Улица Орце Николов

Камерите на „Орце Николов“ поставени, никако да „прогледаат“

Камерите на улицата „Орце Николов“, која се реконструираше, никако да профункционираат иако тие почнаа да се поставуваат уште пред две години, односно во мај 2021 година. Тогаш од Општина Центар и од ЈП ПОЦ беше ветено дека тие ќе бидат ставени во функција штом ќе заврши реконструкцијата на улицата. Таа заврши пред повеќе од една година, а камерите сè уште не проработеа.

Од Општина Центар велат дека камерите на улицата „ Орце Николов“ ќе проработат и ќе бидат ставени во функција во оној момент кога во целост ќе ги преземе ЈП ПОЦ и ќе ги имплементира сите одредби од Законот за заштита на личните податоци.

– Камерите се набавени од Општина Центар, со намера да му се предадат на ЈП „ПОЦ“. Камерите се наменети за снимање на паркинзите, пред сѐ од безбедносни и од практични причини. Процесот за префрлање на камерите во надлежност на ЈП „ПОЦ“ се забави поради административни процедури, но и поради поплаките од дел од жителите за наводно „снимање во спалните соби“. Општина Центар беше предмет на ревизија на целиот проект за снимање на паркинзите на улицата „Орце Николов“ и сето тоа го забави процесот – образложуваат од Општина Центар.

Во моментов се поставени вкупно 45 камери од двете страни по целата должина на улицата. Станува збор за пилот-проект и прв од ваков тип. Тоа е дел од проектот „Смарт сити“ на Град Скопје.

Камерите ќе служат за увид на состојбата со паркинг-местата, на апликација на ЈП ПОЦ ќе може да се види колку слободни паркинг-места има на располагање, а воедно, системот автоматски ќе препознава дали имате дозвола за паркирање на одреденото место, дали сте платиле билет за тој комерцијален паркинг, додека дневните паркинг-карти ќе се доставуваат на домашна адреса.

– Доколку се покаже дека дава резултати, проектот ќе се прошири и на други улици и други делови во Центар – потенцираат од Општина Центар.

https://www.vecer.press/камерите-на-орце-николов-поставен/

ПАК БЛОКИРАНИ СО КОЛИ ПЕШАЧКИТЕ ПАТЕКИ НА РЕНОВИРАНАТА УЛИЦА ОРЦЕ НИКОЛОВ ВО СКОПЈЕ



Пешачките патеки на реновираната улица Орце Николов во скопско Дебар Маало, пак се паркинг простор. Наместо да бидат ослободени од паркирани коли, што беше и главната причина за реконструкцијата на улицата и воведување ново сообраќајно решение, делови повторно се блокирани. На одредени места не се поставени пластични столпчиња како на поголемиот дел од улицата, па затоа колите слободно можат да влегуваат и да се паркираат на тротоарот реновиран со павер елементи.

При почетокот на градежните работи беше кажано дека автомобилите на станарите ќе се паркираат само паралелно со улицата и заради тоа се направија џебови. За да има место за сите станари, на Орце Николов е воведено резиденцијално паркирањето односно беше кажано дека нема да се издаваат паркинг карти за фирми и граѓани кои не се станари.

Од Општина Центар не добивме одговор зошто се дозволува во делови на улицата тротоарите да се повторно окупирани со коли, со што се уништува квалитетот на реновираната улица.

Улицата Орце Николов почна да се ренови лани во март, а беше завршена пред еден месец. Сo реновирањето, тротоарите се ослободени од терасите на кафулињата, а изведени се пешачки и велосипедски патеки. На крстосницата со улицата Ленинова изведен е кружен тек, а на улицата е воведено паралелно паркирање со џебови за паркинг. Коловозната лента е намалена на 6 метри.

Реконструкцијата чини 1.2 милиони евра.

https://sdk.mk/index.php/dopisna-mrezha/pak-blokirani-so-koli-peshachkite-pateki-na-renoviranata-ulitsa-ortse-nikolov-vo-skopje/

Не само тоа. Неколку пати како поминувам има паркирано возило на средина...

Е поголем среден прст на општеството од тоа да се паркирапш на сред кружен во Центар на главен град нема...

од твитер

Znachi 3 mandati so red od vreme na zernovski se praat boemski i orce u debar maalo i 3 pati se renovirase ulicata u kappistec pred beverlihils sto e. Ostanuva noviov gradonacalnik i on po 3 pat da ja izrenovira

Издигнатите делови на улицата кои се направени од бекатон, уште недовршени покажуваат први знаци на пропаѓање, што е знак дека изработката на улицата е катастрофално лоша.

Originally posted by <Fresno> Нормално, по обратен редослед се прави кај нас. Исто како најавените паркинзи на Пластичарска, таму буквално нема разлика од пред и по реконструкцијата. Се спомна делот во Карпош во кампањава, најбитно од Стевче?

Баш така: по обратен редослед.

На дел од локацијата на бараките на општината планирано е да се изгради општинска зграда и катна гаража. Сепак ова е само во најава.

На „Орце Николов“ го решаваме проблемот со паркирањето



На улицата „Орце Николов“ во тек е претпоследната фаза од реконструктивните зафати. Улицата ќе стане смарт-зона со смарт-паркинг и паметно осветлување. Во тек се активностите за спуштање на електричните кабли долж целата улица.

Во оваа фаза ќе се отстрануваат бандерите, ќе се поставува нова атмосферска мрежа во должина од еден километар и ќе биде поставен нов тампон и нов асфалт со должина од 8.345 квадратни метри, вклучувајќи ги и велосипедските патеки од двете страни на улицата.

https://www.vecer.press/на-орце-николов-го-решаваме-пробле/

Во вторник (26.10.) започнува претпоследната, петта фаза од реконструкцијата на улицата „Орце Николов“.
Во оваа фаза се предвидува целосно затворање на улицата од крај на фаза 4 до крстосницата со улица „Ѓорѓија Пулевски“.
За време на реализацијата на оваа фаза се забранува паркирањето на дел од улицата „Благоја Давков“ и возилата што доаѓаат од ул. „Франклин Рузвелт“ се пренасочуваат преку ул. „Ѓорѓија Пулевски“ по останата мрежа.
Едниот пристап до Министерството за одбрана се затвора и возилата до министерството ќе пристапуваат преку веќе претходно изградениот пристап.
Улицата „Алберт Ајнштајн“ се предвидува да биде целосно затворена, со тоа што жителите од истата ќе можат да пристапуваат преку улицата „Донбас“ која е поврзана со ул. „Орце Николов“, со пристап преку тротоар.
Улицата „Дане Крапчев“ е затворена на делот кон крстосницата за што е поставена соодветна сигнализација и е оставена можност жителите по должина на истата да пристапуваат во слепиот крак.



https://www.facebook.com/sasha.bogdanovikj