Метробус Скопје (Bus rapid transit / BRT)

Наместо да се преместува железничката станица, што мислиш за идејата БРТ да поминува по улица Бутелска?
Поточно авенија Бутелска во случајов:
http://www.build.mk/forum/forum_posts.asp?TID=3838


Клучна придобивка е што БРТ ќе поминува по средината на Бутел, наместо периферно, а плус тоа многу подобро ќе го покрие Скопје Север.



Во ваков случај треба да се прошири подвозникот на Бутелска под пругите, но тоа веројатно не е поскапо од преместување на целата железничка станица.

За прераснување на Бутелска во авенија ќе треба одредена инвестиција, но тоа би било фино дури и без БРТ (хортикултура и дебели дрвореди, вело патеки, паралелно паркирање...).

Сега ми текнаа и две причини против скршнувањето на линијата кон ул.Бутелска:

1. Според мене, метробус (па и метро) линија треба да ја следи примарната градска мрежа. Бул.Христијан Тодоровски - Карпош Е ДЕЛ од примарната мрежа, додека ул.Бутелска НЕ Е (дел е од секундарната мрежа). По улиците од секундарната мрежа ќе продолжат да сообраќаат автобусите на ЈСП (57-ца). Ако некој сака, ќе може да се префрли од метробус на автобус, па да продолжи по ул.Бутелска.

2. Среднорочно/долгорочно гледано, мислам дека ридот источно од бул.Христијан Тодоровски - Карпош ќе стане населба, па така метробус линија по бул.Христијан Тодоровски - Карпош ќе биде средишна линија помеѓу Бутел 1 и евентуалната нова населба.

Edited by alexgizh - 13-Apr-2021 at 00:18

Моето мислење е дека не треба вака да скршнува. Погледни ја точка 1 од овој пост. Не се работи за „изгледање убаво на мапа“, туку за општи принципи на сообраќајно планирање, како и долгорочен развој на градот наспроти привремени и инцидентни половични решенија (поради какви што сме тука каде што сме). Пристапот до СЦ „Борис Трајковски“ би се решил лесно со воведување на и онака потребната кружна линија 3:

Проектот доколку го уништи зеленилото на булевар Јане Сандански и Партизанска е нешто што Скопје не треба да го дозволи. Овие булевари се направени според сите снадарди во едно дамнешно време кога се водело сметка за хумано живеење. Нема никаква студија како ќе би се одвивало фунционирањето, еве едно обично преминување на раскрсница каде ќе чекаат пешаците доколку е на средината патеката за "брзиот автобус". Да не зборуваме за тоа дека главната цевка за вода како што се спомна е тука ..

Трамвајот на тркала“ ќе се гради со 70 милиони евра заем од ЕБОР, рокот за изведба е крајот на 2025 година

Најдоцна до крајот на 2024 година во Скопје ќе треба да профункционира линијата од Ново Лисиче до Ѓорче Петров на брзиот автобуски систем (БАС) во Скопје, додека втората линија од „трамвајот на тркала“ ќе се пушти во употреба во 2025 година. Ова го најави скопскиот градоначалник Петре Шилегов, кој денеска заедно со министрите за финансии Фатмир Бесими и транспорт и врски Благој Бочварски го потпишаа договорот за заем од Европската банка за обнова и развој (ЕБОР) во висина од 70 милиони евра.

Иако договор за заем за „трамвајот на тркала“ веќе е потпишан, изработката на основниот проект допрва ќе се реализира и ќе биде вклучена во тендерската постапка што летово ќе се објави, а ќе биде финансирана од ЕБОР. Досега се изработувал идејниот проект и пропратната документација.

„Екипите на Градот Скопје и на Јавното сообраќајно претпријатие досега работеа на подготовка на техничката документација за овој систем. Идејното сообраќајно решение веќе е изработено од стручњаците од Битола, Скопје, Белград, Лондон и Брисел и ќе претставува основ за тендерската документација која што набавка очекувам дека ќе ја започнеме во текот на ова лето“, изјави градоначалникот Шилегов.

Шилегов вети дека идејното сообраќајно решение ќе ѝ биде претставено на јавноста пред распишувањето на тендерот за реализацијата на првата БАС линија од Ново Лисиче до Ѓорче Петров, од страна на консултантите од ЕБОР и стручњаците кои Градот Скопје ги ангажирал. Овој документ веќе е предаден на верификација на консултантите на ЕБОР.

Во однос на самото функционирање на брзиот автобуски систем, Шилегов денеска најави дека автобуските постојки од „трамвајот на тркала“ ќе бидат од затворен тип, што би значело дека валидацијата на билетите ќе се врши пред влезот на патниците на самата постојка. Исто така, планирано е да се изгради „топла врска“ помеѓу Железничката станица во Скопје и првата БАС линија, која ќе им овозможи на граѓаните директно од пероните да се префрлат во автобусите.

