build.mk Homepage
Forum Home Forum Home > Останати теми > Останати теми
  Active Topics Active Topics
  FAQ FAQ  Forum Search   Register Register  Login Login

Бизнис со недвижности

Bookmark and Share
 Post Reply Post Reply Page  <1 678910 11>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11543
  Quote Cloverstack Quote  Post ReplyReply #141 Posted: 07-Aug-2011 at 21:31

Станови - Најевтини во Пехчево, најскапи во Скопје


 

Целосен ефект на владините мерки за субвенционирање при купување стан ќе се постигне само доколку и во следните две-три години остане сегашната стапка на ДДВ од 5 проценти, тврдат градежниците

 
 
%20 

Најевтините станови во Скопје инат 700 евра за квадрат

Од 291 до 1.500 евра по квадратен метар се движат цените на новите станови во државава. Убедливо најевтини се становите во Пехчево, додека најскапи се во главниот град. Освен од местоположбата и квалитетот на градбата, цените зависат и од изведувачот, дали ги гради државното јавно станбено претпријатие, при што се поевтини, или приватен инвеститор, при што се обично поскапи. Со новите владини мерки државата ќе субвенционира половина од месечната рата за период од пет години, за кредити со максимален износ до 50.000 евра наменети за купување нов стан. Услов за ваквата државна помош е продажната цена на станот, со пресметан ДДВ, да не надмине 900 евра за квадратен метар. Според расположливите податоци, речиси секаде во внатрешноста на државата становите се двојно поевтини од посочениот владин лимит. Единствено поскап е станбениот квадрат во Скопје, и тоа во централното градско подрачје. Така, нов стан од околу 50 квадратни метри на поткровје во Пехчево, на Акционерското друштво за изградба и стопанисување со станбен и деловен простор, се продава за почетна цена од 291 евро квадрат. На пониските катови становите во Пехчево се малку поскапи и чинат 304 евра квадрат. Како што велат од државното станбено претпријатие, разликата од почетната до крајната цена може да биде и само едно евро по квадрат, колку што е дозволено да се наддава.

- Наддавањето е чекорно и не може да биде помалку од 1 евро за квадрат. Моментално за продажба има 50 стана во Скопје, за кои има пристигнато 10 понуди, така што со наддавање од едно евро купувачот ќе го добие станот што го одбрал - велат од државното станбено претпријатие.

Двособен стан на Партизанска што оваа државна фирма го нуди за продажба има почетна цена од 858 евра за квадрат, додека нов стан на булеварот Трета македонска бригада се продава за 833 евра. Сепак, според градежниците, целосен ефект владината мерка ќе постигне само доколку и понатаму остане сегашната стапка на ДДВ од 5 проценти за продажба на нови станови, која важи до 31 декември 2011. 
- Новите владини мерки, кои се позитивни за граѓаните и за градежништвото, ќе паднат во вода доколку од јануари 2012 се врати ДДВ на 18 проценти. Ако се сака да се постигне целосен ефект, треба да се продолжи со ДДВ од 5 проценти барем уште две-три години - вели Никола Велковски, претседател на градежната комора при Сојузот на стопански комори на Македонија.

Тој додава дека веќе испратиле барање до Владата за продолжување на сегашната стапка на ДДВ, но сé уште не добиле повратен одговор. И ние вчера не добивме одговор од Министерството за финансии дали ќе се продолжи повластената стапка на ДДВ. Дознаваме дека интересот за нови станови во моментов е опаднат, што се објаснува со зголемената понуда, но и недоумицата околу ДДВ.

- Според моите сознанија, само во Скопје има 5.000 стана во градба. Рокот одминува и треба да се продолжи мерката за 5 проценти ДДВ, бидејќи во спротивно становите ќе поскапат - вели Фатмир Етеми, инвеститор.

За градежниците не е најважно само станот да биде евтин туку и колку тој е енергетски ефикасен, бидејќи сопственикот потоа ќе плаќа високи суми за греење и за ладење. Томе Костадиновски, менаџер на „Саламандер“, тврди дека вистински станбен бум може да се очекува само доколку остане ДДВ за становите од 5 проценти.

- Младите брачни двојки за кои се наменети владините субвенции бараат поевтини станови на 5- 10 километри од центарот на градот - нагласува Костадиновски. 

Инвеститорите пресметале дека трошокот ги чини 700-750 евра по квадратен метар, плус 20 проценти за локацијата. Реалната заработувачка велат е од 10- 15 проценти, но тука треба да се земат предвид и отплатата на кредит, времетраењето на изградба од најмалку две години и друго, додаваат тие.

Бизнис со лицитација на запленети станови

Освен запленетите автомобили, становите и деловниот простор се најатрактивните предмети што извршителите најчесто успеваат да ги продадат за да соберат пари со кои ќе ги исплатат граѓаните или фирмите на кои должниците од кои се одземени предметите им должат. Ова е така затоа што сите имаат утврдени цени за продажба, а граѓаните најлесно го препознаваат нивниот квалитет.
Најатрактивни за купување се становите и деловниот простор во Скопје и во Охрид. Тие најлесно се продаваат и достигнуваат највисоки цени по квадратен метар. Особено лесно се продаваат становите од педесет до шеесет квадратни метри. Во другите градови интересот е мал затоа што цените се ниски, а и луѓето меѓу себе се познаваат, па не сакаат дополнително да им одмогнат на должниците што се нашле во неволја. Цените на становите и на деловниот простор во Скопје и во Охрид се движат од минималните 500 евра за квадратен метар на периферијата, а достигнуваат и до 1.000 евра, колку што се поблиску до центарот на градот. Во другите градови низ Македонија максималната цена не поминува повеќе од 700 евра за квадратен метар. Но јавна тајна е дека бизнисот со станови што се продаваат на лицитација е многу вносен бизнис. Имено, вештите трговци користејќи ги законските пропусти, не ретко во договор со другите заинтересирани купувачи на станови се обидуваат колку што е тоа можно повеќе да ја обезвреднат цената на становите со одлагање на лицитациите. Од кога цената на еден стан ќе падне дури и за 2/3 од реалната вредност, тогаш трговците го купуваат станот за минимална цена а подоцна го продаваат по цената што во тој момент е актуелна на пазарот, во зависност од тоа за како стан станува збор и на која локација се наоѓа.                                                          И.О.

Цени на нови станови

Скопје 700-1.500 евра
Охрид 700 евра
Гевгелија 550 евра
Делчево 493 евра
Кочани 478 евра
Кавадарци 466 евра
Пехчево 291 евро

 
  
Автор: Александар С. Димковски

http://www.novamakedonija.com.mk/NewsDetal.asp?vest=8611943549&id=10&&prilog=0setIzdanie=22349
Back to Top
OCB View Drop Down
Senior Member
Senior Member
Avatar

Joined: 03-Feb-2011
Location: 54
Online Status: Offline
Posts: 919
  Quote OCB Quote  Post ReplyReply #142 Posted: 08-Aug-2011 at 23:55
30-50% ОД ДЕЛОВНИОТ ПРОСТОР НЕИСКОРИСТЕН!

Инвеститорите најавуваат нови објекти во Скопје поради зголемената побарувачка на деловни простории, а агенциите ги демантираат со тврдење дека објектите се полупразни, а побарувачката мизерна


За две до три години во Скопје ќе има повеќе од 20 деловни трговски објекти затоа што трендот за нивна изградба кој интензивно почна во последните неколку години, продолжува и понатаму. Бизнисот со изнајмување деловни објекти има иднина, потврдуваат сите инвеститори кои ги консултираше “Капитал“. Тврдат дека се уште има простор за нови деловни квадрати поради недоволната, и по квантитет и по квалитет, понуда на бизнис-простор наспроти растечката побарувачка. Агенциите за недвижности, кои изнајмуваат деловен простор, пак со поинаква слика. Велат побарувачка нема, цените паѓаат, а искористеноста е далеку од таа што ја прикажуваат инвеститорите.

Откако пред пет години почна изградбата на, денеска веќе познатите бизнис-центри, Соравија и Хипериум, во центарот на Скопје никнаа и Кубус, Граве, Ера Сити, Сан Марко, Бизнис-центарот Меги, Сити Галери...
Освен деловно-администртивни објекти, во Скопје се очекува зголемена понуда на деловно-трговски простор и од страна на инвеститорите на катни гаражи, кои исто така во последниот период никнуваат како печурки, а нудат деловен простор за изнајмување. Очекуваната зголемена понуда на деловен простор го наметнува и прашањето, дали е можна стагнација на цените за изнајмување. Според агенциите за недвижности, цените се движат меѓу 10 и 20 евра по метар квадратен во зависност од квадратурата на деловниот простор и локацијата.

