build.mk Homepage
Forum Home Forum Home > Главни теми > Инфраструктура
  Active Topics Active Topics
  FAQ FAQ  Forum Search   Register Register  Login Login

Депонии и комунална механизација

Bookmark and Share
 Post Reply Post Reply Page  <1234 8>
Author
Message
  Topic Search Topic Search  Topic Options Topic Options
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #21 Posted: 09-Sep-2008 at 15:58
ОТКАКО ПРВИОТ ТЕНДЕР ПРОПАДНА
Нови камиони за ѓубре в година
До крајот не месецов ќе биде распишан новиот тендер со кој е предвидено да се набават 12 нови камиони

Набавката на нови камиони за собирање на ѓубрето низ Скопје ќе доцни. До крајот на годинава отпадот од домаќинството ќе се собира со старите машини, кои постојано се расипуваат и од кои исцедокот од ѓубрето се истура низ улиците. Од ЈП "Комунална хигиена" велат дека набавката ќе доцни, бидејќи со одлука на второстепената комисија тендерот е поништен.
"До крајот не месецов ќе го распишеме новиот тендер", вели Златко Димовски, директор на ЈП "Комунална хигиена". "Иако со првиот тендер беше предвидено да набавиме шест камиони за собирање на ѓубрето, сега ќе купиме 12. Мораме да го обновиме возниот парк, оти со престариве камиони не можеме нормално да работиме. Постојано се расипуваат, трошат многу гориво и што е најлошо, исцедокот од ѓубрето го оставаат на улиците", објаснува Димовски.
ЈП "Комунална хигиена" ќе ги купува новите камиони на лизинг. Бидејќи немаат доволно пари за оваа инвестиција, лизинг-компанијата што ќе им даде пари ќе ја има правната сопственост на возилата, а претпријатието ќе ги користи.
На првиот тендер за нови возила се пријавија пет компании, но второстепената комисија реши да го поништи, поради жалбите на некои од нив. (А.А.)

http://www.vest.com.mk/default.asp?id=156687&idg=8&idb=2469&rubrika=Skopje


Ги урочивме хехехе

"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7069
  Quote zabegan Quote  Post ReplyReply #22 Posted: 09-Sep-2008 at 21:20
супер, само и да имаат унификација треба
прво нека ги набават па ке збориме за тоа
Architects create dreams...politicians create nightmares
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #23 Posted: 09-Sep-2008 at 22:41

КОМУНАЛЦИТЕ ПОЧНАА СО АКЦИЈА ЗА ГЕНЕРАЛНА РЕПАРАЦИЈА НА ИСКРШЕНИТЕ КОНТЕЈНЕРИ


Од стари се прават нови


За замена на оштетените тркалца, за фарбање и дезинфекција секоја година се трошат најмалку по 40 илјади евра


Расклатени, без капаци и тркалца, искршени. Такви се речиси сите контејнери во градов, секогаш преполни со ѓубре. Од ЈП Комунална хигиена информираат дека оштетените садови ги сервисираат по потреба, а еднаш годишно прават генерална проверка и комплетно ги репарираат. За оваа активност, јавното претпријатите троши илјадници евра.

- Минатата година потрошивме околу 40 илјади евра само за замена на оштетените тркалца, за фарбање и дезинфекција. Една поправка чини 5.850 денари. Наместо тие пари да ги вложуваме во купување на дополнителен број контејнери кои ни се неопходни, ние мораме да ги санираме штетите што ги направиле несовесните граѓани. И не само тоа, препродавачите на старо железо неретко крадат и цели контејнери, ги сечат па ги препродаваат. Тоа е дополнителен проблем за нас, бидејќи во Скопје моментно има 4000 садови, а реалните потреби се најмалку 7000 - информира генералниот директор на ЈП Комунална хигиена, Златко Димовски. Тој најави дека акцијата за генерална репарација на контејнерите е во полн ек и комуналците досега поправиле 370 контејнери.

