Општинска зграда Гази Баба

ПО ЧЕТИРИ ДЕЦЕНИИ ПОМИНАТИ ВО ПОСТЗЕМЈОТРЕСНИТЕ БАРАКИ

ГАЗИ БАБА ЌЕ СЕ СМЕСТИ ВО ЗГРАДА

Општина Гази Баба, со јавно-приватно партнерство, на местото на старите бараки кои се наоѓаат спроти хотел "Континентал", ќе изгради две нови згради

По повеќе од 38 години, општинските бараки на Гази Баба ќе бидат заменети со згради. На местото на старите општински бараки ќе се изградат две нови згради, а во едната од нив ќе се смести општината. Според најавите на општинарите, зградите ќе се градат со јавно-приватно партнерство.

"Не се работи за класично јавно-приватно партнерство туку за партнерство кое ќе опфати и продажба на земјиште. Партнерот кој ќе понуди најдобра цена за земјиштето, ќе ги изгради и двете згради. Едната ќе биде за општината, а другата ќе остане негова", рече Емилија Кипровска, портпарол на Општина Гази Баба.

За реализација на овој проект нема одредено колку средства ќе бидат издвоени бидејќи, според Кипровска, сè уште е рано да се одреди вкупната вредност на проектот. Гази Баба веќе распиша конкурс за избор на идејно решение за објектот во кој е планирано да се смести општината. Идејните решенија треба да се достават најдоцна до 17 ноември. На конкурсот ќе се доделат и награди - прва награда во висина од 60.000 денари, втора награда од 40.000 денари и трета награда од 20.000 денари.

На местото на бараките, според деталниот урбанистички план, предвидени се петнаесеткатници, но колкава ќе биде зградата во која ќе се смести општината, ќе зависи од идејното решение. Општинарите очекуваат таа да биде на четири ката, со оглед на тоа што во неа освен општината, треба да се сместат и подрачните единици од министерствата.

Општина Гази Баба е сместена во постземјотресните бараки, спроти хотелот "Континентал", од 1976 година.

http://www.vest.mk/default.asp?ItemID=360EE22B4F2E3E4F9D1EB1757757FAD9

Во новата година почнува изградбата на општинската зграда


Инвеститорот од Косово „УТП Дино ДООЕЛ“ го купил земјиштето кое има две парцели, а за сметка на тоа ќе ја изгради општинската зграда до клуч на рака, која ќе биде со приземје и шест ката, а се очекува од средината на јануари кога ќе се најде соодветно место за сместување на администрацијата и кога ќе се издаде градежната дозвола да започнат и подготвителните работи

Општина Гази Баба деновиве го потпиша договорот со инвеститорот „УТП Дино ДООЕЛ“, компанија од Косово за изградба на општинската зграда, која ќе биде на местото на старите бараки, спроти хотелот „Континентал“. Во оваа зграда ќе биде сместена општинската администрација и вработените од подрачните единици на министерствата кои се во рамките на Општината.

Како што објасни градоначалникот Борис Георгиевски, инвеститорот од Косово „УТП Дино ДООЕЛ“ го купил земјиштето, кое опфаќа две парцели, а за сметка на тоа е должен да ја изгради општинската зграда на едната парцела и тоа до клуч на рака, а на другата добива можност да гради станбено-деловен објект.

Парцелата каде што ќе биде општинската зграда е со површина од 5.000 квадратни метри.

– Општинската зграда ќе биде со приземје и шест ката, додека другата парцела е со површина од 42.000 квадратни метри. Под општинската зградата ќе има подземен паркинг на две нивоа – објасни Георгиевски.

Тој додаде дека општинската зграда ќе чини 2,5 милиони евра.

– Во моментов бараме соодветно место каде што би можело да се пресели општинската администрација. Се надевам дека до средина на јануари ќе ја издадеме градежната дозвола и ќе најдеме соодветно место да се преселиме и да се започнат подготвителните работи – изјави Георгиевски.

Рокот за изградба на општинската зграда е од 18 до 24 месеци, но Георгиевски се надева дека општинската зграда ќе биде изградена порано.

Инаку, земјиштето беше продадено на лицитација по цена од 1.400 денари за квадратен метар.

(А.П.)

https://www.vecer.press/во-новата-година-почнува-изградбата-н/

Хахаха, кога ја видов вторава слика од рендерот веднаш ми текна на ова:

вест од 23.02.2018

БАРОКНИОТ АРХИТЕКТ ЧАУШЕВСКИ ГРАТИС НАЦРТА МОДЕРНА ФАСАДА ЗА ОПШТИНСКАТА ЗГРАДА НА ГАЗИ БАБА


Новата зграда на скопската општина Гази Баба нема да биде барокна туку со модерна енергетско ефикасна фасада. Авторот на проектот за барок изглед на фасадата на општинската зграда Жарко Чаушевски, по налог на градоначалникот Борис Георгиевски направил нов проект без притоа да добие дополнителни пари.

