Стар Аеродром

Ќе се уриваат воените бараки за 48 згради

Стар Аеродром во наредниот период ќе биде претворен во вистинско градилиште. На местото на ниските живеалишта ќе се извишат неколкукатници. Една по една, старите воени бараки ќе се уриваат, а на нивно место ќе се градат нови згради.
Повеќето од граѓаните што овие времени објекти ги добија на користење од војската во поранешна СФРЈ изминатиов период го откупија земјиштето под нив од државата. Изработката на планот и новата урбанистичка визија им овозможија да склучат договори со инвеститори и да ги разменат старите бараки за нови станови. Од Општината Аеродром изјавија дека во овој кварт, лоциран спроти црквата „Свети Илија“, предвидени се вкупно 48 згради.
Во моментов во еден дел може да се видат две урнати бараки, а на нивно место, според планот, е предвидено да се изгради шесткатница. Се работи за локација спроти црквата „Свети Илија“, а инвеститор е градежната фирма „Дабар“, од каде што во моментов го расчистуваат и подготвуваат теренот.
- Ќе почнеме на 24 септември кога одобрението за градба што ни е издадено од Општината Аеродром ќе стане правосилно - изјавија од „Дабар“.
Рокот за изградба е 18 месеци. Оттаму појаснија дека во моментов и други инвеститори обезбедуваат документација со цел да почнат со градење на други парцели на овој локалите

http://www.dnevnik.com.mk/?ItemID=C601F564F2DB414F8223C3843879C69B

Еве го ДУП-от

Сивите се постоечки згради, но и меѓу оние што се „колор“ има по некоја постоечка, за кои претпоставувам со планов е дадена дозвола за надградба на кров 

Не би рекол. Направен е необјаснив, буквално аматерски пропуст во дел од сообраќајното решение:

Originally posted by Cloverstack Да се вратиме на тема. Сообраќајните решенија кај Порта Аеродром ми изгледаат тотално промашени. Вака како што испланирале, сообраќајот непотребно ќе кружи повеќе и ќе има доста полукружни вртења. Исто така самиот излез од пролазот под зградата е преблиску со постоечката крстосница и ќе создава незгодни проблеми (тие што од таму ќе сакаат да одат накај центар ќе мора да сечат ленти практично на самата крстосница, а доколку веќе има колона на семафорот, ќе мора да чекаат на лентите што се приклучуваат десно кон Бул. Јане Сандански и со тоа ќе прават блокирање на сообраќајот што оди во тој правец) Наместо тоа, може на пример да се сврти Ул. Руди Чајавец во правец на другиот едностран приклучок и таму да се оформи комплетна крстосница која ќе овозможи вртење во сите правци, а уште побитно нема да се креираат непотребни проблеми на постоечката тространа крстосница кај „Скопјанка“. Се разбира ова е само една можност, со минимална измена на планот, не мора да значи дека е најдобрата. Таму ќе се руши се што е старо и ќе има бришан простор за разноразни комбинации - детално нека ги анализираат оние кои се платени за тоа. Но јасно е дека вака како што моментално е зацртано е тотален промашај и необјасниво создавање на проблеми.

Edited by Cloverstack - 24-Aug-2011 at 20:05

Проблемот е во тоа што не е баш мала забелешката. Креира голем проблем, а не гледам причина зошто мора де е така изведено, бидејќи старите објекти ќе се рушат и ќе има огромна слобода просторот да се среди по највисоки стандарди.

Во врска со разиграните улици што ги спомна, работата со претходниот проблем е токму во тоа што уличната мрежа е истата онаа која што постои во моментов, со планот не е ништо суштински сменето на тоа поле, туку планот е фокусиран само на вцртување на нови згради на местото на постоечките П+1 објекти. Значи не е дека се работи за некаква креативност со улиците, туку очигледно планот е правен по линија на најмал отпор, и очекувано тоа довело до големо потфрлање.

Според мене таму е кружниот тек.

А планов малце ме буни. Сеа испаѓа дека Руди Чајавец ќе биде улица за најмалце 15 згради??? Дефинитивно ќе мора проширување затоа што за тие 15-тина згради оваа улица ќе биде единствена за излез на булевар. Плус и така оваа улица кога ќе падне првиот снег е затрупана со коли. Вака изгледа фин проектов, но и јас ќе се согласам со Кловер, многу лоши сообраќајни решенија.

Од муабет со еден другар кој живее во овие „бараки“ тие што живееле во првите срушени бараки биле најголеми баксузи пошто додека не биле изградени првите една две згради тебале некаде на друго место да бидат сместени, додека тие од другите бараки ќе се преселеле кога првите зграда-две ќе биле изградени....така да најверојатно сите жители од бараките сегашни веднаш ќе ги пополнат првите две три згради па тек после тоа зградите кои ќе се градат на преостанатиот простор ќе почнат да се нудат на пазарот.


Edited by mirakuliks - 26-Aug-2011 at 00:44

„Дабар“ гради осумкатница во „Стар Аеродром“, на улица Коста Новаковиќ:

41°59'10.06"N  21°27'25.69"E

  Ова е на местото на бараките? Што и најверојатно е... Со оглед на ова... може да очекуваме вакви објекти со овој габарит и висина во цела таа околина...

Edited by FoSsiL - 01-Jun-2012 at 15:02

Колку стана добија сопствениците на бараките?

Тој дел со бараките е најотпуштениот дел на Аеродром,сега со зградиве мислам дека безвезе ќе исипадне...

Edited by Block - 02-Jun-2012 at 22:24

Еден мој другар живее во тие бараки и причината зошто прво се гради таа зграда прва а другите бараки не се рушат е бидејќи за инвеститорот беше поевтино (а и за остатокот на жителите на тие бараки башка полесно) привремено да го плати сместувањето на луѓето на таа барака која беше срушена за градењето на оваа зграда во која ќе бидат сместени сите од баракаите за да може да ги сруши другите бараки за да ги изгради останатите планирани згради. Другар ми имаше среќа да не е во таа прва барака па од бараката ќе се преселува директно во зградата. Ќе го препрашам каков договор имаат со инвеститорот.

Edited by mirakuliks - 02-Jun-2012 at 23:52