Бизнис со недвижности

Нова италијанско-кипарска фирма во бизнисот со недвижности

Светскиот тренд на поевтинување на станбениот простор, предизвикан од финансиската криза, засега нема да ја зафати земјава. Цените на становите, кои годинава скокнаа и за 200 евра за квадратен метар и натаму ќе останат исти, велат од градежните компании.

Ниту намалувањето на кредитните пласмани на банките, ниту зголемувањето на каматите за станбените кредити не влијаат врз градежните фирми да ги продаваат новоизградените станови по пониска цена. Станбениот квадрат моментно е најскап во Скопје, каде што цените се движат од 700 евра во периферијата на градот до 1.400 евра во поатрактивните населби. Цените се нешто пониски во другите градови, но таму побарувачката е многу помала од таа во Скопје. Јавното претпријатие за стопанисување станбен и деловен простор пред извесно време најави дека становите што ги гради ќе ги продава по пониска цена од околу 800 евра за квадратен метар во Скопје, со што ќе ги урне цените на приватните градежни компании.

Од градежните фирми објаснуваат дека финансиската политика на банките нема директно да влијае врз цената на становите бидејќи трошоците за изградба се' уште се големи.

- Со цената што ја нуди Јавното станбено претпријатие не може да се покријат трошоците за изградба, така што не очекувам намалување на цената на квадратот станбен простор. Помалите градежни компании се' повеќе се насочуваат на проекти поврзани со објектите што ги гради Јавното претпријатие. Големите компании се' помалку се одлучуваат да инвестираат во високоградби. Ни политиката на банките нема да влијае врз цената, бидејќи директните инвестиции на градежните фирми во високоградбите се' повеќе се намалуваат- вели Лазо Табаков од Здружението за градежништво при Стопанската комора на Македонија.

Градежните компании и проектантските куќи во следниов период се обврзани да извадат лиценци издадени од Министерството за транспорт и врски, за да може да се занимаваат со таа дејност. Лиценците се предвидени со последните измени на Законот за градењето и ќе бидат задолжителни за сите градежни фирми, проектантски куќи и архитектонски бироа. Министерството ќе ги категоризира фирмите според бројот на вработени, машините со кои располагаат, претходното искуство, бонитетот на компанијата и во зависност од тоа ќе им издаде лиценца. Таа ќе одредува во кои проекти ќе може да учествуваат фирмите и на кои јавни огласи ќе може да се пријават. Градежниците и проектантите сметаат дека зголемените финансиски трошоци што ќе ги имаат поради лиценците нема да придонесат за поскапување на проектите и на финалните објекти.

Министерот за транспорт и врски Миле Јанакиески смета дека со издавањето лиценци ќе се воведе ред во градежништвото.

- Законските измени ќе придонесат за скратување на времето за издавање градежни дозволи. Со нив ќе се разјасни која компанија може да учествува на одредени јавни огласи - вели Јанакиески.

Здружението на градежниците бара во Законот за јавните набавки да постои инструмент со кој македонските компании што се незначително поскапи од странските да имаат предност пред странските при добивањето на јавните конкурси.

- Законот не пропишува такво нешто. Видовте што се случи. Најкапиталниот објект во последниве 10 години, изградбата на обиколницата околу Скопје, ја доби странска компанија. Домашните компании мора некако да се заштитат - вели Табаков.

ИНФО-Лиценца за градење

Цените на становите, кои годинава скокнаа за 200 евра по квадратен метар, и натаму ќе останат исти. Градежните компании не планираат да ги поевтинат становите и покрај тоа што банките ги намалија кредитните пласмани и ги зголемија каматите за станбените кредити. Градежните компании и проектантските куќи во следниов период мора да извадат лиценци од кои ќе зависи во кои проекти може да учествуваат и на кои јавни огласи може да се пријават.

Дневник - Даница Тунтевска - 03.11.2008

Во организација на ГТЗ (Германска агенција за стручна помош), Министерството за локална самоуправа и Агенцијата за странски инвестиции, Општина Аеродром и годинава ја претстави Македонија на 11-тиот меѓународен саем за комерцијални недвижности „Експо Реал 2008“ во Минхен, кој заврши вчера.

Од вкупно 15 проекти, со кои Општина Аеродром изминатиот период конкурираше, проектот за изградба на трговски центар „Порта на Општина Аеродром“ предвиден во Деталниот урбанистички план за локалитетот „Црква УЕ Б“ е избран како еден од најатрактивните проекти за инвестирање во Република Македонија.

Покрај изградбата на трговскиот центар „Порта на Општина Аеродром“, во рамките на истиот комплекс ќе се градат уште и 47 станбени згради, катна гаража, како и образовни институции.

Претставници од Општина Аеродром од објективни причини не присуствуваа на саемот, но проектот го презентираше ГТЗ, за што Општина Аеродром обезбеди макета и видео презентација.

Инаку, Општина Аеродром годинава по втор пат ја претстави Македонија на најголемиот саем за инвестиции во Европа, откако минатата година се претстави со проектот за административно-деловен објект (општинска зграда). Поголем дел од проектите што Општина Аеродром ги поднесе се содржани во брошурата за инвестиции во Република Македонија, што се делеше на саемот заедно со другите материјали.

www.aerodrom.gov.mk - 10.10.2008

GM сега се запнав да побарам, мислам дека оваа е онаа статија што ја имаше pbanks скенирано Никнуваат бизнис згради низ цело Скопје! - Капитал - 25.09.2008 има и во новиот број сличен наслов, но сеуште не е последниот број достапен на нет Новите бизнис згради во Скопје - Капитал - 11.12.2008

патем чисто информативно кажи ми како стои Македонската заедница во Австралија со инвестирањето во недвижности, има некој Македонец што вложува во градежништвото или пак што е доминантен сопствен во некоја градежна компанија?! исто како се платени градежните работници во Австралија - инжињери, проектанти, мајстори, физички работници? колку се исплати да се оди денес на печалба во градежниот сектор во Австралија, знам порано било многу платено имам дедо кој во 50тите има работено за добри пари по хидроградби(брани) по Австралија... 

Re/MAX ќе отвара канцеларии во Македонија и Албанија