Васко Давитковски, менаџер во Соравија, сепак тврди дека овој пазар има иднина во Македонија, бидејќи побарувачката уште не го достигнала својот полн капацитет.
“Деловниот простор во Соравија е исполнет со 70% од неговиот капацитет, а дел од закупците се Вип оператор, Капитал банка, Евроинс, КПМГ, ИФЦ, Сони, Страбаг и други. Важно е да се напомене дека понудата се повеќе го зголемува капацитетот, но и квалитетот на деловните простории. Во периодот кога се градеше центарот Соравија, во Скопје само околу 10% од деловниот простор можеше да се класифицира како А класа, а три години подоцна тој процент е значително зголемен со изградба на нови софистицирани објекти. Тоа значи дека и други компании направиле проценка дека побарувачката за таков простор ќе се зголеми и се одлучиле да влезат во инвестиција“, вели Давитковски, и додава дека и банките кои ги поддржуваат ваквите скапи проекти исто така вршат проценки за нивната економска исплатливост.

Мира Георгиевска, претседател на Здружението на сопственици на деловниот објект Луна корпорација, лоциран на аголот спроти соборниот храм, вели дека и во овој објект речиси нема слободен простор за изнајмување.
“Станува збор за простор од 2.600 метри квадратни од кои речиси 70% се издадени. Останатиот дел го имаат купено странци во чија сопственост е објектот, но немаат интерес да го издаваат“, додава Георгиевска.
Речиси максимална искористеност на деловниот простор има и во бизнис-центарот Хипериум, чиј инвеститор е австриската Хипо алпе адриа лизинг, кој нуди канцелариски простор, конгресен центар, како и ресторан со кетеринг услуги.

“Од нето-корисна површина од 6.000 метри квадратни, искористеноста е дури 95%. Станува збор за закупци кои се реномирани интернационални компании. Тие имаат долгорочни договори за закуп со траење од 5 и повеќе години. Со сигурност можеме да кажеме дека квалитетот на бизнис-центарот Хипериум и во иднина ќе придонесе да биде исполнет целосниот капацитет на зградата“, велат во Хипериум.
Слична е состојбата и во новоизградениот објект на градежната компанија Кубус, на булеварот Партизанска, која веќе има склучено договори за изнајмување на деловен простор.

“Исто како и за купување простор, така и за изнајмување навистина е важно објектот да биде изграден во завршна фаза да биде со имотен лист. Тие што изнајмуваат за подолг период, на пример, за 5,6 години, подоцна сакаат и истиот да го купат. Договорите со долгорочните закупци и купците се во завршна фаза за првата зграда на Кубус, додека за другиот објект кој се уште ни е во фаза на изградба имаме само заинтересирани, но немаме дефинитивни договори. Во првиот објект повеќе од 50% од просторот веќе е изнајмен, но има простор и за купување“, вели Златко Тодоров, директор на Кубус.

АГЕНЦИИТЕ ГИ ДЕМАНТИРААТ ИНВЕСТИТОРИТЕ

И додека инвеститорите се фалат за рекордна изнајменост на нивните деловни простории, агенциите за недвижности тврдат дека пола од бизнис-центрите зјаат празни, цените се преценети, а условите на пазарот сменети.
“Секогаш цените во ново изграден објект се повисоки од цените на останатите деловни простории. Се тргнува со почетна цена од 20 евра за метар квадратен, за на крај да се спушти до 10 евра, па дури и 8 евра, само за да се издаде објектот. Факт е дека нема нови побарувања за деловен простор, а буџетите на компаниите се намалени. Ние пред некое време успеавме деловен простор од 1.200 метри квадратни да го земеме под наем за цена од 8 евра по метар квадратен“, вели Донка Филиповска од агенцијата Бастион.
Според неа, проблем е што инвеститорите не сакат да прифатат дека по економската криза условите на пазарот се променети и треба да ги намалат цените.
“Можеби пред две години овие цени за изнајмување биле реални, меѓутоа сега веќе не се. Пример е објектот Граве, кој повеќе од половина е празен, а се обидуваме да го издадеме повеќе од половина година“, додава Филиповска.

ВО ИГРА СЕ И КАТНИТЕ ГАРАЖИ

Освен деловно-административните објекти кои се специјално изградени за изнајмување или продавање на деловни простории, ваков тип услуга нудат и катните гаражи во кои, според законските прописи, е дозволено 35% од вкупната површина на објектот да биде од деловно-трговски карактер. Таква катна гаража, која е веќе во завршна фаза на изградба е гаражата на инвеститорот Импексел-2, лоцирана зад Универзална сала, во која се инвестирани три милиони евра. Неим Хусеини, сопственик на градежната компанија Импексел-2, вели дека од деловниот објект веќе се изнајмени 500 метри квадратни. Слична е состојбата и во Зебра, катната гаража во сопственост на градоначалникот на општина Центар, Владимир Тодоровиќ, каде што приземјето е целосно издадено на закупци, додека дел од канцелариите се продадени.

http://www.kapital.mk/MK/dneven_vesnik.aspx/71966/30-50_od_delovniot_prostor_neiskoristen!.aspx?iId=2302
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #143 Posted: 11-Aug-2011 at 12:24

Градежниците бараат локација плус за изградба на станови

Соња Јованова

Доколку градежните компании навреме се подготват за побарувачката на станови, која според сите пресметки ќе кулминира по Нова година, тогаш навистина може да стане збор за долгонајавуваната градежна експанзија во Македонија

Побарувачката на пазарот на недвижности, која се очекува нагло да се зголеми по Нова Година, по стапувањето на сила на владината мерка за субвенционирани станбени кредити, може добро да ги раздвижи градежната индустрија и целокупнта економија, воопшто. Банките веќе најавија дека подготвуваат нови, релаксирани услови за станбени кредити, а засилена офанзива најавуваат и градежните компании.

Градежниците кои ги консултиравме велат дека веќе бараат нови локации за градење. Во игра се градежни парцели кои се наоѓаат на периферијата на Скопје, бидејќи според владиниот проект, за субвенционирање на станбен кредит е неопходно продажната цена на станот со пресметан ДДВ да не надминува 900 евра за метар квадратен. Според градежниците, доколку станува збор за Скопје, тогаш најмногу интерес ќе има токму за изградба на станови во периферните делови, каде што се продаваат поевтино.

Во Здружението на градежни компании при Стопанската комора сметаат дека сега на потег се државата и општините, кои во следниот период треба засилено да работат на изготвување нови урбанистички планови, уредување на инфраструктурата, но и продажба на државните локации наменети за изградба на станбени комплекси.

“Јасно е дека во централното градско подрачје нема станови за таа класа која ќе биде опфатена со овие проекти кои ги најавува Владата. Но, кога станува збор за поевтини станови кои се градат во приградските населби, треба да се има предвид дека таму навистина има потреба од изградба на патишта и инфраструктура, воопшто. А и општинската администрација треба да седне и да донесе нови урбанистички планови“, велат во Здружението.

Според експертите, доколку градежните компании навреме се подготват за зголемената побарувачка на станови, која според сите пресметки се очекува да достигне кулминација по Нова година, тогаш навистина може да се случи долгонајавуваната градежна експанзија на станбени комплекси во Македонија. Тоа ќе повлече подобрување и на состојбите во другите индустрии. Експертите сметаат дека оживувањето на станбената изградба ќе значи нов импулс за поголема стопанска активност на индустријата за градежни материјали, но и на електроиндустријата, дрвната индустрија и на производителите на трајни потрошни стоки. Колку повеќе станови се градат, толку повеќе се зголемува вкупната потрошувачка на трајните потрошни стоки.

Во моментов интензитетот на градење, според статистичките податоци, бележи намалување во споредба со минатата година. Според градежниците, тоа се должи на бавното издавање на документацијата од општините. Државната статистика во јуни годинава забележа намалување на бројот на издадени одобренија за градење за 9,9% во споредба со истиот месец лани. Удел во негативните бројки има и недостигот од слободно земјиште за градење.

http://www.kapital.com.mk/mk/dneven_vesnik.aspx/72126/gradezhnicite_baraat_lokacija_plus_za_izgradba_na_stanovi.aspx?iId=2305
Back to Top
Baze View Drop Down
Senior Member
Senior Member
Avatar

Joined: 08-Jan-2010
Location: Skopje
Online Status: Online
Posts: 356
  Quote Baze Quote  Post ReplyReply #144 Posted: 13-Aug-2011 at 11:53

ЛУКСУЗОТ СТАНУВА УШТЕ ПОСКАП

Цените на становите се нереални

Цената на станбен квадрат во Скопје достигнува до 1.600 евра, а во Охрид до 1.800 евра што според агенциите за недвижности е нереална цена. Владата преку проектот "Купи куќа, купи стан" од јануари 2012 година ќе се обиде да ја спушти цената на становите на 900 евра за квадрат


Цените на станбениот простор во Македонија се нереални, особено ако се споредат со регионот. Со македонска просечна плата, со ограничени кредити кои се со високи каматни стапки, практично е невозможно граѓаните да дојдат до сопствен покрив над глава. Поради тоа, продажбата на станови во последните две години е опадната за речиси 80 насто, тврдат од агенциите за недвижности.
Ако се направи анализа на цените на становите во државава ќе се забележи дека Скопје отсекогаш го држел првото место на листата на најскапи градови кога станува збор за недвижностите. Во елитната населба Водно се наоѓаат најскапиот стан и најскапата куќа во државава. Цената на станбениот квадрат во зграда на Водно достигна и до 1.600 евра, а куќите во зависност од големината и опременоста се нудат на продажба по цени од кои боли глава (од два до три милиони евра).


