build.mk Homepage
Forum Home Forum Home > Главни теми > Инфраструктура
  Active Topics Active Topics
  FAQ FAQ  Forum Search   Register Register  Login Login

Депонии и комунална механизација

Bookmark and Share
 Post Reply Post Reply Page  <1 5678>
Author
Message
  Topic Search Topic Search  Topic Options Topic Options
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #121 Posted: 15-Feb-2011 at 23:05

МИНИСТЕРСТВОТО ЗА ЕКОЛОГИЈА ГО РЕШАВА ПРОБЛЕМОТ ВО ВЕЛЕС


Две странски компании заинтересирани за депонијата од Топилницата


Компанијата што ќе биде избрана на конкурсот, ќе мора да ја транспортира и да ја преработува подалеку од градот, на безбедно место. По отстранувањето на згурата фирмата има обврска целосно да го исчисти просторот од отровите


Две странски компании се заинтересирани за преработка и дислокација на депонијата со згура на Топилницата за цинк и олово во Велес. Тие се јавиле на конкурсот што Министерството за животна средина и просторно планирање го распиша кон крајот на минатата година со цел да го реши проблемот со најголемиот загадувач на Велес и околината. На ридот висок 28 метри има околу 2 милиони тони згура. Во згурата која е отпад од топењето на концентратите од високата печка на Топилницата, се наоѓаат од 6 до 10 отсто цинк, од 0,5 до 2 отсто олово, 3 до 6 отсто алуминиум, а присутни се и помали количества на арсен, антимон и други отровни метали. И покрај тоа што Топилницата не работи повеќе од 6 години, згурата и понатаму го загадува градот и земјоделските површини на кои се одгледуваат градинарски култури.

Според условите на конкурсот, Министерството за животна средина и просторно планирање предлага активна ремедијација со отстранување на згурата од сегашната депонија која се наоѓа на неколку стотини метри од Велес. Компанијата што ќе биде избрана на конкурсот, ќе мора да ја транспортира и да ја преработува подалеку од градот, на безбедно место. По отстранувањето на згурата фирмата има обврска целосно да го исчисти просторот од отровите. Инаку, сите досегашни студии и анализи направени од домашни и странски експерти, укажуваат дека згурата покрај тоа што ги труе жителите на Велес, ги загадува и земјоделските површини на Башино Село и велешките бавчи на кои се произведуваат градинарски култури, водите на Вардар, како и подземните води во околината на "рени" бунарите од кои до пред 6 години жителите на Велес пиеја вода.

Граѓаните и екологистите на Велес даваат целосна поддршка на обидот на Министерството конечно да го реши овој горлив проблем кој остави траги врз здравјето на жителите, особено на најмладите. Екологистите очекуваат што поскоро да се отстрани овој црн рид над градот кој продолжува да им го загорчува животот на жителите од Велес и неговата околина.

http://www.vecer.com.mk/?ItemID=A733808E0B989B4DA45C154406F248A9
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #122 Posted: 25-Mar-2011 at 16:29








ПРОМОВИРАНА НОВАТА МЕХАНИЗАЦИЈА ЗА ЈП „ДРИСЛА“

Градоначалникот на Град Скопје, Коце Трајановски, Претседателот на Советот на Град Скопје, Ирена Мишева, директорот на ЈП „Дрисла“, Горан Ангелов, и советници во Советот на Град Скопје, денеска /25.03.2011 година/ ги промовираа новите возила и маханизација што се набавени за ЈП „Дрисла“.


За потребите на ова јавно претпријатие се набавени вкупно 7 половни возила, поточно 2 болдожера за работа на депонијата од марката CATEPILLAR D6RLGP, 1 компактор за работа на депонија, од марката CATEPILLAR 816B, 1 багер гасеничар, од марката CATEPILLAR 330BL, 2 камиона - кипер троосовинец, од марката IVECO EUROTRAKKER и цистерна за вода, од марката MERCEDES BENZ AG 1517 37 E2.


- Со овие возила сме чекор поблизу до остварување на целта за претворање на Дрисла во модерна и современа депонија. Во 2009 година Дрисла беше целосно отворена депонија којашто создаваше големи непријатности за околното населенија, додека денеска истата се покрива со земја барем еднаш во неделата. Во наредниот период ќе работиме во насока на воведување современ систем на справување со цврстиот отпад - изјави Градоначалникот Трајановски.


Директорот на ЈП Дрисла, Горан Ангелов, изрази голема благодарност до Градоначалникот Трајановски и до Советот на Град Скопје за целокупната поддршка којашто ја дале на препријатието во изминатиов период. Според него, со набавката на овие возила, ќе се подобри работната способност на претпријатието и истото на годишно ниво ќе заштедува до 250.000 евра.


Вкупната вредност на опремета изнесува 40.816.200 денари со ДДВ, од коишто 20.000.000 денари се средства од Град Скопје, 15.000.000 денари се обезбедени од сопствени приходи на ЈП "Дрисла". Ова претставува нaјголема набавка на опрема и на механизација за ова јавно претпријатие досега, додека последната набавка на машини е направена во 2000 година.


