Експресен пат Градско - Прилеп

По која основа барале зголемување на цените? Зголемени трошоци или алчност?

И две фотки од фб страницата на ЈП за државни патишта





https://www.facebook.com/drzavnipatista

Доцни изградбата на патот Прилеп-Градско, ново ветување од Владата ќе бидел готов во 2024-та

Уште не се гледа крајот на експресниот пат Градско – Прилеп

https://meta.mk/ushte-ne-se-gleda-krajot-na-ekspresniot-pat-gradsko-prilep/?fbclid=IwAR3j8nLcke0eKpcyhU8sDZhKZEAYM-3knG3-WqiJib5q0F_b-yxv6bD1YEM

Не верувам дека ќе го пуштат оваа година

Ete edno info od vremeto na Ex-Yu ... cisto za sporedba

Пред неколку денови минував покрај овој пат.
1. Забележав дека има некаков слој на асфалт на делот за исклучување од Е75, кај Макпетрол бензиската
2. На други делови по патот исто се забележува дека има некакаков асфалт, во близина на Дреново
3. Генерално изгледа дека се при крај со пробивање на вториот тунел во фаришка клисура
4. Некако има премногу уште работа во делот на фаришка клисура.

Се надевам дека некој знае повеќе што се случува на делот од дреново до Е-75.

Originally posted by Vasilij Originally posted by Bistro Прилеп и Битола, неисплатливо било автопат за нив преку Бабуна, Експресниот пат е прекрасно решение, е браво бе. Ако нема автопатско поврзување на Прилеп со остатокот од Мк, џабе е автопат само кон Битола, а од Битола кон Грчка граница за само 12тина км. равничарски терен пак не се предвидува автопат иако Грците до сама граница со Мк изградија супер автопат А Прилеп чиниш центар на универзумот, немало автопат, па и до Струмица нема - поголем економски центар по сите параметри ама луѓето се среќни што се подобри работата и сега има експресен пат и 110км/х наместо 50-70. И до Кочани нема, ама ете има за сега сосема задоволително решение, и до Крива Паланка нема (дел од патот кој поврзува два главни града на соседни држави) ама тоа никој не го збори, и таму се гради, повторно исто решение - експресен пат. И сега на сите тие им чини нели што малку се подобрува работата, само за Прилеп не чини, епа видете ако саката така да дебатираме, ок треба, ама треба и до Струмица, треба и до Крива Паланка треба и Струмица - Ново село барем експресен пат, многу работи треба, а не сме нити Швајцарија, а богами нити Словенија нити Хрватска. Треба и да бидеме реални, плус ние автопат под Пресека 10 години пробиваме, ај политички што сите гарнитури ја утнаа скроз ја утнаа туку и од фелата очигледно ја утнале, ние немаме капацитет ова сега што се почнува да се направи не па под Бабуна 7 километри тунел. И да не се заборави дека не е само автопат инфраструктура треба да се подобрат и многу регионални патишта, многу градови насушно имаат потреба од обиколница, типични примери Виница, Македонска Каменица, Кичево (моментално), Охрид делумно... А треба и одржување, Коридор 10д, а ние не можеме 10 да го дотераме на задоволително ниво, како шах е, една делница супер, па една катастрофа и се така од Куманово до Гевгелија. Да не се заборави дека добра пракса, европски стандард, а не сум сигурен може и законски да е кога имаш автопат да треба/мора да имаш и алтернативно решение регионален пат..сето тоа се сериозни инвестиции и и бара време.

Во Македонија треба активно да се инвестира во патната инфраструктура, во железничката инфраструктура, и во доста други работи. Тука лошото е што се се политизира. Да имавме озбилни политичари, Охрид - Кичево ќе беше готов за помалце од 5 години. Црногорците имаа година - две застој на нивниот автопат, од оправдани причини, и ем почнаа покасно да го градат од нас, плус и на далеку потежок терен, па еве пак завршија на време. Ама без разлика на сите проблеми што се пројавија, таму власта се озбилни и го истурка проектот. Овде кај нас беше започнат проект за лапање пари и крадење, а не за да се изгради нешто. И сега си се користи истиот тој проект како изговор за неспособноста на тогашната влада, а оваа до сега абсолутно ништо нема направено да го промени тоа и да се докаже како нешто по озбилна. Туку само како и обичај за тој проект, се лапаат пари и од завршувањето на автопатот абер нема.

Но не треба да се користи овој проект или било кој друг како пример. Секој инфраструктурен проект може да се заврши во солидно време, кога има и озбилни политичари кои што се заинтересирани да се гради, да се развива една држава (нешто што го нема кај нас). Да се надоврзам и на тоа што сега од оваа власт се користи како некаков си глуп изговор за тоа зошто се избрале Бехтел и Енка да ги градат остатокот од автопатиштата. Тие викаат дека да се одело по процедура на тендер или немало да биде успешно, или ќе имало проблеми, па ако се појавел лош изведувач. Па ало бе, сменете ги законите таму каде што треба, подобрете ја ситуацијата таму каде што треба. Срамота е 2 години да се чека за да се изберат нови изведувачи на делниците Катланово - Петровец и експресниот пат према Крива Паланка.

Нај чист контрадикторен пример (на тоа што го зборат од власта) и најдобар пример е експресниот пат Штип - Радовиш. Си се избра преку тендер изведувач, и се изгради еден солиден пат на време. Ама тој патен правец и те како имаше и голем политички интерес, како и експресниот пат према Кочани (иако тој се завлечка малце од други проблеми).