- До крајот на неделава ќе бидат поправени сите садови во општина Аеродром. Во Општина Гази Баба од вкупно 250 поправени се 150, а потоа ќе ја опфатиме територијата на Кисела Вода. Работевме и во Старата чаршија каде репариравме 20 контејнери, а во блок Серава уште 15 - потенцираше Димовски. Тој се пожали дека нема ден без пријава за оштетен контејнер, најчесто од Топанско Поле, Шуто Оризари, Чаир.

Жителите на Аеродром ги забележале промените и задоволни се од акцијата, но бараат поголем број на контејнери.
-Сиромавиот знае само да крпи и понекогаш од старото може да се направи ново. Но, за нашиот блок потребно е да се постават уште на најмалку две локации - вели жителка од зградите кај Тобако 2.
Директорот Димовски вели дека решавањето на овој проблем им е еден од приоритетите, но поради финансиска немоќ наеднаш да ги купат потребните 3.000 контејнери со крајни напори се обидуваат да ја ублажат состојбата. Вели, со сопствени средства ќе набават 500, а неодамна добра вест им испратија и советниците од Градското собрание кои им одобрија средства за купување на уште 500 контејнери.

http://vecer.com.mk/?ItemID=92EFDE159DE514479EDB4AE35BB8DFC5
Back to Top
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #24 Posted: 16-Sep-2008 at 01:07
КОМУНАЛНА ХИГИЕНА" ЌЕ ЈА ПОДИГНУВА СВЕСТА НА СКОПЈАНИ
Екопораки на камионите за собирање ѓубре
Плакатите ќе бидат залепени на камионите и на метлачките со кои се чисти градот

ЈП "Комунален хигиена" ќе ги разубавува старите камиони за собирање ѓубре со пораки за чисто Скопје. Надлежните од претпријатието велат дека во моментов ги подготвуваат плакатите, кои од наредниот месец ќе бидат залепени на камионите и на метлачките со кои се чисти градот. Со тоа не само што возилата ќе изгледаат поубаво туку и ќе се упатуваат пораки до граѓаните правилно да го третираат отпадот.
"Една од пораките што ќе ги има на камионите ќе биде канта за ѓубре претставена како машина за перење. Со тоа сакаме да им потенцираме на граѓаните дека ние го чистиме градот, но дека и тие треба да дадат свој придонес за да имаме чист град", вели Златко Димовски, директор на ЈП "Комунална хигиена".
Покрај налепниците со екопораки, во моментов се подготвува и новото лого на претпријатието, со што наскоро тоа ќе биде познато под скратеницата КХС, односно "Комунална хигиена-Скопје". (А.А.)


http://www.vest.com.mk/default.asp?id=156952&idg=8&idb=2474&rubrika=Skopje


"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7069
  Quote zabegan Quote  Post ReplyReply #25 Posted: 16-Sep-2008 at 14:05
ете една добра идеј, го поздравувам тој на кого му текнала
знам дека сум запнал да бидат унифицирани, а и тоа е битно
Architects create dreams...politicians create nightmares
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #26 Posted: 06-Oct-2008 at 11:31
Градот ќе купи 500 нови контејнери

Градските власти ќе купат 500 нови контејнери за собирање на ѓубрето од домаќинствата. Парите за набавка на контејнерите ќе бидат обезбедени од буџетот на Градот доколку советниците во Градското собрание ја одобрат набавката на седницата в среда.
"Поради тоа што во последниве години беа изградени голем број нови станбено-деловни објекти, се зголеми бројот на жителите, а постојните камиони се наоѓаат во лоша состојба, итно е потребна набавка на нови контејнери", се вели во образложението на градските власти за потребата од набавка на нови контејнери.
За набавка на 500-те контејнери, ќе бидат потребни четири милиони денари. (А.А.)

http://www.vest.com.mk/default.asp?id=157864&idg=8&idb=2491&rubrika=Skopje

Ич не ми текнува каде го праевме муабетот за контињерите!

Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #27 Posted: 06-Oct-2008 at 12:13
Originally posted by lslcrew

Градот ќе купи 500 нови контејнери

Градските власти ќе купат 500 нови контејнери за собирање на ѓубрето од домаќинствата. Парите за набавка на контејнерите ќе бидат обезбедени од буџетот на Градот доколку советниците во Градското собрание ја одобрат набавката на седницата в среда.
"Поради тоа што во последниве години беа изградени голем број нови станбено-деловни објекти, се зголеми бројот на жителите, а постојните камиони се наоѓаат во лоша состојба, итно е потребна набавка на нови контејнери", се вели во образложението на градските власти за потребата од набавка на нови контејнери.
За набавка на 500-те контејнери, ќе бидат потребни четири милиони денари. (А.А.)

http://www.vest.com.mk/default.asp?id=157864&idg=8&idb=2491&rubrika=Skopje

Ич не ми текнува каде го праевме муабетот за контињерите!



Хммм....ова значи еден контеинер чини 8000 денари. Roll%20eyes Не сум баш убеден во нивниот квалитет, само се надевам нема да бидат стандардниве метални контеинери.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #28 Posted: 06-Oct-2008 at 12:45
Аб кај нас често гледаме по улица како гори некој контејнер. Да е пластичен ќе се стопи. Во тоа е предноста на металните.
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #29 Posted: 06-Oct-2008 at 12:53
Originally posted by lslcrew

Аб кај нас често гледаме по улица како гори некој контејнер. Да е пластичен ќе се стопи. Во тоа е предноста на металните.


Епа во склоп на казните, треба да има драконска казна за палење на континер, бидејќи освен што е тоа вандализам, се прави и загадување на воздухот и човековата околина, а за тоа треба и кривично да се одговара. Тоа е решението на проблемот, не метални контејнери.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #30 Posted: 07-Oct-2008 at 22:20
Скопското ѓубре ќе се гледа од сателит


Преку ГПС ќе се следи и динамиката на подигање на ѓубрето и работата на комуналците


Ѓубреџиите кои со камиони го подигаат ѓубрето, повеќе нема да можат да ескивираат. Нивната работа, веќе десетина дена се следи сателитски, преку специјално инсталирани ГПС - уреди кои покажуват на која локација се наоѓаат, каде поминале и во кој правец се движат. На промоцијата на проектот, генералниот директор на ЈП "Комунална хигиена" Златко Димовски истакна дека оваа новина е една од системските реформи во работата на претпријатието со која очекуваат значително да се подобри ефикасноста на работата на оперативците, да се заштеди до 30 отсто гориво и на крајот да се воспостави комунален ред.
- Преку глобалното позиционирање и ние, но и граѓаните ќе имаме можност во секое време на компјутер да провериме дали камионот дошол на одредена локација да го подигне сметот, кога поминал, во колку часот, дали негативните реакции се резултат на наша слабост или не. И тука веќе нема лажење или дипломатски одговори - вели Димовски.

Во моментов во системот се вклучени 25 камиони, во тек е поврзувањето на уште 20, а до крајот на годинава целиот возен парк ќе биде под ГПС надзор.

Новото софтверско решение ќе ја чини Комунална хигиена 524.000 денари или околу 8500 евра годишно за 50 камиони. Вложените средства, вели Димовски, многу брзо ќе се исплатат.
Ѓубреџиите не се израдуваа на оваа новина. Визуелното следење на нивната работа ја сметаат за психолошки притисок од страна на претпоставените.
- Ајде работи, де, ако знаеш дека некој постојано те гледа. Јас никогаш не сум го злоупотребил ни камионот, ниту сум трошел повеќе бензин, не сум забушавал. Ама кому да се пожалиш, одма ќе ти речат: ако ти чини, ако не има кој сака да работи - вели еден возач во Комуналец.