Покрај во механизација, изминатиов период Град Скопје инвестираше дополнителни 20 милиони денари за изградба на пат во самата депонија, изградба на систем за зафаќање за извор на вода до Маркова Река и изградба на систем за зафаќање на отпадните води.
http://www.skopje.gov.mk/ShowAnnouncements.aspx?ItemID=4079&mid=482&tabId=1&tabindex=0
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #123 Posted: 26-Mar-2011 at 11:11

Дрисла по 11 години доби машини, но половни


Првпат по 11 години депонијата Дрисла доби нова опрема, односно два булдожера, два камиона и по еден компактор, багер, гасеничар и цистерна за вода

 

 
%20  
Механизацијата, која беше промовирана вчера, е половна, но во добра состојба, и со неа се очекува депонијата да штеди по 250 илјади евра годишно. Вкупната вредност изнесува 41 милион денари, кои се обезбедени од претпријатието и од градот. Исто така, беа инвестирани и 20 милиони денари за да се направи пат во самата депонија и систем за зафаќање на отпадните води.

http://www.novamakedonija.com.mk/NewsDetal.asp?vest=32511215114&id=14&prilog=0&setIzdanie=22241
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #124 Posted: 29-Mar-2011 at 12:59

Новата депонија не е закана за комуналците

Проектот за изградба на регионална депонија кај струмичкото село Добрашинци, на местото на досегашната, влегува во завршна фаза, а во трката за иден концесионер останаа три компании од Австрија и една од Италија. Која ќе го добие управувањето со идната депонија, во која ќе се складира отпадот од 10 општини од југоисточниот дел на државата ќе се знае за неколку месеци. Од повеќето состаноци на координативното тело на градоначалниците од југоистокот досега е познато дека општините се согласуваат да продолжи изградбата на депонијата и да се собира и транспортира отпадот. Неизвесно е само дали ќе бидат затворени дивите депонии, бидејќи од тоа ќе зависи висината на цената за собирање на отпадот.

- Можноста за затворање на дивите депонии во југоисточниот регион не е исклучена. Најверојатно ќе се случи да се побара опција да се понуди формирање цена со и без затворање на дивите депонии - вели Каја Шукова од Министерството за екологија.

Оттаму уверуваат дека комуналните претпријатија од регионот нема да згаснат, бидејќи идниот концесионер од нив ќе го преземе само собирањето на отпадот.

- Никој не размислува да се укинат јавните претпријатија во регионот, бидејќи знаеме дека тие не се занимаваат само со собирање на отпадот, туку и со вода, јавни зеленила, гробишта итн. Тоа укажува на фактот дека ЈП нема да бидат укинати. Само делот што е за управување со отпад ќе биде даден на концесионерот - додава Шукова.

Во струмичкото комунално претпријатие велат дека собирањето и транспортот на отпадот учествува со триесет отсто во нивните приходи. Со изградбата на новата депонија ќе останат без тој приход, но се песимисти дека сегашната цена од 2,6 денара од квадратен метар за отпад ќе остане иста.

- Дали цената за собирање и транспортирање на отпадот ќе се формира како досега по квадратен или кубен метар или, пак, според килограми, ќе зависи од тие што претендираат да го добијат управувањето со депонијата, односно да предложат цена која ним ќе им одговара. Тие како приватни концесионери мора да имаат добивка од сето тоа - вели Панче Орцев, директор на ЈПКД „Комуналец“.

Новата регионална депонија ќе има капацитет од 1,2 милион кубни метри. Ќе се простира на површина од 12 хектари, а нејзината изградба ќе чини 22 милиона евра. Проектот е поддржан од италијанското министерство за животна средина, а планирано е во депонијата да се депонира цврст отпад за период од 25 години.

http://www.dnevnik.com.mk/?ItemID=02ABA740C7826D41919428D5C598B96B
Back to Top
OCB View Drop Down
Senior Member
Senior Member
Avatar

Joined: 03-Feb-2011
Location: 54
Online Status: Offline
Posts: 921
  Quote OCB Quote  Post ReplyReply #125 Posted: 10-May-2011 at 14:38
„Комунална хигиена“ се поднови со шест специјални возила



Градоначалникот на Град Скопје, Коце Трајановски и директорот на ЈП „Комунална хигиена“, Ракип Дочи, денеска промовираа шест нови специјални возила за потребите на јавното комунално претпријатие.

“Со овој чекор јасно се потврдува посветеноста на Градот Скопје да го опреми јавното претпријатие „Комунална хигиена“ со нова механизација и значително да ја подобри хигиената во Скопје. Шасијата на новите камиони е од марката IVEKO, а надградбата е на словенечката фирма ATRIK. ЈП „Комунална хигиена“ во 2009 година имаше само шест половни возила со кои опслужуваше 600.000 жители. Од 2009 година досега ова јавно претпријатие го опремивме со 18 нови возила, а во јули веќе очекуваме да пристигне нова пратка камиони што ќе бидат набавени преку кредит од Светската банка. Во „Комунална хигиена“ се прави и реорганизација на работењето, а со ставањето во употреба на новите камиони, канти и контејнери очекуваме проектот за обнова на ова јавно претпријатие да се заокружи – рече денеска градоначалникот Трајановски.



