Стар Аеродром

Има некој рендер од целосната зграда ГА09? Освен мали фрагменти на каталогот никаде не видов целосна слика.

Стар Аеродром населба на само 10ина минути од центарот на Скопје. Населба со многу зеленило и населба со бараки изградени за воени лица во СФРЈ чии станови биле струшени во земјотресот. Мали скромни бараки на приземје или приземје и кат со заеднички двор и трем (чардак) во кои живееја по неколку семејства, односно имаа 5-6 стана. Околу 400 семејства, за краток период стануваат 7 000 семејства. Бараки кои се симбол на солидарно општество, со својата архитектонска форма и функција го подржуваат и поттикнуваат заедничкиот живот, социјализацијата, дружењето... Секако околу нив има двор со зеленило, градина, па дури и може да се направи бавча за одгледување на овошје и зеленчук.
Денес на местото на оваа некогаш живописна слика има сосема бездушни висококатници (планирани се 50 висококатници, секоја со по 120 станови). На местото на секоја барака од по два ката, се изгради зграда со по околу 10 ката (некои 7, некои 9). Дворот и градината се претворија во простор за паркинг и тоа однадвор заграден со ограда! Типологијата со бараки која охрабруваше движење и дружење се замени со нова типологија каде секоја висококатница е заградена со ограда и на тој начин одделена од соседната висококатница, која исто така е заградена со ограда. За соседи од две згради (една до друга) да се сретнат, треба да излезат од влезот и да се најдат на паркингот пред зградата, небезбедно место за пешаци бидејќи е наменето за паркирање на автомобили, потоа треба да излезат од заградениот двор на својата зграда и да се најдат на оскудниот тротоар широк одвај 1.5 м, а притоа зафатен со столбчиња, контејнери, по некое мало дрво кое се мачи да порасне, вклештено во бекатонките од тротоарот. Значи, двата соседи кои сакаат да поразговараат на тротоарот треба да одат во колона еден позади друг со повремени чекорења по улицата, онаму каде што е зафатен тротоарот. Ова секако не поттикнува социјална интеракција, па дури и ја отежнува. Аеродром – модерна населба, изградена со огромни пешачки плочници помеѓу зградите и огромни паркови позади зградите – создаде екстремно нефлуиден дел во својата населба, без континуитет на движење, без можност за социјализација, без јавен простор за граѓаните кои живеат во новите згради. За каков квалитет на живот можеме да зборуваме? Населба создадена за да излезете од станот, со лифтот дирекно до гаражата, да влезете во автомобилот и да се впуштите во градскиот метеж со надеж дека за викенд ќе побегнете од градот. Секако при ова сценарио – не сретнувате никој по пат, а и да сретнете не се познавате, не се малку 120 станови во вашата зграда. Зарем вака се градат градови во 21 век?! Кога се зборува за креирање на јавни простори, враќање на социјалниот живот во град, дружење на отворено, намалување на моторните возила, пешачење, зголемување на зелените површини поради големото загадување, стрес и бучава. Создадовме населба токму онака како не треба. Изјавите на градоначалниците дека „граѓаните конечно по 40 години ќе добијат подобри услови за живеење, какви што доликуваат на населба која се наоѓа на неполн километар од центарот на мекедонската метропола“ се тотално апсурдни. Граѓаните добија нови станови од кој секој обид за излегување надвор е отежнат. И секако ваква голема густина на население без соодветна инфраструктура е отежнување за целокупниот живот во градот, а не само на населбата. И сега што ќе се прави кога ќе нема доволно училишта и градинки? Или за време на вонредна и кризна состојба како што е светската пандемија? Или едноставно за викенд кога цела зграда ќе замине на село, а градот ќе се претвори во празен град на духови?
Кој е виновен?! Граѓаните кои своите бараки наместо редовно да ги реновираат и одржуваат ги запуштиле со надеж дека ќе ги заменат со нов стан или два од 40м2; или што не се организирале доволно да се изборат за подобра населба и биле притиснат од општината или градежната мафија; или општеството во кое „важно е да се гради“, но не и што и како се гради; или градежните фирми кои градат исклучиво од профит и само такви продукти нудат на пазарот; или граѓаните посебно оние од внатрешноста за кои успех е да се има било каков стан во Скопје; или нискиот стандард кој не дозволува да се бара квалитет; или лошото образование кое не учи за вистински вредности и здраво живеење; или корумпираната политика; или архитектите кои целото свое образование го заборавиле бидејќи се сведени на цртачи за градежните компании и профитот; или општеството кое нема свест за просторот и градот во кој живее?!