Нешто поевтини се становите во општина Центар каде квадрат чини до 1.300 евра. По Центар, најбарани се становите во Карпош, Тафталиџе, Аеродром, Ново Лисиче, Кисела Вода каде квадрат чини од 1.000 до 1.100 евра. Во другите населби, како Влае, Ѓорче Петров и Автокоманда, цените се пониски и изнесуваат од 700 до 900 евра за квадрат. Во Чаир, Скопје Север, Хиподром и Маџари се нудат најевтините станови, по цени што варираат од 500 до 800 евра за квадрат.


На

Скопје сега рамо до рамо му конкурира Охрид. Во овој град се нудат станови и по 1.800 евра за квадрат. Ваквата висока цена инвеститорите ја оправдуваат како реална бидејќи, како што велат, становите се градат според највисоките стандарди за квалитет. Пред три години квадратен метар во Охрид чинеше од 650 до 800 евра, а сега е речиси двојно поскап.
Кај нашите соседи, цените на становите (апартманите) на море се во опаѓање. На пример, во Неа Мудања на Халкидики во Грција чинат од 700 до 900 евра за квадрат. Апартман на албанското крајбрежје оваа година чини максимум 1.500 евра. Во Старо Банско, Бугарија пак, квадратот чини од 400 до 500 евра.
Од Агенциите за недвижности и градежните компании прогнозираат дека цената на становите, куќите и плацевите нема да се намали, дури се очекува во наредниот период да се зголеми како што земјава ќе се приближува кон влезот во ЕУ и НАТО. Ова, пред се, е условено од глобалниот тренд на заздравување на светската економија, но и со отварањето на Македонија како атрактивна земја за вложување во бизнисот со недвижностите. Исто влијание има и цената на градежните материјали, која во последниве две години е во постојан благ пораст.

КУПИ КУЌА, КУПИ СТАН

Со оглед на фактот што има се уште неисполнети барања на многу луѓе за решавање на станбеното прашање, што ќе го условува континуираното благо растење на цената, пред се, на становите, Владата донесе одлука од јануари 2012 година да почне со реализација на проектот "Купи куќа, купи стан" со цел да се спушти цената на станбениот квадрат и да им се помогне на оние кои прв пат купуваат стан. Придобивки од проектот ќе имаат и граѓаните и градежниците и банките. Владата планира своето учество да го исплаќа за цела година однапред. Со тоа од Владата очекуваат да се гарантира сигурноста дека банките кои ќе треба да ги намалат каматите на станбените кредити дека парите ќе си ги добијат назад.
"Купи куќа, купи стан", нуди две опции. Пола-пола рата во кој државата плаќа половина од месечната рата во период од 3 години. Во вториот државата плаќа 50% учество за купување стан или изградба на куќа. Услови за двата проекти се кредитот да не е поголем од 50.000 евра, цената на квадратен метар да биде до 900 евра. Рокот за отплата на кредитот да не биде пократок од 20 години, а каматата да не надминува 5%.
Проектот важи за брачни партнери кои немаат друг имот, имаат заеднички примања до 900 евра и купуваат или градат со сета потребна документација.

Светлана БЛАЖЕВСКА

http://www.vecer.com.mk/?ItemID=796CD6B26A18EC4A8F24D617DDDBB9E6
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11543
  Quote Cloverstack Quote  Post ReplyReply #145 Posted: 15-Aug-2011 at 18:11
Од Агенциите за недвижности и градежните компании прогнозираат дека цената на становите, куќите и плацевите нема да се намали, дури се очекува во наредниот период да се зголеми како што земјава ќе се приближува кон влезот во ЕУ и НАТО. Ова, пред се, е условено од глобалниот тренд на заздравување на светската економија, но и со отварањето на Македонија како атрактивна земја за вложување во бизнисот со недвижностите.
Прилично конфузно склопено... Во секој случај, не гледам како влезот на нови инвеститори и поголемата понуда на пазарот би довеле до скок на цените. Вакви механизми може да смислат само нашите шиткачи на недвижности, кои се надевам во наредниве 2-3 години конечно ќе добијат неколку сурови практични лекции на тема пазарна економија. За делот со ЕУ и НАТО исто не знам што да кажам... Еднаш ете се приближивме до овие организации, па цените рипнаа, па откако се одалечивме, цените не паднаа. Ама сега, иако нема никакви најави за некакво ново суштинско приближување, веќе трубат за реприза на скоковите на цените по тој основ. Би рекол, може Македонија на хартија и во Г8 да влезе, ама додека просечниот Македониец нема значително повеќе пари во џебот, џабе си калкулираат дека можат да ги однесат цените до облаци и да очекуваат нешто што барем од далеку би заличувало на здрав промет.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #146 Posted: 16-Aug-2011 at 07:55

Во светот луксузните недвижности поевтинуваат, а во МакедониЈа е друга песна

Кризата не ги тресе скапите станови


Кај нас под луксуз се подразбираат шпански веце-плочки и ексклузивни шолји, паркет од егзотично дрво, џакузи и кабини за туширање, а во светот базени, вежбалници, козметички салони

Додека цената на недвижностите на светско ниво паѓа и драстично се намалува побарувачката на луксузни апартмани, во Македонија секој ден с` повеќе се бара квадратен метар повеќе во елитните населби. Инвеститорите тријат раце од заработувачката и се борат за нови парцели на атрактивни локации.

Граѓаните се со поделени мислења, за едни и социјалните станови се прескапи, а други велат дека немаат проблем со парите, туку со квалитетот што го нудат инвеститорите. Цените, пак, се посебна приказна. Квадрат на Водно е колку квадрат во Киев или Прага. За стан од стотина квадратни метри ќе треба да одвоите околу 200.000 евра.

Што добивате за тие пари, прашуваат купувачите. Кај нас шпански веце-плочки и ексклузивни шолји, паркет од егзотично дрво, џакузи и кабини за туширање, а во светот базени, вежбалници, козметички салони.



Луксузот поевтинува

Светските медиуми јавуваат дека цените на луксузните недвижности во последните два месеца се намалени за скоро десет отсто, а побарувачката на ваков тип станови е намалена за половина за разлика од истиот период лани.

Британската консултантска куќа „Најт Френк“ објави дека во само 14 града во светот е забележан раст на цените на луксузните недвижности во првите шест месеци годинава, но и тие се за половина пониски во однос на 2010 година. Најголемо намалување на цените има во Цирих, Швајцарија и во Сингапур. За разлика од лани, поевтин луксузен имот има во Хонг Конг, и тоа за 16,1 отсто, а во Санкт Петербург цената на луксузните куќи е пониска за 12,2 отсто како последица на светската криза.

Во Париз цените се на исто ниво како пред кризата, а со слични цени се и Лондон и Рим.

Кај нас, пак, растат и цената и побарувачката. Инвеститорите велат дека и покрај тоа што сите градат два типа стана, едни поевтини - наменети за широка потрошувачка, и други - за колективно луксузно домување, поинтересни за пазарот се луксузните.

- Мора да се напомене дека луксузните многу повеќе се продаваат. Има кој да ги купи. Меѓутоа, клучот за успешна продажба е ако 30 отсто од становите се над 120 квадрати, 30 отсто да бидат со површина од 75 до 100 квадратни метри и другите да бидат со квадратура од 55 до 61 квадратен метар - велат во „Адора инженеринг“. Тие градат низ Македонија и, освен во Скопје, имаат станови во Охрид - Билјанини Извори и во Струмица.

Цените се поповолни ако влезете како соинвеститор. Тогаш најчесто добивате попуст, кој е максимум 20 отсто од понудената цена. Според домашните инвеститори становите повеќе се продаваат во фаза на изградба и продажбата оди добро.



Што е луксуз кај нас,

а што во светот

Ако во светот под луксуз подразбираме приватни базени, вежбалници, козметички салони, домари, послуга, бесплатно одржување..., кај нас луксуз се бесплатни паркинг-места со секој стан, сопствено греење, добра звучна и термичка изолација. Инвеститорите одат до таму што во своите понуди како луксуз го третираат и поставувањето странски чешми и туш-батерии, како и паркет од егзотично дрво, џакузи, кабини за туширање.

Во наши услови пресудна е локацијата. Посебно се продавани апартманите што се на атрактивни локации како Водно, Злокуќани, Тафталиџе и Карпош. Клучот за успех, тврдат градежните фирми, е големата квадратура на еден стан бидејќи заработувачката била таму.

Ако прашате што нуди луксузното домување на Водно, ќе ви кажат дека за платената сума добивате термофасада, видеонадзор и електричен пристап. Во секој влез има најчесто по два електрични лифта. Дури и широките влезови со природно осветлување и со керамички плочки се луксуз. Во понудите велат дека нудат оптички интернет, ТВ и кабелска инсталација во секој стан, блиндирани врати, прва класа паркет, прва класа плочка.