Божидар Стојанов, одговорен во Секторот за механизација вели дека ваквите реакции се очекувани, но досега никој официјално не се пожалил. Сепак, во следните денови очекува бројот на барањата за промена на работно место значително да се зголеми.
- Самиот систем сега ќе покаже кој ефикасно ја врши работата, а сите манипулации што ќе се констатираат, ќе се санкционираат во зависност од тежината. Со намалување на платата, со принуден одмор, па дури и со отпуштање од работа-информира Стојанов.
Поголемиот број од граѓаните не слушнале за оваа новина, но се задоволни од зачестените напори на институциите за одржување на хигиената во градов.

http://vecer.com.mk/?ItemID=E11B59126A4B994DB7382E913F56CEF8

Едноставно непотребно!
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7069
  Quote zabegan Quote  Post ReplyReply #31 Posted: 07-Oct-2008 at 22:39
како пари да пренесуваат, не ѓубре
сепак ова не е лошо, но не е толку потребно
добро бе, колку креативни наслови пишуваат по веснициве, тоа е нешто невидено
Architects create dreams...politicians create nightmares
Back to Top
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #32 Posted: 08-Oct-2008 at 02:09
Во утрински пише дека веќе на веб страната може да се следат камионите али неможев да го најдам Dunno 
 

„Комунална“ почна со автоматско следење на возилата за собирање ѓубре

Со системот ГП на веб-страницата може да се види дали камионот поминал да собере ѓубре

Снежана Калабакова

Веќе една седмица ЈП „Комунална хигиена“ работи со нов и современ начин на менаџирање, воведувајќи ГП-систем за автоматско следење на возилата за собирање комунален отпад. Ова значи дека на веб-страницата на претпријатието веќе може да се види движењето на нивните возила на одреден дел од градот, потоа може да се знае во кое време и на која улица тие поминале или се наоѓаат и точно во кој час го собрале комуналниот отпад на набљудуваната локација.

Менаџерскиот тим на претпријатието смета дека со овој систем најнапред ќе заштедат 30 отсто гориво, кое многу често било трошено во „приватни рути“ на вработените. Исто така, сметаат дека ќе се подобри квалитетот во нивната работа, а истовремено ќе се обезбеди и транспарентна информација за граѓаните кои најчесто се жалеле дека камионите на „Комунална“ не поминале во нивната населба да го соберат ѓубрето. Овој систем сега им дава можност и самите да го проверат тоа. Со ГП-уреди веќе се опремени 25 камиони кои една седмица кружат низ градот, а неделава ќе бидат опремени вкупно четириесетина возила.

До крајот на годинава ќе бидат опремени уште педесетина камиони за чие воведување на системот претпријатието ќе инвестира 523.900 илјади денари.

„Мотив за поставувањето на ГПС ни беше намалувањето на оперативните трошоци, кои најчесто беа и неоправдани. Сега со ГПС ќе може да се следи дури и брзината на возилата со која се движат на одредена сообраќајница, а ќе бидеме и транспарентни за граѓаните, кои постојано ќе можат да ја имаат бараната информација. Месечниот трошокот за следење на едно возило изнесува 750 до 800 денари, но многу брзо, речиси за една година, инвестицијата ќе се исплати“, рече на вчерашното презентирање на системот Божидар Стојанов, директорот на „Дрисла“.

„Комунална хигиена“ има 87 специјални возила за собирање комунален отпад. Од претпријатието велат дека не ретко граѓаните им се жалеле дека нивните возила не ја извршиле услугата пред нивниот објект, односно не поминале да го соберат комуналниот отпад. Но, велат одговорните, вакво нешто особено се случувало на локациите каде што најчесто се наоѓаат локалите кои работат навечер. Ова особено кога станува збор за дискотеки и разни клубови каде што најчесто во близина на контејнерите се паркираат автомобили. Токму поради тоа и поради габаритноста на возилата и не по нивна вина ѓубрето останувало неподигнато. Сега со новиот систем ќе можат да видат дека возилото било до нивниот објект и самите ќе бараат начин да се ослободат од непрописно паркираните, а од претпријатието не ќе мора да им се оправдуваат.

Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #33 Posted: 08-Oct-2008 at 14:59
Previous
Кому му е сево ова потребно? Демек исчистен е цел град, ѓубрето сите ние дома го чуваме и пратиме по интернет кога стигнал ѓубреџискиот камиот кај нас на улица.
 Дали некој знае на кој начин може да се заштеди ако во еден камион за собирање смет се вгради ГПС? Мене не ми текнува логично објаснување. Во такси превозници, обични камиони кои се обраќаат на долги релации очигледно, ама во градски комунални камиони за смет?
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #34 Posted: 08-Oct-2008 at 15:04
Originally posted by UrbanFreak

Previous
Кому му е сево ова потребно? Демек исчистен е цел град, ѓубрето сите ние дома го чуваме и пратиме по интернет кога стигнал ѓубреџискиот камиот кај нас на улица.
 Дали некој знае на кој начин може да се заштеди ако во еден камион за собирање смет се вгради ГПС? Мене не ми текнува логично објаснување. Во такси превозници, обични камиони кои се обраќаат на долги релации очигледно, ама во градски комунални камиони за смет?

Bash Ова ми промакнало....

Менаџерскиот тим на претпријатието смета дека со овој систем најнапред ќе заштедат 30 отсто гориво, кое многу често било трошено во „приватни рути“ на вработените. Исто така, сметаат дека ќе се подобри квалитетот во нивната работа, а истовремено ќе се обезбеди и транспарентна информација за граѓаните кои најчесто се жалеле дека камионите на „Комунална“ не поминале во нивната населба да го соберат ѓубрето. Овој систем сега им дава можност и самите да го проверат тоа. Со ГП-уреди веќе се опремени 25 камиони кои една седмица кружат низ градот, а неделава ќе бидат опремени вкупно четириесетина возила.


Bash
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 4414
  Quote гитардемон Quote  Post ReplyReply #35 Posted: 21-Oct-2008 at 15:40
не ми текнуваше каде да го сместам ова мислам дека имаше нишка за обновливи извори на енергија ама не ја најдов

Италијанска фирма сака македонски отпад

Италијанската компанија „Космо груп“ е заинтересирана да инвестира во рециклирање отпад во Македонија. Градоначалници од повеќе македонски градови од југозападниот дел, меѓу нив и градоначалникот на Дебар - Аргетим Фида, при престојот во Италија потпишале писмо за намери со италијанската фирма.

- Во првата фаза се предвидува рециклирање на 50 проценти од урбаниот отпад од пластика, хартија, стакло и метал, а во втората целосно рециклирање на сиот отпад, кој ќе се користи за производство на електрична енергија. За таа намена би се изградиле три мали термоелектрани од по 4 до 6 мегавати. Една термоелектрана би требало да биде во Скопје, една во источниот и една во западниот дел на Македонија - изјави Фида. Се проценува инвестицијата за двете фази да биде од 250 до 300 милиони евра.

- За Дебар, но и за цела Македонија ова значи чиста околина, но и нови вработувања - вели Фида. За првата фаза преговорите ќе ги водат општините, а за втората фаза Владата, која била запозната со иницијативата.


http://dnevnik.com.mk/?ItemID=61E2DB1B43F61E4AB0E74DE5160CC7D5
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #36 Posted: 25-Oct-2008 at 00:41

Скопјани ќе го плаќаат миењето на улиците

Градоначалникот и Советот на Градот бараат одлагање на овој дополнителен товар за граѓаните додека не зајакнат економски


Давачката за миење и метење улици нема да биде скромна, велат од Градот

Нова давачка, за миење и за метење на улиците, ќе мора да плаќаат скопјани по донесувањето на новиот Закон за јавната чистота. Досега одр жувањето на улиците беше обврска на градската власт и се плаќаше со пари од градската каса. Сметките за ѓубрарина и натаму остануваат.Градоначалникот Трифун Костовски и вработени во градската администрација не' информираа завчера дека оваа нова давачка за одржување на јавните површини ќе претставува приход кој ќе се влева го градскиот буџет.