https://www.facebook.com/Здружение-Градот-Убав-287195085403845/

Кога веќе решија да прават толку десеткатници можеа барем да скратат неколку за да може помеѓу 2 згради да има околу 10м растојание и наместо 48 да имаше 38 згради ќе изгледаше малку похумано населбата со по некој тревник или мини парк,а не само бетон и бекатон.
Еве еден типичен пример од една моја денешна фотка

Меѓу зградите на Голден Арт(десно) и Офис Ком(крајно лево) би било одлично место за зеленило но напротив веќе тамошните бараки се пазарени од Офис и за некое време ќе дигнат уште една 10 катница за сметка на зеленилото и високите дрва.А скроз десно(кај црвената стрелка) растојанието меѓу ГА и соседната зграда која очигледно е градена пред повеќе години има околу 2,5 максимум 3 м растојание.

ГА 09



http://www.goldenart.mk/ga09/

Стандард шема во населбава,патем на видеото што е направено се работи за зградата на Саник а не на Дабар кон чиј билборд се движат

..................................
Има ли некое работно време или ограничување кога смее да се работи и прави галама, ова е сабота 22часот. Галамата почнува секој ден пред 7ч. Пред 2-3 недели по полноќ им падна багерот и Не извадија од памет.



https://www.facebook.com/naselba.aerodrom/videos/2417650691874557

Од мојата денешна тура

Пред да почнам со зградите мал осврт кон инфраструктурата
Ова е ново,правеле некаков прекоп на ул,Фрањо Клуз близу градилиштето на Голден Арт и новоасфалтираново парче е доста повисоко од остатокот на улицата па имаше доста залетани коли кои можеа да настрадаат,доста е незгодно и ужасно изведено





Сега преминувам на зградите

1.ГА 09 сеуште тераат без целосни рендери за проектов





2.Клико Градба







3.Саник,Хестиа



4.Дабар



...

И оваа е на Дабар чинам нивна прва во населбата откако почнаа негде 2014 и после 4-5 години изгледа ко да има повеќе од 20 години.Фоткава не доловува баш многу ама се приметува лево горе дека е излупена фасада а исто така добар дел од фасадата е избледена

od fb







...
Патем ниту на ова ниту на претходното градилиште на Порта Аеродром немаат инфо табла ниту пак рендери за тоа што се гради.Се разликуваат и по изведувачи фирми и темпо на работа на пример тука работат Албекат Груп и одат турбо и по стандарди што се однесува до набивање шипови потрошија скоро 2 месеца во таа активност што не беше случај со големата зграда Порта Аеродром.

Originally posted by RNS Што мислите за зградата на клико и мараи на феањо клуз, поточно за стан со ориентација северо исток со поглед од дневна соба на градинката ? И која е вообичаената дебелина на цигла меѓу стан и стан, односно со комшија?

Инвеститор е Клико Градба и Мараи изведувачи мислам се Нети Бау.Незнам многу за нив ова им е прва зграда во населбава Мараи имаат неколку до сега (во Капиштец)а патем Клико имаа и еден мини пех при едно од бетонирањата кога беа тек излезени на површина им се сруши дел од плочата чинам евидентирано е во нишкава неколку страни поназад. За ориентација северо-исток можеш ако си спремен за наредни 5 години бучава,циркулари,бетонски пумпи и миксери по цели денови и ноќи близу прозор бидејќи во близина ќе никнат уште 2 згради за извесно време бидејќи во тој дел има уште неколку останати бараки,едните се меѓу зградата на Офис ком и Голден Арт а другите веднаш до зградата на Клико,така да за мене од тој аспект не би било баш најдобра опција но ти си знаеш.
За прописите и дебелина на ѕидови незнам точни бројки но во целиот блок згради што никнаа во овој дел за добра звучна изолација сум чул само дека кај Голден Арт е на некое прифатливо ниво а за другите незнам како градат.
Клико имаат три подземни нивоа за паркирање и доста се вложија при армирање на темелната плоча ќе видиме како ќе излезе објектот држат солидно темпо на работа сигурно средина на 2021 ќе биде вселива.

Edited by stef4o - 05-Oct-2020 at 20:59

od fb

od fb