Станoви во изградба - Совети на што да се внимава

Граѓаните да пријават незадоволство од градежните инспектори ... ЕКОНОМСКИ: Инспекторатот веќе не врши технички прием при пуштање на новите објекти за домување во употреба. Како се контролира дали тие ги исполнуваат потребните стандарди? НАЌЕВА КАВРАКОВА: Објектите за домување се градби од втора категорија, и истите се ставаат во употреба по изготвување на позитивен извештај за извршен технички преглед од страна на надзорниот инженер, а извештајот на надзорниот инженер пак го одобрува градоначалникот на општината каде е изведен објектот. Имено потребните стандарди за објектите за домување се предвидуваат со самото проектирање на градбата каде во зависност од намената треба да бидат исполнети параметрите од планската документација како и основните барања за градбата во поглед на нивната механичка отпорност, стабилност и сеизмичка заштита, сигурност во употребувањето,непречен пристап до и во градбата како и техничките својстава на градежните производи што ќе се користат при изградбата сето пропишано со посебни закони. ЕКОНОМСКИ: Задолжени сте за надзор на општините во доменот на градежната инспекција, како ја оценувате нивната работа? НАЌЕВА КАВРАКОВА: Општините се задолжени да назначат лице за овластен градежен инспектор кои ќе го вршат инспекцискиот надзор над градби од втора категорија согласно Законот за градење. Државниот инспекторат за градежништво и урбанизам надлежен е и да врши контрола на работата на овластениот градежен инспектор дали истиот ги врши работите согласно законот за градење и прописите донесени врз основа на истиот. Од извршените инспекциски надзори може да се утврди дека овластените градежни инспектори не го спроведуваат во целост законот за градење односно најчеси неправилности се во делот на неизвршување на донесени управни акти за бесправно изведени објекти како и нивно не вклучување во постапката за издавање на одобренија за градење. Инспекторатот ја следи законитоста на работата на органите на општината и при утврдени неправилности им укажува, дава иницијативи и предлози , мислења и стручна помош во рамките на материјалните закони. Доколку општината не постапува по дадените укажувања и стручна помош им се одзема надлежноста за одреден временски период. Во оваа насока сакам да истакнам дека во годишната програма за работа на Државниот инспекторат за градежништво и урбанизам во 2014 година се планирани редовни инспекциски надзори во сите единици на локална самоуправа како и голем број на вонредни надзори. Ова значи дека фокусот на инспекторатот во 2014 година е во насока на засилен надзор над работата на овластените градежни и урбанистички инспектори во општините. Токму заради ова сакам да ги охрабрам сите граѓани кои се незадоволни од работата на овластените градежни инспектори или пак имаат одредени прашања од областа на градежништвото и урбанизмот да се обратат до инспекторатот. ... http://ekonomski.mk/2014/02/18/наќева-кавракова-граѓаните-да-пријав/