Урбана мафија - Охрид

Во Охрид на бул.Туристичка по долго натегање,поништување постапки,планови и слично сепак ја истуркаа работата и тука ќе никне зграда







https://www.facebook.com/Урбанизам-во-Македонија

Ја гледам локацијата на Google Earth и ова е просто неверојатно до која крајност отишле. Во убаво испланиран и урбанистички финално заокружен простор, плус тоа на главен булевар, да измислиш ваков чир, ова е ужасен преседан дури и за македонски услови. Експлодирав од револт само гледајќи ја сателитската снимка на локацијата.


Каква е историјата на сопственоста на земјиштето, и историјата на маркичката за градба? Поконкретно:

1.Дали општината/државата го продала земјиштето или се работи за денационализирано земјиште или е нешто трето?
2. Исто така, во чија сопственост било земјиштето во моментот кога е вцртана маркичката?

Истите прашања до ironman за случајот кај неговата зграда.



Криминалот е неспорен и зашеметувачки во било кој случај, само ме интересира начинот на неговото формално спроведување!

Originally posted by ironm И згора на се, инвеститорот ги тужи сега станарите за некоја вртоглава сума (мислам беше милион евра) поради тоа што го спречуваа изминативе години да гради. Ако го добие и тој случај на суд (како што доби за градежната дозвола), тогаш станарите можат слободно да спакуваат куфери).

Ако го добие и тој случај, станарите не треба да се пакуваат, туку треба да го запалат и инвеститорот и судијата и тие што го нацртале ДУП-от и тие што го изгласале. Буквално да ги запалат, со бензин. Бидејќи ако вака функционираат општините, судовите и останатите посрани институции, тогаш ова и официјално е див запад и нема потреба да глумиме држава, туку да почнеме навистина сите да се однесуваме соодветно. Најагресивните и најалчните битанги ни се посраа на глава на сите останати и очигледно нема да прикочат освен ако не ги натераме со порадикални методи. Оваа болест сама од себе не поминува.

Еве нека има посебна нишка за урбаната мафија во Охрид.

Реално има материјал и за подфорум да отвориме

Originally posted by ironm Со овој случај се проби дното на урбаното дивеење во Мк. Да ти е страв да купиш стан денешно време. Вредноста на становите во црвената зграда е комплетно уништена, а да не зборуваме за квалитетот на живеење каде две вертикали прозори ќе бидат затворени од новата зграда. И згора на се, инвеститорот ги тужи сега

Хотел дивоградба на стариот пат за Струга помеѓу населба Далјан и болницата Св. Еразмо којшто во краткиот налет на општина Охрид на крајот од 2019 беше еден од посетените за рушење. Сопственикот го спречи рушењето со оправдување дека го срушат сами, но како што гледаме не е ништо поместено.



Инаку целата драма околу "рушењето" платформи во езеро што вртеше тогаш по вести беше само една драма за публика, бидејќи скоро ниедна платформа не е срушена. Сите рушења беа прекинати во стилот на хотелот со муабет од типот "не ја рушете вие, ќе ја срушиме сами" и потоа ги отстранија даските од платформите, а самите платформи се уште во езеро, спремни за нови даски за летнава сезона.


Edited by ironm - 13-Mar-2020 at 17:47

Ќе се искористи кризнава ситуација да се изгласа прекин на постапките за дивоградбите. Не разбирам како ова има каква било врска со ситуацијава во којашто е државава, но се чини во ситуација кога сите се испаничени на никого нема да му е гајле за ова, а потоа ќе се стави под тепих и никому ништо.

Советниците ќе одлучуваат за времен прекин на постапки за утврдување правен статус на бесправно изградени обејкти

Предлог-Одлуката за начинот на спроведување на постојните урбанистички планови и урбанистичко плански документаци и времен прекин на постапки за утврдување правен статус на бесправно изградени обејкти, е единствената точка на дневен ред на седницата на општина Охрид закжана за утре, 18-ти март.

https://www.ohridnews.com/sovetnicite-e-odluchuvaat-za-vremen-prekin-na-postapki-za-utvrduva-e-praven-status-na-bespravno-izgradeni-obe-kti/

СОВЕТНИЦИТЕ НА ВМРО-ДПМНЕ И ДУИ, СО ПОМОШ НА КОАЛИЦИЈАТА НА СДСМ, ИЗГЛАСАА ДА ПРОДОЛЖИ ЛЕГАЛИЗАЦИЈАТА НА ДИВОГРАДБИТЕ ВО ОХРИД, ПРИВРЕМЕНО СТОПИРАНА ПОРАДИ УНЕСКО

Советот на Општина Охрид на денешната седница не го прифати предлогот за времен прекин на постапки за утврдување правен статус на бесправно изградени објекти, со што делумно ќе продолжеше мораториумот на донесување и спроведување на урбанистички планови, донесен лани во август.

