Универзална сала

Како не се запали и нашава па да се решиме од тоа ругло у центар на град?!

Инаку многу личи на Скопската универзална, дури и на последната слика пожарните камиони личат на скопските двокатни автобуси!

Инаку сум слушнал дека е некаква донација од Бугарија после земјотресот, или па само проектот е донација, ама нешто беше поврзана Бугарија со скопската Универзална Сала, ама не сум знаел дека е копија на софијскиот циркус.

Edited by user8642 - 06-Jun-2020 at 19:32

УНИВЕРЗАЛНА САЛА ДА СЕ ГРАДИ НА ДРУГА ЛОКАЦИЈА, НА НЕЈЗИНО МЕСТО ДА СЕ НАПРАВИ ПАРК, ПРЕДЛАГА АСОЦИЈАЦИЈАТА НА АРХИТЕКТИ


Една од локациите за кои се размислува е просторот каде се наоѓаат стаклениците на ЈП „Паркови и зеленило“


Новата Универзална сала да се гради на друга локација бидејќи според предвидената големина, објектот е несоодветен за постојната, предлагаат од Асоцијацијата на архитекти на Македонија. Откако градоначалникот Петре Шилегов најави дека ја почнува постапката за изградба на нова концертна сала, дека постојната ќе се урива и ќе се гради објект според нов проект, архитектите предложиле да се размени за други локации.

Претседателот на Асоцијацијата на архитекти Мартин Пановски за САКАМДАКАЖАМ.МК вели дека она што се бара во програмата на новата Универзална сала е преобемно за оваа локација. Станува збор за густо изградел дел од градот, со булеварот Партизански одреди од една страна, од каде нема да може да се изведе влез во подземен паркинг. Од другата страна пак е улицата 29 Ноември која е тесна, со две сообраќајни ленти и нема да може да ги задоволи потребите за пристап кон ваков тип на објект. При секој концерт или настан ќе се создава хаос во сообраќајот, но ќе биде попречено и движењето на пешаците и локалните жители.

„Само реновирање на Универзална сала би чинело многу, па затоа според програмата на Градот се предвидува да се урне постојниот објект и да се гради поголем. Но, оваа локација е тотално несоодветна за такво нешто. Самата инфраструктура е премала за таков објект кој треба да прими голем број луѓе. Исто така во овој дел имаме големо движење на граѓани од населбите Капиштец и Буњаковец кон Дебар Маало и Градски парк. Од друга страна пак, постојано се зборува за потребата од нови паркови и зелени површини, па оваа локација може да прерасне во парк. Притоа нема да има никаков проблем за тоа бидејќи парцелата е државно земјиште. Значи не зборуваме за идеи да правиме паркови на приватни парцели, кои се нереални да се остварат“, вели Пановски.

Од Асоцијацијата на архитекти како прва варијанта каде може да се гради новата Универзална сала на Скопје, го предлагаат делот кај Спортскиот центар „Борис Трајковски“. Станува збор за просторот зад бензинската пумпа на „Макпетрол“ и салонот на „Хонда“ во Карпош 3. Според архитектите овој простор е соодветен бидејќи туку веќе се изградени вакви содржини и би се добила една целина, спортски објект, базен, хотел и концертна сала.

„Ја разгледувавме и идејата за просторот кај стаклениците на ЈП ‘Паркови и зеленило’ во Карпош, што е во близина на крајниот дел од Градски парк. Тоа не значи дека ќе се уништи паркот или зеленилото туку самиот објект да биде во паркот. Ова се само првични размислувања, ние ќе бидеме отворени за разни дискусии, каде е најдобро да се направи новата Универзална сала.“, вели Пановски.

Од Асоцијацијата сметаат дека и за новата Универзална сала и за паркот кој би се правел на местото на постојниот објект треба да бидат распишани конкурси за избор на идејно решение.

Универзална сала е затворена 5 години, односно од 10 март 2015, кога на партиската трибина лидерот на СДСМ Зоран Заев ја пушти бомбата број 8 за изборни измами. По завршување на трибината на Заев, парче од таванот се откорна и падна врз седиштата. Тоа беше причина да се одложат сите планирани настани во Универзална, а одговорните тогаш одлучија место да го санираат само таванот, да се почека целосната обнова на салата.

