни објекти, трговски центар, простор за културни активности ресторани, кафулиња. Вкупната површина на комплексот ќе биде 325.000 метри квадратни.

https://sdk.mk/index.php/dopisna-mrezha/podzemnata-ulitsa-ke-bide-gotova-idnata-godina-no-ne-ke-mozhe-da-se-vozi-po-nea-oti-grad-skopje-treba-da-napravi-vlezovi-velat-od-limak/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #468 Posted: 23-Sep-2022 at 11:10
ПРИКЛУЧОЦИТЕ ЗА ПОДЗЕМНАТА УЛИЦА НА ЈУЖЕН БУЛЕВАР ЌЕ БИДАТ ПРИОРИТЕТЕН ПРОЕКТ НА СКОПЈЕ, НО ТРЕБА ВРЕМЕ ДА СЕ НАПРАВАТ, ВЕЛИ АРСОВСКА

Приклучоците или трите кружни текови кои Град Скопје треба да ги изгради за подземната сообраќајница на Јужен булевар ќе бидат проиритетен проект во мојот мандат, вели градоначалничката Данела Арсовска. Но, додава дека ќе биде потребно време за нивна реализација, бидејќи од минатото раководство наследила нерешени експропријации на трасата.

Вчера, од туската компанија „Лимак“ рекоа дека улицата ќе биде готова до крајот на наредната година, но таа нема да биде во функција односно нема да може да се вози по неа додека не се изградат влезовите и излезите, а тоа, според договорот потпишан уште во времето на ексградоначалникот Коце Трајановски, е обврска на Градот. Од „Лимак“ најавија дека напролет ќе бидат вселиви двете згради, трговскиот центар и пешачката улица со кафулиња. Тоа ќе предизвика поголем број жители, посетители и возила во овој дел на градот, а улицата која треба да го намали метежот нема да биде во функција.

САКАМДАКАЖАМ.МК ја праша Арсовска какви се плановите на Град Скопје за овој проект, со оглед на тоа дека работите за трите кружни текови не се ниту започнати, а за пола година овој дел ќе предизвикува сериозен сообраќаен метеж во градот. Арсовска сега, за разлика од пред неколку месеци кога само се жалеше дека никој ништо не сработил за овој проект и не може сега јавноста да очекува од неа да ги реши сите проблеми, вели дека Градот е силно фокусиран и се работи со засилено темпо да се започне со сите процеси.

„Жално е што изминатите години, како што се одвивал процесот на изградба на улицатата, не се початите постапките за приклучоцоте. Ние во изминатите неколку месеци работиme на тоа и го буџетитаме за наредната година, за да се почнат овие проекти. Сега се подготвува документацијата што е потребна за овој проект и да се започне со експропријациите, за да може да се почне со реализацијата. Станува збор за сериозни проекти за кои треба време. Ова се сообраќајници кои значително ќе го решат сообраќајниот метеж и ќе бидат меѓу приоритетните проекти на Градот“, вели Арсовска.

Градот треба да изгради три приклучоци за подземната улица, односно кружен тек кај „Нова Македонија“, на крстосницата на Железничка со Бихаќка и кај подвозникот кај крстосницата на булеварите Свети Кирил и Методиј и Кочо Рацин.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од тогашниот градоначалникот Коце Трајановски и на тогашната прес-конференција беше најавено дека ќе се почне со градба за една година, прво инвеститорот треба да ја изгради улицата, а потоа објектите над неа. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов во 2017, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи.

Сообраќајницата треба да биде долга 800 метри, 6 метри под земја и со 6 коловозни ленти. Комплексот ’Дајмонд Скопје‘ ќе има станбени и деловни објекти, трговски центар, простор за културни активности ресторани, кафулиња. Вкупната површина на комплексот ќе биде 325.000 метри квадратни.

https://sdk.mk/index.php/naslovna/prikluchotsite-za-podzemnata-ulitsa-na-juzhen-bulevar-ke-bidat-prioriteten-proekt-na-skopje-no-treba-vreme-da-se-napravat-veli-arsovska/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #469 Posted: 22-Oct-2022 at 10:39


https://www.facebook.com/photo?fbid=421818483467147&set=pcb.421818513467144
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #470 Posted: 17-Nov-2022 at 18:17
Пенов ветува помош за подземниот тунел на Јужен булевар

Град Скопје се наоѓа во голема криза, но Владата има слух во поглед на решавање на актуелните проблеми во главниот град, истакна министерот за локална самоуправа Ристо Пенов во телевизиско гостување.

