Метробус Скопје (Bus rapid transit / BRT)

ЕБОР ја чека Арсовска да објасни што планира со проектот „автобуско метро“



Слушнале за најавата од градоначланичката Арсовка, но за да се изјаснат за ова, треба, како што велат, подобро ги разберат намерите на новата градска администрација.

Планот на Арсовска е да побара од ЕБОР да ги пренамени 70 милиони евра кои ги обезбеди владата за овој проект, но сепак според одговорот на банката, Скопје ќе остане без овие средства.

-Проектите на ЕБОР се одобрени од нашиот менаџмент и Бордот на директори, после детална проценка на самиот проект, како за специфичната потреба на средства кои ги обезбедуваме. Ова значи дека средствата на ЕБОР треба да се користат за специфичен проект, за кој е одобрена имплементација.До сега вложивме голем труд во овој проект, работиме на него две години, а истото го сторија и македонските власти, како на централно, така на локално ниво. Ова е првиот БРТ проект во регионот, кој го прави Скопје поинакво од другите главни градови, привлекува големо внимание и признанија.

БРТ системот е веќе длабоко навлезен во имплементација. Во моментов во тек се две паралелни постапки за јавни набавки, велат од ЕБОР. За првата траса од Ѓорче Петров до Ново лисиче веќе процесот за избор на изведувач е веќе започнат, а за втората траса се бираат консултанти.

Арсовска денеска се појави на конститутивната седница на Советот на Град Скопје, но не даваше изјави за медиумите... Новоизбраните советниците, пак, се со поделени мислења за проектот автонуско метро..

На денешната конситутивна седница, за нов претседавач на градскиот совет, беше избран Трајко Славески, кој што беше носител на советничката листа на ВМРО-ДПМНЕ, која во следните 4 години ќе го има мнозинството..

https://kanal5.com.mk/ebor-ja-cheka-arsovska-da-objasni-shto-planira-so-proektot-avtobusko-metro/a503708

Владата засега не добила информација од Град Скопје за прекинување на тендерот за БРТ-то, став допрва ќе гради

Владата на РСМ и Министерството за финансии засега немаат добиено информација од Градот Скопје дека планираат да ја прекинат реализацијата на проектот за воведување Бас рапид транзит – БРТ во Скопје, односно дека се откажуваат од автобуското метро.

„Доколку Владата и Министерството за финансии добијат официјално известување од страна на Град Скопје, дополнително ќе се произнесат за истото и воедно ќе се извести и ЕБОР за предметното барање“, информираат за „Мета“ од Министерството за финансии.

Од ова министерство објаснуваат дека станува збор за претходно договорен проект со Европската банка за обнова и развој (ЕБОР), за кој Министерството за финансии во име на Владата на РСМ има потпишано Договор за заем со ЕБОР на 21.04.2021 година, а врз основа на претходно донесен Закон за задолжување за овој проект од страна на Собранието на РСМ, објавен во Сл.весник бр.77 од 06.04.2021.

Најавата за прекин на реализацијата на БРТ-то во Скопје стигна вчера од новата градоначалничка Данела Арсовска, која рече дека во наредните денови ќе има состаноци со експертите на Европската банка за обнова и развој (ЕБОР) за да се запознае со условите и што досега било договорено и направено, но и кажа дека БРТ нема да се гради.

Тендерот за изградба на првата линија од БРТ-то во Скопје беше распишан кон крајот на октомври годинава, при што заинтересираните компании во првата претквалификациска фаза ќе треба најдоцна до 14 декември да ги достават своите претквалификациски понуди. Тендерот е објавен на веб-страницата на ЕБОР.

Во слична ситуација за време на локалните избори во 2009 година, тогашниот скопски градоначалник Трифун Костовски беше принуден да го поништи тендерот за изградба на првата трамвајска линија од Ново Лисиче до центарот на Скопје, откако тогашниот состав на Антикорупциската комисија побара да се сопре реализацијата на тендерот за трамвајот. Новиот градоначалник од ВМРО-ДПМНЕ Коце Трајановски не се согласуваше со моделот за изградба на трамвајот во Скопје на дотогашниот градоначалник Трифун Костовски, по што се обиде преку јавно-приватно партнерство да ја реализира првата трамвајска линија од Ново Лисиче до Ѓорче Петров, но не успеа во ова.