Нови 1.300 контејнери и 4.500 канти со капацитет од 120 литри се поставени на повеќе локации низ градот, како донација за Градот Скопје од Владата на Република Македонија.



Градот Скопје за потребите на ЈП „Комунална хигиена“ набави 116 жичeни комбинирани контејнери, за селектирање ПЕТ амбалажа, лименки и хартија. Контејнерите се долги 3,2 метри, високи 1,3 метри и широки 1 метар. Со поставувањето на овие контејнери Градот Скопје од минатиот месец им овозможува на граѓаните да вршат селекција на отпадот и да придонесат за почиста животна средина со намалување на количеството отпад што завршува на депониите зашто дел од селектираниот отпад може да се рециклира.

За набавка на контејнерите за селективно собирање на отпадот Градот Скопје издвои 3 милиони денари. Претходно, Градот Скопје за потребите на ЈП „Комунална хигиена“ има набавено 130 жичени контејнери за собирање пластика.

http://vox.mk/168/Item.aspx?Id=255fa507-55b1-4094-9b46-e4c5b8db4d47
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #126 Posted: 18-Jul-2011 at 21:37

Македонија и Бугарија - вљубеници во депониите


 

Двете држави се единствени во Европа каде што целиот комунален отпад се депонира, ништо не се рециклира или компостира, со што би се заштедиле пари и би се заштитила околината

 
 
%20 

Ние сме една од ретките земји во која не се селектира отпадот

И покрај тоа што е спротивно на сите европски стандарди ѓубрето да се фрла само на депонии, тоа и понатаму е единствениот начин на кој земјава се „ослободува“ од својот отпад. Во Европската Унија само 38 проценти од комуналниот отпад се депонираат, другото се пали во инценератори, се рециклира или се компостира. Од државите во ЕУ, само уште Бугарија го третира ѓубрето како нас, според последните статистички податоци од Еуростат и од Државниот завод за статистика(ДЗС).

Според ДЗС, во земјава лани вкупното количество собран комунален отпад изнесува 545.763 тони, кој целосно се фрла во депониите. Домаќинствата создале 78 отсто од ѓубрето, а фирмите и институциите 22 отсто. Секој жител на Македонија во просек направил 351 килограм отпад.

Данците се ѓубреџиски рекордери

Ако негативната страна на статистичките извештаи покажува дека ѓубрето во Македонија не служи за ништо освен за да ја загадува околината со депонирање, позитивната е дека го нема многу, односно дека ние сме долу на европската листа според количеството по жител, далеку од просекот што изнесува околу 500 килограми годишно. 

Најмалку ѓубре од европските земји произведува Полска со само 264 килограми од човек за една година. Затоа, пак, рекордер е Данска со дури 833 килограми, два и пол пати повеќе од нас. Но таму половина ѓубре се рециклира, а само четири проценти се фрлаат.

Според извештајот може да се забележи дека северните земји имаат развиено повисока свест, па има драстични разлики во третирањето на отпадот. Сепак, и меѓу нив има „шампиони“ во користењето депонии како најлесно средство за ослободување од отпадот, па така Летонија, Романија, Малта и Литванија речиси стопроцентно го употребуваат нашиот метод. Затоа, пак, Германија е единствената земја што не употребува ниту една депонија, а близу до неа се Холандија и Шведска, кои само еден отсто од ѓубрето го фрлаат на депонии. 

Еден по друг пилот-проект

Како град со најмногу жители, можеби и не е толку невообичаено најголемото ѓубре да се произведува токму во Скопје. Лани во главниот град биле собрани 140.262 тони отпад или 25,7 отсто од вкупното количество во земјава. Фактот дека неодамна градските власти добија 5.020 канти за селектирање на отпадот раѓа трошка надеж дека ќе дојде ден кога ќе почнеме ѓубрето да го третираме на вистинскиот начин. Кантите се во четири бои и во нив ќе се сепарираат четири различни видови отпад - стакло, хартија, лименки, мешовит отпад.

Од скопската градска управа велат дека имаат посебни стратегии, кои се на пат да се реализираат. 

- Многу сериозно работиме на развојот на нова стратегија за управување на отпадот. Веќе во значителна мера се почнати некои појдовни активности поврзани со рециклирањето. Веќе работиме на неколку проекти со Владата, УНДП и со општините. Со Центар ќе се реализира проектот за подземно депонирање на контејнерите, кои ќе бидат во три бои за различен отпад. Во овој проект ќе инвестираме по 10 милиони денари, заедно со општината Центар, а проектот ќе го имплементира ЈП „Комунална хигиена“ - велат од одделението за односи со јавноста на градот Скопје.

Освен овие активности, под покровителство на УНДП почна проект за вклучување на собирачите на отпад од контејнерите. И со УСАИД се работеше на пилот-проекти за селектирање на отпадот.

„Дрисла“ може да влезе во ЕУ

Каква стратегија има земјава за отпадот? Од Министерството за животна средина и просторно планирање велат дека од големиот број депонии само „Дрисла“ ги исполнува стандардите на ЕУ. 

