Именување на улици и објекти

ЕСМА, ЖИВКО ПОПОВСКИ, СЛАВКО ЈАНЕВСКИ, БЛАЖЕ КОНЕСКИ, ЃОРЃИ КОЛОЗОВ И БУШТУР ЌЕ ДОБИЈАТ УЛИЦИ ВО СКОПЈЕ

Народни херои, архитекти, ректори на скопскиот универзитет, претседателите на Собранието, почесни граѓани на Скопје, уметници и спортисти ќе добијат свои улици, мостови и плоштади во главниот град. Комисијата за именување улици, плоштади, мостови и други инфраструктурни објекти, како што дознава САКАМДАКАЖАМ.МК, ја составила листата на личности според кои ќе бидат именувани улици во Скопје.

Се предвидува именување на улици или булевари според сите народни херои кои досега немале улица во Скопје или им била одземена, ректорите на скопските универзитети, како и претседателите на Собранието. Еден мост во Скопје ќе биде именуван според Роза Плавева и Накие Бајрам, кои за време на Младотурската револуција, ги организирале турските жени во борба против зарот и фереџето.

Улица ќе добијат и архитекти важни за Скопје како Живко Поповски, Славко Брезовски, Борис Чипан, Томас Доксијадис, но и почесните граѓани Торвалд Столтенберг, Лоренс Иглбергер и У Тант.

„Во листата на Комисијата се и писателите Славко Јаневски, Петре М. Андреевски, Блаже Конески, Владо Малески и Даница Ручигај. Не се заборавени ниту ликовните уметници како Томе Серафимовски, Петар Мазев, Димитар Кондовски, Борка Аврамова и културните уметници Есма Раџепова-Теодосиевска, Мери Бошкова, Неда Гешоска, Ѓорѓи Колозов, Тодорка Кондова, Димитар Ќостаров, Илија Милчин, Илија Џувалекоски, Џемаил Максут, Салаетин Билал“, велат за САКАМДАКАЖАМ. МК од Град Скопје.

Значајни имиња за македонскиот спорт исто така ќе добијат свои улици и тоа Атина Бојаџи, Нада Ицева-Салџиева, Благој Истатов, Благоја Георгиевски-Буштур.

Од Град Скопје велат дека процесот ќе го почнат по завршување на изборите и очекуваат до крајот на годинава да биде завршен.

„Според Законот за именување на улици, не смееме во период пред избори да менуваме имиња. Листата на имиња без дадени локации е спремна да влезе во процедура на Советот на Град Скопје, потоа треба да се одобри од Влада, па да се врати во Град Скопје. По изборите планираме да го започнеме процесот и да го завршиме до крајот на годината“, велат од Град Скопје.

Промената на имиња на улици, булевари, плоштади и мостови ја најави градоначалникот Петре Шилегов лани на одбележувањето на 56-годишнината од катастрофалниот земјотрес во Скопје. Шилегов тогаш кажа дека Скопје по земјотресот е изграден благодарение на светската хуманост и солидарност, но за жал, претходната власт многу од тие спомени избришала.

„Лани на овој ден ги вративме буквите од Тито на старата железничка станица. Пред неколку месеци, катните гаражи под надлежност на Градот добија ниви имиња ’26 Јули‘ и ’Беко‘. Сега тоа ќе го направиме и на други објекти, улици и плоштади. На анкета граѓаните ќе можат да предложат имиња за објекти и улици, со кои ќе се сеќаваме на денот кога Скопје повторно беше изграден“, рече лани Шилегов.

А. АНТЕВСКА

https://sdk.mk/index.php/dopisna-mrezha/esma-zhivko-popovski-slavko-janevski-blazhe-konevski-i-bushtur-ke-dobijat-ulitsi-vo-skopje/

Не е точно ова. Не знам кој го направил.

Оваа криминална банда се натпреварува со претходната, која повеќе глупости ќе направи.