Експертите коишто ги консултираше „Мета“ денеска ѝ порачаа на скопската градоначалничка Данела Арсовска да не брза со донесувањето на стратешки одлуки за иднината на јавниот превоз во Скопје, бидејќи главниот град веќе изгуби неколку децении во ваквите промени на одлуките од новите градски раководства.

https://meta.mk/vladata-zasega-ne-dobila-informacija-od-grad-skopje-za-prekinuvanje-na-tenderot-za-brt-to-stav-doprva-kje-gradi/

Арсовска: БРТ нема да има, ќе има бесплатен јавен превоз и нови автобуси.

– Скопјани да сакаа БРТ ќе го гласаа кандидатот кој тоа им го вети. Но гласајќи ме мене, тие покажаа дека сакаат бесплатен превоз и нови автобуси. Затоа јас ќе се фокусирам на проектите кои им ги ветив на граѓаните а за кои добив гласови на изборите, рече Арсовска.

https://www.slobodenpecat.mk/arsovska-brt-nema-da-ima-kje-ima-besplaten-javen-prevoz-i-novi-avtobusi/

Очигледно е дека вака ги добија пензионерите. Се што е бесплатно за нив е win. За жал Скопје уште долго нема да го реши јавниот превоз

Со нови автобуси ништо не е решено. Со бесплатен превоз уште помалку.

Originally posted by Cloverstack Ќе биде колосална штета ако проектов не се реализира. Некој олку голем чекор напред Скопје не памети со децении! А ако продолжиме да се потпираме само на класичен автобуски превоз (без разлика какви би биле тие автобуси), дефинитивно одиме во катастрофа. ДПМНЕ и Данела нека го спинуваат како сакаат, само нека го продолжат БРТ проектот. За вакви работи, личните и партиските суети не смеат да надвладеат. Се надевам дека ќе се има толку доблест.

se slagam, najdobroto resenie za Skopje koe e veke dovedeno do faza na izvedba bi bilo steta za zitelite na gradot ako ne se izvede zaradi partiski sueti. Voedno i za Danela bi bilo najdobar poteg ako bide gradonacalnikot sto ke go realizira ovoj proekt za koj se zboruva veke so decenii

Мислам дека никој не избегнува јавен превоз затоа што му е скап билетот така да бесплатниов (ако се воведе воопшто) ништо нема да реши. Ако се напушти БРТ може бар да се преземат/адаптираат некои од решенијата што со него се нудат:
1. лента само за автобуси тамо кај што е можно. Еднаш се проба ама не успеа, треба овојпат поцврсто да се поработи на тоа.
2. Дополнителни линии, и долги (пример Ѓорче-Маџари) и кратки (кружни, по примерот на таа што сега ја воведоа или ќе ја воведеа? што врти од Трнодол до Ситимол).

Не знам дали сте запознаени, но за планираната изградба на депо во Ново Лисиче треба да се уништи оформен парк од 7 хектари! А чим веќе е планирано да се руши и обнови мостот Обединети Нации, зошто не се инвестира и во нов мост кој ќе ги спојува Ново Лисиче и Маџари? Така ќе може депото да се направи во Вардариште и со тоа можеби и ќе се среди ситуацијата со депонијата, а ќе го зачуваме паркот во Ново Лисиче.

Значи ако преовладува разумот и се ревидира проектов може да имаме вин-вин ситуација:
1. Ќе го зачуваме паркот од 7 хектари
2. Депото во Вардариште би бил еден почеток на урбанизација на тој дел и ставање крај на депонијата
3. Ќе имаме мост кој ќе ги спојува Ново Лисиче и Маџари и драстично намалување на гужвата по бул. Србија

Една светла точка е што мостот е дел од програмата на Данела. Ќе видиме што ќе испадне.

Nezaviosno od toa dali proektot e dobar ili ne, no triesetina godini propagaat golemite proekti vo javniot skopski soobrakaj, vo vreme koga gradot permanentno galopiracki raste i se gusi vo soobrakajniot metez.