- Во земјава постојат 55 комунални депонии, но ниту една од овие, освен депонијата „Дрисла“, не е во согласност со барањата од Директивата на ЕУ за депонии. Во националниот план за управување со отпад се предвидува изградба на од пет до седум регионални комунални депонии, а сегашните треба да бидат затворени. Регионалните депонии ќе ги опфаќаат планските региони, во согласност со Законот за рамномерен регионален развој - вели Ана Карамфилова-Мазневска, раководителка на секторот за отпад во Министерството за животна средина и просторно планирање. 

Таа вели дека веќе се почнати постапки за доделување концесија за депонии во југоисточниот и полошкиот регион.

- Управувањето со отпадот е еден од најсериозните еколошки проблеми во Македонија. Покрај рамковниот закон за управување со отпад, донесени се и законите за управување со пакување и отпад од пакување, со отпад од батерии и акумулатори, како и со отпад од електрична и електронска опрема - вели Карамфилова-Мазневска, додавајќи дека веќе се подготвуваат повеќе национални и локални планови и програми за правилно третирање на отпадот.

 

Неорганизирано се фрла и е-отпадот 
 Несоодветно фрлените електронски уреди и делови, т.н. е-отпад (електронски и електричен отпад), претставуваат опасност за животната средина и здравјето на луѓето бидејќи содржат токсични елементи, кои се шират преку почвата, подземните и површинските води, како и низ воздухот преку чадот од депониите, укажуваат експертите. Фондацијата „Метаморфозис“, која спроведе истражување за да го процени количеството е-отпад во Македонија, предупредува дека ваквите ризици се особено големи во услови на кревки институции, нецелосно законодавство и недоволна заштита на животната средина. 
Резултатите од истражувањето покажуваат дека најголем процент од домаќинствата во земјава моментно користат фрижидери (99 отсто), машини за перење алишта (94 отсто), шпорети (92 отсто), телевизори со катодна цевка (92 отсто), мобилни телефони (86 отсто), персонални компјутери и ДВД-плеери (52 отсто), лаптоп-компјутери (29 проценти). Оттука, според „Метаморфозис“, може да се види застапеноста на уредите, кои поради сé пократкиот век на користење за одреден период ќе станат е-отпад. 
Голем број уреди, пак, што веќе не се во употреба, а претставуваат е-отпад, сепак се чуваат во домовите, 29 отсто мобилни телефони, 22 проценти фрижидери, 19 отсто телевизори со катодна цевка. 
Многу домаќинства ги отстраниле старите електрични и електронски уреди, но поради тоа што не постои организиран начин за фрлање на е-отпадот во Македонија, речиси сите се донирани, продадени како половна стока или оставени на улица, до контејнер.
- Вкупно 34 отсто од домаќинствата веќе го отстраниле фрижидерот, 27 отсто машината за перење алишта, 24 отсто шпоретите, 23 проценти телевизорите со катодна цевка, 16 отсто мобилните телефони, пет отсто персоналните компјутери и по еден отсто ДВД-плеерите и лаптоп-компјутерите - информира „Метаморфозис“.
Фондацијата го спроведе истражувањето во рамки на проектот „Балканска мрежа за застапување при управување со е-отпад“.


%20

 
  
Автор: Биљана Стојановска

http://www.novamakedonija.com.mk/NewsDetal.asp?vest=71811842309&id=9&&prilog=0setIzdanie=22333
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #127 Posted: 22-Jul-2011 at 19:35
I Kicevo dobi nov kamion za gjubre








Edited by my Macedonia - 22-Jul-2011 at 19:36
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #128 Posted: 22-Jul-2011 at 20:23
не е нов камионот земљак,позајмен е од Скопје бидејќи од сите три камиони кои ги имаше Кичево,најдобриот од нив изгоре во пожар пред 2 месеца,па на молба Скопјеани дадоа еден на заем.Иначе ЈП`Комуналец` Кичево има подогнато кредит за обнова на возен парк,а што ќе се купи на крај ќе видиме,засега има земено еден трактор за собирање на картон

ПС.ако има некој желба можам да поставам слика од опожарениот камион
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #129 Posted: 22-Jul-2011 at 20:35
Originally posted by gjoko

не е нов камионот земљак,позајмен е од Скопје бидејќи од сите три камиони кои ги имаше Кичево,најдобриот од нив изгоре во пожар пред 2 месеца,па на молба Скопјеани дадоа еден на заем.Иначе ЈП`Комуналец` Кичево има подогнато кредит за обнова на возен парк,а што ќе се купи на крај ќе видиме,засега има земено еден трактор за собирање на картон

ПС.ако има некој желба можам да поставам слика од опожарениот камион


Abe kakov zemljak, vo centarot na gradot ziveam Big%20smileBig%20smile(se salam)
Pa jas ne znam, vidov deka e nov pa si mislev deka e nov
Aj daj slika od opozareniot kamionCheers

EDIT: fossil fala sto mi kaza sto e zemljak, jas prasav i vo kicevo pa tie mi rekoa deka zemljak e covek sto raboti na niva Big%20smile pa zatoa pogresno razbrav


Edited by my Macedonia - 23-Jul-2011 at 10:50
Back to Top
FoSsiL View Drop Down
Senior Member
Senior Member
Avatar