Луксузот се доплаќа

Доколку имате луксузен апартман во Лондон, тоа значи дека за минимална месечна сума бесплатно добивате и градинар и човек што го одржува базенот и домар и обезбедување. Кај нас се плаќа за с` одделно.

Некои од станарите со кои контактиравме, а живеат во комплекси за луксузно домување, велат дека цените на луксузните станови на самиот почеток не се многу високи.

- Проблемот е потоа, во одржувањето за кое треба навистина дебел домашен буџет.

По вселувањето месечно плаќаме од 150 до 200 евра. Од тие пари се плаќаат обезбедувањето, чистењето, градинарот и поправките - велат станари од Водно.



Повеќе договори за работа за градежната оператива

Економската состојба во градежните фирми во вториот квартал, во однос на првиот квартал годинава, како и во однос на вториот квартал лани, е поповолна, оценуваат раководителите на деловните субјекти во градежништвото.

Во тие фирми финансиската состојба во вториот квартал во однос на првиот, како и во споредба со истиот квартал минатата година, се подобрила, објави Државниот завод за статистика. Раководителите во второто тримесечје од годинава се со поповолни очекувања за бројот на вработени во наредниот период. Нивната оцена за сегашната состојба со порачки е поповолна во споредба со претходното тримесечје. Бројната состојба и квалитетот на механизацијата и на опремата и понатаму се незадоволителни и под нормалата, но со тенденција за подобрување.

Во наредниот период раководителите на градежните фирми очекуваат продажните цени да се намалат и да се зголемат вкупните договори.

Најголемо влијание врз ограничувањето за подобрување на сегашната градежна активност имаат немањето доволна побарувачка со 19 проценти, зголемените трошоци за материјали со 18,2 проценти, недостигот на опрема со 13,3 проценти и конкуренцијата во сопствениот сектор со 11,1 проценти.


http://www.dnevnik.com.mk/?ItemID=ED4D8F6F699FC44FAEBA29A465D324C3
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #147 Posted: 18-Aug-2011 at 12:38

Третина од цената е профит


Вкупната цена за изградба на еден квадратен метар станбена површина изнесува од 550 до 650 евра, во зависност од тоа за колкава зграда се работи, каде се наоѓа и од каков квалитет е градбата. Сé над оваа сума во цената на становите е чист профит за инвеститорите

 
 
%20  

Колку навистина чини квадратен метар стан?

Вкупната цена за изградба на еден квадратен метар станбена површина изнесува од 550 до 650 евра, во зависност од тоа за колкава зграда се работи, каде се наоѓа и од каков квалитет е градбата. Сé што е над оваа сума во цената на становите е чист профит за инвеститорите, велат познавачите.

Овој висок процент на профит стана слатка мамка за инвестирање во изградба на станбени објекти. Градежното земјиште, поради сето тоа, стана бојно поле за секој слободен квадратен метар над кој може да се ѕидаат станови. Колку повеќе - толку подобро.

Се шири ценовната палета

Цената е најбитниот фактор при купувањето стан. Следува локацијата, па начинот и квалитетот на градба, по што се разгледуваат придружните содржини на зградата или на комплексот. Кај нас сé уште најскапиот стан и најскапата куќа се наоѓаат на Водно. Ова го потврдуваат речиси сите агенции за недвижности. Во оваа елитна населба се нудат, но и се купуваат куќи и по цена од два, па и три милиони евра. Цената на становите во оваа населба, исто така, е на врвот на пирамидата и може да достигне до 1.600 евра за квадратен метар.

- Куќите тука се солидно градени и луксузно уредени. Најмногу се цени тоа што имаат големи дворови, кои, ако се хортикултурно уредени, со базен и спортски терени, дополнително ја пумпаат цената. Овие куќи, но и становите во колективните згради, се скапи бидејќи населбата е блиску до градот, а и урбанистички е добро решена - велат во агенција што се занимава само со купопродажба на луксузни недвижности во Скопје.

Главниот град предничи во цената по квадратен метар стан или деловен простор. Становите во општината Центар се меѓу најскапите во државава.

- По Центар, најбарани се становите во Карпош, Водно, Кисела Вода, Тафталиџе, Аеродром и во Ново Лисиче. И цените се највисоки во овие населби, но се забележува тренд на зголемување на цените на становите и во другите населби доколку се работи за новоизградена зграда - вели Лилјана Ковачева од групацијата на агенции за недвижности.

Најскапиот квадратен метар се нуди во населбата Водно, по цена од 1.500 евра, по што следуваат Центар со 1.300 евра за квадрат, Аеродром, Кисела Вода, Карпош и Лисиче со цена од 1.000 до 1.100 евра за квадрат.

Во Влае, Ѓорче Петров и во Автокоманда цените паѓаат и изнесуваат од 700 до 900 евра за квадрат. Во населбите Чаир, Хиподром и Маџари се нудат најевтините станови, по цени од 500 до 800 евра за квадрат.

Големата понуда почна да јаде од илјадарката евра за квадрат, која до скоро беше стандард. Сега сосема солидно градени станови на булеварот Партизански одреди, на пример, или во Кисела Вода се нудат по цена од 800 до 950 евра за квадратен метар.

Слаб квалитет, добра реклама - поголем ќар

Конкуренцијата при изградбата на станови кај нас најмногу се чувствува во медиумскиот пристап. Многу помалку во трката со квалитет.

- Кај нас, иако се вели дека се гради со термичка и друг вид изолација, всушност не е така. Се гради по ниски стандарди, без квалитет. Се гледаат само брзата изведба и брзиот профит, а за квалитетот се води малку сметка. Арматура, бетон, тули, тоа се материјалите што се употребуваат во нашите згради.
Внатрешната и надворешната изолација речиси ги нема. Доказ за тоа се студените станови, прокиснатите тавани, влажните ѕидови и бањите од кои тече кај комшиите - вели нашиот соговорник Никола Велковски, претседател на Здружението на градежници при Стопанската комора на Македонија.

Правилото е едноставно - поевтин материјал, повеќе ќар за инвеститорот. Бетонот, железото и тулите се основните, но и најевтините материјали што мора да ги има една градба. Топлотната и хидроизолацијата се скапи решенија за големите комплекси, кои може да ја изедат половината од предвидената заработка на инвеститорот.

Локација           цена во евра за м2

Водно                                  1.500
Центар                                 1.300
Аеродром, Кисела Вода,
Карпош и Лисиче                 до 1.100
Влае, Ѓорче Петров
и Автокоманда                     до 900
Чаир, Хиподром и Маџари    до 800


http://www.novamakedonija.com.mk/NewsDetal.asp?vest=81811841178&id=10&prilog=0&setIzdanie=22359
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #148 Posted: 19-Aug-2011 at 15:40
http://daily.mk/cluster3/2c421a94f32e7168f4a3e9d1c0bbdaba/870051

Многу нови станови во Скопје

Градежниот бум во главниот град продолжува со забрзано темпо. Голем број од приватните компании продолжуваат да градат постојано, надевајќи се дека ќе има побарувачка на станови во наредните години. Сите прогнози велат дека побарувачката нема да изостане, иако воопшто не се намалуваат цените за купување на становите. Неминовно е да се спомене дека градежен бум има само во Скопје, додека во другите градови изостанува и се сведува на градби на приватни инвеститори потребни за некој бизнис или згради за домување, градени од страна на државни институции.
 
Во Ново Лисиче, дел од Аеродром, во Дебар Маало, во Карпош, на Водно и на дел од приградските населби интензивно се градат нови станбени објекти за домување. Донесен е нов урбанистички план и за Маџир Маало, со кој, од заштитена културна зона, ова маало се претвора во урбанистичка населба, во која во следните години ќе се изградат многу нови станбени објекти и овој дел од Скопје ќе стане цела нова населба. Според проценките, се очекува во следните две години во Скопје, за вселување да бидат готови и подготвени 4.000 нови станови. Во оваа пресметка не влегуваат објектите што допрва почнуваат да се градат или влегуваат во процедура за одобрување градба. Со оглед на фактот дека во идните неколку години на пазарот на недвижнини во главниот град ќе има голема понуда на нови станови, пресметувајќи ја и константната понуда на стари станови што се на продажба, очекувањата за намалување на цените на квадратен метар можат да станат реалност. Односно, веќе има инвеститори кои уште при градбата ја одредуваат цената на становите и ја објавуваат, а таа се движи околу 850 евра.
 
