Македонски пронајдоци и патенти

Дејан точна ти е информацијата. Да боинг користи софтвер од машински факултет Скопје.

Edited by pbanks - 13-Aug-2008 at 12:06

падна муабет за ваков топик но никој да го почне, еве нека оди од мене...

ако некој имал инспирација во светот дефинитивно тоа се луѓето кои живееле на македонскиот полуостров, да не бев скромен ќе речев Македонците, но нејсе нека биде вака, па зар не сме единствените во светот кои се најмалку заразени со национализам а воедно и најмногу отворени кон сите, така и после Александар Македонски и неговиот космополитски пристат да ги признае сите народи во Македонското царство за еднакви, денес Ние современите Македонци сме единствени во светот кој сите малцинства во својата држава ги прогласивме за народи, не еден или два или три - сите...

изумите на ова тло се многу нормална појава, дали е тоа до географијата, традицијата, виното и веселите души или пак е нешто генетско за сега само ќе нагаѓаме, но на крајот времето ќе си ги ја каже тајната! ...
 ...во продолжение ќе дадам малку мои квантни размисли за тоа како се по малку влијаело на генерирањето на иновативна енергија на овој полуостров.
од горе спомнатите влијанија држи се по малку вода и тоа мирна езерска  па така географски овој регион и полуостров доколку го барате на пан-светскиот континент од кој се настанати денешните континенти т.е. ако истите ги составите на карта во еден и направите пресек вертикално и хоризонтално под прав агол Ние сме во центарот - мислам на Македонскиот полуостровот (кој во 18 век неправедно е наречен балкан, а по логиката на нештата треба да го носи името по најголемата империја која постоела на него), па за случајностите да се наредат во недоглед од цел свет баш тука паѓа сончев метеор или плазма т.е. на Кожув каде уште во времето на Александар е експлоатиран рудникот Алшар од каде е вадено злато со лорандит(талиум)...
што е до традицијата таа нормално главен момент имала во генерирањето или подобро кажано издигнувањето на Македонската изворна народна музика до степен на над Баховски опус, каде акапелата на пр. сме ја имале како нормална појава 10ина века пред (мислам дека е)Бах да ја открие како форма, но главната причина мислам лежи во испустниот вентил на изразување преку кој сме успеале да ги амортизираме секаквите обиди за асимилација и поробување, па така најдобрите ора и песни се создадени во турското, кога маката со песна се лечела, старите кога имале мака не плачеле како денес што е случај - туку пееле, за ова имав пример во мојата фамилија, но верувам дека и кај останатите тоа било нормална појава, како велат кој пее зло не мисли бидејќи песната ги брка дерманите...
има нешто вистина и за виното т.е. вистина во виното и веселите души, па зар е можно после толку многу несреќи и наезди од секакви диви племиња ние да продолжиме да постоиме како култура и извор на секаква уметност, наука, соживот а тоа да не е поврзано со таман опуштениот менталитет кој веќе денес комплетно се исчуручил...
генетски гледано ако може цвеќето преку едногодишно вештачко мутирање да ги задржи карактеристиките и подоцна, зошто не би можеле ние во нашиот колективен код да имаме регистри од праисторија па се до денес, па ако тоа држи - а држи, за нашиот иновативен дух доказ се Александар, Свети Константин, Свети Јустинијан, Самоил, Никола Тесла, Паскал Сотировски и многу други градители и научници кои ги поставели темелите на светот во кој живееме тогаш генетскиот момент е неодминлив.