- Таа давачка, сигурен сум, дека нема да биде скромна, бидејќи трошоците за оваа намена се многу големи - изјави Бранко Трајчевски од Градскиот правен сектор. Градоначалникот Костовски не изрази воодушевување од новопредвидениот надомест. Тој апелираше до Советот на Град Скопје да ја одложи примената.

- Исто како и во светот, и нашето општество ќе го погоди економската криза. Мислам дека новата давачка ќе биде вистински удар за домашниот буџет на граѓаните. Апелирам воведувањето да се одложи се' додека не зајакне економската моќ на граѓаните - рече Костовски.

И претседателот на Советот, Ирена Мишева, како и голем број членови на Советот, се согласија со скопскиот градоначалник дека сметките за одржување улици ќе бидат големо оптоварување за буџетите на граѓаните.

- Треба да си ставиме прст на чело и убаво да се замислиме - изјави советникот Тони Ѓуровски. Костовски и членовите на Советот на завчерашната средба донесоа заклучок да побараат од Министерството за транспорт и врски да се формира стручна екипа, која би го разгледала социјалниот аспект на Законот за јавната чистота, кој се однесува на оваа проблематика. Исто така, ќе побараат од стручната екипа да ја одреди и единицата мерка по која би се одредувала цената што би ја плаќало секое домаќинство. Советот наскоро ќе излезе со меморандум како заклучок по ова прашање.

http://dnevnik.com.mk/?ItemID=51756980C7FB33409124FD89358D6ACE


Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11974
  Quote Cloverstack Quote  Post ReplyReply #37 Posted: 25-Oct-2008 at 01:24
Се ближат локалните избори, па ете кај сите се разбуди грижата за граѓаните. И Трифун и разноразни советници од разноразни партии решиле „да си стават прст на чело“... Одлично! Вака сложни не биле никогаш по ниедно прашање.
Најсмешно од се е тоа што демек ако доаѓало од градската каса испаѓа дека е некаков си поклон за граѓаните.
Roll%20eyes

Back to Top
evolutionary View Drop Down
Senior Member
Senior Member
Avatar

Joined: 28-Jun-2008
Online Status: Offline
Posts: 198
  Quote evolutionary Quote  Post ReplyReply #38 Posted: 26-Oct-2008 at 01:50
Istovremeno gradot gi zadolzuva graganite da go plakaat odrzuvanjeto na ulicite, a drzavata im zabranuva da gi valkaat.
Knowledge Reigns Supreme Over Nearly Everyone
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #39 Posted: 26-Oct-2008 at 02:56
Како демант на три поста погоре стига оваа вест од МТЦ.

Почитувани,

 

Министерството за транспорт и врски ги демантира коментарите на градоначелникот на Град Скопје и дел од советниците во Советот на град Скопје дека „со Законот за јавна чистота се воведува нов надоместок кој ќе претставува дополнителен трошoк за граѓаните“, притоа Ве информираме дека целта на носењето на овој Закон воопшто не е дополнително оптоварување на буџетот на граѓаните и со него не се предвидува плаќање

на нов надоместок за јавна чистота, туку напротив, со Законот за јавна чистота се предвидува порационално искористување на средствата кои граѓаните и до сега ги плаќаа на сметките за комунални услуги. Имено, според Одлуката на Советот на Град Скопје од 1993 година е предвидено 22% од приходите кои се остваруваат со наплата на сметките за