Joined: 01-Mar-2009
Location: Аеродром
Online Status: Offline
Posts: 4699
  Quote FoSsiL Quote  Post ReplyReply #130 Posted: 22-Jul-2011 at 22:59
zemljak misli kako na sogragranin.. sozitel, od ista zemja... komsija
Македонија - Земја на чудата!
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #131 Posted: 23-Jul-2011 at 11:38
еве слика од опожарениот камион,во меѓувреме добро го `очерупале` за делови и старо железо.собраното ѓубре сеуште е внатре, и за де изгасни го отваравме камионот од горна страна како конзерва.настана на 4-5 метри од гинекологија,имаше многу чад,а во тек беше операција внатре,па беше доста густо


неколку денови после изборите(многу чудно) се асфалтираше и патот до градската депонија(дива е,на 300 метри од болница)

Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #132 Posted: 27-Jul-2011 at 11:33
ПРОМОВИРАНИ 15 НОВИ КАМИОНИ ЗА ПОДИГАЊЕ КОМУНАЛЕН ОТПАД

Градот Скопје и ЈП „Комунална хигиена“ денеска /27.07.2011 година/ промовираа 15 нови возила за собирање и транспортирање на комуналниот отпад. Новите возила, според резултатите од спроведениот меѓународен јавен повик, се набавени од компанијата “ATRIC D.O.O.” со седиште во Љубљана, Словенија. Средствата за набавка на новите специјални комунални возила во вредност од околу 109.861.000 денари без ДДВ се обезбедени со кредит од Светската банка кон Република Македонија во рамките на „Проектот за подобрување на општинските услуги“, а како подзаем преку Владата на Република Македонија.

На промоцијата на новите камиони за ЈП „Комунална хигиена“ присуствуваа градоначалникот на Град Скопје, Коце Трајановски и претседателот на Советот на Град Скопје, Ирена Мишева.

Градот Скопје успешно го завршува проектот за доопремување на ЈП „Комунална хигиена“ со нова механизација. Набавивме 35 нови специјални возила за подигање и транспортирање на комуналниот отпад од контејнерите и од пластичните канти, а до крајот на неделава треба да пристигнат уште две метларки. За набавка на нова механизација за „Комунална хигиена“ од 2009 година до денес Градот Скопје инвестираше четири милиони евра. Со ова го остваруваме ветувањето дадено пред граѓаните дека интензивно ќе работиме на подигнување на јавната хигиена во градот и дека граѓаните навистина ќе ја почувствуваат разликата – рече денеска градоначалникот Трајановски.

Спецификацијата на новите возила за ЈП „Комунална хигиена“ е:

Побарано

Понудено

Кол.

Возило за собирање на отпад со капацитет на надградба од 20 м3 за собирање и транспортирање на отпад од садови за отпад со зафатнина од 1,1 м3, 120 l, 5 и 7 м3

ATRIK R2P 20m3 AU AV on chassis Iveco Stralis AD 260S31P

2

Возило за собирање на отпад со надградба со капацитет од 20 м3 за собирање и транспортирање на отпад од садови за отпад со зафатнина од 1,1 м3 и 120 l

ATRIK R2P 20m3 AU on chassis Iveco Stralis AD 260S31P

3

Возило за собирање на отпад со капацитет на надградба од 16 м3 за собирање и транспортирање на отпад од садови за отпад со зафатнина од 1,1 м3 и 120 l

ATRIK R2P 16 m3 AU on chaqssis Iveco Eurocargo ML190EL25

3

Возило за собирање на отпад со капацитет на надградба од 8 м3 за собирање и транспортирање на отпад од садови за отпад со зафатнина од 1,1 м3 и 120 l

ATRIK MS2 8m3 AU on chassis Iveco Eurocargo ML100E10

5

Специјално комунално возило – Самоподигнувач за подигнување и транспортирање на садови за отпад со зафатнина од 5 и 7 m3 

ATRIK SN 83 T on chassis Iveco Eurocargo ML150E18

2

Специјално комунално возило – Метлачка за метење на јавни сообраќајни површини со капацитет на собирниот сандак од 5 m3

DULEVO 5000 Evolution

2

Со набавката на новите специјални комунални возила значително ќе се подобри јавната хигиена во градот, ќе се зголемат капацитетите за собирање и транспортирање на отпадот во Скопје, ќе се овозможи проширување на услугата на јавното претпријатие во руралните делови на општините и ќе се исполнат еколошките стандарди - намалување на емисијата на штетни гасови и заштита на животната средина.

 


http://www.skopje.gov.mk/ShowAnnouncements.aspx?ItemID=4396&mid=482&tabId=&tabindex=0
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #133 Posted: 27-Jul-2011 at 12:02
CheersOdlicno!