Во однос на цената на билетите во скопскиот јавен превоз, градоначалникот Шилегов засега немаше конкретен одговор дали тие би поскапеле, но појасни дека двете БАС линии ќе бидат интегрирани во скопскиот јавен превоз. Ќе се работи на посебен систем за билети, кој ќе се изработува паралелно со имплементацијата на „трамвајот на тркала“. Целта е на граѓаните да им се овозможат поголеми број на билети, кои ќе бидат поразновидни, како што е на пример билетот за користење на јавниот превоз во времетраење од 1 час.

Министерот за транспорт и врски Благој Бочварски изјави дека двете БАС линии меѓу Ново Лисиче и Ѓорче Петров, како и помеѓу Пинтија и Скопје Север, кога ќе профункционираат, треба да ја подобрат ефикасноста и економичноста на скопскиот јавен превоз, но и да се намали загадувањето на воздухот бидејќи граѓаните помалку би ги користеле автомобилите за своите патувања.

Бочварски рече дека Министерството за транспорт и врски и Градот Скопје се во фаза на изработка на целокупната техничка документација, за што тој вети дека ќе се работи со стручните лица за да се направи најдоброто можно решение за брзиот автобуски систем.

Претставникот на ЕБОР одговорен за нашата земја, Анри Аранитаси изјави дека согласно плановите, новиот систем на БАС предвидува намалување на емисијата на јаглероден моноксид од над 95 отсто, на ПМ честичките за приближно 90 отсто и нитроген оксид и јаглероден диоксид за најмалку една четвртина.

Кредитот од ЕБОР ќе се повлече во две транши. Првата во висина од 47,6 милиони евра треба да служи за изведба на линијата од Ново Лисиче до Ѓорче Петров. Втората транша која е предвидено да се повлече во 2023 година, кога ќе се распише тендерот за реализација на линијата од населбата Пинтија до населбата Скопје Север, за што треба да се издвојат 22,4 милиони евра.

Со кредитот треба да се набават нископодни автобуси на природен гас, 26 возила за првата линија и 22 возила за втората линија. Воедно, со средствата треба да се изградат две нови депоа во Ново Лисиче и во рамките на постојното депо во Ѓорче Петров, да се направат интервенции во инфраструктурата на скопските булевари и улици, да се изградат автобуските постојки и да се имплементираат посебни софтверски решенија за автоматизирано функционирање на системот.

Очекувањата се целокупниот систем со две БАС линии во Скопје да биде функционален во 2025 година. Шилегов накратко спомена и за промената на постојните градско-приградски линии од скопскиот јавен превоз, коишто во иднина ќе служат за да ги доведат патниците до самите БАС линии, каде што ќе се врши трансферот на патници. Сепак, повеќе детали за ова тој најави во самата презентација на проектот.

Кредитот од ЕБОР е со рок на отплата од 15 години, со вклучен грејс период од 4 години. Банката ќе додели и неповратен грант од 1,5 милиони евра за техничка поддршка на Градот Скопје и на Министерството за транспорт и врски. Министерот за транспорт и врски информираше дека во неговото министерство ќе се работи и на нова студија за развој на урбаниот транспорт во Скопје.

https://meta.mk/tramvajot-na-trkala-kje-se-gradi-so-70-milioni-evra-zaem-od-ebor-rokot-za-izvedba-e-krajot-na-2025-godina/

Со 70 милиони евра кредит се почнува изградба на Метро,па макар било од Расадник до Рекорд......

И кога нема да се зголеми бројот на патници во автобусиве,кога нема да се намали загадувањето,користењето на автомобили за главен превоз,што тогаш ? Пак ќе се раскопува градот за да се дојде до единственото решение што може на долга стаза да се бори со овие проблеми-меторото ?

Никаков ground-breaking прокет и план а преголем кредит за враќање.

Originally posted by Staro Skopje Добро е што не утнале и проектот ќе се прави да во иднина може да го користат возила од 24 метри, иако засега ќе се набавуваат само 18-метарски автобуси.

Се согласувам. Во неизвесноста до објавувањето на идејниот проект, ова е еден важен позитивен индикатор. Ама не би избрзувал со оценки додека не го обелоденат идејниот проект. Особено важно е како се решени крстосниците и станиците.

Она за што може веќе да се коментира се роковите, барем ако е точно тоа што е навдено во текстот на „мета“. Крајот на 2024 за да профункционира првата линија и крајот на 2025 за втората линија е несносливо баввно. И тоа под претпоставка дека нема дополнително да се завлечкаат. Веројатно се имам изјаснето и порано, вакви рокови може да бидат прифатливи само доколку бидат опфатени поширок спектар на инфраструктурни работи, кои не се дел од проектот за БРТ, но сепак директно се поврзани. На пример изградба на трет мост „Обединети Нации“ и завршен бул АСНОМ низ Ќерамидница, пред пуштање во употреба на линијата 1, како и завршување на планираните мост и тунели под Кале пред пуштање на линијата 2.

Edited by Cloverstack - 21-Apr-2021 at 20:55