Тогаш беше актуелен проектот објавен во декември 2013, според кој салата требаше да се урне, а на нејзино да место да се изгради целосно нов објект во форма на јајце. Новата сала требаше да се гради според проектот на архитектите Стојан Павлевски и Иван Симеонов од „Стоун дизајн“, со голема сала со 2.500 до 3.000 седишта, мала за камерни изведби со околу 300 места и административни простории. Овој проект едногласно го избра деветчлена стручна комисија, под претседателство на архитектот Вангел Божиновски.

Во јануари 2015, Универзална сала беше преименувана во Конгресен центар Александар Македонски.

Но, во март 2016, од финансиски причини беше откажана изградбата на салата во форма на јајце, а Министерството за култура најави дека обновата на Универзална ќе биде по проектот од пред десетина години на „Архангел бојс“, според кој се задржува сегашниот изглед, но салата се надградува со застаклена галерија околу целиот објект и се зголемува бројот на седишта за 200.

Со доаѓањето на градоначалничката функција на Петре Шилегов ѝ беше вратено името Универзална сала, а со Министерството за култура беше потпишан договор за изградба на салата, односно парите да бидат обезбедени од Владата. Лани во декември Шилегов најави дека е обезбедени првиот дел од парите од Владата и заедно со Асоцијацијата на архитекти и Архитектонскиот факултет ќе работат на нов проект за Универзалната сала оти оние кои ги наследил од неговиот претходник Коце Трајановски, не чинеле.

А. АНТЕВСКА

https://sdk.mk/index.php/dopisna-mrezha/univerzalna-sala-da-se-gradi-na-druga-lokatsija-na-nejzino-mesto-da-se-napravi-park-predlaga-asotsijatsijata-na-arhitekti/

https://www.facebook.com/bunjakovets/

ГРАД СКОПЈЕ РАСПИША КОНКУРС ЗА ПАРК СО ЛЕТНА СЦЕНА НА МЕСТОТО НА УНИВЕРЗАЛНА САЛА

Град Скопје објави конкурс за избор на идејно решение за парк на местото на Универзална сала. Откако Асоцијацијата на архитекти на Македонија предложи новата Универзална сала да се гради на нова локација, а на постојната да се направи парк, Град Скопје ја почна постапката за реализација на оваа идеја. Во конкурсот се бара на просторот покрај парк да биде предвидена и отворена летна сцена, со што на овој простор и во иднина ќе можат да се одржуваат концерти и други настани.

Во конкурсот стои дека дизјанот на предложените решенија треба да се одликува со функционалност и применливост, односно да се дизајнира простор кој во естетска смисла ќе стане препознатлив белег на градот, односно ќе го облагороди просторот и со своите содржини ќе ги привлече граѓаните активно да го користат. Предложениот дизајн треба да одговори на потребите како на граѓаните од станбената населба која се наоѓа околу локалитетот така и на сите граѓани во Скопје, да ја зголеми вредноста на просторот и да се вклопи во околината. Пред сè потребно е просторот да биде корисен, функционален и одржлив, што би се остварило преку очекувани оригинални, креативни и иновативни идеи.

„Со цел да се задржи духот на местото и овој простор да продолжи да живее во колективната меморија, препорачуваме авторите во своите конкурсни трудови да направат дизјан кој ќе има елементи на реминесценција на постојната Универзалната сала или како опција дозволено е да се искористат делови од постоечката Универзална сала, како од надземните така и од подземните делови на објектот, со што би му се искажала почит кон стариот објект“, велат од Град Скопје.

Претседателот на Асоцијацијата на архитекти Мартин Пановски на 13 јуни за САКАМДАКАЖАМ.МК изјави дека на Град Скопје му предлагаат Универзална сала да се гради на друга локација, оти она што се бара во програмата е преобемно за оваа локација. Пановски вели дека станува збор за густо изграден дел од градот, со булеварот Партизански одреди од една страна, од каде нема да може да се изведе влез во подземен паркинг. Од другата страна, пак, е улицата 29 Ноември која е тесна, со две сообраќајни ленти и нема да може да ги задоволи потребите за пристап кон ваков тип на објект. При секој концерт или настан ќе се создава хаос во сообраќајот, но ќе биде попречено и движењето на пешаците и локалните жители.