Тој најави помош за подземниот тунел на Јужен булевар.

– Се согласивме со градоначалничката на Град Скопје, Данела Арсовска, дека треба помош и можеме да се вклучиме. За подземниот тунел (кај „Лимак“) што треба да излезе кај зградата на „Нова Македонија“, пари нема, но ќе ги бараме и ќе го решаваме фаза по фаза – изјави министерот.

Тој додаде дека среќни околности се што еден поголем дел е завршен кон Кисела Вода, но најпроблематичниот дел е како ќе се премине булеварот„Св. Климент Охридски“.

– Не е само техничкиот проблем туку треба да се разреши и сообраќајот. „Водњанска“ треба да биде затворена неколку месеци, ќе има директна блокада и Владата треба да најде решение – нагласи Пенов.

Инаку, тој додаде дека веќе два месеца траат јавните препукувања, кои влијаат на атмосферата и на животот на граѓаните преку управувањето на системите и оти затоа интенцијата е да се вклучат во тој процес и да се спушти топката.

https://www.vecer.press/пенов-ветува-помош-за-подземниот-туне/
Carpe diem
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 872
  Quote hcitrS Quote  Post ReplyReply #471 Posted: 18-Nov-2022 at 07:11
а.к.а. Ристо Пенов-Ганди.... ваков просветлен пацифизам уште од Груби немало.


Edited by hcitrS - 18-Nov-2022 at 07:12
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #472 Posted: 20-Nov-2022 at 20:17
Originally posted by stef4o

Тој додаде дека среќни околности се што еден поголем дел е завршен кон Кисела Вода, но најпроблематичниот дел е како ќе се премине булеварот„Св. Климент Охридски“.

Што тоа е завршено према Кисела Вода?
Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 527
  Quote Théoden Quote  Post ReplyReply #473 Posted: 20-Nov-2022 at 23:42
Originally posted by <Fresno>

Originally posted by stef4o

Тој додаде дека среќни околности се што еден поголем дел е завршен кон Кисела Вода, но најпроблематичниот дел е како ќе се премине булеварот„Св. Климент Охридски“.

Што тоа е завршено према Кисела Вода?

Веројатно мисли на постоечката инфраструктура која треба да се искориски во сообраќајното решение што беше претставено.

Originally posted by Џоле



Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #474 Posted: 21-Nov-2022 at 08:03
Дури и да мисли на овој дел, не е завршено. Комплет реконструкција (со нови ленти, островца, тротоари, раскрсници итн.) треба на цел триаголник.

Уште полошо ако мисли да пуштат еден отвор за тунелот кај што сега завршува „Јужен“ и почнува градежната зона, и да ги остават двата кружни тека и рушењето на надвозникот за подобри времиња.

Ова ми изгледа на најлошата изјава од почеток на проектов до сега. Во делот кај Водњанска изгледа врзани им се рацете, па ќе мора нешто да направат, ама на источниов ќе има импровизации. Се надевам дека грешам.

Edited by <Fresno> - 21-Nov-2022 at 08:07
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #475 Posted: 19-May-2023 at 12:21
ШТО УШТЕ ГО КОЧИ КРУЖНИОТ ТЕК КАЈ „НОВА МАКЕДОНИЈА“? Дивоградбите ќе се уриваат, Македонски железници бара локација за нов објект

Тендер за изградба на еден од најголемите кружни текови во Скопје, оној кај поранешна НИП Нова Македонија, ќе биде распишан по завршување на експропријацијата на објектите кои треба да се рушат. Ова неодамна на брифинг со новинари го најави градоначалничката на Скопје Данела Арсовска, која вели дека не се откажала од ова решение за растоварување на сообраќајниот метеж во тој дел од центарот на градот.

Арсовска вели дека не сака да почне со изградба пред да се заврши експропријацијата, која, како што вели, би била неспорна зашто голем дел од засегнатите куќи се дивоградби.

Најголемиот проблем, според неа, е да се реши ситуацијата со објектот на Македонски железници – инфраструктура кој се наоѓа непосредно до Паркот на новинари, а во кој е сместена значајна ИТ опрема на претпријатието.

Од Железници инфраструктура појаснуваат дека во овој објект во моментов нема некоја значајна опрема која би го успорила процесот на изградба на кружниот тек, но до нив нема официјално барање дека објектот треба да се руши.