Реален проблем за инвеститорите во станбени објекти, особено кога се работи за нови градби и за купување стан во градба, е недовербата што ја имаат потенцијалните купувачи на станови. Најчесто се доцни со предвидените рокови за градба, со што оние кои планирале да се вселат во нов стан може да се случи истото вселување да го чекаат уште две-три години повеќе од договорениот термин. Се потенцира дека кај нас владее урбанистички хаос, па така новите градби добиваат плус некој кат од она што според документите им е дозволено или, пак, проширување на целата градба, со што влијаат на целиот урбанистички план за одреден регион. Дел од стручната јавност постојано апелира за сигурноста и стабилноста на новите градби во Скопје, почнувајќи од нивната местоположба, изведба и конструкција, како и квалитетот на употребуваните материјали. Сите претходно наведени карактеристики ја прават сликата за продажба на становите понеповолна и потребата од нејзина сигурност истапува во прв план. Тоа би значело дека секој, пред да купи стан, бара начин да се осигури дека продажбата и сопственоста на станот ќе бидат чисти и во иднина нема да има никакви проблеми во користењето и располагањето со него.
 
За првпат кај нас, државата преку сопствениот буџет ќе помага во инвестирањето и купувањето на нови станови. Според замислата, таа помош треба да ја добијат категории на граѓани на кои им е најпотребна, односно немаат можност да дојдат до нов стан самите со своите месечни заработки и животни заштеди. Ваквата мерка треба да придонесе за поголема побарувачка на нови станови, за кои се однесува мерката. Вклучувањето на државните институции во процесот треба да придонесе за сигурноста на истиот процес. Побарувачката на станови, ако сè оди според планот, ќе биде зголемена неколкукратно, бидејќи веќе се појавува голем интерес за мерката. Ваквата мерка ќе им овозможи на многумина кои досега не беа во можност ни да помислат на нов дом, отсега да бараат начин како најлесно да дојдат до него.


Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11543
  Quote Cloverstack Quote  Post ReplyReply #149 Posted: 26-Aug-2011 at 21:39

Сe повеќе газди пријавуваат издадени станови


 

Сезоната на издавање е во полн ек, почна од средината на август и ќе трае до октомври, бидејќи во овој период студентите изнајмуваат станови за новата учебна година. Даночната стапка за наместен стан изнесува 30 отсто од приходот, а за ненаместен 25 отсто

 
 
%20 

Цените за изнајмување биле исти како лани

Бројот на нелегални издавачи на станови што не го пријавуваат овој дополнителен приход сé повеќе се намалува, велат од Управата за јавни приходи. Според законските одредби, секој граѓанин што издал имот под закуп треба да ги пријави парите во даночните канцеларии на УЈП најдоцна 15 дена откако ќе ја прими првата уплата.

- Во однос со минатата година, значително се намалени нелегалните издавачи на станови. За тоа говорат собраните пари од наплатениот данок, и тоа во 2009 година 294 милиони денари, во 2010-та 323 милиони денари, а во првата половина на оваа година 177 милиони денари. Постепено се зголемува даночната дисциплина, благодарение на соработката со граѓаните. Тие сé почесто пријавуваат вакви случаи - изјави Весна Новаковиќ, портпаролка на УЈП.

За неподнесување даночна пријава во пропишаниот рок, законот предвидува глоба од 500 до 1.000 евра. Даночната стапка за наместен стан изнесува 30 отсто од приходот, а за ненаместен 25 отсто.

Сезоната на издавање е во полн ек, почна од средината на август и ќе трае до октомври, бидејќи во овој период студентите изнајмуваат станови за новата учебна година. Огласниците и порталите се полни со огласи за изнајмување стан, како и огласните табли кај факултетите, зградите, а често може да се видат и по бандери, фасади и градежни огради.

Во Скопје најпопуларни места остануваат Дебар Маало, Карпош 1, Буњаковец и Центар, а поретко се бара стан во Аеродром, Ѓорче Петров и во Гази Баба.

- Студентите и вработените од други градови во земјава ни се најчести муштерии. Кога студентите од другите градови се враќаат во Скопје, побарувачката на станови под закуп е поголема. Во минатите години имавме многу странци, но сега немаме, значително е намален нивниот број. Нивните барања најчесто се да е поблиску до Центар. А наша задача е да им најдеме стан што им одговара и да ги запознаеме со газдите - соопштија од агенцијата за недвижности „Капитал груп“.

Во однос со минатата година побарувачката и цените се исти. Најевтиниот е 150 евра, а најскапиот достигнува и до 600 евра, сé зависи од локацијата и од уреденоста на станот.


- Издавам еднособен стан во Буњаковец, всушност дел од куќа, и откако почнав да го изнајмувам постојано имам кираџии. Цената е 150 евра и е пристапна. Локацијата најмногу им одговара на студентите на Градежниот факултет, но и на сите други, бидејќи е блиску до Центар, постојано има автобуси каде и да работат или студираат. Не ми е пријавен во УЈП, бидејќи тоа многу би ме чинело - изјави скопјанката Лепа С.

Студентите се жалат на високи кирии, а и од агенциите се согласуваат дека закупите во главниот град не се реални.

- Почнавме да бараме стан од неделава, но бавно ни оди. Или е висока цената или не ни одговара локацијата. Издавачите на станови претеруваат во цената, печалат од нас. Пред некоја година можеше да се најде гарсониера за 100 евра во Центар или двособен стан за 150 евра, сега тоа е невозможно. Сега се „надувани“ до максимум, па и уште имаат простор да се зголемуваат. Секоја година истиот стан си има различна цена. Можеби за четворица да седат во двособен стан од 250 евра е пристапна цената, ќе делат на четири, но за двајца или еден е премногу и ретко кој може да си дозволи - изјави Александар Јовановски од Кичево.

Кирија за двособни станови (според огласите)

Центар од 250 до 600 евра
Карпош од 160 до 350 евра
Дебар Маало од 180 до 500 евра
Ѓорче Петров од 120 до 200 евра
Автокоманда од 150 до 220 евра
Аеродром од 250 до 400 евра
Кисела Вода од 150 до 300 евра

 
  
Автор: Сања Јачевска

http://novamakedonija.com.mk/NewsDetal.asp?vest=8261193572&id=9&prilog=0&setIzdanie=22366
Back to Top
OCB View Drop Down
Senior Member
Senior Member
Avatar

Joined: 03-Feb-2011
Location: 54
Online Status: Offline
Posts: 919
  Quote OCB Quote  Post ReplyReply #150 Posted: 28-Aug-2011 at 04:01


Новинарката погрешно ја разбрала пресметката на данокот. Се работи за данок на доход по основ на закупнина и истиот изнесува 10%. Оние 25% за ненаместен и 30% за наместен стан кои ги споменува се сметаат за трошоци на сопствениците поради кои им се намалува приходот од наемнината и истите не се оданочуваат. Пример за ненаместен стан:

1. Износ на месечна бруто закупнина................................... 10.000
2. Признати трошоци (10.000 х 25%).......................................2.500
3. Даночна основа.....................................................................7.500
4. Даночна стапка.....................................................................10%
5. Персонален данок на доход ...................................................750
6. За исплата .............................................................................9.250

http://www.ujp.gov.mk/mk/javnost/soopstenija/pogledni/191?print=1


Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #151 Posted: 15-Sep-2011 at 13:09

Станбениот квадрат ќе поскапи за 10%?!

Александра Спасевска

Иако градежните компании веќе неколку месеци бараат стапката на ДДВ за продажба на станови да остане 5% на неопределено време, Владата се уште не ја разгледувала оваа можност. Градежниците предупредуваат дека ако од 2012 година се зголеми данокот на 18%, становите веднаш ќе поскапат


Ако од 2012 година данокот на додадена вредност за станови повторно се зголеми на 18%, цената на метар квадратен во новоизградена станбена површина ќе се покачи за 10%. Иако градежните компании веќе неколку месеци бараат стапката на ДДВ да остане 5% на неопределено време, Владата сe уште не го разгледувала и не размислувала за ова прашање. Градежниците велат дека ваквата неизвесност уште повеќе го уништува пазарот на недвижности, кој замира поради зголемената изградба на станови и апстиненцијата на купувачите во исчекување на владината одлука изминатите неколку месеци.

“Ако Владата одлучи да го врати ДДВ на 18%, тогаш цената на становите во наредниот период ќе порасне за најмалку 10%“, вели Александар Кочовски, директор на градежната компанија Модус вивенди. Според него, цената на становите може да се намали само ако се намали цената на градежното земјиште и на комуналните услуги, кои од година во година се сe поголем трошок при изградба на станови.

“Апсолутно, цената на градежното земјиште најмногу ќе влијае на формирањето на цената на метар квадратен. Овој трошок последните години континуирано расте и зазема сe поголем процент во вкупните трошоци за станот“, потенцира Кочовски.

Градежните компании побараа од Владата да го продолжи рокот на повластена стапка на ДДВ од 5% кај новоизградените станови, која според последното законско решение, ќе се применува до крајот на годинава. Тие бараат од Владата да ја продолжи мерката на неопределено време. Велат дека и прометот и продажбата на станови последните неколку месеци целосно стагнира, односно дека сите се во исчекување на одлуката на Владата. Тоа им создава тешкотии во финансирањето на објектите кои веќе почнале да ги градат.

