„Скајвингс“: Скопје-Виена за 79 евра

Авиокомпанијата „Скајвингс“ нуди авиобилет за релацијата Скопје-Виена по цена од 29 евра, кој со аеродромските такси чини вкупно 79 евра, пренесе МИА
Првиот лет кон Виена ќе биде на 4 јули. Во компанијата најавуваат поевтинување на билетите на речиси сите дестинации на кои „Ерлифт“ има редовни линии. „Скајвингс“ очекува да стане прва авиокомпанија од Македонија што ќе може реално да им конкурира на авиокомпаниите во Европа кои нудат летови по промотивни цени.

Милачиќ: Пониски цени и нови дестинации

Целта на МАТ Ервејс е да стане регионален лидер во авиосообраќајот, изјави за Макфакс Дарко Милачиќ, сопственик на МАТ Ервејс.

Милачиќ вели дека компанијата планира да воведе редовни линии за повеќе европски дестинации, како што се Лондон и Париз, но и да ги удвои чартер-летовите за Минхен, Франкфурт, Диселдорф и Цирих. На долг рок, Милачиќ најавува воведување на летови за Шпанија, Израел и Србија.

„Со оглед на тоа што сме нова компанија на пазарот, наша цел е да бидеме конкурентни со цените и понудата, така што граѓаните од Македонија ќе патуваат од Скопје, а не од Бугарија, Србија и други земји како досега“, вели Милачиќ.

Сопственикот на МАТ Ервејс најавува дека компанијата планира соработка со египетскиот авиопревозник Египет Ер, во рамки на која би дошло до поврзување на Скопје и Каиро, од каде македонските патници ќе можат да летаат до повеќе светски дестинации.

Компанијата МАТ Ервејс вчера го изврши својот прв официјален лет од Белград за Крф, а во фаза е припрема и програма за македонските патници која треба да започне од август.

Кон Tики Травел има 20 годишно искуство на српскиот пазар, на нашиот пазар влегува во партнерство со МАТ Ервејз, превземајќи некогашен МАТ Ерлајнс.

Кон Tики со проширување на својата дејност се доближува до светските најпознати туроператори кои имаат свој сопствен авион. /крај/мт

http://www.time.mk/read/02d8684ba1/aca54bb926/index.html

Зошто нискобуџетните авиокомпании не летаат од Македонија?

„Скајвингс“ доби уште еден авион

Домашниот редовен авиопревозник Ерлифт, вчера доби нов авион од типот Боинг 737 – 300, со што флотата на авио компанијата Скајвингс се зголеми на два авиони.

Пониски цени до 15% на чартер летови до европските метрополи

АЦВ ќе испитува зошто авиобилетите се толку скапи

Соња Маџовска

Агенцијата за цивилно воздухопловство ќе чешла зошто авиобилетите од и до Македонија се толку скапи. Моментно билетите од Скопје до Европа ретко се под 100 евра, без пресметани аеродромски такси.

Високите цени на авиобилетите се причина зошто македонските два аеродрома имаат мал број патници, а аеродромите во соседството работат турбо, а граѓаните повеќе се решаваат да патуваат со автомобил.

Првиот човек на Агенцијата, Дејан Мојсовски, вчера за „Утрински весник“ откри дека деновиве ќе почнат да вршат надзор врз редовноста, уредноста на летовите, но и на заштитата на правата на патниците, што ја вклучува и цената, покрај надзорот за безбедноста на летовите, што било и досегашна практика.

Со ова тие очекуваат да утврдат зошто цените на авиобилетите се толку високи во земјава, како и на што се должи тоа. Агенцијата ќе утврдува колкави им се реалните трошоци на авиокомпаниите и дали тие соодветствуваат со цената на билетите. „Веќе е подготвен прашалник што ќе биде доставен до сите авиокомпании, кои оперираат на двата аеродрома во земјава. Тие ќе треба да даваат месечен извештај за уредноста, за редовноста, но и за цената на билетите, за цената на горивото, односно за вкупните трошоци што ги имаат компаниите и колку тие влијаат врз цената на авиобилетите. Такви извештаи авиокомпаниите ќе мора да доставуваат до Агенцијата, најверојатно од септември, но ќе бараме податоците да ги опфатат и летните месеци, односно и за јуни, јули и август, колкави им биле трошоците, а колкави биле цените на билетите. Цел на овој проект е да се утврдат реалните цени на авиобилетите“, вели Дејан Мојсовски од АЦВ. Со оглед на тоа што кај нас никогаш немало многу ниски, туку само многу високи цени, очигледно е дека Агенцијата ќе има полни раце работа, но прашање е колку ќе може да влијае да дојде до нивно намалување. „Ако процениме дека цените на авиобилетите се високи и дека трошоците се нереални, ќе им укажеме на авиокомпаниите дека тие нереално прикажуваат податоци. За сето ова ќе биде информирано и Министерството за транспорт и врски“, појаснува Мојсовски.

