Глобал - Струмица

Изгаснат е пожарот во „Глобал“, изгореа најмалку 10 продавници и затворениот пазар

Рано утрото е изгаснат пожарот кој избувна синоќа по 23 часот во Трговскиот центар „Глобал“ во Струмица. На одредени места во внатрешниот дел, каде се сместени поголем број тезги и продавници се уште тлее и повремено се појавуваат мали пламени јазици.

Местото и натаму го обезбедува полицијата а присутна е и екипа на ТППЕ Струмица, која внимава да не дојде до нов пожар и интервенира на местата каде се појавуваат пламени јазици.

Според првичните проценки, од тоа што може да се забележи на местото на пожарот, изгорени се повеќе од десет продавници, внатрешниот дел каде е сместен пазарот и тезгите, супермаркет во внатрешноста, а пламените јазици зафатиле и делови до третиот кат од трговскиот центар.

Причините за пожарот се уште не се знаат.

Сопствениците на продавници и тезги немо го набљудуваат објектот и не се расположени да дават изјави.

„Мојот бутик е целосно изгорен и во него имаше стока од над 20 илјади евра“, вели еден од нив.



Градоначалникот на Струмица, Коста Јаневски, кој синоќа беше на местото на трагедијата, смета дека материјалната штета е голема, а за среќа нема повредени.

Тој се заблагодари и на помошта во гаснењето во кое учествуваа и противпожарни екипи од околните градови и возила на ЈПКД „Комуналец“.

https://360stepeni.mk/izgasnat-e-pozharot-vo-global-izgorea-najmalku-10-prodavnitsi-i-zatvoreniot-pazar/

Edited by Џоле - 03-Jan-2021 at 09:21

„Во трговскиот центар функционираат градскиот пазар на приземјето, првиот спрат на кој се сместени бутиците и кафулињата, вториот е делумно пополнет со канцеларии ... „
- и тоа е се'! Не знам дали има толку фирми во Струмица за да ги пополнат триетиот и четвртиот кат. Овој објект се покажа срашно нефункционален и преголем. Комбинацијата од пазариште и трговски центар е ужасна... седиш на кафе на првиот кат од долу те удира миризба на зеленчуци и нафта (мислам на кинеската стока што се продава на штандовите) Плус, неговата изградба ја уби старата струмичка чаршија... А за тоа колку објектот е уништен и е нечисто внатре, а и насекаде се пуши (по не знам која логика) не сакам ни да зборувам. Во секој случај лоша слика за Струмица.


Edited by tiberix - 03-Aug-2014 at 08:46

хаха, добра забелешка, Хонг конг LOL

само чисто се сомневам дека архитектите мислеле на тоа какви силуети ќе се рефлектираат од фасадата, зградава е обичен стакларник, аквариум, со еден куп други недостатоци, тешко дека цел на архитектите била накаква рефлексија

Навистина профи е изведена фасадава, и забележав еден детал во врска со истата, не знам дали е тоа направено намерно од архитектите или се работи за случајност.

Погледнете на фотото на на стаклената фасада се одсикуваат сиулети од зградите карши трговскиот и наликува каkо одспоротива да има три облакодера Навистина импресивно, браво! btw на сите слики може да се забележи таа игра на силуета и светлина не само на оваа што ја посочувам



Edited by HugoGoulding - 10-Jun-2011 at 01:52

Ова не е лоша идеа, додека татко ти продава доле на пазарчето за да го преживеете месецот, жена ти оди на шопинг на првиот и вториот спрат, тебе те мава срце кога ќе ја видиш сметката и те носат на трети спрат.
Ништо не е случајно како што гледаш.

Edited by kultuzin - 12-Feb-2011 at 21:09

Нова болница во Струмица на кардиохирургија „Филип Втори“
Петок, 11 Февруари 2011 15:01
Сподели
170

Споделете ја веста и добијте книга.
Доколку споделувате повеќе вести, шансите за добивка се поголеми.
Кардиохирургот Жан Митрев ќе отвори болница во Струмица, во договор со сопственикот на „Делукс“, односно на деловниот центар „Глобал“, Горан Митев.
Болничка установа „Филип Втори“, со дијагностички центар, хируршко, интерно, гинеколошко и детско одделение, ќе биде сместена на третиот кат од „Глобал“ и се најавува дека ќе биде поголема од онаа во Скопје.

Локалната самоуправа од почетокот на иницијативата за отворање кардиохирургија во Струмица целосно го поддржува овој проект и е подготвена во рамките на своите можности и надлежности да помогне во неговата реализација, нудејќи повеќе локации за изградба на новиот болнички центар.

Поради големиот број пациенти од југоисточниот дел на Македонија, како и близината со Грција и Бугарија, се очекува дека новата болница на „Филип Втори“ во Струмица потполно ќе го оправда нејзиното отворање и дека ќе значи голем чекор за унапредување на квалитетот на здравствените услуги во нашава земја.
http://www.kurir.mk/republika/opstini/18744-Nova-bolnica-vo-Strumica-na-kardiohirurgija-Filip-Vtori

Originally posted by Cloverstack Би било чудно доколку нема некој HVAC систем.

Па сега...не знам веќе што е чудно во државава....
Некој ми спомна уште кога ги сечеа лентите дека нема ништо такво и дека ќе се паѓа у несвест на струмичката клима ама не ми беше за верување, сега и гледам дека прозорите се подотворени...

Се е во ред,но приземјето е страшно натрупано и воопшто не наликува на модерен и флексибилен трговски центар.

Немавме слики од гаражата, а слабо стоевме и со внатрешноста на објектот воопшто, па еве засилување

1


2


3


4


5


6


7

Originally posted by Buliwyf Што е ова бе пазар или трговски центар ????????????

Приземјето е само пазар , а катовите се трговски центар , од оваа година треба и 3ти и 4ти кат да ги почнат .