Метробус Скопје (Bus rapid transit / BRT)

НАСКОРО ТЕНДЕР ЗА „БАС РАПИД ТРАНЗИТ“ До 2024-та да се прошири мостот „Обединети Нации“

Тендерот за градење на првата фаза од скопскиот „Бас рапид транзит“ систем ќе биде распишан до 15 септември, а оној што ќе го добие меѓу другото ќе треба да го сруши и потоа одново да го изгради и прошири мостот „Обединети Нации“, објасни денеска градоначалникот Петре Шилегов. Под мостот проаѓа цевка за водоснабдување на Скопје и многу други цевки за парно, што треба да биде земено предвид, вели тој.

– Многу е важно и тоа што на самата траса најкритичната точка е мостот за „Обединети Нации“. Нашата одлука и мојата одлука како градоначалник на овој град е да извршиме замена на мостот „Обединети нации“ што значи ќе треба тој мост фаза по фаза да се отстрани и да се изгради нов со три ленти како би можело коридорот на „Бас рапид транзит“ да влезе во полн капацитет до Ѓорче Петров – изјави Шилегов, одговарајќи на новинарско прашање.

Ако сè е по планот, според градоначалникот, мостот би требало да биде во функција за две и пол години, односно до крајот на 2024 година, јавува МИА.

https://plusinfo.mk/naskoro-tender-za-bas-rapid-tranzit-do-2024-ta-da-se-proshiri-mostot-obedineti-nacii/

Многу важна, навистина одлична вест    


Се надевам дека ваквиот темелен и систематски пристап ќе биде присутен во сите аспекти на БРТ проектот. Досега сум пријатно изненаден!    




Се прашувам која е причината што не се спомнува решение со доизградба на само еден мост со две ленти:
http://www.build.mk/forum/forum_posts.asp?TID=3669&PID=249153#249153

Така би било значително поевтино, а и не би се реметел постојниот сообраќај.

За да се гради комплетно нов мост треба да постои многу голема причина, која не можам да ја претпоставам...

Originally posted by user8642 Непотребно скапо решение. Мостот има доволно ширина за трета лента + комбиниран тротоар за велосипеди и пешаци заедно. Нема да им падне круната на велосипедистите ако барем мостот го проаѓаат на комбиниран тротоар.

Ќе бидеш доволно љубезен да ми покажеш каде би сместил трета лента со комбинирана патека за велосипедисти и пешаци на мостов?



Edited by Phiko - 30-Aug-2021 at 17:45

Мислам дека од другата страна може уште една лента да се додаде, но со тоа би била истата ситуација што ја гледаме на сликата. Кој прошол од оваа страна на точак знае дека е скоро невозможно да се разминете со пешаците, а пак за другиот мост кај Реплек да не збориме, ужас.

Edited by JovanOdGjorche - 30-Aug-2021 at 18:10

Originally posted by user8642 Непотребно скапо решение. Мостот има доволно ширина за трета лента + комбиниран тротоар за велосипеди и пешаци заедно. Нема да им падне круната на велосипедистите ако барем мостот го проаѓаат на комбиниран тротоар.

Каков лик!!! Племенско средновековно размислување, а на истиов лик му сметаат пазари.

Еве три години го поминувам мостот на комбиниран тротоар со КРАТЕРИ од кои можеш да ја видиш арматурата.

Се надевам дека линијата БРТ во овој дел и мостот кон Керамидница барем малку ќе ја сменат сликата.Навистина е невиден хаос рано наутро се до 9 часот,а воедно и сосем нормално кога цел Аеродром е една голема спална на градот нема рамномерно распределување на институции и фирми па сите мора да движат кон Карпош и Центар.



https://www.vecer.press/скопје-утрово-со-запушени-артерии/

Зашто мора пазар да го има во секоја комбинација. Тезги во сред трговски центар, тезни на автобуска станица, тезги everywhere...

БРТ системот може да се надгради со натпатници и бесплатен паркинг во Ново Лисиче

Во Ново Лисиче кај последна „5-ка“ од каде ќе тргнуваат автобусите на Брзиот рапид транспорт, треба да се изгради мост на Вардар и голем паркинг за да можат возилата кои доаѓаат од источниот влез на Скопје тука да се паркираат, а патниците би се приклучиле на БРТ системот или, пак, патот до центарот на Скопје би го продолжиле со велосипед. Ова за весникот ВЕЧЕР го тврди Никола Крстаноски, професор на отсекот Сообраќај при Техничкиот факултет во Битола

Во Ново Лисиче кај последна „5-ка“ од каде ќе тргнуваат автобусите на Брзиот рапид транспорт, треба да се изгради мост на Вардар и голем паркинг за да можат возилата кои доаѓаат од источниот влез на Скопје тука да се паркираат, а патниците би се приклучиле на БРТ системот или, пак, патот до центарот на Скопје би го продолжиле со велосипед. Ова за весникот ВЕЧЕР го тврди Никола Крстаноски, професор на отсекот Сообраќај при Техничкиот факултет во Битола.

– Таму недостасува сообраќајница, паркинг за бесплатно паркирање возила, но и паркинг за велосипеди кои ќе можат да се изнајмуваат. Тие што доаѓаат од Велес или Прилеп, на пример, овде би ги паркирале своите автомобили и би се приклучиле на БРТ системот или, пак, патот до центарот на Скопје би го продолжиле со велосипед – објаснува Крстаноски.

Тој смета дека проектот може да се надгради со тоа што ќе се предвиди изградба на натпатници на местата каде има поголеми пешачки токови.

– Тоа би можело да се предвиди во Аеродром кај трговските центри „Капитол мол“ и „Бисер“ од спротивната страна. Овде има голема фреквенција на пешаци и би било одлично овие трговски центри да се поврзат со пешачки натпатник, а тоа воедно би било безбедно и за пешаците. Истото може да се стори кај пазарчето „Буњаковец“ – предлага Крстаноски.