Александар Македонски преку наследената традиција воспоставил(но на голем план) финансирање во науката и технологијата(научно-истражувашка експедиција) па така тој период од антиката е наречен Светол(златен) бидејќи биле усовршени сите дотогаш откриени работи а воедно и биле форсирани сите истражувачки зафати, па така во негово време е направен првиот официјален урбанистички план во светот - планот за Александрија кој е дело на Динократ македонски архитект и научник (интересно е дека за новото име на градежен се одлучувало меѓу Динократ и Дамјанов, но на крај и на Дамјанов бистата му ја направија без раце, абе саде симболика за архитект), тогаш Аристрах далеку пред Коперник го спознал сончевиот систем, Хипарх ја основал тригонометријата, Ерастот ги раководел првите посериозни мерења на земјата, Архимед ги конструирал неговите машини и го основал бескрајното сметање, Еуклид поставил јасно научно ниво во математиката итн. итн. накратко почнала да се бетонира науката која нешто подоцна ја сопира рим преку повторно воведување на ропството како категорија а за истото да функционира беспрекорно наука не смее да има, па затоа и ја палат александриската библиотека, благодарејки на што се враќаме повторно на почеток и нешто малку пркнува кога со доаѓањето во египед арапите откриваат мал број заборавени(скриени) списи во пустињата кои прво почнуваат да ги преведуваат а подоцна и да ги распространуваат преку Сицилија и Андалузија во Европа...
Свети Константин родум од Ниш го растурил римското царство одвнатре и повторно го воспоставил старото македонско царство и традицијата од своето поднебје, па така преку наследениот космополитски дух го Признава Христијанството за државна вера и самиот го прифаќа бидејќи бил растен во монотеистичка средина која единствено негувала култ кон извор на светлинат - Сонцето, па во спомен на традицијата во истиот тој ден а во духот на Христијанското учење неделата ја прогласува за неработен ден и ја нарекува Ден на Сонцето(Sunday) што се задржува до ден денес на западот...
Свети Јустинијан I родум од Таор го востановува денешното право, ја гради Света Софија и Јустинијана Прима како сведоштво за своите корени и традиција и ја воздигнува на ниво на Архиепископија, а Архиепископот го превзема приматот од тогашниот Солунски викаријат за непосреден претставник на римскиот епископ во Илирик...
Самоил го поттикнал обновувањето на Јустинијана Прима преку востанување на Охридската Архиепископија во Девол(Преспа) а подоцна Патријаршија во Лихнид(Охрид), што значело сигурно трасирање кон враќање на власта од страна Василиј 2 (кој се зацарил како македонец но всушност бил грк) во Источна Румелија(Византија), но најверојатно неуспехот се должи на суровиот однос кон своите браќа кои заради жедта за власт и слава сите ги отепал па дури и последниот брат Давид кој бил монах, само да го осигура престолот, па најверојатно затоа и не му бил благословен походот на Беласица (колку е ова веродостојно незнам но така ме имаат учено)...
Никола Тесла - нема потреба да набројувам што се открил доволно е да се каже само дека заради него во моментов пишувам на компјутер и живеам во материјална илуминација, а за родот дека е македонски тоа не е спорно бидејќи сите православни во Личкиот крај се пребегани Македонци од некогашна Матија кои по падот на кралството на Ѓорѓија Кастриот бегаат во Далмација, Венеција и Сицилија, каде имале сигурно прибежиште, плус доказ е гајдата како инструмент кој освен во Македонија на југ во северниот дел од овој полуостров се среќава во Лика и Далмација, сличен муабет е и со Шкотска па дури таму и презимињата им се титулирани со префиксот „Mac“...
Паскал Сотировски  ја поставува најреволуционерната теза за детекција на неутрино честичките со помош на Лорандитот од Алшар...

