Декстер не ги потценувај луѓето те молам, ако можат да смислат барокна фасада на ГТЦ, можат да смислат и на МОБ, прашање е само времето...
зошто да градиш нов објект кога можеш да упропастиш веќе постоечки, нели?

Знам дека нема шанси да се случи но пресреќен би бил кога изработувачот на проектот би укажал дека на местото на сегашната сала едноставно ниту има простор а ниту пак просторот е погоден за ваков репрезентативен и атрактивен објект.

Има посебна нишка за преименување улици и објекти, и претходната дискусија е префрлена таму.

http://www.build.mk/forum/forum_posts.asp?TID=370&PID=188174#188174

Идеална локација, според мене, би била кај празната парцела до спортската сала Борис Трајковски. Има доволно простор за поголемо здание, за паркиралиште, околу салата нема многу станбени згради, па вревата од гужвите не би им пречела многу на граѓаните, а целиот тој спортско-рекреативен комплекс би се комплетирал и со објект со културна намена. Освен тоа, самата Универзална сала (без разлика каков облик и изглед ќе има) ќе биде повидлива одошто на сегашното старо место. И тука се наоѓа хотелот Александар Палас, каде што ќе може да се сместуваат гостите што ќе доаѓаат.

Edited by Џоле - 14-Jan-2015 at 09:24

НИ ТОШЕ, НИ АЛЕКСАНДАР, САМО УНИВЕРЗАЛНА САЛА

„Ни Тоше, ни Александар, само Универзална сала и никако поинаку“. Вака Петар Алексовски-Пепо го брани ставот да остане името на објектот кој повеќе од 50 години опстојува и е препознатлив не само во Скопје туку и на целиот Балкан. Пепо е пензиониран професор по физичка култура и еден од тројцата кои биле директно вклучени во почетоците на изградбата на Универзална сала и е кум на името кое опстојува повеќе од половина век.

„Веднаш по земјотресот бевме повикани од претседателот на тогашното Собрание, Благоја Попов, заедно со колеги од секторот за култура, Кузман Ѓорѓиевски и Нада Никулска-Ношпал и добивме задача да видиме што нудат Владата и народот на Бугарија како подарок на Скопје во спомен на загинатите во катастрофалниот земјотрес. Бугарите сакаа да изградат објект што ќе му остане на градот. Кога се поставуваа контурите на објектот, ние констатиравме дека освен за културни манифестации, тој може да се користи и за спорт. Бидејќи во земјотресот беа уништени повеќе од 90 проценти од постојните спортски објекти, па немаше никаква можност да се спортува. Затоа, повторно разговаравме со Бугарите да видиме дали може сцената на објектот некако да се прошири за да може да се одржуваат и некои спортски дисциплини. Така, се направи интервенција во проектот и салата се прошири“, се потсетува Алексовски на почетоците на изградбата на Универзална сала.

Тој вели дека Градот Скопје морал да учествува во изградбата со 10-15 милиони тогашни динари, а целиот објект чинел околу 60 милиони динари. Спортските работници веднаш му посочиле на Благој Попов дека салата ќе се користи за разни потреби и дека практично ќе биде универзален објект, а тој се согласил.

„Иако имаше мал отпор од Советот за култура на Градското собрание, во тоа време високи југословенски функционери од Македонија, како што беше Мане Чучков се согласија. И, така, сите прифатија дека градиме универзална сала“, вели Алексовски.

Откако бил изграден објектот на сцената се одржал првиот натпревар на солидарноста, двомеч во гимнастика меѓу Украина и Југославија. Од тогаш почнале да се одржуваат разни спортски манифестации, тренинзи, натпревари во мечување, бокс, борење, пинг-понг... Подоцна и други влади почнале да даваат пари за изградба на спортски објекти. Франција донирала за изградба на Домот „Наум Наумовски-Борче“, познат како сала „Партизан“ во Карпош, Белгија и Холандија ја граделе салата во Чаир, а истовремено на кошаркарското игралиште на „Работнички“ во Градски парк била изградена спортската сала. Во Аеродром, пак, салата била изградена со самопридонес... Така, постепено спортските активности се префрлиле во спортските објекти, а Универзална сала останала за културни и музички манифестации.

„Мене со Универзална сала ме врзуваат многу големи емоции. Ова сега е безумие. Непромислени и избрзани потези на некои што сакаат да остварат одредени цели преку разни форми и тоа преку објект изграден ’врз коските‘ на оние над илјада души што настрадаа во земјотресот. Некоректно и нечовечки е сега да се урива објектот на кој можеше да се направат интервенции и да остане како што е. А, особено нехумано е да се дава нечие име. Со сета почит и кон Тоше Проески, мислам дека им даваме преголема чест на покојните. Објектот треба да си остане Универзална сала, бидејќи е голем паметник запишан во историјата на Скопје, на генерациите кои се сеќаваат на она што го снајде градот во 1963 година“, емотивно вели Пепо

Според него, ако некој сака да направи чест некому, има одврзани раце да го стори тоа во многубројните објекти од „Скопје 2014“. Вака, како што вели, се девалвира и името на Тоше, да му дадат некоја сала во еден дел од објектот. Уште помалку името Александар Македонски, по кој се именувани најголемите инфраструктурни објекти во државава.

