Градски парк Скопје

ГРАД СКОПЈЕ ГИ ОБНОВИ СИТЕ 19 МОСТОВИ ВО ГРАДСКИ ПАРК 2 СО ДОНАЦИЈА ОД ХАЛКБАНК

Град Скопје со донација од Халкбанк целосно ги реконструира сите 19 пешачки мостови во вториот дел од Градскиот парк.
- Со нашиот партнер Халкбанк, која важи за општествено одговорна компанија, пред неколку месеци ја почнавме, а сега веќе целосно ја завршивме реконструкцијата на сите 19 дрвени мостови во вториот дел од Градскиот парк. Самата реконструкција опфаќаше целосна обнова на дрвената подлога, со материјали коишто се поотпорни на климатските промени, поиздржливи, како и целосна обнова на металната конструкција и премачкување на металните површини со боја која овозможува нивна заштита од корозија. Ги направивме дел од мостовите достапни и за велосипедистите и за лицата со отежнато движење со поставување рампи, така што го направивме паркот достапен за сите наши граѓани – изјави Шилегов.
Тој додаде дека ова не е прва соработка на Градот Скопје со Халкбанк, и дека ќе продолжат и во иднина да работат на други проекти.
-Очекувам општествено одговорните компании, како што е Халкбанк, и во иднина да го помагаат Градот, бидејќи и вработените и самите фирми се токму овде во Скопје и се негови жители, со цел заедно да успееме ние како институција, општествено одговорните фирми како такви и граѓаните, овој дел од градот, односно паркот каде што ни е најдостапна природата во рамките на урбаната средина да го направиме едно попристојно, поубаво место. Имајќи во предвид дека е сериозно зголемена фреквенцијата на граѓаните во него во време на пандемијава ги повикувам и граѓаните заедно да го чуваме ова богатство коешто го имаме во срцето на нашиот град – кажа Шилегов.
Според Билал Суџубаши, првиот човек на Халкбанк, во агендата на општествено одговорни активности на банката еден од приоритетите е поддршката на проекти што придонесуваат за здрави животни навики и заштита на животната средина.
- Градскиот парк е сигурно најубавото место во Скопје, зелена оаза, место за прошетки, за спортување, рекреирање и уживање на граѓаните. Бидејќи како банка настојуваме со нашите општествено одговорни активности да поттикнеме здрави животни навики и да придонесеме за заштита на природата, со задоволство прифативме да помогнеме на Град Скопје во реализација на проектот за реновирање на 19 мостови во вториот дел од паркот. Ова е втора активност која со наша поддршка ја спроведува Град Скопје, минатата година ја поддржавме кампањата за бесплатно подигање на остатоците од бербата, а со тоа да се заштити воздухот од загадување – кажа Суџубаши,
Реконструкцијата на сите 19 мостови е целосно завршена, а вредноста на донацијата изнесува околу 2 милиони денари.











https://www.facebook.com/CityofSkopje

НОВО ЕНЕРГЕТСКИ ЕФИКАСНО ОСВЕТЛУВАЊЕ ВО ВТОРИОТ ДЕЛ ОД ГРАДСКИОТ ПАРК
Вториот дел од Градскиот парк деновиве добива ново енергетски ефикасно осветлување. Старите и дотраени светилки, се заменуваат со нови штедливи лед светилки. Досега се поставени околу 70 лед светилки, а вкупно ќе бидат поставени околу 100 лед светилки. Новото осветлување дополнително ќе го разубави амбиентот во овој дел од Градскиот парк.







https://www.facebook.com/CityofSkopje

Добро ќе биде паркот да добие ново осветлување на повеќе места.

Снимка од дрон. Градски Парк Скопје / Drone footage. City Park Skopje

Мислам дека е крајно време да се реконструираат патеките во целиот парк.

Да, ама веќе со години стојат во очајна состојба...

Град Скопје во соработка со УНДП изготви и постави триаголни и осмоаголни куќарки за патките, жителите на Градскиот парк. Овој проект кој е во рамки на акцискиот план за рипарски хабитати и истите се од особена важност за еко системот во кој живееме

https://twitter.com/CityofSkopje

НЕМА НЕОШТЕТЕНА КЛУПА И ПАТЕКА БЕЗ ДУПКИ ВО ВТОРИОТ ДЕЛ ОД ГРАДСКИОТ ПАРК ВО СКОПЈЕ



Вториот дел од Градскиот парк во Скопје е полн со народ, а нигде нема неоштетена клупа. Од почетокот на пандемијата на ковид-19 и воведувањето на рестриктивните мерки на Владата, Градскиот парк во Скопје секој ден е преполн со посетители.