листата нема крај тука се набројани само великаните кои трасирале или пробале да трасираат нешто што би донело напредок и благосостојба достигнувајќи своевиден врв на хоризонтален план, а за возобновувачите на старата македонска писменост браќата Свети Кирил и Методиј, како и основоположниците на првиот современ универзитет во Европа Свети Климент и Свети Наум Охридски, и многу голем број Светители кои пред се го откривале и се стремеле кон вертикалниот пат, откривајќи и зголемувајќи ја свеста на луѓето за Божјата Слава и Создание, помагајќи ни во духовниот раст како битија на Љубовта, за сите нив тука нема ни доволно простор ни доволно време за да ги наведеме и опишеме нивните подвизи и сили, за тоа би ве упатил на форумот на www.preminportal.com.mk ...

денес работите се малку искилавени бидејќи опкружени со секакви задоволства и забави прво децата а подоцна истите веќе возрасни, се стремат само кон задоволства и опуштања, тоа мислам дека е веќе општествена беља, но за тоа се криви исклучиво наследниците на рим и нивниот развратен начин на живот кој го имплантираат едноставно дури и на исток кај арапите кои се длабоко конзервативни, што милом што силом, па така се случува да место многубројна маса на истражувачи да постојат во светот, постои само малцинство од луѓе кои не седат пред телевизор туку во својата лабараторија, било тоа во подрум на универзитет или во село, па поголем технолошки бум имало во 19 век него што има денес, сега се е сведено на теории на млака вода и празна слама, доколку бевме мобилизирани досега ќе шетавме по галаксии како што одиме во шопинг  ...

за сите понови изуми како и за сотојбите и условите во кои опстојуваат денешните иноватори во Македонија се надевам дека ќе направиме добра збирка натака во темава...


Edited by beTon - 24-Jul-2008 at 21:54

Лорандитот е единствено парче од сонцето кое паднало на земјата. Таму има нуклеарно гориво во изобилство, само што не е најдено како тоа може да се активира.

8-2-2008 Ербас користи македонски софтвер Европскиот гигант во авиоиндустријата Ербас од неодамна користи високософистициран софтвер изработен на Машински факултет во Скопје. Ова се наведува во соопштението што вчера го дистрибуираше Машинскиот факултет, во кое се појаснува дека станува збор за пакет од 20 компјутерски програми од областа на ладење, греење и пресметки на термодинамички величини и циклуси. - Со оглед на фактот што Ербас е компанија која работи со технологија на највисоко ниво, ова претставува голем успех за нас - се вели во информацијата од факултетот. Автор на софтверот е професор д-р Ристо Цицонков, којшто работи на развивање на овој софтвер почнувајќи од 1980 година. Но, меѓународната афирмација почнува од 1994 година кога софтверот беше првпат изложен на Меѓународниот саем за ладење и климатизација во Нирнберг - Германија. - Оттогаш Машинскиот факултет е редовен учесник на саемот со свој сопствен штанд. Нашите компјутерски програми ги користат голем број институции и фирми од повеќе земји во светот - се вели во соопштението. ... www.hitech.com.mk Погледнете ја странава. Тоа е Македонска компанија кој ја произведува електрониката за Airbus, Boeing и други големи авиони. Компанијата се наоѓа во близина на с. Орешани.

