Градење куќа во Македонија - услови и комбинации

Само да додадам дека ако ова се покаже како изводлива опција, јас би објавил и оглас за купување на мали плацеви (околу 100м2) покрај река-езеро на кои би поставил вакви објекти па за исти пари да имам сопствени објекти на неколку места во МК.

sorabotnik, кај нас за се ти е потребно дозвола за градба. Тоа подразбира и шупа и гулабарник. Според актуелниот закон за градење од 2005 год, член 62, Одобрение за градење не не потребно за следниве градби:

• мерни станици за заштита на медиумите на животната средина;
• самостојно рекламно пано до 12 m2;
• рекламно пано со огласна површина до 6 m2 и вертикална сообраќајна сигнализација во коридорот на употреблива сообраќајница или железничка пруга;
• детско игралиште и темели за фиксни реквизити на детско игралиште;
• гробница и споменик на гробни места;
• привремена градба за потребите на саеми и други јавни манифестации;
• некатегоризиран пат кој служи за стопанисување со шуми;
• градење на првремена градба наменета за истражувачки мерења кога постои одлука на надлежен орган, под услов најдолгиот рок за нивна употреба да биде 3 години, по кој рок истите мора да се отстранат;
• градба во функција на градобијна одбрана и градба за сигнализација во воздушниот и водниот сообраќај;
• пешачка патека, набљудувачница, клупи, корпи за отпадоци, паноа за известување и друга опрема во заштитените делови на природата, врз основа на согласнот од органот во чија надлежност се тие делови на природата и
• поставување на пластеници наменети исклучиво за земјоделска дејност во рамки на стопански двор, утврден со урбанистички план.

Според ова, за твојот контејнер треба дозвола за градба. Од друга страна, иако е монтажен, би останал таму повеќе од неколку години, па според тоа неможе да се споредува со контејнерите на градилиштата. Така што врти-сучи, исто ти е дали ќе ставиш куќа, барака, контејнер или вигвам.

Дечки фала на одговорите и размислувањата. Јас денес прибрав уште некоја информација. За веродостојноста не одговарам зашто како што рече Балашевич "ако су лагали мене и ја лажем вас".
Демек нема потреба од дозволи за поставување на времен монтажен објект на сопствен плац. Советот е - едноставно направи си постамент со настрешница а под нејзе дали ке ставиш картонски кутии или метална кутија контејнер никој нема ништо да ти рече. Да дојде ред да те рушат ке ти овозможат за малку пари да ја избламираш цела држава преку тв дека рушат настрешници во приватен имот таму некаде во планина, а оставаат непипнати дивоградби од 10 ката во центар на градот. Мене тоа не ме радува ама ми има логика дека кој би дошол да руши настрешница за кола, приколка или контејнер. То је то. Сега околу транспортот, кога бев со пријателот кај неговиот пријател кој ги продава тие контејнери одма демек најдоа и еден кој ке ми ги донел со камион и вилушкар за да ги товари и растовари а јас нешто ке сум почастел и ке се завршела работата и ...
Од искуство знам дека тоа што се плаќа со компензација е најскапо па затоа како и да е ке си барам кога ке дојде момент некој кој ке си ја заврши работата и јас чесно за тоа ке си платам. Ако имате некој информација или конкретна понуда околу превоз на тие контејнери по километар или како тоа рачуна со вклучено товарање и растоварање, напишете за да имам во предвид и да имам информација околу тој трошок. Слединве денови ке се информирам и околу градба на објект од челична конструкција со термоизолациони панели од надвор и уредување на внатрешноста по принцип на камп приколка. Да ја прегледам и таа опција и ке треба да одлучам што да направам зашто поскапо е секој ден потрошен во планирање одколку инвестиција во било што кое што може да се користи.

@medo

Почит кон твоето размислување и јавно изнесување на ставот. Во најголема мера јас се согласувам со тебе. За да еден систем функционира, потребно е да функционираат и најмалите сегменти од него. Потполно го разбирам тоа затоа што и јас сум сведок на тоа како се организирани западните држави во оваа свера.
Сепак, во тие организирани системи постојат правила кои ги стимулираат граѓаните да допринесат во развојот. Кај нас, системот едноставно те моли да најдеш начин како да заобиколиш одредени законски обврски затоа што истите се косат со логиката. Ова се однесува на секоја свера од животот а не само од областа на градежништвото. Доволно е само да ми одговориш на следниве две прашања и мислам дека сам ке сватиш од каде потекнува "желбата" на граѓаните на Македонија да ги "заобиколуваат" законите.

1. Дали во тие организирани системи плаќаш за услуги кои не ги добиваш?
2. Дали во тие организирани системи ке бидеш обештетен доколку претрпиш штета од државни институции или области кои они ги покриваат?

Јас сум убеден дека не постои свест туку постои страв од последици. Тој страв е причината поради која и јас барав одговор дали и како е законски решено поставувањето на времени монтажни објекти во нашава држава.

