Авиокомпании и линии

Авиокомпанијата МАТ изминатава година ја оцени како успешна за своето работење. Зголемувањето на бројот на патниците за 37 отсто, или вкупно 223.869 патици во 2007 година, како и порастот од 38 отсто на бројот на летови на оваа авиокомпанија, со два авиони како и во 2006 година, од МАТ го оценуваат како солидно. Сепак, од авиокомпанијата велат дека најголемиот број клиенти се уште се иселениците, а ваквата состојба ја препишуваат на економската состојба и потешкотиите при издавање виза на македонските граѓани.

“Во 2007 година, 34 отсто од летовите на скопскиот аеродром ги реализираше нашата компанија, а тој процент во 2006 изнесуваше 28 отсто. Ова дефинитивно беше година на раст на МАТ. Но мора да признаеме дека се уште зависиме од иселениците“, рече Никола Кумерле, комерцијален директор на МАТ.

Од авиокомпанијата за 2008 година најавуваат воведување на летови за северна Италија, јужна Германија и Копенхаген. Во однос на авиолинијата за Брисел, од МАТ потенцираат статус кво.

“Нашиот предлог за оваа линија стигна до Владата, но се потврдува дека нејзиното воведување се уште економски не е исплатливо. Преговорите за членство во Европската унија би го зголемиле интересот на граѓаните за оваа дестинација, а засега најави за таа линија нема. Впрочем ние сме први на удар кога е во прашање нафтата. Во 2007 година 40 отсто од трошоците ни беа само за гориво“, појасни Кумерле.

МАТ излезе и со најава за зголемување на својата флота со купување на трет авион од Англија марка “боинг 373-500“ со 126 седишта, но деталите ќе ки коментираат за десет дена по финалните преговори.

Од авиокомпанијата размислуваат и за воведување на свој патен транспорт до скопскиот аеродром, како и копнен превоз од Косово до аеродромот “Александар Велики“.

Пониски цени за авио-превозот