Во Автокоманда? Имајќи предвид дека е речиси извесно дека ќе се преименува булеварот Александар Македонски, претпоставувам дека токму овој булевар ќе го именуваат по Есма Реџепова. Јас мислам дека подобро би било улицата Шуто Оризари да ја именуваат по неа. Или некој нов мост, заедно со булеварот над него.

Monty Pyton, Flying Circus

Ѓорѓи Мисалјовски

Македонското МНР сместено на улицата Филип Втори Македонски од неодамна е прекрстено (Докон поп и јариќе крсти, српска поговорка) во „Палата Сарафов“. Име што на оваа институција, со оглед на сегашниот рејтинг, најмногу би ѝ одговарало би било „Монти Пајтон летечкиот циркус“. За такво тврдење се потребни аргументи. Следат. Прво, гипсената зграда на брегот на Вардар, чии подруми (сместена најверојатно архивата, ако ја имаат) се под вода, по ниту една дефиниција не е палата, односно Palace или Palais. Второ, ниту едно министерство за надворешни работи не носи лично име, макар што имало безброј заслужни дипломати, па министерствата би можеле да бидат наречени по нивните имиња. Можна е замена на имињата, како што е случај со француското МНР, кое од 1853 се нарекува Quai D’Orsay, според истоимената улица. Тоа не е единствен случај на метонимија за сегашните официјални називи на значајни институции (Белата куќа, Даунинг стрит 10 и др). Но, тоа е нешто друго, комплетно различно, како што впрочем е вообичаена практика дел од судската власт да биде сместена во зграда која ја нарекуваат „Палата на правдата“.

За една ваква институција, Министерство за надворешни работи, да биде нареченa со лично име, мора да постојат многу аргументи. Оние наведени на бронзената табла на споредниот влез во нашето МНР не се доволни. За една ваква институција, Министерство за надворешни работи, да биде нареченa со лично име, мора да постојат многу аргументи. Оние наведени на бронзената табла на споредниот влез во нашето МНР не се доволни. На главниот, пак, влез е паметникот на носителот на името на палатата во која моментно гостува Летечкиот циркус, на коњ, со пушка во рака и опинци на нозете, што не одговара на богатиот Б. Сарафов, кој низ светот шетал во костимите по последната европска мода. Во сегашната „Палата Сарафов“, за жал, сè уште шетаат сурати во дипломатски опинци. Се разбира, не е на вашиот дипломатски хроничар да суди каков дипломат бил Б. Сарафов, контрoверзната личност во уште поконтрoверзните времиња пред Илинденското востание и непосредно после, посебно што неговите патешествија по европските метрополи биле повеќе од сопствена политичка и лукративна промоција, отколку конзистентна дипломатија, што со оглед на етимолошкото потекло на неговото презиме сосема се вклопува со методите на неговите активности.

Зградата е квазибарокна. Улицата на која е лоцирано МНР го носи името на таткото на најголемиот антички војсководец и освојувач, Филип Втори Македонски, а палатата на МНР го носи името на Славјанин од Пиринска Македонија, инаку образован офицер во Софија.Посебно се забележува архитектонско-идентитетската какофонија поврзана за наведената локација. Зградата е квазибарокна. Улицата на која е лоцирано МНР го носи името на таткото на најголемиот антички војсководец и освојувач, Филип Втори Македонски, а палатата на МНР го носи името на Славјанин од Пиринска Македонија, инаку образован офицер во Софија. Не е лесно на странските дипломати кога влегуваат во палатата да им се објасни тоа, посебно делот што се однесува на нашиот идентитет. Се разбира дека Бугарите немаат ништо против нашето МНР да го носи името на Б. Сарафов. Причините им се познати на историчарите.

Но, ова не прв случај со лични имиња да се обележуваат објекти што се поврзани со објекти во функција на надворешната политика. Така и ден-денес во Берлин на ул. