Експресен пат Градско - Прилеп

Originally posted by Angel Мило ми е шо даде идеја. Али да бидам искрен не разбрав баш.

Веројатно јас не објаснив добро

Накратко, поентата ми е дека доколку се оди на варијантата да се обезбеди движење во сите правци, клучка Parclo A4 е далеку порационална од клучка Parclo AB2 каква што предлагаш, затоа што вторава го продуцира проблемот што го посочи Filo, додека првата обезбедува континуиран сообраќаен тек за основниот правец.

Со предлогот што го дадов на скицата одам чекор понатаму, затоа што на таа локација нема ни реална потреба за вртење кон југ. Таа функција за Градско и околината ја има постоечката клучка на автопатот, онаа во близина на Росоман. Истата таа функција за магистралниот правец (Од правец на Прилеп кон Неготино и понатаму кон југ, и обратно) логично е да падне на патот Дреново - Кавадарци - Неготино (тој пат секако треба да се надгради и да се направат обиколници за населените места).


Edited by Cloverstack - 15-Aug-2019 at 13:57

Види, со Parclo AB2 се зафаќаат 5-6 парцели државно земјиште. Ако веќе сакаш и на парцелите јужно од тој дивиот пат (шо поминува под автопатот) да се гради, тогаш не гледам зошто не би направиле Full Cloverleaf. Не чепкав на јужните парцели пошо таму југо-западно има некои ниви, залепени до автопатот, се гледаат на гугл мапс.
Центар на Македонија да не сакаат full cloverleaf да дигнат, па не знам шо да кажам.

Cloverstack клучката јужно од Градско е на 4км воздушна линија, пиши 5км по автопат. Северно од Градско нема излез-влез, и тоа е клучно за отсекувањето. Има еден пун к...ц шлепери шо влеваа во Градско на чорба и остало и бегаат од патарината (шо ја преместија на одлично место) и му расплакаа мајката на патот Велес-Градско. Кој возел таму знае. Општината им спрема голем терминал за шлепери во центар на Градско, зошто многу ги има и се паркираат кај ќе им текне по Маршал Тито. Значи ако северно и јужно од Градско се отвори проток за возила, ем ќе се растерети регионалниот Велес-Градско R1102, ем ќе живне Градско како во 80-те. Памти постарата генерација зошто, сеа да не навлегувам. Значи ова е проект „одзатнување“ северно на Градско

https://apps.sentinel-hub.com/eo-browser/?lat=41.728&lng=21.374&zoom=9

Тука имате најнови снимки колку сакате. Сепак квалитетот не е како на мапс. Доволно се гледа за пробиени траси. Може и временски да се следи како се граделе проекти исто како на Earth. Прочепкајте го

Ќе се избира нова компанија за делницата Дреново-Фариш

Владата подготвува тендерска документација за избор на нова компанија за изградба на втората делница од експресниот пат Прилеп-Градско. Изградбата на експресниот пат Прилеп-Градско се одвива во три фази, а ќе се избира нова компанија за втората делница, Дреново-Фариш, за што беше надлежна шпанска фирма која досега не доставила план за работа. ЕБРД, која го финансира проектот, одобри да се побара нов изведувач за втората фаза, Владата прави арбитража и се подготвува постапката за нов изведувач. Втората фаза опфаќа 65 насто од патот.

– Знаете дека договорот со фирмата што е склучен во 2016 година е раскинат. Веднаш се повикани луѓе за арбитража, но се подготвува тендерската документација за избор на нова компанија. Очекуваме во законскиот рок да завршат постапките и да се продолжи со работите каде е застанато. Ова, навистина, е една од најважните трансферзали која, буквално, ја преполовува нашата земја. Важна е за туризмот кон Охрид, важна е за Прилеп, за Битола, за Ресен и за цела Пелагонија, за сите градови и села во овој Регион, изјави премиерот Зоран Заев при денешната посета на Прилеп.

Во Буџетот, потенцираше, се определени средства за делницата и верувам дека наскоро ќе ја видиме механизацијата да работи на терен.

https://24info.mk/%d1%9c%d0%b5-%d1%81%d0%b5-%d0%b8%d0%b7%d0%b1%d0%b8%d1%80%d0%b0-%d0%bd%d0%be%d0%b2%d0%b0-%d0%ba%d0%be%d0%bc%d0%bf%d0%b0%d0%bd%d0%b8%d1%98%d0%b0-%d0%b7%d0%b0-%d0%b4%d0%b5%d0%bb%d0%bd%d0%b8%d1%86%d0%b0/

Има изјава од Заев за ретендерирање на дел од патнава делница.

видео на следниов Линк од 1:45 мин. па натаму