поздрав,

@medo

Драго ми е за тебе што мирно спиеш и за тоа што си според мое мислење еден од ретките кои немале негативно искуство со институциите на системот. Ти посакувам така да биде и во иднина. Но очекувај дека при прво доаѓање во Македонија може да налеташ на некој дупка во асфалтот на некој булевар и да направиш огромна штета на својот автомобил. Може и да налеташ и на некое домашно или диво животно како слободно се шета по некој автопат или по најновата обиколница на Скопје (пролистај ја малку и таа тема на овој форум па ке се увериш во тоа). Е тука @medo ги нема институциите на системот кои ке ти ја надоместат директно и индиректно направената штета. Иако при секој годишен технички преглед уредно си плаќаме за одржување и развој на патната мрежа. Ова е само еден сегмент каде што плаќаме а не добиваме услуга. Рече дека досега не си имал проблем со организираните системи. Токму тоа и јас го велам, тие системи функционираат затоа што се во служба на граѓаните, односно постојат за да даваат услуга а не само за да се финансираат од граѓаните. Патем, денеска и се изнасмеале на сопругата кога отишла во општина да се информира која е постапката и како да обезбедиме дозвола за поставување на времен монтажен објект на сопствен плац. Тажно, но тоа е нашата реалност.

@pbanks

Моите мисли околу функционирањето на институциите на системот ги преточи во твојот претходен пост. Значи не сум имал погрешна слика, туку тоа навистина било така.

Сепак, за оние кои подоцна се вклучија да не добијат погрешна слика за мене. На претходната страница во моите два поста (бр 98 и бр 100) кога ја опишувам мојата идеја и план, во ниеден момент не барав начин како да го заобиколам законот. Јас наведов пример дека во Хрватска е дозволено поставување на монтажни објекти до 12м2 без дозвола и прашав дали и како е тоа регулирано кај нас. Бидејки, прво @medo објасни во кои случаи не е потребно добивање на дозвола, второ бидејки мојот план не е во таа група, и трето ние бевме исмеани во општина кога се обидовме да добиеме информација за дозвола, јас уште еднаш го поставувам прашањето Како да постапам?

Целта ми е легално да го спроведам мојот план, а нема да глумам и јавно ке кажам дека нема да бидам заложник на нефункционирање на системот од непознавање на правата и обврските. Доколку одлучам да поставам монтажен објект, најнапред ке побарам дозвола, а доколку не успеам да ја обезбедам, на сопствен ризик ке го направам тоа.

Како и да е, ке известувам за секој следен чекор. Вие, или ке добиете точна информација за тоа која е цеолсната постапка за поставување на ваков тип објекти, или во најлош случај ке бидете сведоци на првото рушење и санкционирање на монтажен објект на сопствен плац во нашата ни Македонија.

поздрав

@Max

Ти благодарам за исцрпниот пост и сите информации преточени во него. Ова е тоа кое што го барам од почеток. Сега веке се зависи од мене, односно да се обидам да ја истуркам работата според сите правила и потоа и јас мирно да спијам. Заслужуваш повеке од благодарам за твојот ангажман. Со Божја помош, Верувам дека наскоро ке можам да Ви бидам домаќин во мој објект на мој имот легално изграден според плановите. Се надевам дека ти, а и сите останати од овој форум кои се одзваа на моето барање за споделување на информации и размислувања, ке одговорите и на мојата покана за скара која ке ја упатам откако ке го исполнам својот план.

Уште еднаш Ви благодарам на сите а посебно на тебе @Max.

поздрав.

Originally posted by sorabotnik Се надевам дека ти, а и сите останати од овој форум кои се одзваа на моето барање за споделување на информации и размислувања, ке одговорите и на мојата покана за скара која ке ја упатам откако ке го исполнам својот план.

Браво, конечно и некој Македонец да се нафати на вакво нешто!

За да му тргне работата како песна еве му од „мене„ некој совет http://www.fairtrading.nsw.gov.au/Language_Macedonian/Home_building.html

poz do site...
edno prasanje, mi treba informacija za i okolu NADZOR na objekt. So izmeni i dopolni na zakon za Gradeznistvo NADZOR ke smeat da pravat islkucivo pravni subjekti i nadzorni inzinjeri  koi predhodno steknale adekvatno ovlastuvanje od komora. So prosti zborovi kazano....NADZOR na kakov bilo objekt moze da bide isklucivo firma koja se ima steknato so licenca za NADZOR. FIZICKO LICE so ovlastuvanje za NADZOR NE!!!
Epa dragi moi prijateli...ve molam kazuvajte firma...jas takva seuste ne sum sretnal i ne poznavam...osven da treba da odam vo Granit,Beton,Makedonija Proekt, za niv sum siguren deka poseduvaat.
P.S  po novo za da izvadis dozvola za gradba osven vekepostoeckata dobropoznata dokumentacija, treba da se prilozi dogovor zaveren na notar so Izveduvac-firma, koja raspola so soodvetna licenca za kategorija gradba i dogovor so FIRMA ZA NADZOR isto taka zaveren na notar.