Проширување на бул. Никола Карев (Пластичарска)

ГРАД СКОПЈЕ ЈА РЕНОВИРАШЕ ПЛАСТИЧАРСКА УЛИЦА, АМА ОСТАВИ ПЕШАЧКИТЕ ПАТЕКИ ДА БИДАТ ОКУПИРАНИ ОД КОЛИ



Тротоарите долж булеварот Никола Карев или Пластичарска улица не се ослободени за движење на пешаци и велосипеди после реконструкцијата. Од двете страни долж булеварот тротоарите се окупирани со коли, иако градоначалникот Петре Шилегов при стартот на градежните работи најави дека во рамките на реконструкцијата ќе бидат изведени пешачки и велосипедски патеки. Тротоарите се реновирани, поставен е нов слој асфалт, но не се поставени столпчиња за да се спречи паркирањето на возила.

Од Град Скопје велат дека ќе постават столпчиња и ќе го ослободат овој дел за движење на пешаци и велосипеди откако ќе обезбедат место за паркирање за жителите и сопственците на дуќаните. Не прецизираат кога ќе се случи тоа и како и каде ќе обезбедат место за паркирање.

„Градот Скопје деновиве заврши со реконструкцијата на булеварот Никола Карев. Покрај работата на булеварот и сите негови елементи, во моментов се работи и на решавање на проблемот со паркирање во овој дел од Скопје. По неговото решавање и овозможување на простор за паркирање на жителите и објектите на оваа локација, Градот ќе пристапи на поставување на столпчиња“, велат од Град Скопје.

Град Скопје минатата недела заврши со реконструкцијата на првата фаза од улицата Пластичарска од Бит пазар до касарната Илинден. Сега Пластичарска улица има по две сообраќајни ленти во двата правци и средишно зеленило онаму каде што тоа го дозволува просторот. На целиот потег е изведена атмосферска канализација која досега не постоеше. Реконструкцијата чини 2,1 милион евра.

Градоначалникот Петре Шилегов најави дека пролетва Градот ќе почне со градежни работи за проширување и реконструкција на сообраќајницата до крстосницата кај Момин поток.

[https://sdk.mk/index.php/dopisna-mrezha/grad-skopje-ja-renovirashe-plasticharska-ulitsa-ama-ostavi-peshachkite-pateki-da-bidat-okupirani-od-koli/

Originally posted by zabegan Зошто во градов не се поставуваат високи тротоари за да се реши овој проблем?

Ете ти ефикасно решение без многу галама, бетонски огради и полиција...

а да направат монтажен паркинг над самата улица? Изводливо ли е? Можеби може и катна во близина на ПС.

ПОСТАВУВАЊЕ НА ПОРТАЛНИ СЕМАФОРСКИ СТОЛБОВИ НА КРСТОСНИЦА БУЛЕВАР НИКОЛА КАРЕВ СО УЛИЦА САМОИЛОВА









https://www.facebook.com/JP-Ulici-i-patista-Skopje

Ја извозев пред некој ден првпат вака проширена... и мислам дека сум позитивно изненаден од рамните шахти. Имав заборавено како изгледа таа работа.

Нема никакви активности најверојатно зашто уште немаме ни официјална влада, иако надлежностите се на градот, ама знаете како функционира тоа кај нас.

ОД ДЕНЕСКА СЕ ГРАДИ И ПРОШИРУВА БУЛЕВАРОТ НИКОЛА КАРЕВ ДО МОМИН ПОТОК

Екипите на Град Скопје денеска ја почнаа втората фаза од изградбата и реконструкцијата на булеварот Никола Карев, на потегот од крстосницата кај касарната „Илинден“ до Момин поток. Градежни работи ќе се изведуваат на траса долга околу 1 километар, а покрај реконструкцијата на постојниот коловоз предвидено е и негово проширување на 4 сообраќајни ленти со ширина од 3,5 метри, разделно зеленило и мешани пешачко-велосипедски патеки од двете страни.