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #134 Posted: 23-Aug-2011 at 21:59

ОД 2012 ГОДИНА ОД ОТПАДОТ ЌЕ СЕ ДОБИВА СТРУЈА

Дрисла“ од ѓубрето ќе прави пари



По два пропаднати обида на претходните раководства за производство на струја од депонираниот отпад, сегашниот директор Горан Ангелов најавува трет обид и уверува дека ќе биде успешен

За наредната година од јавното претпријатие „Дрисла“ најавуваат “трета среќа“ за воведување на проектот за искористување на ѓубрето за производство на електрична енергија. Во изминативе пет години двајца директори потрошија драгоцено време и пари за овој проект, без работите воопшто да ги помрднат од место. Беа изработени две студии, но тие пропаднаа поради недоволен ангажман на раководствата. 
Сега повторно се актуализира можноста од отпадот во депонијата „Дрисла“ да се произведува електрична енергија. Директорот на депонијата „Дрисла“, Горан Ангелов, вели дека е оптимист дека овој обид ќе биде успешен. Според него, депонискиот гас би почнал да се искористува веќе од наредната година.
- Направена е нова физибилити-студија која предвидува дупчње на 70 бунари во телото на депонијата. Од нив ќе се вади гасот кој потоа ќе се носи во резервоари, а на крај ќе согоруваат во турбини - објасни Ангелов.
Електричната енергија што би се добивала со искористување на метанот од депонијата „Дрисла“, според директорот, би носела приходи од 500.000 евра годишно. Тие средства потоа би се користеле за разни интерни инвестиции. 
Самиот проект, пак, за копање на бунарите и искористување на гасот од распаѓањето на ѓубрето ќе чини меѓу 1,5 и 2 милиона евра. 
Во четврток англиската фирма „Мот Мекдоналд“ треба да им го предаде финалниот проект на Градот и на „Дрисла“, кој е финансиран од ИФЦ - групација која е дел од Светската банка.
- Оваа фирма на Градот му предложи најоптимална технологија која ги задоволува европските директиви, земајќи ја предвид економската моќ на граѓаните од скопскиот регион - нагласи Ангелов. 
Тој потсети дека во време кога била отворена депонијата, за оваа цел имало ископано 40 бунари. Но за време на Косовската криза во 1999 година тие во голема мера биле уништени, објаснува директорот. Од бегалските кампови, во депонијата дополнително се носеле од 600 до 700 тони смет, па поради несоодветната механизација и ракувањето со неа, бунарите биле значително оштетени. 
Произведената електрична енергија, рече тој, потоа ќе се продава на ЕВН, а дел ќе се користи за затоплување на работните простории.
За потсетување, досега имаше два обида за искористување на метанот за производство на струја. Првиот пат беше пред пет години кога јапонската фирма „Шимицу“ беше ангажирана да посочи каква технологија е потребна за да се произведува струја, како и колкаво количество би се добивало од гасот. Во проектот беше вклучена заедно со јапонската влада, но до реализација не дојде. Според директорот, јапонската фирма не ја предала финалната верзија, а една од причините за неуспех е и недоволната заинтересираност на тогашното раководство на јавното претпријатие „Комунална хигиена“. Вториот пат беше за време на директорувањето на Златко Димовски, кога тој најавуваше соработка со италијанска фирма, но и тој обид пропадна. Директорот Ангелов и во овој случај нагласи дека никогаш не дошло до финален проект, само до прелиминарна фаза.

Анела Петрова

http://dnevnik.com.mk/?ItemID=5435403E8B05C14F8665477B5933F8A9
Back to Top
theMac3donian View Drop Down
Senior Member
Senior Member
Avatar

Joined: 30-Mar-2010
Online Status: Offline
Posts: 306
  Quote theMac3donian Quote  Post ReplyReply #135 Posted: 30-Aug-2011 at 16:52
Општина Гевгелија


ЈПКД Комуналец денеска својот возен парк го збогати со две нови возила за подигање на сметот.



Според зборовите на директорот на ЈПКД Комуналец, Горан Гавриловски, се работи за половни возила марка Мерцедес, вредни 3.600.000 денари, кои претпријатието ги набави со сопствени средства. Градоначалникот Иван Франгов истакна дека, средствата со кои се набавени овие возила за смет, се реинвестирани средства од остварената добивка на

ЈПКД Комуналец, средства од граѓаните, кои им се враќаат на граѓаните и со кои се подобруваат условите за работа на претпријатието, а воедно и квалитетот на извршените услуги во сите населени места во општина Гевгелија.


ИЗВОР (Интернет страница на Општина Гевгелија)

Edited by theMac3donian - 30-Aug-2011 at 16:56
(НУ)МНМБЗДИСМНВИМНЖНКР
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #136 Posted: 19-Sep-2011 at 11:19

17 компании сакаат да инвестираат во Дрисла

Ивана Колева
17%20компании%20сакаат%20да%20инвестираат%20во%20Дрисла%20

Поради лошата инфраструктура и недостигот од пари, ќе се бара приватен содружник во Дрисла на период до 35 години. Се очекува тој партнер да инвестира 82 милиони евра и да ја направи депонијата европска


Седумнаесет компании од Австрија, Германија, Кина, САД, Канада, Италија и Шведска досега официјално ја посетиле скопската депонија Дрисла. Причина за тоа е што градот Скопје бара нов приватен содружник, со кој ќе се основа друштво за ограничена одговорност, кое ќе добие концесија за управување со отпадот во депонијата во рок до 35 години. Градот Скопје ќе бара од приватниот содружник да инвестира со цел Дрисла да работи во согласност со европските стандарди и регулативи.

Поради лошата инфраструктура на депонијата, која се наоѓа на 14 километри од центарот на главниот град, се бара приватен инвеститор кој ќе го подобри работењето на депонијата, за што се проценува дека се потребни 82 милиони евра.