Поентата ми е дека регуларно бирање на изведувач е сосема нормална и добра пракса. Ако одредена компанија не ги почитува условите, или работи многу споро на терен / не како што треба тогаш истата таа компанија треба да се избрка од државата или да и се забрани да работи на такви проекти. Во Романија на пример имаа ист ваков проблем, со доста Итаљански компании. Од кога воведоа нов закон, црн сертификат, почнаа да бркаат не соодветни компании, ситуацијата се подобри. Ама таму политичарите не се мешаат многу многу... кога се гради се гради.

За автопатот Прилеп - Велес, баш погледнав во темата во која што имавме дискутирано сите ние... Најдолг тунел не би требало да биде повеќе од 4-5км. Не е некоја научна фантастика да се изгради таков тунел.

Ама и поентата не ја разбираш тука. Еве јас на пример немам ништо против, и баш поддржувам да има автопат до Крива Паланка и граница со Р. Бугарија. Би било супер еден ден да видиме и автопат до Делчево, и од таму до Бугарија. Тие се двете главни правци на кои што се оди према Бугарија. Третиот е од Радовиш - Струмица - Ново Село. За овој третиот дел веќе има солидна инфраструктура. Струмица е секако повеќе супериорна од Прилеп бидејќи има доста повеќе развиена прехранбена индустрија. Најпрост пример е доматот каде што за време на Југославија, Струмица ја снабдувала скоро цела Југославија. Има доста плантажи, доста зеленчук. И за време на Југославија а и после Струмица се има развиено доста.

Е сега Прилеп секако е поголем град, и има далеку поголемо историско значење, и секако Прилеп е на далеку по - важна локација. Има доста работи со што би можел да ги споредувам двата града, и двата си ги имаат своите предности и слабости.

Но поентата во целава работа што ја дискутирам јас со патиштата... не е само кој град ќе се поврзе, не се работи за поврзување на патишта од еден град до друг, туку и пошироко, и до други држави.

Прилеп е на таква Географска позиција, каде што се наоѓа до Битола. Битола е град сите знаеме од историско, културолошко знаење, сега мислам е и универзитетски град (пред Штип), па со тоа автоматски го прави важно место. Да не ја заборавиме природата, туризмот. Јас пред неколку години бев на пелистер и едноставно бев воодушевен. Толкава природа, толку природни ресурси, а многу малку искористеност. Само една Словенија прави (и тоа пазете) милиони евра на годишно ниво само од спа центри кои што ги посетуваат туристите. А да не зборам за планински туризам... Ние колку многу можеме, па Битола може да стане една огромна атракција.

Забораваме и дека патот не само што води до Битола туки и до грчката граница. Од овде веќе нема потреба да ви зборам каде се оди, и зошто овој крак на Коридорот 10 (10д) е од голема важност. Понатаму имаме и патно поврзување од Битола кон Ресен, од каде што се оди према Охрид. Забораваме и на ова, дека доста луѓе (највеќе од југоистокот) кои што одат према Охрид, поминуваат од овде. Доста луѓе од Ресен одат на секојдневна прошетка во Битола. По доктори, во Битола. Овие помали градови се врзани на некој начин еден со друг. Ресен и преспанското езеро имаат огромен потенцијал да станат нешто повеќе, ама за жал и таму не се инвестира многу. Од кога дојдоа СДСМ на власт, во план им е изградба на обиколница на Ресен, ама очигледно како и се друго нема ништо од тоа и си се користи ова ветување само за кога ќе им притребаат гласови. Јас лично имам исцртано како би можела таа Ресенска обиколница да изгледа. Планови немам најдено, па туку така од око ми е исцртано. Имам направено тема тука на овој форум, па кој сака слободно може да провери.

Треба во иднина да се размислува и за нов пат кој што би ги побрзал Ресен и Охрид побрзо, побезбедно. Едноставно во државата треба нонстоп да се инвестира, и да се има воља. Ама за жал тоа го нема.

Можам да набројам уште милион повеќе причини зошто абсолутно има смисла да се изгради автопат од Велес до Прилеп. Како што имаше кажано гитардемон, можеби тој автопат не би бил исплатлив, но секако би бил изводлив.

Уште една добра работа која што автопат преку Бабуна би донел, е тоа што би се зголемил интересот да се доврши и автопатот Катланово - Велес. Па така да логично ако на некој во иднина му текне да го изгради овој автопат, нема да има смисла Катланово - Велес да остане по сегашната траса, туку секако ќе има поголема смисла да се доврши делот од Катланово према Велес, веднаш до веќе постоечкиот автопат.

Мене сега абсолутно не ми пречи што се гради експресен пат према Прилеп. Секако повеќе би сакал и би бил среќен да беше тоа автопат, ама тоа а е што е. Дај шта даш На крај краева барем во нешто се инвестира. Па и да се изгради утре автопат преку Бабуна, овој експресен пат пак ќе има некаква си корист, барем за Кавадарчани и Неготинчани. Нема да мора никој од Неготино, Кавадарци, Градско, Демир Капија, Гевгелија да вози се до Велес па на автопат до Прилеп... Туку ќе може лесно преку овој експресен пат, најбрзо да стигне до Прилеп. Секое ново парче пат има свои предности, и треба да се инвестира. Јас немам ништо против да се гради било каде, ама да се гради и рационално.

Originally posted by Bistro Прилеп и Битола, неисплатливо било автопат за нив преку Бабуна, Експресниот пат е прекрасно решение, е браво бе. Ако нема автопатско поврзување на Прилеп со остатокот од Мк, џабе е автопат само кон Битола, а од Битола кон Грчка граница за само 12тина км. равничарски терен пак не се предвидува автопат иако Грците до сама граница со Мк изградија супер автопат