Од Асоцијацијата на архитекти како прва варијанта каде може да се гради новата Универзална сала на Скопје, го предлагаат делот кај Спортскиот центар „Борис Трајковски“. Станува збор за просторот зад бензинската пумпа на „Макпетрол“ и салонот на „Хонда“ во Карпош 3. Според архитектите, овој простор е соодветен бидејќи туку веќе се изградени вакви содржини и би се добила една целина, спортски објект, базен, хотел и концертна сала.

„Ја разгледувавме и идејата за просторот кај стаклениците на ЈП ‘Паркови и зеленило’ во Карпош, што е во близина на крајниот дел од Градски парк. Тоа не значи дека ќе се уништи паркот или зеленилото туку самиот објект да биде во паркот. Ова се само првични размислувања, ние ќе бидеме отворени за разни дискусии, каде е најдобро да се направи новата Универзална сала“, рече Пановски.

https://sdk.mk/index.php/dopisna-mrezha/grad-skopje-raspisha-konkurs-za-park-so-letna-stsena-na-mestoto-na-univerzalna-sala/

https://skopjeinfo.mk/park-so-letna-scena-na-mestoto-na-univerzalna-sala

Ок, само желби, размислувања, си прават муабет во кооперација луѓево.

Овој конкурс е распишан во случај доколку објектот на Универзална сала се гради на друга локација, за што е потребно време, на пример од три години, да имаме решение според кое би се осмислил просторот кај Универзална сала и би се уредил, зазеленил, наместо, за толкав период да гледаме како пропаѓа објектот. Тоа се процеси кои одат паралелно и траат долго време – истакна Наумовски.

Што знам, би поддржал и изградба на поголема реплика на друга локација, како Треска на пример. Но нема некој голем бенефит. Најубаво на истата локација да се изгради повторно, со нешто поголем габарит и модерни материјали нормално. Две подземни паркинг нивоа, евднтуално пристап од Партизанска и тоа е тоа. Само рушење на објектов е недозволиво.

Ovde moze se da ima samo park ne... duri i da go napravat nema da trae dolgo.
Ocigledno deka postoi nekoja "nevidliva" sila koja vrsi pritisok za rusenje i preimenuvanje na gradbata koja podoсna lesno ke se pretvori vo stanben kompleks.

НЕЦИВИЛИЗАЦИСКИ ЧИН, ДА ЈА ГУШНЕМЕ, ШИЛЕГОВ ДА НЕ ЈА ЧЕПКА: Граѓаните револтирани за Универзална сала

Нецивилизациски, да рушиш објект од времето на гестовите на солидарност? Бесмислица! Ајде да протестираме! Да ја гушнеме! Градежна мафија - ова се само дел од многуте коментари на нашата објава дека Град Скопје објави Конкурс за идејно решение за летна сцена со парк на местото каде сега се наоѓа Универзалната сала во Скопје. Додека градоначалникот Петре Шилегов вели дека идејата доаѓа од фелата и треба да се разгледа, граѓаните се револтирани. Бараат да се престане со овој проект кој всушност значи и дека старата Универзална сала наместо да се реновира ќе се руши. Инаку идејата на местото на старата Универзална сала да се гради нов поголем објект пред една година ја одбија архитектите кои сметаат дека таков грандиозен проект треба да се прави на друга локација во градот. Сепак, ова ново решение ги зовре реакциите. Граѓаните не веруваат дека намерите се искрени. Бараат салата да не се чепка.

„Универзална им беше симбол за пред последните локални избори, па ветуваа секоја година, еве само што не сме почнале со реновирање имаме пари, сега викаат - руши ја.

Се прашува човек, ќе дојде утре време за МСУ да се реновира, тој денес им е омилен за партиски трибини, што би правеле тогаш, би го рушеле? Некоја убава летна сцена како би легнала таму ко видиковец. И ќе излезе некој паметњакович и ќе каже: Абе Универзална нема везе, времен објект беше, и онака ќе се рушеше, не вреди ко другите. Ако служела преку 50 години, и станала културен симбол на градот, и ако е дотраена до степен да не може да се реконструира, а нема што не може, изгради ја од ново, ќе трае уште 50 години, вели аналитичарот Ивор Мицковски.

Овој простор со Генералниот урбанистички план и со ДУП е со намена култура, па затоа мора да биде ставена и мала летна сцена, додека останатиот дел од просторот ќе биде парк. Летната сцена треба да биде со 150 седишта и да зафаќа површина од околу 400 квадратни метри, а останатото ќе биде парк.