“Досега во Дрисла се инвестирани околу 10 милиони евра. Но, за исполнување на новите проекти се потребни уште 82 милиони, кои треба да ги обезбеди приватниот содружник. Најважно е новиот партнер, барем на почетокот, да понуди исти цени за услугите, иако не е исклучена можноста во иднина тие да растат поради инвестициите и движењето на цените на енергенсите на светските берзи“, вели Горан Ангелов, генерален директор на ЈП Депонија Дрисла.

За него е значајно и колкав процент од ДОО ќе поседува градот Скопје.

“Интересот за наоѓање приватен содружник со кој ќе се постигне договор за концесија е голем, а очекуваме во иднина да продолжи да расте. Досега 17 компании од Австрија, Германија, Кина, САД, Канада, Италија и Шведска дојдоа во официјална посета на Дрисла и се надеваме дека ќе избереме партнер кој на граѓаните ќе им ги понуди условите кои најмногу им одговараат“, вели Ангелов.

Во моментов на депонијата нема доволно инфраструктура, нема постројка за селекција на отпад, не постои систем за прибирање на исцедокот и гасот, а голем дел од отпадот останува непокриен. Санитарната депонија Дрисла е во функција 24 часа дневно, 365 дена во годината. ЈП Депонија Дрисла се класифицира како мало или микропретпријатие, а лани имало 125 вработени. Добивката на Дрисла за 2010 година изнесува 665.485 евра, а 17% од приходите се донација или субвенција од градот Скопје.

Ангелов вели дека главно ќе се фокусираат на запечатување на старата депонија и изградба на нова и пософистицирана. Во моментов од најголем интерес е да се изгради станица за прочистување на отпадните води кои се слеваат во депонијата. Англиска фирма специјализирана за изработка на студии за управување со отпад изработила таква студија - за најоптималната технологија која треба да се примени. Треба да се набават повеќе нови постројки - за селекција на отпад, за третман на отпад и на градежниот шут. ЈП Депонија Дрисла е единственото претпријатие во земјата кое врши собирање, транспорт и согорување на медицински отпад.

ШТО ЗНАЧИ РАБОТА ПОД КОНЦЕСИЈА?

Моделот на концесија е еден од најпознатите модели на јавно-приватно партнерство (ЈПП), кој директно ги поврзува приватниот партнер (концесионер) со крајните корисници на услугите. Приватниот партнер, иако е под контрола на јавниот, ги дава јавните услуги и ги наплаќа од крајните корисници. Во одредени случаи можно е концесионерот да му плаќа на јавниот партнер концесиски надомест. Во други случаи пак, јавниот партнер му плаќа на концесионерот одреден надомест како дополнување за ненаплатениот надомест кој го наплаќа концесионерот од крајните корисници.

Ризикот од вршење на дејноста, по правило, го презема концесионерот, а инфраструктурата изградена од приватниот партнер по истекувањето на договорот се пренесува или останува во сопственост на јавниот партнер. Доделувањето концесија е можно само во случај ако тоа го дозволуваат материјалните закони.

http://www.kapital.com.mk/mk/dneven_vesnik.aspx/73671/17_kompanii_sakaat_da_investiraat_vo_drisla.aspx?iId=2356
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #137 Posted: 26-Sep-2011 at 10:55

Североисточниот регион од ѓубре ќе прави струја

 Општините Куманово, Крива Паланка, Кратово, Старо Нагоричане, Ранковце и Липково, проблемот со цврстио отпад ќе го решаваат со палење. Во една од општините ќе се изгради специјален објект со печки за палење на сметот, а од негово согорување ќе се добива електрична енергија.

Североисточниот%20регион%20од%20ѓубре%20ќе%20прави%20струја

Проектот ќе биде реализиран по чешко искуство, од каде се заинтересирани да инвестираат 150 милиони евра во три региони во државата.

Овој начин на справување со цврс отпад е по ефикасен,а има и доходовна страна. На годишно ниво ќе се уништува 80 илјади тони смет, од што ќе добиваме околу 10 мегават часови електрична енергија. Така ќе ја збогатиме енергетската моќ на овој регион.  Уште не сме ја дефинирале локацијата каде ќе се гради објектот, но најверојтно тоа ќе биде во Куманово, затоа што имаме најмногу смет во однос на другите општини, а ќе може печката да се приклучи на гас- вели градоначалникот на Куманово Зоран Дамјановски.

Сметот пред преработката нема да се селектира, туку директно оди во бункерите и се пали, а потоа од него со магнети се вади металот како суровина.Немало еколошки импликации, бидејќи во Прага се наоѓала во центарот на градот.

До крајот на октомври треба да пристигне делегација од Чешка, која ќе потпише договорот за изработка на студијата, која чини околу 250 илјади евра. Половина од сретствата ќе го обезбедат општините од Североисточниот регион, а останате чешкиот партнер.

