Улица Орце Николов

ГОТОВ ПРВИОТ ДЕЛ НА СКОПСКАТА УЛИЦА ОРЦЕ НИКОЛОВ, КОНЕЧНО ДОБИ ПЕШАЧКИ ПАТЕКИ КОИ ДОСЕГА БЕА БЛОКИРАНИ СО КОЛИ

Општина Центар викендов ќе заврши со реконструкција на првиот дел на скопската улица Орце Николов од крстосницата со булевар Климент Охридски до улицата Ленинова. Сега тротоарите на улицата се ослободени од колите и изведени се велосипедска и пешачка патека, со што нема да мора да се оди по улица меѓу возила за да се мине овој дел од центарот на градот.

Воведено е паралелно паркирање со изведба на т. н. џебови во кои ќе биде дозволено паркирање само за жителите на зградите, со оглед на тоа дека е намален бројот на паркинг места. Коловозниот дел на улицата е стеснет за околу метар и пол, со задржување на двете ленти за возила.

„Неубавите слики кои што ги гледавме, каде лица со посебни потреби со инвалидски колички се движеа по коловозот и мајки со деца во колички поминуваа само кога нема возила по улицата, полека но сигурно стануваат минато. Целта на реконструкцијата е да се зголеми безбедноста на улицата преку воведување физички мерки за смирување на сообраќајот, а со самото тоа да се намали бројот на сообраќајни незгоди на овој потег. Со реконструкцијата ќе се даде поголем приоритет на пешаците, со тоа што ќе се стимулираат пешачките токови и ќе се зголеми безбедноста при нивното движење по цела должина на улицата“, рече градоначалникот на Општина Центар Саша Богдановиќ.

Од понеделник ќе се работи и ќе се затвори за сообраќај потегот од улицата Ленинова до улицата Коле Неделковски.

Реконструкцијата на Орце Николов ќе опфати површина од вкупно 7.182 метри квадратни и се очекува да биде готова во јули. Целиот зафат чини околу еден милион евра, средства обезбедени од буџетот на Општина Центар.

https://sdk.mk/index.php/dopisna-mrezha/gotov-prviot-del-na-skopskata-ulitsa-ortse-nikolov-konechno-dobi-peshachki-pateki-koi-dosega-bea-blokirani-so-koli/

Беше спремна ама сум заборавил да и направам upload,а и мислев дека се повторува...

НА УЛИЦАТА ОРЦЕ НИКОЛОВ ОПШТИНА ЦЕНТАР ПОСТАВУВА КАМЕРИ КОИ ЌЕ СНИМААТ ПОГРЕШНО ПАРКИРАЊЕ



На улицата Орце Николов, која во моментов се реконструира за да се ослободат тротоарите од паркирани возила, се поставуваат и камери. На новите канделабри за улично осветлување долж улицата ќе има и камери кои ќе го снимаат паркирањето. Во моментов, камери се поставени само во првиот дел кој викендов беше завршен, но сè уште не функционираат.

Директорот на ЈП „Паркинзи Општина Центар“ Васко Кичевски вели дека камерите се дел од системот и проектот за смарт сити. На оваа улица, како што вели тој, ќе нема вработени кои ќе пишуваат казни туку камерите ќе снимаат и ќе ги пропознаваат возилата кои не се резидентни, односно не смеат да се паркираат долж Орце Николов.

„Камерите за поставени да се снимаат паркинг местата и истите ќе праќаат информации до системот дали паркинг местата се слободни или полни. Системот ги препознава и регистарските таблички со што ќе се знае дали возилата имаат дозвола да се паркираат во тој регион. Казната ќе се испраќа по пошта на домашна адреса“, вели Кичевски.

Со реконструкцијата на Орце Николов паркирањето ќе биде паралелно во таканаречени џебови. Според сегашното решение, на улицата има 180 паркинг места, а со новото ќе се намалат на 80. Со тоа на улицата ќе биде воведено резиденцијално паркирање односно ќе можат да се паркираат само жителите на Дебар Маало.

https://sdk.mk/index.php/dopisna-mrezha/na-ulitsata-ortse-nikolov-opshtina-tsentar-postavuva-kameri-koi-ke-snimaat-pogreshno-parkirane/

Реконструкција на ул. „Орце Николов“ [15.05.2021"> by Влада на Република Северна Македонија, on Flickr

Најавија изградба на монтажна катна гаража, ако добро паметам.

Originally posted by Џоле Фактот што никогаш не успеаја да воведат ред со паркирањето на Боемска улица ми кажува дека и тука треба да очекуваме нешто слично. Ајде, улицава уште не е завршена, ама некои навики тешко се искоренуваат.

Се' додека тротоарите се слободни, ако сакаат еден врз друг нека паркираат.

Се собра битно цела партија да ја пушти.

ИМАЈТЕ ТРПЕНИЕ, КОГА ЌЕ БИДЕ ГОТОВ ВТОРИОТ ДЕЛ ОД ОРЦЕ НИКОЛОВ ЌЕ ИМА ПАРКИНГ ЗА СИТЕ, ВЕЛИ БОГДАНОВИЌ



За сите жители на улицата Орце Николов во центарот на Скопје ќе има паркинг кога ќе завршат градежните работи, вели градоначалникот на Општина Центар Саша Богдановиќ. Откако Општината заврши со реконструкција на првиот дел од улицата и го затвори вториот дел, во овој дел од Дебар Маало владеа хаос. На реконструираниот дел се паркираат возила и на новоизведените велосипедските и пешачките патеки. Жителите околните згради велат дека немаат каде да паркираат и како да стасаат дома, бидејќи сега откако се раскопа вториот дел има помалку паркинг места, па затоа мораат возилата да ги оставаат и на патеките.

Градоначалникот Саша Богдановиќ вели дека според анализите кои ги правеле со ЈП „Паркинзи Општина Центар“, кога ќе биде завршена реконструкцијата паркинг ќе има за сите станари.

„Оваа улица ќе биде резиденцијална, односно нема да може да се паркираат вработени од фирми или граѓани со праќање порака, што значи и со воведувањето на паралелно паркирање ќе има доволно место за жителите. Граѓаните треба да имаат трпение, бидејќи се прави вториот дел од улицата и отстранети се доста паркинг места. Додека не се заврши со тој дел ќе мора да се паркираат и на тротоарите на првиот дел. Кога ќе биде готов вториот дел за две до три недели, ќе добиеме една убава слика како реално ќе изгледа таа улица“, вели Богдановиќ.

Општина Центар почна да ја реконстурира улицата Орце Николов за да ги ослободи тротоарите од коли, бидејќи сега пешаците, велосипедистите, мајките со колички одат по коловозот оти патеките се узурпирани.

https://sdk.mk/index.php/dopisna-mrezha/imajte-trpenie-koga-ke-bide-gotov-vtoriot-del-od-ortse-nikolov-ke-ima-parking-za-site-veli-bogdanovik/

Сеуште е хаос на „завршениот“ дел. Ако не воведат ред во скоро време, ништо чудно да почнат да пропаѓаат патеките од паркирани коли. А и асфалтот не е баш најрамен.