Името на Тоше е многу поголемо од една сала

„Ние како Фондација ’Тоше Проески‘ сметаме дека целиот објект треба да го носи името на нашата музичка ѕвезда и да се вика Конгресен центар ’Тоше Проески‘. Името на Тоше е многу поголемо од тоа некој си ходник, или сала да биде именувана по него.“

Ова е ставот на Фондацијата „Тоше Проески“ околу преименувањето на Универзална сала во „Александар Македонски“ наместо во „Тоше Проески“, како што беше првично одлучено. Од таму појаснуваат дека надлежните ги контактирале пред да биде донесена одлуката на Градот Универзална сала да го носи името на Тоше, а Фондацијата ја поддржала идејата. Тогаш никој воопшто не им спомнал дека така ќе се вика само една сала, туку сите мислеле дека станува збор за преименување на целиот објект.

Од Фондацијата се' уште немаат одлучено што ќе преземат понатаму околу овој проблем. За своите понатамошни чекори дополнително ќе известат.

http://www.utrinski.mk/?ItemID=941355C7336FE64FB26CD63CAB490400

Навистина имало оштетување на покривот на Универзална сала, или прозорците не дихтуваат како што беше во случајот со зградата на владата ?
 
Изградбата на јајцето, фала му на Бога, и понатаму останува неизвесна и дај Боже никогаш да не стане реалност, но познавајќи ги нашинциве, и без јајце ќе се потрудат да го уништат овој објект.
 
На Интернет страницата кон која води наредниот линк, е објавен и видео клип, поврзан со конкретната статија.
 
http://www.telma.com.mk/vesti/dozhdot-ja-zatvori-univerzalna-sala
 

Дождот ја затвори Универзална Сала

 

(12.03.2015)     Универзалната сала во Скопје се затвора на неодредено време. Се откажуваат сите концерти кои требаше да се одржат во претстојниот период. Од Конгресниот центар „Александар Македонски“, како што е новото име на стариот објект, информираат дека причина за затворањето е оштетување на внатрешниот дел од покривната конструкција, до кое дошло како последица на обилните дождови во последните неколку месеци. Во салата може да се види дека дел од покривната конструкција е паднат врз седиштата. - Повикани се надлежните институции за да се констатира моменталната состојба и да се најде соодветно решение. Од тие причини, приморани сме сите закажани манифестации да ги откажеме се` додека не се создадат услови за понатамошна работа, се вели во соопштението на ЈУ Конгресен центар „Александар Македонски“.   До крајот на март во салата требаше да се одржат концерти на српскиот бенд Рибља Чорба, македонските музичари Влатко Стефановски и Васко Атанасовски, пејачот Момо Николовски, како и детскиот фестивал Поточиња. Влатко Стефановски вели дека е изненаден од ваквиот тек на настаните и најавува дека концертот ќе се одржи во планираниот термин на 21 март, најверојатно во Домот на АРМ. - Ние се` уште немаме сериозен концертен простор. Универзална сала е дотраена, новата филхармонија не е изградена. Театрите се за театар, спортските сали се за спорт. Ние немаме сериозна акустична сала каде што некој акустичен оркестар би прозвучел како што треба. Кога се градат спортски сали, никој не размислува за звукот. Кога се градат театри, никој не размислува дека таму некој треба да свири концерт така што ние музичарите кои сакаме да свириме концерти сме ставени ни ваму, ни таму, ни изјави Стефановски.   Последен настан што се одржа во универзалната сала беше собирот организиран од СДСМ на кој беа објавени аудио снимки од аферата „Бомба“. Информациите говорат дека делот од покривната конструкција паднал истата вечер само неколку часа по завршувањето на настанот. Универзалната сала почнала да функционира на 1 јануари 1966 година односно во неа се одржуваат разни настани речиси 50 години. Изградена е по земјотресот со финансиска помош од 35 држави, а монтажниот објект е набавен од бугарска компанија. Власта во неколку наврати најавуваше дека објектот целосно ќе се реконструира, но според последната одлука универзалната сала целосно ќе се урне, а на нејзино место треба да се изгради нов концертно-конгресен центар во форма на јајце.   Мирко Трајановски

Edited by Dexter26 - 12-Mar-2015 at 19:27

Originally posted by Џоле Видов слики на кои се гледа дека паднал дел од таванот врз седиштата, но откако салата се испразни по вчерашниот настан (со бомбите), па не верувам дека има политичка заднина во затворањето на Универзална сала, туку повеќе би рекол дека има безбедносни причини за тоа.

моите стравови од детството конечно се остварија, за жал... и за среќа, никој не е повреден

Originally posted by fichot 405.000 ЕВРА ЗА ПРОЕКТОТ НА УНИВЕРЗАЛНА САЛА http://www.vest.mk/default.asp?ItemID=CC2EB250B336BE4588CC9EF5DAF0E540 „целиот објект ќе го носи името Конгресен центар Александар Македонски. Големата концертна скала, пак, ќе го носи името Тоше Проески, а помалите мултимедијални сали Мајка Тереза и ВМРО. Предвидено е во новиот објект да функционираат и конгресни и билатерални сали. Планот на надлежните е конгресните сали да се крстат по Гоце Делчев, Тодор Александров, Методија Андонов - Ченто и по Борис Сарафов, а билатералните сали да се викаат Панко Брашнаров, Кочо Рацин, Григор Прличев, Димитрие Чуповски, Крсте Петков - Мисирков и Браќа Миладиновци.“

Многу фама околу имиња на сали, никој нема да ги памти воопшто, а и самата сала за сите нас Скопјани ке си биде Универзална сала.

Среќа сепак јајцето има лоша локација. Култузин има право за новата локација.. Одлично ќе беше тамам повеќе простор, паркче и пешачка зона наоколу супер ќе беше..

Ја би ја срушил и би направил парк со еден помал, модерен објект за горенаведените потреби.

Иначе идеЈата за поголема сала карши стадионот ми се допаѓа.

-------

рендерон од роџер...