Новото решение за справување на цврстиот отпад во Свероисточниот регион уследи откако општините со години наназад не можат да се договорат на чија територија да се гради санитарна депонија.

http://www.kumanovonews.com/vesti/vesti/severoistocniot-region-od-djubre-ce-pravi-struja.html
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #138 Posted: 02-Nov-2011 at 15:01
ЈП “Комуналец” набавува камиони за собирање на отпадоци
komunalec_truck_t.jpg01.11.2011
Камионот за собирање на отпадоци кој пристигна деновие од Германија, со вредност од 15 илјади евра, е првиот од 3 или 4 камиони со кои ќе се снабди ЈП “Комуналец“.

 “Деновиве пристигна првиот камион за собирање на отпадоци, а наскоро ќе набавиме уште 2 или 3 други, односно за обновување на возниот парк на претпријатието ќе потрошиме до 2,5 милиони денари, средства од буџетот на Општина Гостивар“, информира Куртиш Салија, директор на претпријатието.

ЈП “Комуналец“ деновиве започна со акцијата за собирање на листовите и со сечење на сувите гранки во разни делови од градот. “Во моментов повеѓе сме концентрирани во населба Малеарди, каде што ги чистиме листовите и ги сечеме гранките од дрвјата на кои им заминал периодот на вегетација“, истакнува Салија.

Од ова претпријатие, исто така информираат дека со средства обезбедени од општинскиот буџет, при крај е изградбата на колекторот за отпадни води во село Форино, изградбата на канализација во село Равен и еден крак од улица во населба Питарница. Изградбата на канализација деновиве заврши во една улица во населба Питарница, а започната е и изградбата на канализација во Горна Бањица.

komunalec_truck_1.jpg
komunalec_truck_2.jpg
http://www.gostivari.gov.mk/index.php?option=com_content&task=view&id=1077&Itemid=1
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #139 Posted: 08-Nov-2011 at 15:16

Првата регионална депонија во завршна фаза

Проектот за изградба на првата регионална депонија во државата влегува во третата завршна фаза.

Трите австриски и една италијанска компанија кои останаа во трката за концесионер на депонијата во ова фаза треба да го добијат модел договорот за концесијата во кој ќе бидат специфицирани сите барања на десетте општини од југоисточниот плански регион.

- Ние како министерство односно како Влада на Република Македонија сме многу заинтересирани овој проект да биде успешен бидејки е прв во Македонија и другите региони после можат да го следат примерот на Југоисточниот плански регион - рече министерот за животна средина и просторно планирање Абдулаким Адеми.

Врз основа на сето тоа што ке биде утврдено во тендерската документација потенцијалните концесионери ќе ги дадат своите финални понуди кои ке бидат и одлучувачки за изборот на концесионерот кој треба да се случи најдоцна до 1 март идната година.

- Се правиме да се плати помала цена а да добиеме квалитет. Тоа ни е основата и сите треба да се водиме од ова,посебно бидејќи сме први, пилот што значи во нашата држава нема такви искуства досега - рече Стојан Лазарев, претседател на совет на градоначалници на ЈИ плански регион.

Регионалната депонија во струмичко ке биде изградена на површина од 12 хектари и ке чини над 20 милиони евра.

Во периодот на експлоатација кој ќе трае 25 години треба да се депонира околу 1.200.000 метри кубни цврст отпад од вкупно десет општини од југоисточниот плански регион.

http://www.sitel.com.mk/dnevnik/biznis/prvata-regionalna-deponija-vo-zavrshna-faza
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #140 Posted: 28-Nov-2011 at 01:47

„Дрисла“ избира меѓу две понуди за нова печка

Постојниот инцинератор, кој е донација од Велика Британија и е стар повеќе од 30 години, ќе се исфрли целосно од употреба

ЈП „Дрисла“ идната недела ќе одлучи дали и која понуда ќе ја одбере од двете доставени за купување нова печка за уништување медицински отпад. Тогаш ќе се знае колку претпријатието ќе треба да плати за нова печка, колкав капацитет на согорување ќе има, како и други технички карактеристики.

„Имаме две понуди за печката за согорување медицински отпад. Конечна одлука од понудите што се отворија минатата недела се' уште нема, се прави нивна евалуација. Најверојатно, во текот на идната недела ќе донесеме решение за избор на најповолен понудувач“, информираат од „Дрисла“.

Новата печка ќе ги задоволува строгите еколошки параметри за емисија на гасови, со што ќе бидат исполнети барањата утврдени во Европската директива за согорување отпад. Согласно со критериумите во тендерот, новата печка ќе има капацитет три пати поголем од сегашната, или околу 1.600 тони на годишно ниво.

Постојната, пак, целосно ќе се исфрли од употреба, оти е стара повеќе од 30 години и едвај е функционална. ЈП „Дрисла“ ќе го купи новиот инцинератор на кредит, одлука за која неодамна доби согласност и од Советот на Скопје. Надлежните очекуваат дека за неа ќе треба да платат околу три милиони евра. Инаку, нов инцинератор на „Дрисла“ и' е потребен уште од поодамна. Печката, која се користи од 2000 година и е добиена како донација од Велика Британија, едвај ги задоволува потребите на депонијата. Таа освен што е веќе 11 години кај нас, претходно 20 години се користела и во Англија. (Дс.Т.)

http://www.utrinski.com.mk/?ItemID=D6E14FA448492842BBC86186ADEB8D61
Back to Top
 Post Reply Post Reply Page  <1 5678>

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.