Универзална сала

Мој предлог е да се вика "Златна бубамара" и онака таа е најпосетена манифестација во тој објект долги години, а и онака личи новиот објект како таков

Originally posted by Skopjanecot Originally posted by xnx bas taka, zosto ne moze ednostavno da si se vika Univerzalna Sala i tolku? bez heroi, bez pejaci, bez rodnini na aleksandar veliki. aman! Затоа што кај нас сѐ мора да почнува од почеток. Дури и барокот се "ре-измислува". Од традиција немаме ни "Т". Ако можеше "Железничка" улица да стане "Јордан Мијалков" или "Водњанска" - "Мајка Тереза", тогаш и Универзална Сала може да биде "Тоше Проески"...иако ова е далеку помало зло во однос на претходниве vis-a-vis рушењето на урбаната традиција. Секој што доаѓа на власт се однесува како традицијата да почнува од него...жално и бедно, али што е - тука е. Сите носиме колективна одговорност за тоа што ни се случува.

тоа е тоа, судбината на Скопје... бришење на старото, изградба на новото... без никаков градежен континуитет, а и како што викаш ти, урбана традиција
затоа и не ја сакам целава работа со Ск2014 и со проектите пред него... некаде до 2010 година бев барем задоволен и надежен дека грешките од минатото ќе се поправа и ќе се излезе на прав пат, ама на градов очигледно му е судено на на секои 10 до 50 години, да добива нов диктатор

Дали некој знае во оваа стара фотографија, чиј е овој споменик напред и кога и по кој повод е направен. Изгледа премногу класично за во тоа време

Мене ми изгледа на остаток од стариот театар

Универзална сала ги живее последните месеци
26.07.2014 - 10:08:04
    
Во наредните осум месеци ќе се изработува проектот за новиот објект на Универзалната сала, соопштија надлежните од Министерството за култура. За потребите на основниот проект министерството предвиде 270.000 евра без ДДВ, пишува Дневник.


По неговата изработка, ќе следува ревизијата, а потоа ќе биде распишан тендер за изведувач на градежните работи. Тоа значи дека почетокот на изградбата нема да биде до крајот на оваа година, иако лани во декември министерката Елизабета Kанческа-Милевска беше оптимист и за таква можност доколку се тече според планот.
Новиот објект е предвидено да биде мултифункционален и ќе има речиси двојно поголем капацитет отколку старата сала, од 2.500 до 3.000 седишта. Ќе има и мала сала за камерни изведби со 200 до 300 седишта, а исто и придружна помала сала за камерни изведби за 300 луѓе, како и административни простории. Салите ќе бидат акустични и организациски разделени, па во нив ќе може истовремено да се случуваат различни настани.

Според министерката Kанческа-Милевска, изгледот на новата Универзална сала е храбро архитектонско решение, кое со својата визуелност и инвентивност ќе претставува нова атракција во скопското урбано милје. Министерството одлуката за уривање ја донесе кога со помош на експерти беше констатирано дека повеќе пари ќе се потрошат на реконструкција на постојниот руиниран монтажен објект одошто за изградба на нов, со поголем капацитет како за посетителите така и за администрацијата.

Универзалната сала почнала да работи на 1 јануари 1966 година. Проектот е од Бугарија, а објектот е монтажен и од привремен карактер, купен со парите од државите што се солидаризираа со скопската катастрофа од 1963 година.

Од своето отворање во 1966 година, па до денеска јавната установа била домаќин на 7 милиони посетители на 5.000 настани, информира раководството.
http://www.skopjeinfo.mk/gradot/1196743821/univerzalna-sala-gi-zivee-poslednite-meseci

Според мене ваков објект како што е проектиран жално е да се збута на локација каде што сега е Универзална. Кога јас би се прашувал универзална би ја реновирал и би ја оставил за некој си алтернативни настани. А новата сала би ја градел или покрај Вардар некаде спроти Стадионот или би ја направил на Кале во близина на музејот за современа уметност. Во секој случај на место каде што ќе има повеќе простор и ќе може поубаво да се среди околината и да се понуди поубав поглед кон самата сала.

јас мислам дека поголем проблем е дизајнот на самата сала, отколку нејзината локација... наместо конфигурација на универзална сала, тие ќе прават класична театарска сала со тераси, а тоа е катастрофално решение
паркинг и катна гаража може да има во самиот објект, тоа е најмал проблем, сериозно многу забораваме дека најпаметно е секој објект да има своја гаража за сопствените потреби, отколку да расфрламе драгоцен простор на гаражи и паркинзи

а ако збориме за принудна промена на локација, немаше да има поидеална локација од онаа на комплексот на МОБ, или барем во негова непосредна близина, ама ете, некој имал друга очигледно бескорисна замисла за тој простор

 
Добра ти е споредбата.
 
Очигледно треба со закон да се регулира архитекти едуцирани во странство да ги дизајнираат јавните објекти, не само од културен и забавен карактер, туку и од административен карактер.
 
А Архитектонскиот Факултет при УКИМ очигледно треба да се укине, исто како што треба да се укинат и ФФМ, МРТВ, МАНУ и бројни други таканаречени институции кои од поодамна се покажаа и докажаа како непотребни.
 
Патем, добредојде на форумов.

Ова што ќе се гради нема да биде универзална сала.

Ќе се створи оперски амбиент, со оперска конфигурација на трибините, балконите.




За споредба, еве ја универзална:


Дибидус идиот го проектирал ова, сега забележав, како може да стави скалите да одат централно, каде што треба да се најубавите седишта...
Јас разбирам и школо и архитектура и се, ама кога некој нема осет, нема...

И уште еден ЕДИТ, кога ќе го изградат ова, ќе се створи шанса да го минираат МОБ.

Edited by Bojan10 - 19-Oct-2014 at 18:10

Ама не е универзална салаа! Како не разбираш?
Скопје губи универзална сала, а добива уште една оперска. За мене, ова е промашен проект.

Дали објектот е модерен и за регионални услови, нека зборуваат другите.