Универзална сала

Околу прашањето дали со реконструкцијата ќе се зголеми и капацитетот на салата, досега информациите беа контрадикторни, во едни изјави се најавуваше дека ќе се додадел уште некој ред, во други дека зголемување на капацитетот било невозможно, што ако има подготвен проект веќе би требало да биде сосема јасно и многу прецизно колкав ќе биде капацитетот, ама господ ги знае што прават...

А за решавање на паркирањето најпрвин нели беше планирано тоа да биде со катна гаража:
http://www.build.mk/forum/forum_posts.asp?TID=589

...ама откако и оваа катна гаража магично се трансформираше во деловен објект, сега се труби дека паркирањето ќе се решело со подземна гаража под платото околу салата.




Edited by Cloverstack - 24-Feb-2013 at 20:46

Ранко бил секогаш од тие што знаат што се дешава,верувам дека има некои инсајдерски информации

МАКЕДОНИЈА | 15. MARCH 2013 - 13:29

Ќе се гради нов објект на Универзална сала



Кандидатите за градоначалници на Град Скопје и Општина Центар, Коце Трајановски и Владимир Тодоровиќ, како и министрите за финансии и култура, Зоран Ставрески и Елизабета Канческа-Милевска денеска /15.03.2013, петок/ го промовираа проектот за изградба на нов објект на Универзалната сала во Скопје.

Министерот за култура Канческа-Милевска објасни дека бројните анализи и испитувања од страна на Градежниот факултет укажале дека стариот објект не е погоден за реконструкција. Дополнително, реконструкцијата би подразбирало задржување на истиот капацитет од околу 1500 седишта, а не би се решил ни проблемот со паркинг просторот и администацијата на ЈУ "Универзална сала". Од тие причини, Владата на Република Македонија донела одлука на истото место да се гради целосно нов објект, каде во него би биле сместени и сала со капацитет од 2500 до 3000 седишта, паркинг простор и простор за администрацијата на ЈУ "Универзална сала".

Според Канческа-Милевска, Владата на Република Македонија за реконструкцијата на стариот објект предвидела средства во висина од околу 11 милиони евра, додека за изградбата на новиот објект се проценува дека ќе бидат потребни 25 до 30 проценти повеќе средства.

Кандидатот за градоначалник на Град Скопје, Коце Трајановски изрази задоволство и благодарност до Владата на Република Македонија и министерството за култура за помошта при изградбата на овој нов објект, бидејќи истиот е еден од најзначајните културни центри во Скопје.

- Овој објект веќе не може да ги задоволи потребите на Градот Скопје за манифестациите коишто се планираат во него, така да со изградбата на новиот објект ќе добиеме Универзална сала која ќе може да одговори на потребите на граѓаните - изјави Трајановски.



Извор: http://sitel.mk/kje-se-gradi-nov-objekt-na-univerzalna-sala

Edited by HugoGoulding - 15-Mar-2013 at 14:38

Без разлика на сите глупости досега, тотално се согласувам дека е потребна изградба на нов објект, што значи и најверојатно поголем габарит, наместо сегашниот. Но, сакам уште еднаш да напоменам дека не би сакал да биде исфорсирана во СК2014 фазон на фасада, исто како што не ни сакав да биде задржан сегашниот изглед.

Originally posted by alexgizh Без разлика на сите глупости досега, тотално се согласувам дека е потребна изградба на нов објект, што значи и најверојатно поголем габарит, наместо сегашниот. Но, сакам уште еднаш да напоменам дека не би сакал да биде исфорсирана во СК2014 фазон на фасада, исто како што не ни сакав да биде задржан сегашниот изглед.

Објектот е доволно далеку од центарот за да нема буквално никаква потреба да се форсира некој си неокласичен стил. Според мене слата треба да биде ултрамодерна, функционална и со неприкосновена акустика. На овој објект треба да се остават архитектите да ја покажат сета своја футуристички иновативна енергија. Со оглед дека буџетот за изградба е повеќе од солиден мислам дека има простор да се направи навистина супер квалитетен објект. 

Нов објект да, но ако испадне да биде барок...лелеее
А за паркирање нека не се секира власта зошто веќе тоа одамна го решија со катната гаража нели!

Конкурсот за идејно решение за нов објект на Универзалната сала е распишан на 7 јули, 2013 година,  а до вчера (петок, 14 јули) конкурсната и проекната документација не беше подготвена од Министерството за култура и не можеше да се подигне за да се учествува. Нели е симпатично тоа што веќе ништо не ги спречува сите да не прават луди и да си играат мајтап и со архитекти и граѓани, и со градот и со институциите. А парите биле од буџет... 

сеа за јуни е,или за јули?

Министерството за култура ќе „диригира“ со Универзална сала

Градот го предава правото за градење на Министерството кое ќе биде задолжено за идејно осмислување и финансиска конструкција на новиот објект

Бојан Шашевски

Изградбата на новиот објект на Универзална сала е во рацете на Министерството за култура. Градскиот совет вчера се изјаснуваше за одлуката за пренесување на правото на градење на центарот за приредби на Министерството, со што Градот, практично, се ослободи од обврската да го изгради на своја сметка. По градежните зафати, носителот треба повторно да ја предаде Универзална во владение и сопственост на Град Скопје.

