Благодарам ОЦБ. 

ИНТЕРВЈУ, ДЕЈАН МОЈСОСКИ: АЦВ подготува терен за летови кон Канада, Бразил, Индија…

Бројот на патници на македонските аеродроми постојано расте, а заложба на Агенцијата за цивилно воздухопловство е што повеќе авикомпании да летаат во Република Македонија, вели во интервју за економски.мк директорот на Агнецијата за цивилно воздухопловство, Дејан Мојсоски. „Активно работиме на склучување што поголем број на меѓународни спогодби, како правна рамказа влез на авиокомпаниите кај нас. Во моментов работиме на склучување билатерални спогодби со Чиле, Шведска, Словачка, Тајланд, Бразил, Азербеjџан, Швајцарија, Индонезија, Индија, Канада“, вели тој.

Економски. Колкав е бројот на патници што ги користат македонските аеродроми?

Мојсоски : Почетокот на 2013 година, го одбележува значаен пораст во бројот на патниците кои полетале или слетале на македонските аеродроми, или практично евидентно е двојно зголемување во бројот на превзени патници во однос на истиот период минатата година.

Според месечните статистики со кои располагаме како Агенција, можеме да констатираме дека само во месец мај бројот на превезени патници е зголемен дури за 28,8%, што е за двапати повеќе споредбено со претходниот месец ( април 12,3%), а и со истиот период минатата година.

Гледано низ призмата на бројките во период од 5 месеци, евидентен е порастот во бројот на патници за 16,6 %, во однос на минатата година, а дури за 29,4% е зголемена фрекфенцијата на редовните авио линии.

Економски Доаѓа летната сезона дали се очекува поголем обем на патници, какви се вашите очекувања?

Мојсоски: Ваквата статистика јасно укажува на фактот дека во престојниот летен период можеме да очекуваме зголемена фрекфенција и на патници кои ќе полетаат и слетаат на македонските аеродроми, но и на бројот на авио операции од македонската престолнина до серија значајни европски дестинации, но и пошироко. Верувам и очекувам дека годинава ќе ја заокружиме со посакуваните бројки.

Владините субвенции за развој на македонското воздухопловство и домашниот туризам, полека но сигурно ги даваат посакуваните ефекти во воздухопловната но и туристичката дејност. Двојното зголемување на бројот на патници и фрекфенции и пред стартот на летните одмори е добар индикатор за позитивниот биланс кој можеме да го очекуваме од престојнава туристичка сезона.
Агенцијата за цивилно воздухопловство прави максимални напори, за привлекување што поголем број на авиокомпании кои би фрекфенцирале до македонските аеродроми.

Економски: Има ли интерес за влез на нови компании?

Мојсоски: Заложба на Агенцијата за цивилно воздухопловство е што повеќе авикомпании да летаат во Република Македонија.Тоа за нас е значаен предизвик и како што знаете, превзедовме низа мерки во однос на намалувањето на административните бариери и за либерализација на воздушниот сообраќај, како и за отстранување на сите оние пречки кои постојат, со одредени земји членки на ЕУ.

Како Агенција,активно работиме на склучување што поголем број на меѓународни спогодби, како правна рамка за влез на
авиокомпаниите кај нас.

Во моментов работиме на склучување билатерални спогодби со Чиле, Шведска, Словачка, Тајланд, Бразил, Азербеjџан, Швајцарија, Индонезија, Индија, Канада.

Економски: Колку компании моментално оперираат на аеродормите?

Мојсоски: Во моментов од и до македонските аеродроми, оперираат 19 авио комапнии и ја поврзуваат Македонија со атрактивни светски и европски дестинации. Голем дел од команиите како што се Wizz Air, Fly Dubai, Hervetic Airways, Pegasus Airlines и Jat Airways, во текот на престојнава сезона најавија и зголемување на бројот на авиофрекфенции.

Eкономски: Се најавува Етихад да влезе во ЈАТ-дали имате преговори околу воспоставување некоја линија од Македонија што ќе ја опслужи Етихад?

Мојсоски: Има интерес кај компанијата за воспоставување авиолинии до регион кој веќе го опслужува компанијата Fly Dubai, која пак сезонава го зголеми бројот на летови на релацијата Скопје Дубаи од 2 на 3 лета неделно, а наскоро, според најавите од компанијата, ќе биде воведена и бизнис класа, која ќе им овозможи на патниците поголем избор во квалитетот на услугите, но и брзо ефикасно, квалитетно и евтино да стигнат до посакуваната дестинација.

Секако дека ние како Агенција, работиме на привлекување на што поголем број на авиокомпании како што е Етихад, но сепак, останува на компанијата да ја донесе својата бизнис одлука дали ќе влезе на македонскиот пазар или не.