Edited by beTon - 24-Jul-2008 at 19:29

Maкедонски мозоци Државниот завод за индустриска сопственост на Република Македонија присуствуваше на меѓународната изложба на пронајдоци BRUSSELS INNOVA 2007, која се одржа од 22 до 25 ноември 2007 во Брисел, Белгија. На изложбата учествуваа 400 претставници од 21 земја со вкупно 425 пронајдоци. Република Македонија учествуваше со 5 пронајдоци. За изложените пронајдоци одлучуваше стручно жири составено од Нациоанално белгиско жири и Меѓународно жири составено од експерти од земјите учеснички. Стручното жири ги додели следниве награди: ЗЛАТЕН МЕДАЛ со почесна диплома на пронајдувачите Иван Поповиќ и Ванѓел Димановски за пронајдокот “ 1000 ВАТИ 1 ОМ АУДИО ЗАЈАКНУВАЧ НА СНАГА СО ВИСОКИ ПЕРФОРМАНСИ”; ЗЛАТЕН МЕДАЛ на пронајдувачот Стефан Поп Дучев за пронајдокот “ДИГИТАЛЕН МИКРО ИНТЕГРИРАН СИСТЕМ ЗА МЕРЕЊЕ И АНАЛИЗА НА ВИБРО СПЕКТАРОТ И ТЕМПЕРАТУРАТА КАЈ ИНДУСТРИСКИТЕ ТЕХНОЛОШКИ КОНФИГУРАЦИИ”; СРЕБРЕН МЕДАЛ на пронајдувачот Зубер Рамани за пронајдокот “УРЕД ЗА ПРИДУШУВАЊЕ НА УДАРНИОТ БРАН КАЈ ПЛОВНИ ОБЈЕКТИ “; СРЕБРЕН МЕДАЛ на пронајдувачот Костел Шекутковски за пронајдокот со назив “СЛОЖУВАЛКА СО ЧЕТИРИ ТОПКИ”; БРОНЗЕН МЕДАЛ на пронајдувачот Славе Герасимоски за пронајдокот “ЏЕБЕН БЛОК ОД ХАРТИЈА ЗА ЗАВИТКУВАЊЕ НА ИЗЏВАКАНА ГУМА ЗА ЏВАКАЊЕ (МАСТИКА)” Специјални награди им беа доделени на: - пронајдувачите Иван Поповиќ и Ванѓел Димановски за пронајдокот “1000 ВАТИ 1 ОМ АУДИО ЗАЈАКНУВАЧ НА СНАГА СО ВИСОКИ ПЕРФОРМАНСИ”, ПЕХАР од Претседателот на Меѓународната Бизнис Асоцијација од Полска како и диплома од Канцеларијата на службениот претставник на изложбата Брисел Еурека за Босна и Херцеговина; - пронајдувачот Стефан Поп Дучев за пронајдокот “ДИГИТАЛЕН МИКРО ИНТЕГРИРАН СИСТЕМ ЗА МЕРЕЊЕ И АНАЛИЗА НА ВИБРО СПЕКТАРОТ И ТЕМПЕРАТУРАТА КАЈ ИНДУСТРИСКИТЕ ТЕХНОЛОШКИ КОНФИГУРАЦИИ”, ПЕХАР со диплома – ARTA PRIX 2007 од Сојузот на пронајдувачи на Република Хрватска како и диплома од Канцеларијата на службениот претставник на изложбата Брисел Еурека за Босна и Херцеговина; - пронајдувачот Зубер Рамани за пронајдокот “УРЕД ЗА ПРИДУШУВАЊЕ НА УДАРНИОТ БРАН КАЈ ПЛОВНИ ОБЈЕКТИ “, ПЕХАР од Министерството за цивилна одбрана на Руската Федерација; - пронајдувачот Костел Шекутковски за пронајдокот со назив “СЛОЖУВАЛКА СО ЧЕТИРИ ТОПКИ”, медалја со диплома од Управата на “РОСПРОМ” од Република Украина; - на пронајдувачот Славе Герасимоски за пронајдокот “ЏЕБЕН БЛОК ОД ХАРТИЈА ЗА ЗАВИТКУВАЊЕ НА ИЗЏВАКАНА ГУМА ЗА ЏВАКАЊЕ(МАСТИКА)”, диплома од Канцеларијата на службениот претставник на изложбата Брисел Еурека за Босна и Херцеговина. Посебна награда на Државниот завод за индустриска сопственост му додели Украинскиот меѓународен салон за иновации и нови технологии за заложбите за промоцијата на пронајдоците и настап на BRUSSELS INNOVA 2007.

Edited by beTon - 24-Jul-2008 at 19:24

МАКЕДОНСКИ ИНОВАЦИИ Анаеробната станица што не троши струја Анаеробната станица за пречистување на комунални и индустриски отпадни води што ја изумил и патентирал македонскиот инженер и технолог Јоти Поповски е добитник на наградата на австриската фондација Енерџи Глоуб. Наградата што е под покровителство на ОН, Поповски ќе ја прими на 26 мај годинава во Брисел. Предноста на оваа станица е што при нејзиното работење не троши струја и не ја загадува околината. Тој за својот изум и во 2001 година добил златен медал за иновација, истражување и нови технологии во Брисел. Наградата Поповски ја доби во конкуренција на 853 проекти од 109 држави во светот. Драги Петрушевски, директор на компанијата Интермонт која ги произведува овие станици вели дека 60 од нив веќе се пласирани на три континенти во светот, а во земјава од 1998 до 2001 година се монтирани 18 вакви станици. Првата е поставена на Исламскиот факултет во скопско Кондово во 1998 година и работи веќе 10 години. Тој нагласи дека во Прилеп во моментов се инсталира станица од 15 милиони евра, што е странска инвестиција, која годишно само за струја ќе троши еден милион евра. Според Петрушевски, ако би се инсталирала анаеробната станица таа би чинела четири милиони евра и за нејзино работење нема да се потроши ни еден киловат електрична енергија, а нема да се користат ниту дополнителни хемикалии. Според објаснувањето, заштедата на енергија е по пат на алтернативни методи, а водата се пречистува со едновремено произведување на гас со многу висока концентрација на метан (87%), што, пак, исто така може да се користи како гориво.