Градоначалникот Коце Трајановски во образложението до советниците вели дека согласно со ДУП „Буњаковец 2“, на местото на монтажниот објект на Универзална сала е предвидено да се изгради репрезентативна тврда градба, што е објект од јавен интерес за Градот и за државата.

„Бидејќи се работи за стар монтажен објект кој со својата долгогодишна експлоатација веќе ја става во прашање сигурноста на посетителите, а Градот Скопје не може да обезбеди средства за негова изградба, потребно е да се донесе ваква одлука каде Министерството за култура ќе го изгради со средства од буџетот на Македонија“, предлага Трајановски.

Директорката на Универзална сала, Вера Бошковска, потврдува дека со предавањето на ингеренциите, со сите натамошни процеси ќе „диригира“ Министерството за култура.

„Тоа значи дека Министерството ќе биде надлежно и за градежниот процес, за сите понатамошни известувања околу проектот, но и за конкурсите за идејно решение и за финансиска конструкција на новата сала. Не можеме да прецизираме, ниту, пак, знаеме колку време и на кој начин ќе се гради објектот“, вели Бошковска.

Инаку, главната одлука за изградба на нов, а не за реконструкција на петдеценискиот објект „падна“ уште во март. Владата ја негираше можноста за доградба и зголемување на сегашните 1.500 седишта на дотраениот објект. Проектанти пресметаа дека реконструкција на старата Универзална би изнесувала до 11 милиони евра, а изградбата би била поскапа за 20-30 отсто. Како главна причина за подигнување на целосно нов концертен објект беа наведени резултатите од анализата на Градежниот факултет, според кои реконструкцијата нема да реши важни прашања околу функционалноста и самата конструкција. Со новата градба ќе има и решение за паркирање, кое ќе биде во самиот објект. Министерството за култура од годинашниот буџет ќе ги покрие трошоците за конкурс и проектирање по што, на крајот на годината, се очекува тендер. Објектот ќе се гради во следните години. Рокот не е прецизиран, бидејќи, како што соопшти Министерството, концертните сали се специфични во ентериерот поради сценската технологија и акустиката.

Конкурс за ново идејно решение

Министерството за култура веќе објави конкурс за избор на идејно решение за нов објект на местото на постојниот. Новата Универзална сала ќе има капацитет за 2.500 до 3.000 гледачи, паркинг и канцелариски простор. Конкурсот е отворен до 12 јули, а за најдоброто решение е предвидена награда во вредност од 250.000 денари. Парични награди ќе добијат и второ и третопласираните трудови и тоа по 200.000, односно 150.000 денари.

Од архитектите се бара во идејното решение да применат оригиналност, иновативност и изводливост, да ги почитуваат мерките за енергетска ефикасност и економичност и објектот да се обезбеди функционална организација на просторот и квалитет на релациите меѓу предвидените содржини со непосредното опкружување.

http://www.utrinski.com.mk/?ItemID=0A19F51C3F6C2346B01D1EA9CE5E04FE

Изгледот на Универзална чека одлука од Министерството за култура

По изборот на идејното решение, ќе почнат постапките за градење, собирање одобренија и избор на изведувач

Новиот изглед на Универзална сала ќе исплива на површина откако Министерството за култура ќе ги разгледа пристигнатите визии за објектот. Во моментов тече постапката за евалуација на доставените проекти од конкурсот за избор на идејно решение, иако Министерството го објави уште во јуни.

„По изборот на идејното решение ќе се започне со сите останати фази од реализацијата на овој проект, односно ќе се пристапи кон целосно комплетирање на проектната документација, по што ќе почнат и постапките за градење, обезбедување одобрение за градба, избор на изведувач, надзор и други потребни активности“, соопштуваат од Министерството за култура.

Од таму не прецизираат рокови за градежните зафати, како би изгледала новата сала, ниту ги коментираат иницијативите што кружеа низ јавноста за можното преименување на објектот. Единствено информираат дека Универзална сала е локална установа под надлежност на Градот и за неа заеднички донесуваат програма за работа.

„Во соработка со Министерството за култура во следниот период ќе се направи и план за одржување одредени настани и во објектите кои ги користат националните установи од областа на културата кои се во надлежност на Министерството за култура“, велат од Министерството.

Инаку, главната одлука за изградба на нов, а не за реконструкција на петдеценискиот објект беше донесена уште во март. Владата ја одби можноста за доградба и зголемување на сегашните 1.500 седишта на дотраениот објект.

Проектанти пресметаа дека реконструкција на старата Универзална сала би чинела околу 11 милиони евра, а изградбата би била поскапа за 20-30 отсто. Како главна причина за изградба на целосно нов концертен објект беа наведени резултатите од анализата на Градежниот факултет, според кои реконструкцијата нема да реши важни прашања околу функционалноста и самата конструкција.

Новата тврда градба ќе има и решение за паркирање во самиот објект. Министерството за култура од буџетот ќе ги покрие трошоците за конкурс и за проектирање.

Конкурсот предвиде сала со капацитет за 2.500 до 3.000 гледачи и дополнителен канцелариски простор. За најдоброто решение следува награда во вредност од 250.000 денари. Од архитектите се бараше оригиналност, иновативност и изводливост, да ги почитуваат мерките за енергетска ефикасност и економичност. Објектот да обезбедува организација во просторот и релации со опкружувањето.

http://www.utrinski.mk/?ItemID=BE54A67F88422C4991D21BD1632AE9E4