Предлогот на градоначалникот Константин Георгиески за правниот статус на бесправно изградените објекти не помина откако против гласаа опозицијата која ја сочинуваат советници од редовите на ВМРО-ДПМНЕ, како и тројца советници од коалицијата на СДСМ, меѓу нив и од ДУИ. Еден од нив е Нефи Усеини, сопственик на градежна фирма кој има изградено неколку спорни објекти меѓу кои е и дивата тераса на неговата пицерија кај Чинарот.

„Во најголем број точките од дневниот ред се однесуваа на усвојување на извештаи за работата на општинските сектори и одделенија, јавните претпријатија, училиштата и Територијалната противпожарна единица. Сите точки на дневниот ред беа усвоени, освен дополнителните, кои се однесуваа на предлозите за изработка на локална урбанистичка планска документација во КО Долно Лакочереј и одлуката за времен прекин на постапки за утврдување правен статус на бесправно изградени објекти и начинот на спроведување на постојните урбанистички планови“, соопштија од Општина Охрид.

Мораториумот на донесување и спроведување на урбанистички планови беше донесен по препорака на Владата додека да се донесе Планот за управување со природното и културно наследство. Мораториумот во Охрид беше со важност од шест месеци и истече во февруари, а Владата го донесе Планот за управување со светското природно и културно наследство во Охридскиот регион (2020-2029) на 21 јануари. Со владиниот план се обезбедува имплементација на сите препораки на УНЕСКО.
Во Планот се прецизираат забранетите активности во соодветните заштитни зони и се утврдија идните специфични планови и истражувања што се неопходни за обезбедување на одржливиот развој на подрачјето на доброто. Со предложените мерки ќе се зајакне институционалниот капацитет за одржливо управување на заштитеното светското природно и културно наследство во Охридскиот регион“, соопшти тогаш Владата.

Со планот за управување со културното и природното наследство во Охридскиот Регион, се дефинира строга заштитна зона во крајбрежјето околу која не смее да се гради, а сè што досега е направено во неа ќе се стави под контрола, рече Ана Петрова, државен секретар во Министерството за животна средина на 2 октомври кога планот беше презентиран и пуштен на двомесечна јавна расправа.

„Планот е многу важен дел од препораките од центарот на УНЕСКО. Кога ќе се донесе може да заврши прогласениот мораториум. Голем е предизвикот со одредбите на планот да воспоставиме контролирана урбанизација. Тоа го правиме со соодветно зонирање и тоа прва строга заштитна зона во крајбрежјето со ширина од 50 метри сметано од границата на катастарска парцела еден на еден, односно Охридско Езеро. Оваа зона овозможува се она што е недопрено да не смее да се гради, и сè што има направено трансформација ќе се стави под контрола“, рече тогаш Петрова.

https://sdk.mk/index.php/dopisna-mrezha/sovetnitsite-na-vmro-dpmne-i-dui-so-pomosh-na-sdsm-izglasaa-da-prodolzhi-legalizatsijata-na-divogradbite-vo-ohrid-privremeno-stopirana-poradi-unesko/?fbclid=IwAR22tW38dPK9aNJipPKraFKAPo4-lGo0bIpNgidtcR7ydrnrUUJ-N486-aU#.XmqNmfNXFy4.facebook

Џабе дополнителното време од УНЕСКО. Кога ќе следи изјава „Имајќи предвид дека властите во Република Северна Македонија не преземаа мерки за отстранување на дивоизградените објекти и заштита на културното и природното наследство во охридскиот регион, а нивни претставници се вклучени во деструктивните активности, на денешната седница УНЕСКО одлучи Охрид и околината повеќе да не бидат заштитено наследство. Се надеваме дека Владата на Република Северна Македонија и засегнатите единици на локална самоуправа ќе ја воочат сериозноста на ситуацијата“?

Edited by Staro Skopje - 17-Apr-2020 at 18:00

За жал и меѓународните институции, пред сѐ Обединети Нации и нему подредените организации, а особено нивните раководства, се исполитизирано исодкомпететнизирано каќе. СЗО и кинескиот притисок врз Тедрос се најактуелен пример.

Не би рекол дека станува збор за урбана мафија со случајов, затоа го постирав пред некој ден во темата за зеленило. Едноставно работат неписмени луѓе во секторот за животна средина.