Професорот очекува на терен да се реализира како што се предвидува во проектот, и на тој начин Скопје ќе добие многу во делот на транспортот. Според него, најголем недостаток на сообраќајниот систем во Скопје е токму немањето на брз јавен градски превоз што ќе понуди висококвалитетна превозна услуга.

– Скопје со својата големина по број на жители и површина не може да ги задоволи потребите на своите граѓани, само со автобуски јавен превоз кој е бавен, има проблеми со редовноста, бидејќи од самиот начин на работа во голема мера зависи од закрчувањето на сообраќајот на градските улици – потенцира Крстаноски.

Тој истакна дека во Европа има вкупно 39 градови со приближна големина на Скопје, но македонската метропола е единствен град кој од јавен градски превоз има само автобуски превоз, додека сите останати имаат метро, трамвај, брз автобус, регионални железници.

-Тоа значи имаат еден или повеќе видови на брз градски превоз – нагласи Крстаноски.

Професорот додава дека доколку целта е Скопје да се движи во насока на зелен град, со повисок квалитет на живеење, тогаш во градот мора да се води политика за намалување на бројот на патувања со автомобили и промоција и поддршка на алтернативните видови на превоз.

– Меѓутоа, тоа може да се постигне само ако јавниот градски превоз нуди квалитетна услуга. Граѓаните треба да сфатат дека е подобар начин на движење низ градот, а не да бидат присилени да користат јавен градски превоз. Политиките на Зелен хуман град можат да бидат успешни сако ако се нудат квалитетни алтернативи – смета Крстаноски.

Тој нагласува дека треба да се продолжи и со втората линија и да се реорганизира и оптимизира целата мрежа на линии заедно со автобуските. Крстаноски вели дека ако споредуваме со денешната технологија, брзиот автобуски систем и брзиот трамвај нудат целосно иста услуга, но БРТ е со неколкукратно пониска цена.

– Порано главна забелешка на БРТ системот беше тоа дека автобусите со мотори со внатрешно согорување загадуваат и дека имаат мал капацитет. Меѓутоа денес, овие недостатоци се отстранети, бидејќи веќе има автобуси со еколошки горива и со еколошки мотори, а се појавуваат и двојно зглобни автобуси со должина од 24 до 27 метри кои можат да имаат капацитет да примат и до 270 патници во возило – заклучи Крстаноски.

Последната најава на скопскиот градоначалник Петре Шилегов е дека тендерот за изведба на прва фаза за „Бас рапид транзит“, ќе биде распишан до 15 септември. Во прва фаза се воспоставува коридор само за ултраеколошки автобуси – од Ѓорче Петров до Ново Лисиче со должина 12,8 км во една насока, со 21 станица.

Се очекува првата фаза од проектот да биде готова до крајот на 2024 година, додека во 2023 година би се спровела постапката за втората фаза, односно целиот систем би бил подготвен 2024-2025 година.

https://www.vecer.press/брт-системот-може-да-се-надгради-со-нат/

Распишан тендерот за изградба на брзиот автобуски превоз – БРТ во Скопје

Tри дена пред одржувањето на вториот круг од локалните избори во Скопје, скопскиот градоначалник Петре Шилегов денеска објави дека е распишан тендерот за изградба на брзиот автобуски систем – БРТ.

„Скопје е првиот град на Балканот кој ќе воведе БРТ систем, што не е само успех за градот туку и за целата држава“, изјави градоначалникот Шилегов.

Тендерската постапка следува откако Европската банка за обнова и развој (ЕБОР) го одобри кредитот за изградба на брзиот автобуски систем во Скопје.

Најпрво ќе започне да се гради првата линија од БРТ меѓу Ѓорче Петров и Ново Лисиче, со должина од 12,81 километри, 21 автобуска постојка и 2 терминала. Со имплементацијата на првата фаза, се очекува времето на патување од сегашните 70 минути да се преполови на 35 минути за граѓаните кои го користат јавниот превоз.

Заедно со изведбата на трасата од првата линија на БРТ, ќе се набават и еколошки автобуси кои ќе сообраќаат на хибриден погон на гас и електрична енергија, кои ќе бидат долги 18 метри.

Тендерската постапка објавена на веб-страницата на ЕБОР предвидува заинтересирани компании за учество во тендерската постапка своите претквалификациски понуди да ги достават најдоцна до 14 декември. Самиот тендер ќе се спроведе во две фази, при што во оваа првична фаза ќе се изберат компаниите и конзорциумите кои ги задоволуваат критериумите на тендерот за да се пласираат во втората квалификациска фаза, од која ќе се избере најповолниот понудувач.

Покрај изградбата на трасата, која ќе вклучи нов мост на реката Вардар во Карпош 4 и изведба на “топла врска” на БРТ линијата со Транспортниот центар за брз трансфер на патници, планирана е надградба на постојното депо на ЈСП – Скопје во Ѓорче Петров, како и изградба на ново депо за автобуси во населбата Ново Лисиче.

Од опозициската ВМРО-ДПМНЕ, преку кратко соопштение, без да наведат повеќе детали, обвинија дека со овој потег градоначалникот на Скопје, Петре Шилегов, кому во вториот круг на локалните избори ќе му се спротивстави Данела Арсовска, го крши Изборниот законик.

https://meta.mk/raspishan-tenderot-za-izgradba-na-brziot-avtobuski-prevoz-brt-vo-skopje

Тешко да успее ова со промена на градоначалникот иако не е лоша идеја. И ние од источната страна на градот да видиме малку раздвижување посебно со мостот на Вардар ако се изгради.