Град Скопје почнува со втората фаза од изградбата и реконструкцијата на булеварот Никола Карев. Оваа пролет завршивме со првата фаза од реконструкцијата на булеварот Никола Карев, на потегот од клучката кај Бит Пазар до крстосницата кај касарната „Илинден“ во вкупна должина од 1.440 метри, а денеска почнуваме со градежни активности за изградба на булевар во должина од околу 1 километар. Се работи за исклучително фреквентна сообраќајница која е најмногу искористена од жителите на Карпош, Центар, Чаир, Шуто Оризари, Бутел и Гази Баба, но како транзитна сообраќајница ја користат и оние кои само минуваат низ овој дел на градот. Во текот на градежната офанзива за оваа година во рекордно кратки рокови реконструирани беа дваесетина главни градски сообраќајници во сите десет скопски општини. Реконструираните улици се побезбедни за сите учесници во сообраќајот, го продолжуваат рокот за амортизација на возилата и ги нема дупките по улиците што порано беа карактеристични за нашиот град. Новата инфраструктура, каква што не сме ја имале досега е мој императив, но и императив на другите градоначалници. Чекор по чекор влегуваме во една сериозна обнова на Скопје – рече денеска градоначалникот Петре Шилегов.
На булеварот Никола Карев, во оваа втора фаза од реконструкцијата, дополнително се предвидува изведба на нова атмосферска канализација, изведба на потпорен ѕид во должина од 690 метри и ново лед осветлување од двете страни. Реконструкцијата на оваа улица ќе се искористи и за замена на дел од старата и поставување на нова подземна инфраструктура онаму каде што е потребно од страна на различни субјекти, за да се избегне прекопување на новиот асфалт по завршувањето на реконструкцијата.
Вредноста на договорот за оваа фаза изнесува околу 160 милиони денари со вклучен ДДВ, а градежните работи се очекува да завршат во рок од 6 месеци.
Градоначалникот Шилегов денеска упати апел до граѓаните да покажат разбирање додека траат градежните работи на оваа делница и да ги следат информациите за привремен режим на сообраќај што ги објавува Градот Скопје. Тој додаде дека покрај реконструкциите на постојните улици се работи и на изнаоѓање модерни и одржливи сообраќајни решенија кои ќе ги зголемат ефикасноста на градскиот сообраќај и одржливоста на урбаната мобилност во градот.











https://www.facebook.com/CityofSkopje

Се пробива трасата низ ридот на потегот од крстосницата кај касарната Илинден до Момин поток во Скопје заради проширување во булевар на улицата Никола Карев. Проширување се врши и од другата страна на улицата. Со земјата која се вади од ридот се пополнува просторот од другата страната над реката Вардар, кој досега беше неуреден и запуштен. „Се работи за исклучително фреквентна сообраќајница, која до јуни ќе добие сосема поинаков изглед. Откако ќе завршиме со проширувањето од двете страни, ќе се премине кон изведба на потпорниот ѕид од страната на касарната Илинден во должина од 690 метри. Потоа ќе следува трасирање на целиот нов булевар, односно изведба на четири коловозни ленти, средишна жардиниера, велосипедска и пешачка патека од двете страни на булеварот, нешто што досега го немаше. Целиот потег ќе добие и ново осветлување и висококвалитетни дрвја и зимземелини садници како што садиме на другите локации низ градот“, вели градоначалникот Петре Шилегов. Долж трасата ќе се постави нова нова атмосферска канализација и ќе се замени старата подземна инфраструктура онаму каде што е потребно. Проширувањето на овој дел во булеварот чини 2,6 милиони евра. Шилегов најави дека по завршување на градежни работи на булеварот, ќе се стартува со изградба на клучка на две нивоа кај Момин поток и кружен тек кај „Хубо маркет“ со што би се решил метежот во сообраќајот во овој дел од градот.

https://sdk.mk/index.php/dopisna-mrezha/se-probiva-trasata-niz-ridot-kaj-skopskata-kasarna-ilinden-za-proshiruvaneto-vo-bulevar-na-ulitsata-nikola-karev/

Голема штета што се чекало до сега, а проектот е релативно лесен и ефтин со оглед на тоа што се работи за државно земјиште. Меѓутоа што и да се направи ништо без клучката кај Момин Поток која е тесното грло.