користење на водоснабдувањето да се одвојуваат за одржување, подигнување и чистење на јавните зелени површини, а по покачувањето на цената во февруари 2008 година, во месец април годинава е потпишан Протокол помеѓу ЈП „Водовод и канализација“, ЈП „Паркови и зеленило“ и Град Скопје за регулирање на одвојување 17,5% од приходите кои се остваруваат преку наплата на сметките за користење на водоснабдувањето и канализацијата. Овој Протокол е усвоен од страна на Управниот одбор на ЈП „Водовод и канализација“ во месец мај 2008 година. Истовремено, ЈП „Комунална хигиена“ уште од 1993 година за чистењето на јавните површини и подигнувањето на смет врши посебна наплата за услугите кои ги извршува, согласно со Ценовникот усвоен од Советот на Град Скопје.

Ве информираме дека Законот за јавна чистота е донесен со цел да се регулира хаосот кој владееше во сферата на комуналните работи и јавната хигиена и во него се содржани решенија преку кои јасно се поделени надлежностите меѓу институциите и субјектите кои се задолжени за одржувањето на јавната чистота како на јавните површини, отворените површини на јавните објекти, така и меѓу субјектите кои ќе вршат контрола во поглед на спроведувањето на одредбите од Законот.

Министерството за транспорт и врски во процесот на изготвување на Законот за јавна чистота беше водено од позитивните искуства на високо развиените земји кои применуваат ваква законска регулатива, а во тој процес беа консултирани и претставници на локалната самоуправа. Процесот на имплементација на Законот за јавна чистота исто така подразбира соработка со општините и токму затоа Министерството за транспорт и врски упатува покана до градоначалникот на Град Скопје, г-дин Трифун Костовски, како и до претставниците на Советот на Град Скопје за соработка во процесот на имплементирање на Законот и остварување на единствената цел на овој Закон – подобрување на

јавната чистота во Република Македонија.

Со почит,

Министерство за транспорт и врски


Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #40 Posted: 26-Oct-2008 at 15:25

демант LOL колку само е интересен политичкиот пристап кон секоја работа кај нас, место прво да побара некој мислење од советот на СК како би направил споредба со размислувањата на скопскиот очув и да направи анализа зошто држи муабетот на советот или на очувот, добиваме постојано само парцијални информации од текстовите, а за да се информираме поконкретно треба да сме навлечени на вести па преку една недела да ги собереме различните информации, за дури после тоа да разбереме кој што и зошто треба или нетреба нешто да преземе, иако во доста случаи повиканите заради свои добро познати причини не сметаат дека треба да се произнесат за чекорите и дилемите околу истите. абе фудбалските селектори имаат почист пристап од безгрижните политичари во МКД кои најверојатно бидејќи немаат сите ПР служби неможат ни да разберат дека остануваат доста прашања отворени или недообјаснети, а да биде уште позамрсено новинарите истражуваат само преку телефон па доколку наидат на ендек воопшто не се трудат да се растрчаат наоколу и да прочепкаат, можеби имаат попаметна работа од истражување како “седење во деск“ и чекање телефонот сам се да им објасни.

колку би било добредојдено ова со мандатните казни и чистењето, јас мислам дека се отвора простор да се мобилизираат на тој начин многу екипи спремни за доброволни акции кои се можеби единствено решение за да се светне СК, а за оние што не сакаат да чистат нормално паричната казна да си ја платат, но истата да оди во буџетот на градот а не на државата како што е сега, па ќе работат и доста хонорарци за дневница, на овој начин може да се обезбеди работа за доста бездомници т.е. потешки социјални случаи. останува спорно само дали чистењето подразбира светнување или зачистување на површините, мене се повеќе ми се чини дека чистењето на градот кај нас е сведено на брзопотезно поминување на службите преку површините...

Back to Top
 Post Reply Post Reply Page  <1234 8>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2018  build.mk

Коментарите на форумот претставуваат лично мислење на нивните автори и не претставуваат официјален став на build.mk.