Улица Орце Николов

Не е така, избори се во прашање, а кога има избори, одеднаш и невозможното станува возможно.. ех кога би почнале да работат како да следниот ден ќе има избори и кога ги нема, би било екстра..

Само да спомнам дека Орце Николов не е асфалтирана по целата должина, туку само во делот од ГенералШтаб до Рузвелтова. Другите делови не се пипнати засега, а и поврзувањето со другите улички е катастфорално изведено, т.е. не е изведено. Ваљда планираат да го поправат.

Денес се работеше и во дебар маало на комплетно ископување, насип и веројатно потоа асфалтирање околу кино карпош.

Пуштена во употреба реконструираната улица „Орце Николов“

Градоначалникот на општина Центар, Андреј Жерновски денеска свечено ја пушти во употреба реконструираната улица „Орце Николов“, на потегот од булеварот „Св. Климент Охридски“ до улицата „Михаил Цоков“. Во изминативе три недели беа реконструирани вкупно 3.600 метри квадратни од оваа скопска улица, со вкупна должина од 520 метри. Градежните активности на терен ги реализираше фирмата „Пелагонија“ од Гостивар. Покрај нанесувањето на нов асфалт, долж целата траса се поставени нови шахти и поправени се оштетените ивичници. Реконструкцијата на улицата „Орце Николов“ се одвива во рамки на проектот „Работно лето 2015“.



Улицата е една од попрометните сообраќајници во населбата Дебар Маало. Цели 18 години овој нејзин сегмент не беше саниран, што резултираше со големи дупки на коловозот. Од општина Центар најавуваат дека следни сообраќајници за реконструкција на овој дел од централното градско подрачје се улиците „Наум Наумовски – Борче“ и „Аминта Трети“.

http://www.build.mk/?p=45748

На почеток на јули стартува реконструкција на улицата „Орце Николов“



На почетокот на месец јули, ќе се отпочне со долгоочекуваниот инфраструктурен проект на Општина Центар – реконструкција на улицата „Орце Николов“ која е една од најзначајните и најфреквентни улици, но и белег на Дебар Маало и Центар.

– Реконструкцијата ќе се состои од стеснување на коловозниот дел со задржување на двете ленти за возила, проширување на тротоарите согласно стандардите на урбано планирање, задржување на целиот постоен дрворед долж улицата, измена на режимот на сообраќај со воведување на т.н. каскадно паркирање со цел ослободување на тротоарите. Го исполнуваме ветувањето за обезбедување повеќе простор за пешаци и велосипеди и друг алтернативен сообраќај – информира градоначалникот на општина Центар, Саша Богдановиќ за порталот Фактор.

Тој најавува дека наскоро започнува и реконструкцијата на улиците „Мирослав Крлежа“ и „Аминта Трети“, со што ќе се обезбеди побезбеден сообраќај и движење.

Од планираните активности го издвојува и отпочнувањето со целосна реконструкција на детското спортско игралиште на улицата „Славка Недиќ“ во Дебар Маало, како и отпочнување со изградба на монтажен паркинг во Дебар Маало позади улицата „Орце Николов“, кое ќе обезбеди нови 300 паркинг места, а чија реализација е планирана за последниот квартал од годината.

https://www.vecer.press/на-почеток-на-јули-стартува-реконстру/

Кое е тоа место кое го планираат за монтажен паркинг?

Ако вака ги направат велосипедските патеки во комбинација со пешачките тогаш секоја чест (нешто ќе биде налик Холандија).

Едвај сум возбуден да видам што ќе направат. Дебар Маало е катастрофа, буквално треба да одиш по улица бидејќи тротоарите се зафатени.

Фино. Наводно се работат проекти и за Ленинова и Ѓуро Ѓаковиќ: twitter.com.

Почна спуштањето на надземната инсталација под земја





Општина Центар, во соработка со ЕВН Македонија, на улицата „Орце Николов“, во Дебар Маало започна со спуштање на надземната инсталација под земја.

Како што информираат општинските власти, овој зафат, со вкупна должина од 1 километар е почеток на подготовките на Општината за реконструкцијата на една од најфреквентните улици во градот, улицата „Орце Николов“.

https://www.vecer.press/почна-спуштањето-на-надземната-инста/