“Во моментов продажбата на станови е многу опадната. Нема побарувачка на станови, луѓето само гледаат и дури не ни прашуваат за цената. Сите се во големо исчекување, чекаат да се намалат цените. Што побрзо Владата го реши овој проблем ние ќе можеме побрзо да продаваме. Доколку ДДВ остане 5%, ние ќе имаме поголем промет, а купувачите ќе плаќаат помалку данок“, изјави Виолета Илиевска, финансиски директор на градежното претпријатие Илинден. Таа истакна дека освен ДДВ, на цената на становите влијаат и многу други трошоци.

“Цементот од Усје поскапе за четири евра по тон, а само кај нас цената на овој материјал е монополска. Цената на нафтата секаде се намалува, само кај нас расте, а тоа повлекува зголемување и на другите трошоци. Комуналиите се енормно високи. Во центарот на Скопје изнесуваат 136 евра за метар квадратен, а висока е и цената на земјиштето“, тврди Илиевска.

Претседателот на надзорниот одбор на Гранит пак, Никола Кацарски, смета дека градежниците не ја диктираат цената на становите, бидејќи сите трошоци за изградба се зголемени.

“Дури и да се укине ДДВ, нема да поевтинат становите. Нашата цена на градење е таа што е. Ако се намали данокот, ќе се намали цената колку што е намален данокот. Ако се зголеми данокот на 18%, ќе се зголеми и цената“, потенцираше Кацарски.

Спротивни барања од мнозинството градежни компании има директорот на градежната компанија Бетон-Штип, Илија Бреслиски, кој бара стапката на ДДВ за изградба на станови повторно да се врати на 18%, со што ги шокираше другите компании.

“Кога се намали ДДВ за становите не се намали цената на ниту еден стан. Дали ние градежниците ќе ја лажеме државата? Парите од данокот ќе си ги земе државата, а потоа преку проекти повторно ќе ни ги врати нам, градежниците. Тоа е во интерес и на државата и на градежниците“, истакна Бреслиски.

Тој потенцираше дека треба да се фиксира цената на метар квадратен, а не данокот за стан.

http://www.kapital.com.mk/mk/dneven_vesnik.aspx/73541/stanbeniot_kvadrat_kje_poskapi_za_10_!.aspx?iId=2348
Back to Top
krale View Drop Down
Senior Member
Senior Member

БАНИРАН

Joined: 28-Dec-2009
Online Status: Offline
Posts: 1487
  Quote krale Quote  Post ReplyReply #152 Posted: 15-Sep-2011 at 13:31
Ова шпекулирање со ДДВ-то е ФЕНОМЕНАЛНА маркетинг кампања на оние кои сега градат станови, бидејќи пазарот за недвижности неколку месеци е ТОТАЛНО замрен, а сега ќе ги враќаат купците со „паника“ дека ддв-то ќе се зголеми.

Маестрално изведено, нема што.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #153 Posted: 30-Sep-2011 at 12:17

Деловен простор во Скопје се изнајмува скапо и нетранспарентно!

Маја Бајалска-Герогиевска

Деловниот простор во Скопје се изнајмува по високи и нетранспарентни цени, а во трговските центри недостигаат светски модни брендови за средната класа. Цените на атрактивните продажни локации ќе останат стабилни до 2012 година, кога се очекува новата понуда да направи притисок за нивно намалување!


Квалитетен продажен простор, транспарентност на цените за изнајмување и меѓународни модни брендови за средната класа се трите нешта кои му недостигаат на Скопје како бизнис-центар кога станува збор за понудата на деловен простор. Ова се заклучоците од најновата анализа на консултантската компанија Фортон МКА (Forton MKA) за македонскиот пазар за недвижности.

“Реновирањето на центарот на градот е при крај, а тоа ќе ги ревитализира главните улици на кои се одвива најголем дел од продажбата во втората половина од 2011 година. Во 2012 година, на пазарот може да се очекува влез на значајни меѓународни брендови, како што се оние во рамки на Inditex групацијата, односно најавениот влез на трговската марка Zara“, велат аналитичарите на Фортон МКА.

Според нив, најатрактивните локации за деловен простор во Скопје сe уште држат високи цени за изнајмување, кои во просек се движат од 20 до 40 евра за метар квадратен.

“Цените на атрактивните локации ќе останат стабилни цела година, сe додека не се испорача новиот продажен простор во 2012 година“, велат од Фортон МКА.

Овде како фактор кој ќе придонесе за зголемување на понудата тие ја посочуваат изградбата на двата големи проекти - City Mall и G –Mall, трговскиот центар кој на местото на поранешна Алумина го градат израелски инвеститори. Треба да биде со вкупна површина од 29.000 метри квадратни. Овој проект се очекува да придонесе за квантитативната понуда на деловен центар, иако сe уште нема добиено дозвола за градба. Втор голем трговски центар е City Mall и ќе се простира на површина од 39.000 метри квадратни. Овој проект, кој е финансиран и од ЕБРД, веќе се гради и се очекува да биде завршен во втората половина од следната година.

Аналитичарите од Фортон МКА како фактор кој ќе придонесе за намалување на цените на продажниот простор го посочуваат и проектот за изградба на облакодер во општината Аеродром, финансиран од турски инвеститори, кој на пазарот ќе понуди 40.000 метри квадратни продажен простор. Со влезот на францускиот синџир Mr. Bricolage, пак, кој е пандан на шведската Икеа, понудата на деловен простор од видот retail ќе се зголеми за 4.500 метри квадратни, се потенцира во анализата на Фортон МКА.

Моментално, вкупната површина на продажен простор во Скопје изнесува 92.400 метри квадратни и ги опфаќа шопинг-центрите, продажните галерии, трговските центри на периферијата и главните шопинг-улици.

Изнајмувањето канцеларии ќе падне за 12%

Оваа година ќе биде година на транзиција на пазарот на недвижности во главниот град. На пазарот сe уште му треба време “да ја свари“ огромната понуда на канцеларии од А класа, кои се изградија во 2010 година, но потребно е и време да се надминат ефектите од економската криза, се вели во анализата на Фортон МКА.

“Дали оптимизмот се враќа? Сигурно ќе се врати во делот на резиденцијалната изградба, каде што неколку огромни проекти почнаа да се градат неодамна (300 нови станови), што е знак дека овој сектор никогаш не беше длабоко погоден од кризата“, пишува во анализата.

Во неа се прогнозира дека охрабрувачки во 2012 и 2013 година ќе биде раздвижувањето во делот на канцеларискиот простор, новата станбена понуда и неколку проекти за изградба на хотели, со оглед на тоа што нови бизнис-хотели во главниот град се must (повеќе од неопходни)!

По масовната изградба на нов канцелариски простор од класа А и класа Б во 2010 година, годинава овој пазар се стабилизира. Вкупната површина на ваков тип канцеларии сега изнесува 249.000 метри квадратни, а очекуваниот годишен раст е 5,3% за 2011 година и 5,8% за 2012 година. Последни проекти од овој вид деловен простор, кои се лансираа на пазарот, се комплексот Дилајла, кој има 1.000 метри квадратни, и Импексел 2, кој се простира на 900 метри квадратни.

Пополнувањето на деловниот простор во 2011 година ќе падне за 12% во споредба со минатата година (од 18.400 на 16.360 метри квадратни). Освен Т-Мобиле, другите странски компании ги одложуваат нивните решенија за вселување во нов деловен простор. Сепак, Хипериум успеа да го издаде речиси целиот простор, односно таму се сместени Триглав, ОБСЕ и ревизорите-консултанти PWC. Фортон сумира дека кириите за најатрактивните бизнис-канцеларии изминатиов период паднале за 9%, на 15,5 евра за метар квадратен.

“Новите корисници на канцелариите од А класа ќе можат да преговараат за погодни цени меѓу 10 и 15 евра за квадрат, додека деловниот простор од Б класа се преговара за цени меѓу 7 и 12 евра за метар квадратен“, заклучуваат аналитичарите на Фортон МКА.

http://www.kapital.com.mk/mk/dneven_vesnik.aspx/74197/deloven_prostor_vo_skopje_se_iznajmuva_skapo_i_netransparentno!.aspx?iId=2373
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #154 Posted: 03-Oct-2011 at 12:22

Кириите тајна поради страв од ценовен пад

Маја Бајалска-Георгиевска

Сопствениците на бизнис-зградите во Скопје јавно не ги објавуваат цените за изнајмување простор затоа што се плашат од конкуренцијата и од нивното намалување, сметаат во агенциите за недвижности


Цените за изнајмување на деловниот простор во Скопје се нетранспарентни затоа што сопствениците на бизнис-зградите и продажниот простор се плашат дека ако јавно ги објават, тоа ќе предизвика нивно намалување. Вака познавачите на пазарот го објаснуваат принципот на работа на газдите на деловниот простор во Скопје, кој консултантската компанија Фортон МКА го оцени како нетранспарентен во својата најнова анализа за пазарот на недвижности.