Светско признание за македонскиот иноватор Јоти Поповски Пречистителната станица на македонскиот иноватор инсталирана и на Антарктик БРИСЕЛ - Службена зграда што троши нула енергија, станбени комплекси исклучиво на еколошка енергија, технологии за заштеда и заштита на околината - се проектите на иднината што се најдоа на листата на наградени на австриската фондација „Енерџи глоуб“, а официјално беа објавени на целодневна свечена церемонија во Европскиот парламент во Брисел. Меѓу нив беше и проектот на Јоти Поповски од Македонија - пречистителна станица за отпадни води која, како што изјави самиот, работи без енергија, нема потреба од резервни делови, а водата што излегува е чиста речиси колку и домашната за пиење. Поповски беше еден од стотината наградени од целиот свет кои во конкуренција од над 800 проекти го добија ова светско признание, во присуство на поранешниот советски лидер Михаил Горбачов, поранешната министерка за екологија на Индија, Манека Ганди, и филмската ѕвезда од Боливуд, Амир Кан. Спектаклот на кој присуствуваа и првиот човек на ЕК, Жозе Мануел Баросо, претседателот на ЕП, Ханс Герт Потеринг, и поранешниот генерален секретар на ОН, Кофи Анан, покажа на кое ниво се издига потребата од користење чиста и обновлива енергија, од нејзина заштита и од заштита на човековата планета. Поповски, горд на иновацијата што се применува веќе десетта година, изјави дека ваквата пречистителна станица е значајна за Македонија, бидејќи има дефицит од електрична енергија што би требало да ја троши за заштита на околината. Според него, станицата се продава на три континента и е прва што е инсталирана и се применува на Антарктикот, каде што опстојува на минус 40 степени. Последната пречистителна станица на Поповски е продадена на Дубаи и е инсталирана на островот на шеикот. Со неа можат да се пречистуваат индустриските води од пиварниците, металските комбинати, од месната индустрија и слично, а функционира со инсталирање бактерии кои ја уништуваат нечистотијата. Според производителите на оваа станица, компанијата „Интермонт“, нејзина предност, освен некористењето енергија, е и тоа што работи на природен начин, но само 18 такви се продадени во Македонија, бидејќи повеќе им веруваме на странските технологии. Дека екологијата не треба веќе да се запоставува најдобро илустрираше Манека Ганди, која предупреди дека со растот што го има сега Индија до 2013 година ќе ги дуплира емисиите на штетни гасови и ќе ја качи светската глобална температура за шест проценти. Таа ги посочи САД како најголеми произведувачи на штетни гасови и апелираше до сите да ја сфатат важноста на ваквите проекти.

Бетон можеш ли да најдеш за оној копјутерот што беше скоро дизајниран од македонски иноватор, оној лаптопот во форма на топка, што проектира IR тастатура и има вграден прожектор како монитор.