Првичното решение на Чаушевски како што се бараше во огласот распишан од ексградоначалникот Тони Трајковски предвидуваше зградата да биде во барок стил, со куполи и статуи, налик на објектите во центарот на градот од проектот „Скопје 2014“. Чаушевски е автор на идејните решенија на барокните фасади на дел од објектите од проектот „Скопје 2014“. Тој го направи идејното решение за зградата на Владата, ЈП „Водовод и канализација“ како и дел од фасадите на зградите во центарот на градот.

Општинската зграда нема да има барокна фасада туку модерен изглед. Веднаш штом стапив на функцијата побарав од авторот Жарко Чаушевски да направи ново решение. Без проблем прифати а притоа не му беа исплатени дополнителни средства“, вели градоначалникот Георгиевски.

Општинската зграда ќе се наоѓа на местото на ресторанот „Галеб“. Ќе биде на шеста ката со две нивоа подземен паркинг. Ќе се гради со јавно-приватно партнерство, односно фирмата која ќе биде избрана на јавен повик без надоместок ќе ја гради зградата а притоа ќе го добие земјиштето каде сега се наоѓаат општинските бараки и каде според Деталниот урбанистички план има маркичка за деловен објект на 15 ката.

„До крајот на мојот мандат очекувам да имаме нова општинска зграда. Има голем број заинтересирани инвеститори. Овој дел станува атрактивен особено по најавите за изградба на трговски центар на местото на саемот“, додава Георгиевски.

Општина Гази Баба во декември 2016 година склучи договорот со фирмата на Чаушевски „Архитектоника“ за изработка на основен проект за општинската зграда. Чаушевски за изработка на проектот доби од општината 2.193.915 денари.

А. АНТЕВСКА

https://sdk.mk/index.php/dopisna-mrezha/barokniot-arhitekt-chaushevski-gratis-natsrta-moderna-fasada-za-opshtinskata-zgrada-na-gazi-baba/

Подобро стаклената отколку пластика барок....не дека и оваа ќе испадне нешто посебно или ќе се изгради ама ај,да си попрајме бајрам на умот.


Инаку и мене ме интересира зошто Аеродром и Кисела Вода не градат нови општински згради,може чекаат нов дуп,гуп...
Карши општината во Кисела Вода мислам има "висока" зграда,еве таа да речеме да ја модернизираат од општината,и самата општина после да биде сместена во некоја повисока зграда на местото од сегашните бараки,карши карши да бидат.

Или пак да се преместат во висока зграда до Флатирон,таму има место колку сакаш.

Многу тешко да се каже како ќе ја изведат,рендерите многу често се само фикција што никогаш не се остварува,одат на варијанта да поминат поевтино и со тоа често забегуваат во фушерации и импровизации.Можно е да испадне како онаа недовршената во Ѓорче која иако е во стакло не ми е нешто посебно убава.

Студио ЛЕЛЕЛЕЛЕ добитник на ВТОРА НАГРАДА за конкурс за ОПШТИНСКА Зграда -ГАЗИБАБА, Скопје, 2014г.









https://www.facebook.com/Studio-lelelele

Ако испадне како на рендерот, ќе биде баш фино

Ќе се изнагледаме овакви слики до избори. После пак ќе биде се по старо, односно нема да има ни абер од било каква нова зграда.

И градоначалникот на Општина Гази Баба, Борис Георгиевски неодамна на фејсбук се пофали дека после повеќе од 40 години, локалната власт ќе добие нов модерен административен објект на местото на старите бараки.

-Новиот проект предвидува модерен, енергетски ефикасен и еко објект, наместо барокното решение што претходното беше одбрано. Она што е најважно, е што, Општина Гази Баба нема никакви финансиски трошоци при изградбата на новиот административен објект, а проектот целосно треба да биде завршен за две години – информира Георгиевски.

Според неговата објава, во рамки на новиот административен објект предвидени се простории за постојните подрачни единици на министерствата, па граѓаните ќе можат на едно место да ги завршат сите потребни услуги од општината и подрачните одделенија.

Сепак и покрај нашите обиди од Општина Гази Баба не одговорија ништо попрецизно, ниту дали веќе е изготвен основниот проект, ниту кога ќе започне изградбата, кој е изведувач и дали целиот објект ќе биде наменет за потребите на општинската администрација и на подрачните одделенија или ќе има и деловен дел.

https://www.slobodenpecat.mk/povtorno-najavi-za-izvedba-na-administrativni-objekti-na-opshtinite/