– Нашиот диспечерски центар е префрлен од оваа зграда. Останува само дел од опремата кој може да се дислоцира во секое време и без да предизвика некакви проблеми во работењето. Ние го поддржуваме овој проект на Градот, но очекуваме за возврат на овој имот да добиеме локација во близина на кружниот тек за да можеме да изградиме реномиран објект. Писмено за ова ги известивме Градот и општина Центар, но немаме информација дали тоа ќе се прифати и каде е обезбедена нова локација. Инаку, немаме добиено барање дека објектот треба да го дислоцираме и дека ќе се руши – вели директорот на Железници – инфраструктура Хари Локвенец.

Од општина Центар велат дека го добиле ова барање на Инфраструктура и ќе го имаат предвид при новата постапка за усвојување на Деталниот урбанистички план за тоа подрачје кој е укинат од Уставниот суд.

– До Општина Центар е пристигнат официјален допис за објект од Македонски железници и тој се наоѓа во рамки на Деталниот урбанистички план Градска четврт Ј 07 локалитети Капиштец, Завод за медицинска рехабилитација, Старо Водно, Долно Водно, Мало Курило и Цвеќара, кој е укинат од Уставниот суд. Кога ќе се отпочне нова постапка за донесување нов ДУП, ќе се земе предвид и барањето на Македонски железници – велат од Општината.

Од општина Центар која не е вклучена во реализацијата на проектот за изградба на кружниот тек очекуваат овој проект побрзо да се реализира за да можат и тие да реализираат проекти на улици кои се поврзани со ова сообраќајно решение.

Според информациите на Арсовска, подземната улица што треба да оди под комплексот „Дајмонд Скопје“, во должина од 800 метри е завршена. Таа почнува веднаш до катната гаража „26 Јули“ и излегува лево од НЛБ Банка.

Кога беше најавувана изградбата на оваа улица беше најавено дека тоа ќе биде модерна подземна улица, налик на европските метрополи која од двете страни ќе биде поврзана со новите кружни текови кои се планираат во овој дел од градот. Булеварот ќе има двонасочен коловоз во 4 ленти и 2 ленти за трамвај/автобус, со должина од 800 метри, кој ќе го дислоцира булеварот Македонија под земја и во голема мера ќе придонесе за олеснување на сообраќајниот метеж во Скопје, рече потпретседателот во „Лимак инвестиции“ Сердар Баџаксиз во 2018 година, кога најави дека за 22 месеци ќе биде завршена оваа подземна сообраќајница.

Едниот кружен тек со кој треба да биде поврзана оваа улица е кај „Нова Македонија“, а другиот треба да се изгради кај Тутунски комбинат.

Проектот на кружниот тек кај Нова Македонија датира од 2014 година во времето кога прв човек на Градот беше Коце Трајановски.

Кружната крстосница беше планирано да се гради на две нивоа и да се користи за потребите на две нови сообраќајници кои треба да го олеснат градскиот метеж на улиците. Првата сообраќајница која треба да се поврзе со кружниот тек е улицата Св. Кирил и Методиј, а втората е улицата Јордан Мијалков, некогашна Железничка. На овој начин ќе има врска меѓу двете улици со тоа што по Св. Кирил и Методиј ќе се вози во правец кон кружниот тек, а на Јордан Мијалков во спротивен правец.

Според сообраќајниот и градежниот проект изработени тогаш, кружниот тек треба да има елипсовиден облик и ќе ги поврзува булеварите: Климент Охридски, Мајка Тереза, Јордан Мијалков, Свети Кирил и Методиј, Митрополит Теодосиј Гологанов, подземниот булевар на Лимак и улицата Васил Ѓоргов. Овој кружен тек треба да има најмалку шест ленти. Улиците Јордан Мијалков и Свети Кирил и Методиј остануваат еднонасочни.

И неговиот наследник Петре Шилегов најави дека ќе го гради овој кружен тек, ако го добие вториот мандат. Кружниот тек, според планот на Шилегов, требаше да биде готов до 2024 година.

Лани во ноември владата планираше да преземе дел од големите проекти на Град Скопје, меѓу кои и кружниот тек кај Нова Македонија, но градоначалничката Арсовска не прифати овие проекти да ги преземе владата.

https://plusinfo.mk/shto-ushte-go-kochi-kruzhniot-tek-ka-nova-makedoni-a-divogradbite-e-se-urivaat-makedonski-zheleznici-bara-lokaci-a-za-nov-ob-ekt/?fbclid=IwAR05TjNq4HwePO3XqWHbqsOVtYqoh-DFW1CFTvm_hE7JAnuBJTP8zp3XYn8
Carpe diem
Back to Top
 Post Reply Post Reply Page  <1 222324

Forum Jump Forum Permissions View Drop Down



This page was generated in 0.079 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.