еве една реакција во утрински на Преспанецот Спасе Шуплиновски на тема Лорандит

"Алшар" времеплов - фантазија Спасе Шуплиновски Повод: (Научници од НАСА ќе се вклучат во проучување на рудникот "Алшар" 31.12.2002 - 03.01.2003 година). Освен Интернет-изјавата на професор д-р Доне Гаршановски, речиси сў друго наликува на романтична, на нова фантазија за "Алшар" во турска компанија "Алатини-Шарто" - Солун). "Алшар" не паднал од Сонцето, ниту е единствен рудник на светот со лорандит, туку во него, на пристојна длабочина, има количества од овој минерал со најголема концентрација во светот. Освен научна, нема друга употреблива вредност. Штом се извади на светлина, станува релативно безвреден пурпурно-црвеникав "кристал", кој не е неопасен. Се стравува од неговите арсенички својства и од радиоактивно зрачење. Според тоа, нема потреба од занесување за некаков си научно-туристички "вселенски" центар, па треба да преовладува критичкото гледиште. Теоријата на стандарден сончев модел нема практична потврда, затоа што не може да се вклопат претпоставените со вистинските бројки на неутриното, честички кои во милијарди минуваат низ нашиот организам. Кога тие честички ќе допрат во лорандитот го трансформираат овој минерал и со броење може емпириски да се добијат величини за компарирање. Кога хипотетичното и емпириското ќе се поклопат, ќе ја имаме "формулата" на Сонцето и ќе можеме вештачки да произведуваме сонца, со што ќе отпаднат сите други досега познати енергенси. Упростено, станува збор за два нуклеарни процеса: за фисија (цепење, атомска бомба) и за фузија (спојување, сончев извор). Никој не знае како таа фузија ја "прави" Сонцето создавајќи топлинска и емсиона енергија во што е и предизвикот. Уште поупростено, сонце "во чаша вода" ќе движи автомобил неограничено време, а кога изворот ќе се потроши се заменува со "нова чаша вода". Тоа е, сепак, преголем предизвик за човештвото во сегашниот степен на неговите поимања, со нужното сомневање заради неизвесноста поттикнат од искуството со "обратната" фисиона атомска, нуклеарна) бомба и нуклеарната централа. Прв кај нас (и во континуитет две и пол децении) пишував за "Алшар" - уште во 1978 година, откако две години пред тоа до претседателот Јосип Броз Тито се обратија претседателите на САД и на СССР со интересирање за "Алшар". Во меѓувреме, Американците вршеа испитувања под површината на езерото, а Русите во длабочините на рудник на Урал. "Алшар" беше тогаш атрактивна мистерија. Во поново време најмногу напреднаа Јапонците во светските истражувања на неутриното. Се смета дека интересирањето за "Алшар" е веќе застарена работа. Неутриното е "фатено"! Но е потешко да се произведе фузиона одошто фисиона (нуклеарна) централа. Лорандит има во неколку други земји, меѓу кои Швајцарија, Јужноафриканската Република и други. Она со Александар Македонски (лепење лорандит врз штитовите, а имало 45.000 штитови по најмалку еден квадратен метар) е чиста фантазија. Точно е само тоа дека сите военопроизводствени научни истражувачи пројавуваат интересирање дали Александар Македонски имал ласерско оружје. Ако го имал, тогаш е од два кристала во фокусот на обратно завртен штит низ кои повратно поминуваат сончевите зраци или, како што има најнови сознанија, елкетричен графитен лукс од батерии за постоењето на кои има и писмено сведоштво. Тајна е кој или каков ("црвен"?) кристал е употребен, по кој Американците во Македонија трагаат веќе цела деценија. Утрински - 16 октомври 2006

ова го ископав од кајгана каде има почнато нешто муабет на оваа тема, се надевам дека тука ќе ни се приклучи некој од геолошки па да ни нафрли и научни подробности и видувања за капацитетот како научна сила, дали можеме да истуркаме и ние некаков експеримент, колку го изнајмуваме или продаваме минералот на останатите итн...
______________________________

Hunting for neutrinos under the South Pole - NewScientist - 19.04.2008

Edited by beTon - 21-Feb-2009 at 17:17

да експериментите со тешка вода се огромни зафати , најголемиот таков се работи во канада каде подземја е направен огромен контејнер во форма на сфера и е полн со тешка вода, но нивните теории и експерименти не ги имаат ни блиску доведено до неутриното, она што Академик Сотировски го докажа како теорија треба дефинитивно да го пробаме во пракса, но чекај малку прво треба да фрламе пари на научен кадар т.е. турбо едукација и специјализација па после ако остане нешто на страна од буџетот за туризам дури тогаш нешто има шанса и да пробаме...