“Сопствениците на бизнис-зградите не даваат информации за цените доколку не се јави заинтересиран клиент кој се идентификувал со просторот кој се нуди. Иако цените горе-долу се истите и важат за сите, сопствениците не ги објавуваат јавно. Само доколку некој е заинтересиран за условите за конкретен простор, спремаат понуда со цени за конкретниот случај“, вели Александар Иванов, директор на агенцијата за недвижности Адриатик 93.

Тој претпоставува дека причината за ваквата состојба на пазарот на недвижности е стравот од пад на цените на деловниот простор. А тие во делот на бизнис-канцелариите, според анализата на Фортон МКА, веќе се намалени за 9%. Или ако пред една година новите бизнис-канцеларии кои се изградија се издаваа за 20-25 евра за квадратен метар, сега тие се паднати на 15,5 евра. За просторот од класа А веќе се преговара за цени од 10 до 15 евра за квадрат, додека за просториите од класа Б цените на кириите одат од 7 до 12 евра за квадрат.

“Минатата година деловниот простор почна да се издава по повисоки цени, но потоа цените почнаа да паѓаат. Газдите не ги објавуваат јавно цените затоа што се плашат од конкуренцијата, односно ако кажат по која цена го нудат просторот тоа може дополнително да ги намали цените“, вели Иванов.

Според него, ако во Македонија цената за издавање на деловниот простор повеќе зависи од личниот контакт, во регионот тоа не е случај. Компаниите кои поседуваат бизнис-канцеларии и продажен простор во земјите од соседството јавно објавуваат каков простор нудат за конкретна цена.

По масовната изградба на нов канцелариски простор од класа А и класа Б во 2010 година, годинава овој пазар се стабилизира. Вкупната површина на ваков тип канцеларии сега изнесува 249.000 квадратни метри, а очекуваниот годишен раст е 5,3% за 2011 година и 5,8% за 2012 година.

“Пополнувањето на деловниот простор во 2011 година ќе падне за 12% во споредба со минатата година (од 18.400 на 16.360 метри квадратни). Освен Т-Мобиле, другите странски компании ги одложуваат нивните решенија за вселување во нов деловен простор“, пишува во анализата за пазарот на недвижности на Фортон МКА.

Во делот на продажниот простор, вкупната површина во Скопје моментално изнесува 92.400 метри квадратни и ги опфаќа шопинг-центрите, продажните галерии, трговските центри на периферијата и главните шопинг-улици. Аналитичарите на Фортон МКА прогнозираат дека зголемената понуда на продажни локали, кои ќе се испорачат во 2012 година, кога е најавено да бидат готови неколкуте нови трговски центри.

http://www.kapital.com.mk/mk/dneven_vesnik.aspx?arh=1&iId=2378
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #155 Posted: 06-Oct-2011 at 16:51
Повластен данок за станбените згради и становите и во наредните пет години stanbena_zgrada.jpgКако што не информираа од Стопанската комора на Македонија, Собранието на Република Македонија со најновите измени и дополнувања на Законот на данок на додадена вредност, кои се објавени во Службен весник на РМ, Бр. 135 од 3 октомври 2011 година, прифатени се заложбите на Здружението на градежништво при Комората.
Имено, повластената даночна стапка од 5 отсто ќе се применува и кај станбените згради и станови и во наредните четири години, од 1 јануари 2012 до 31 декември 2015 година.

http://www.porta3.com.mk/index.php?option=com_content&task=view&id=3151&Itemid=125
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3576
  Quote axel Quote  Post ReplyReply #156 Posted: 07-Oct-2011 at 12:08

Градежниците се вртат од центарот кон периферијата


Само пооддалечените локации може да одговорат на условите од проектот „Купи куќа, купи стан“, каде што продажната цена на станот не треба да биде повисока од 900 евра по квадрат со пресметан ДДВ

 
 
%20  
Градежни локации оддалечени десетина и повеќе километри од центарот, кои претходно никој не ги ни погледнувал, сега се цел на инвеститорите

Владиниот проект „Купи куќа, купи стан“ ќе ги прошири границите на поголемите градови кон периферијата. Градежни локации оддалечени десетина и повеќе километри од центарот, кои претходно никој не ги ни погледнувал, сега се цел на инвеститорите. Ако до неодамна центарот на Скопје беше хит за градежниците и гаранција за сигурна добивка, сега тоа се Јурија, Ѓорче Петров, Хиподром, Кучевишка Бара, селото Радишани итн.

Ваквиот пресврт се должи на тоа што пооддалечените локации може да одговорат на условите од владиниот проект продажната цена на станот да не биде повисока од 900 евра со пресметан ДДВ. Државата од почетокот на идната година се обврза да субвенционира половина од месечната рата за изградба на куќа или за купување стан за период од пет години, за кредити со максимален износ до 50.000 евра. Интересот кај граѓаните за проектот е огромен, што автоматски ги подгреа апетитите на градежниците, но и на локалните власти.

- Во Центар нема шанси да се постигне таа цена од 900 евра по квадрат бидејќи скапо е земјиштето, комуналиите итн. Другите општини сега треба да имаат интерес и да се усогласат со оваа политика на Владата. Во моментов во Скопје слободни локации има Ѓорче Петров во областа Јурија, во Хиподром, во Бутел покрај обиколницата, во Ново Лисиче и др. Тие може да се вклопат во предвидената сума од 900 евра, бидејќи во овие реони градежното земјиште не учествува многу во цената на станот - вели Никола Велковски, архитект.

Тој смета дека со владината кампања ќе има голем интерес за овие станови и покрај тоа што се оддалечени од градот и со тоа се зголемуваат трошоците за превоз, лекување, образование итн.
- Ако се уредат како станбени комплекси со средена инфраструктура, нема да има никакви проблеми. Сите се концентрираат на Центар, но живеењето на периферија е поквалитетно - нагласува Велковски.
И од општината Охрид потврдуваат дека централниот дел е речиси исполнет и таму цените се над 1.300 евра по квадрат. Слободни локации имало на влезот во градот во областа Даљан, кои сега стануваат атрактивни за инвеститорите. Во општината Гази Баба, пак, неколку пати досега нуделе слободни локации за изградба на згради во Хиподром, но никој не се јавувал. Состојбата сега е сосема поинаква.

- Има зголемен интерес кај инвеститорите и собираме писма со намери. Се истражуваат нови локации и ќе направиме сé што е потребно за да им помогнеме на оние што се заинтересирани да градат - велат од секторот за урбанизам на Гази Баба.

Управувањето со градежното земјиште е дополнителен извор на средства за финансирање на општините, покрај данокот на имот, три проценти од ДДВ и три проценти од персоналниот данок. Сепак досега само осум општини (Битола, Гевгелија, Штип, Пробиштип, Демир Капија, Илинден, Берово и Кочани) целосно ги исполниле условите за самостојно управување со градежното земјиште.

http://www.novamakedonija.com.mk/NewsDetal.asp?vest=10711855205&id=10&prilog=0&setIzdanie=22400
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2944
  Quote Andrej_LJ Quote  Post ReplyReply #157 Posted: 17-Oct-2011 at 09:10
"Тaм, където глупостта е образец, разумът е безумие." Гьоте
Back to Top
build.mk View Drop Down
Senior Member
Senior Member


Joined: 13-May-2010
Online Status: Offline
Posts: 219
  Quote build.mk Quote  Post ReplyReply #158 Posted: 18-Oct-2011 at 23:38
ТЕМА: Цената на деловниот простор во Скопје нереално висока

Канцелариите и продавниците во Скопје ги достигнаа европските цени, иако во главниот град поголем дел од деловниот простор не се гради според пропишаните највисоки критериуми, а големите транснационални корпорации немаат отворено свои претставништва и продавници како во останатите држави од Југоисточна Европа. Деловниот простор во Скопје се продава и изнајмува по нереално високи цени со кои им конкурираме на градовите Софија, Букурешт и Прага, иако инвестицискиот циклус кај нив е неколкукратно поинтензивен.

 

 

Канцеларискиот простор се изнајмува до 20 евра, а малопродажниот простор до 40 евра за метар квадратен

 

Според неодамна објавената анализа на пазарот на недвижнини во Скопје на компанијата „Фортон“, кириите на малопродажниот простор за најдобрите локации во Скопје се движат од 20 до 40 евра за 1 метар квадратен, додека канцеларискиот простор од А и Б класа се нуди по цена од 7 до 15,5 евра за 1 метар квадратен. Во огласите на агенциите за недвижности и јавните огласи во весниците честопати се нудат атрактивни простори за изнајмување во строгиот центар на Скопје и по цена која достигнува до 20 евра за метар квадратен, иако во јавните огласи се нуди и деловен простор за изнајмување по цена од 5 евра за метар квадратен во скопските населби Аеродром, Карпош и Кисела Вода.

 

 

 

Покрај изнајмувањето, по извонредно висока цена се продава канцеларискиот и малопродажниот простор во главниот град на земјава. Деловен простор во Центар и во населбите Аеродром, Карпош и Кисела Вода е речиси невозможно да се купи по цена пониска од 1.500 евра за 1 метар квадратен, а највисока цена држи малопродажниот простор во трговските центри и пешачките зони во строгиот центар на Скопје. Во еден од дневните весници е објавена продажба на деловен простор на вториот кат во ГТЦ на површина од 96 метри квадратни за 2.500 евра за 1 метар квадратен, односно 198 метри квадратни по цена од 1.500 евра за 1 метар квадратен.