Мартин Пановски, претседател на Асоцијацијата на архитекти на Македонија за Фактор вели дека останува на своето убедување дека на тоа место не смее да има поголем објект.

„Тој објект е пет години затворен и нефункционален. Не може да се остави статус кво, а а ако се планира да се гради според намената, треба да се дислоцира, затоа што на тоа место нема капацитет за поголелем објект. Ние сите имаме носталгија за објектот, но сепак треба да се земе предвид и дека сега зјае празен. Не знам дали реновирањето е опција затоа што тоа треба да го одговори градот, односно тоа зависи од парите кои треба да се обезбедат.

Фактор веќе објави дека е објавен конкурс за избор на идејно архитектонско и хортикултурно решение за отворена летна сцена со парк „Универзална“. Колку ќе чини реализацијата на проектот не се открива во огласот, затоа што сега се избира идејното решение. За тие кои ќе го понудат се предвидени награди, односно 180.000 денари за првонаграденото решение, 120.000 за второт и 60.000 денари за третонаграденото решение. Идеите треба да се достават до 28 август годинава.
Нецивилизациски, да рушиш објект од времето на гестовите на солидарност? Бесмислица! Ајде да протестираме! Да ја гушнеме! Градежна мафија - ова се само дел од многуте коментари на нашата објава дека Град Скопје објави Конкурс за идејно решение за летна сцена со парк на местото каде сега се наоѓа Универзалната сала во Скопје. Додека градоначалникот Петре Шилегов вели дека идејата доаѓа од фелата и треба да се разгледа, граѓаните се револтирани. Бараат да се престане со овој проект кој всушност значи и дека старата Универзална сала наместо да се реновира ќе се руши. Инаку идејата на местото на старата Универзална сала да се гради нов поголем објект пред една година ја одбија архитектите кои сметаат дека таков грандиозен проект треба да се прави на друга локација во градот. Сепак, ова ново решение ги зовре реакциите. Граѓаните не веруваат дека намерите се искрени. Бараат салата да не се чепка.

„Универзална им беше симбол за пред последните локални избори, па ветуваа секоја година, еве само што не сме почнале со реновирање имаме пари, сега викаат - руши ја.

Се прашува човек, ќе дојде утре време за МСУ да се реновира, тој денес им е омилен за партиски трибини, што би правеле тогаш, би го рушеле? Некоја убава летна сцена како би легнала таму ко видиковец. И ќе излезе некој паметњакович и ќе каже: Абе Универзална нема везе, времен објект беше, и онака ќе се рушеше, не вреди ко другите. Ако служела преку 50 години, и станала културен симбол на градот, и ако е дотраена до степен да не може да се реконструира, а нема што не може, изгради ја од ново, ќе трае уште 50 години, вели аналитичарот Ивор Мицковски.

Овој простор со Генералниот урбанистички план и со ДУП е со намена култура, па затоа мора да биде ставена и мала летна сцена, додека останатиот дел од просторот ќе биде парк. Летната сцена треба да биде со 150 седишта и да зафаќа површина од околу 400 квадратни метри, а останатото ќе биде парк.

Мартин Пановски, претседател на Асоцијацијата на архитекти на Македонија за Фактор вели дека останува на своето убедување дека на тоа место не смее да има поголем објект.

„Тој објект е пет години затворен и нефункционален. Не може да се остави статус кво, а а ако се планира да се гради според намената, треба да се дислоцира, затоа што на тоа место нема капацитет за поголелем објект. Ние сите имаме носталгија за објектот, но сепак треба да се земе предвид и дека сега зјае празен. Не знам дали реновирањето е опција затоа што тоа треба да го одговори градот, односно тоа зависи од парите кои треба да се обезбедат.

Фактор веќе објави дека е објавен конкурс за избор на идејно архитектонско и хортикултурно решение за отворена летна сцена со парк „Универзална“. Колку ќе чини реализацијата на проектот не се открива во огласот, затоа што сега се избира идејното решение. За тие кои ќе го понудат се предвидени награди, односно 180.000 денари за првонаграденото решение, 120.000 за второт и 60.000 денари за третонаграденото решение. Идеите треба да се достават до 28 август годинава.

https://faktor.mk/necivilizaciski-chin-da-ja-gushneme-shilegov-da-ne-ja-chepka-univerzalana-sala-gi-zovre-gragjanite-

Си има луѓе приврзани за универзалната...

Edited by David - 28-Jul-2020 at 14:07