Град Скопје лани ги реновираше мостовите во паркот, но останатите содржини останаа нечепнати. За разлика од првиот дел кој е уреден со нова урбана опрема, во вториот дел на потегот од Луна паркот до крајот на паркот, целосно е уништена сета урбана опрема. Нема ниту една неоштетена клупа, сите се искршени и демолирани, фалат даски, а има и такви кои се изгорени. Половина од корпите за отпадоци се демолирани. Оние што се цели се недоволни за сето ѓубре, па отпад стои расфрлан и низ зеленилото и патеките. Патеките, пак, се изрешетани со дупки и прокопи на секој метар.

Во паркот слободно влегуваат коли бидејќи рампата која се наоѓаше на улицата зад Луна паркот сега ја нема. Нема ниту полиција или комунални редари од Градот да ги казнуваат граѓаните кои фрлаат ѓубре кај ќе стигнат и се паркираат во зеленилото.

Пред две години, од ЈП „Паркови и зеленило“ најавија дека заедно со Град Скопје прават проект за комплетно реновирање на вториот дел од паркот кој, како што, рекоа не бил чепнат 70 години. Тогаш најавија и дека дека ќе постават рампа на улицата зад Луна паркот за да се спречи коли да влегуваат во паркот и да се паркираат во зеленилото.

Од Градот сега кусо ни одговорија дека во тек е изработката на проект за реконструкција на вториот дел од Градскиот парк, со кој ќе бидат опфатени зеленилото, патеките и системот за наводнување. Кога ќе стартува обновата на овој дел не прецизираат.

https://sdk.mk/index.php/dopisna-mrezha/nema-neoshtetena-klupa-i-pateka-bez-dupki-vo-vtoriot-del-od-gradskiot-park-vo-skopje/

ПО ПЕДЕСЕТ ГОДИНИ СЕ РЕКОНСТРУИРААТ ПАТЕКИТЕ ВО ВТОРИОТ ДЕЛ НА ГРАДСКИОТ ПАРК

Почна реконструкцијата на патеките во вториот дел на Градскиот парк што долго време беа запуштени, а текот на активностите градоначалникот Шилегов ги најави и објасни на денешната прес-конференција.
- Денеска Градот Скопје преку ЈП Улици и патишта започнува голема реконструкција на патеките во таканаречениот нов дел од паркот. Градскиот парк е формиран некаде 1930 година, а овој дел е изграден во 1970 година, и од тогаш ние немаме сериозна интервенција во овој дел од паркот. Како што и самите добро знаеме станува збор за сериозно руинирани и сериозно девастирани патеки што веќе стануваат и критични за безбедноста на граѓаните. Во минатото често се зборувало за реконструкција на овој дел од паркот, вие како што знаете успеавме во овој дел на паркот да направиме и тартан патека, да ги обновиме сите пешачки мостови и сега ги обновуваме главните патеки. Станува збор за инвестиција во вредност од 20 милиони денари и очекувам површината од 20 илјади квадратни метри, што овде ќе ја работиме, да биде готова во наредните 35 до 40 дена, со што овој дел од паркот ќе добие целосно нов изглед имајќи предвид дека со овие активности е предвидена и целосна замена на канделабрите, поставување на нови клупи и канти за џебен отпад за кои сме сведоци дека недостигаат, така што од средината на јули овој дел од паркот ќе има целосно нов лик - рече Шилегов.
Тој додаде дека новите патеките коишто ќе бидат направени ќе ги испровоцираат скопјани уште почесто да го посетуваат паркот и да уживаат во него и во новите стандарди и услови што тој ќе им ги нуди.
Градот Скопје континуирано работи на уредување и обновување на зеленилото и на патеките во паркот, но и на зголемување на безбедноста, бидејќи така се создаваат услови скопјани да уживаат во неговите убавини.



https://www.facebook.com/CityofSkopje

Какво е ова рушење на традицијата на постземјотресно Скопје? Тие се од Тито уште, мора да се зачуваат у афтентична форма!!! ААааа уууу ----