 

 

 

Изградбата на проектот „Скопје 2014“ уште повеќе ја зголемува вредноста на локалите во близина на новоизградените објекти. Така на пример, во весниците беше објавен јавен оглас за продажба на два „ексклузивни“ деловни простори во непосредна близина на Порта Македонија по цена од 5.300 евра за 1 метар квадратен. Цената на еден од двата понудени простори ја достигнува цената од 1.563.000 евра за површина од 295 метри квадратни. Во две други понуди се продаваат канцелариски простории во Градски ѕид и во приземје на нова станбена зграда во центарот на Скопје за 1.900 евра, односно 1.500 евра за 1 метар квадратен. Високата цена од 2.000 евра по метар квадратен е присутна и при понудите за продажба на продавници во трговските центри Бисер и Лептокарија.

 

 

Во Прага се нуди поевтин деловен простор од Скопје

 

Вообичаената сума за изнајмување на канцелариски простор во самиот центар на Прага најчесто се движи од 9 до 15 евра за 1 метар квадратен, а во главниот град на Чешка треба да се помачите за да пронајдете поскапа кирија од онаа во Скопје. На пример, канцелариски простор од 102 метри квадратни сместен во близина на најголемиот прашки плоштад Венцеслас се издава за 750 евра месечно, односно 7,35 евра по метар квадратен. Наместена канцеларија од 137 метри квадратни сместена на неколку чекори од Стариот плоштад во Стариот град во Прага се издава за 1.400 евра месечно или околу 10 евра за 1 метар квадратен.

 

 

 

Малопродажен простор во трговските центри во Прага може да се изнајми по помала или идентична цена со онаа за локалите во Скопје. Така, во еден од трговските центри во познатиот Нов град на Прага се издава продавница од 194 метри квадратни за 3.104 евра месечно, односно 16 евра за 1 метар квадратен. Во друга понуда, се изнајмува автентичен чешки ресторан во Стариот град на Прага на површина од 300 метри квадратни за 4.047 евра месечно, односно 13,5 евра по метар квадратен. Во центарот на чешката метропола се нуди и канцелариски простор за продажба, па така канцеларија од 97 метри квадратни во Стариот град на Прага се продава за 188.024 евра или 1.938 евра за 1 метар квадратен.

 

 

 

Сепак, најинтересна е компарацијата на цените на атрактивниот канцелариски простор во Прага и Скопје. Во највисокиот облакодер (City Tower) во Прага и воопшто во Чешка, реконструиран со цел да се понуди канцелариски простор од А – класа, се изнајмуваат канцеларии по цена од 15 до 25 евра за 1 метар квадратен. Во квартот Прага 4, позната околина со највисок раст во изградбата на деловни објекти во чешката престолнина, се нуди канцелариски простор за изнајмување по цена од 8,5 до 16 евра за 1 метар квадратен во новоизградениот комплекс The Park.

 

 

Софија со слични, но сепак со поголема понуда на поевтини цени за деловен простор од Скопје

 

Главниот град на Бугарија нуди речиси исти цени за канцелариски и малопродажен просто како оние во Скопје, со тоа што сепак може да се најде локал во центарот за пониска сума од нашиот главен град. Во центарот на бугарската метропола во старите реконструирани згради може да се изнајми деловен простор и под 5 евра за 1 метар квадратен. Така, канцелариски простор на површина од 419 метри квадратни се издава за 1.500 евра месечно, односно 4,56 евра по метар квадратен. Во друг новоизграден објект во централното подрачје на Софија се нуди канцелариски простор од 300 метри квадратни за 1.800 евра или 6 евра по метар квадратен. Повисока цена достигнува канцеларискиот простор во новоизградените деловни објекти од А – класа, каде вредноста за изнајмување на еден локал достигнува до 20 евра од метар квадратен за месец.

 

 

 

Во центарот на главниот град на Бугарија може да се изнајмат и поевтини продавници од Скопје. На пример, продавница од 450 метри квадратни се изнајмува за 7.000 евра, односно 15,56 евра по метар квадратен, иако истата е сместена во строгиот центар. Луксузна продавница на површина од 190 метри квадратни во комплексот „Жаклин“ на булеварот „Бугарија“ се издава за 3.800 евра месечно, или 20 евра по метар квадратен. Малопродажниот простор достигнува највисока вредност на булеварот „Витоша“, каде 1 метар квадратен корисна површина се нуди по цена од 30 до 60 евра. На околните улици околу овој најпознат софиски булевар се нуди комерцијален простор по цена до 30 евра од метар квадратен.

 

 

 

Во моментов во бугарската метропола се продаваат цели трговски центри и останати комерцијални и деловни објекти кои останаа празни како последица на светската економска криза и енормното градење. Канцеларискиот простор и продавниците во Софија се нудат по цена од 1.000 до 2.000 евра по метар квадратен, иако во новоизграден објект според сите светски стандарди може да се пронајде локал и за сума од 1.500 евра од метар квадратен. Во бизнис центарот „Белисимо“, еден  од повпечатливите нови објекти во бугарската метропола, се продава канцелариски простор од А – класа на површина од 112 метри квадратни за 1.983 евра по метар квадратен.

 

 

Букурешт нуди идентични цени за деловен простор со оние на Скопје

 

Кога станува збор за изнајмување на канцелариски простор, во романската престолнина се нудат цени од 7 до 20 евра за 1 метар квадратен, иако во одделни понуди на романските агенции за недвижности деловен простор од А – класа може да се изнајми и за 12 евра од метар квадратен. Во новоизграден деловен објект во центарот на Букурешт се издава локал за канцеларија на површина од 232 метри квадратни за 12 евра по метар квадратен месечно. Како атрактивна локација се смета и новиот бизнис кварт на романската метропола, каде понудата на канцелариски простор изграден според светските стандарди е најголема. Во еден од објектите од ваков тип се изнајмуваат канцеларии по цена од 12 до 14 евра за 1 метар квадратен.

 

Во однос на продажбата на канцелариски простор, цената на локалите во новоизградените објекти во центарот на Букурешт најчесто се движи помеѓу 1.500 и 2.000 евра од метар квадратен, притоа цените се спуштаат за канцелариите што се нудат во романските населби но и растат над 2.000 евра за оние сместени во објекти во бизнис квартот и во строгиот центар на градот.

 

 

Бојан Блажевски

http://www.build.mk/?p=9830
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10989
  Quote lslcrew Quote  Post ReplyReply #159 Posted: 19-Oct-2011 at 00:52
Ова за мене е само сигнал дека има простор за зголемена изградба на деловен простор. Вака некако текстото останува на тоа дека големата цена се третира како проблем, а генеза и решение нема. Сметам дека е норм,ална појава на пазарот и дека кога има некој да ги изнајми по тие цени, дотогаш ќе ги имаат, ако останат празни ќе им се намали цената. Да не биде дека цело време го спомнувам, но идејата за депопулација на центарот со пренамена на се што е стамбено во деловно доаѓа на некое физибилно ниво и вреди да се размислува, односно од државна сдтрана тоа да не биде никаков интервенционизам на пазарот на анедвижнини туку само обезбедување законска регулатива и за ионака веќе фактичката ситуација на терен, која се повеќе притиска кон едно такво решение.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11543
  Quote Cloverstack Quote  Post ReplyReply #160 Posted: 19-Oct-2011 at 01:57
Зависи кои згради. На пример не може да има никаква елегантна и ефикасна пренамена на градски ѕид (што не значи дека нема да се случи). Да се форсира иселување од центар по секоја цена, единствено тргнувајќи од идеја дека центарот на градот треба да биде исклучиво за бизнис, би направило повеќе штета отколку добро. Исто така, за каква депопулација зборуваме ние, кога дури и такво идеално земјиште за деловен кварт како Маџир Маало, нашите кратковиди (да не речам слепи) планери го таксаа за станбени згради. Од толку празен простор во центарот, на крај ќе се чудиме каде да зацртаме макар некој разумен минимум деловна квадратура. Навика ни е да си ставаме трн во здрава нога... Нема дилема дека во не многу далечна иднина ќе дојдеме до точката кога ќе се јави страотен недостаток на квалитетна деловна квадратура во центарот. Е тогаш под притисок на пазарот можеби и ќе се случи таква голема пренамена на постојни објекти, ама тоа ниту ќе функционира добро, ниту ќе изгледа убаво. Се знае што е деловен објект и се знае какви критериуми и стандарди треба да исполнува.


Back to Top
 Post Reply Post Reply Page  <1 678910 11>

Forum Jump Forum Permissions View Drop Down



This page was generated in 0.172 seconds.

Copyright ©2007 - 2014  build.mk

Коментарите на форумот претставуваат лично мислење на нивните автори и не претставуваат официјален став на build.mk.