Според него, и конкуренцијата треба да го направи своето. Тој како пример го посочува летот до Цирих, кој пред повеќе од една година чинеше 500 швајцарски франци, кога леташе само една авиокомпанија, додека сега чини помалку од 200 франци, но летаат шест авиокомпании. Мојсовски дури најави дека се можни и законски измени во делот на регулирањето на авиосообраќајот, доколку се покаже дека ТАВ, кој стопанисува со македонските аеродроми, не успее да донесе повеќе авиокомпании кои ќе нудат поевтини летови. Бидејќи, иако нашето небо е отворено, авиосообраќајот е либерализиран, а воздухопловните правила усогласени со европските, сепак, од нискобуџетните авиокомпании, кои нудат цени од 25 до 50 евра за билет до европските градови, нема ниту трага ниту глас. „Сега не можеме да ги регулираме цените на аеродромот. Тоа зависи од политиката на ТАВ, дали тие ќе им дадат поволности на авиокомпаниите што се заинтересирани да оперираат во земјава. Инаку, има интерес од компаниите кои имаат евтини авиобилети, како што се ’Виз-ер‘, ’Изи џет‘ и ’Рајан ер‘. Со сите се преговараше и им беа претставени сите поволности што ги дава земјава. Но, државата сега е надвор од договарањето со овие компании, бидејќи за тоа е задолжен ТАВ. Дали тие успешно ќе се справат со ова ќе видиме, по што ќе одлучиме дали е потребно да се донесат законски измени за да се инволвира и државата, за да им се дозволи на овие компании да оперираат во Македонија“, смета Мојсовски. Засега е очигледно дека нема некои ефекти од разговорите на ТАВ со овие нискобуџетни авиокомпании.

Најголемите поплаки на авиокомпаниите, кои сега оперираат во земјава, а што авиобилетите ги прави скапи, е цената на горивото.

Авиокомпаниите што работат во Македонија почнаа полека да ги намалуваат цените. „Во Македонија нудиме евтини летови. На пример, повратен билет за Виена чини 80 евра, со вклучени аеродромски такси, потоа за Рим летаме за 149 евра повратен билет со аеродромски такси, што е, исто така, многу ниска цена“, велат од „Ер лифт“.

И новоформираната авиокомпанија „Мат ервејс“ најавува дека од септември ќе почне со чартер редовни летови од Скопје до Швајцарија, Германија, Италија. Летови ќе има и за Прага, Рим, Барселона, а цените ќе бидат пониски до 15 отсто.

Југословенската авио-алијанса ја “чека” Босна

БИзнисот ги спојува фирмите од бившите ЈУ републики

ЈАТ и Монтенегро Ерлајнс повикаа на обединување на авиокомпаниите на земјите од поранешна Југославија. Кроација Ерлајнс има шанси да се придружи, додека Македонија не ни има своја авиокомпанија.  Се чека  одговорот на Босна.
Ова обединување не е резултат на некоја југоносталгија, туку начин на подобрување на состојбата во авиобизнисот во сите земји од овој регион. 

Само Босна недостасува да одговори на повикот за формирање на авио алијанса наречена југословенска алијанса. Оваа идеја беше донесена од Монтенегро Ерлајнс и ЈAT, не е невозможно  и Кроaција Ерлајнс да им се придружи, иако има мала можност за тоа да се случи, а Македонија после продажбата на аеродромите ни самата не знае дали има државна авиокомпанија, пишува белградскиот весник “Данас“ Останува уште одговорот на БХ Ерлајнс.

Како што е  моменталната состојба  на тоа поле, не би било чудно  и Адриа Ервејз сама да изрази желба за влегување во оваа алијанса. Идејата за обединување на авиокомпаниите  и ѓелезничките претпријатија од земјите од поранешна Југославија не звучи лошо.
Ова обединување не е резултат на некоја југоносталгија, туку начин на подобрување на состојбата во авиобизнисот во сите земји од овој регион.

Дали од невозможноста или незнаењето овие балкански авиокомпании немаа среќа во нивното водење, па најверојатно, овој начин се избрал како спас за сите нив. Авиокомпаниите отсекогаш биле место каде што директорите  биле потенцијални кадри најчесто сместени на позиција благодарение на партијата, роднини или пријатели и како по некое непишано правило сите тие добро работеле со нивните раце, но секогаш тоа било со туги пари.

Секако сега тоа се враќа и тоа на главата на државата, а покрај државата страдаат и граѓаните. Не се знае до каде таквите директори на авиокомпаниите би ја копале црната дупка ако Европската Унија не ги предупреди државите. Добро, штети имаа и некои директори, не само на државата, посебно во Хрватска , но такви случаи има во Србија. Директори кои стигнале до притвор и до судски процеси за залоупотреба на работна должност.

Но нив ги заменија со нови, уште посилни директори, кои ја докажуваат нивната моќ, арогантнни личности кои се закануваат на новинарите кои ќе откријат некоја од нивните тајни, бркаат спонзорства во милионски износи, кои сепак влегуваат во нивните џебови. Тие делат добри плати се додека државата не ги замрзне, уште подобри бонуси,набавуваат службени возила и станови, и што уште не, список на кој му нема крај.

Дали железничките и авионските компании покренале добра иницијатива за подобрување на ваквата ситуација. Економистите знаат дека подобо би функционирале компаниите на голем план, многу подобро од ситените пазари во секоја држава. И тие самите би се придружиле во водењето на компаниите, ама не можат да стигнат на ред од политичарите. Тие се истите оние говорници кои ветуваат веќе децении подобрување, но ѕидот пред нас кон ЕУ е се поголем и повисок.  Од локалните тајкунско- политички интереси не може да се дојде до подобра прилика, па овие држави побрзо да излезат од бедата.

http://www.biznis24.com.mk/node/10160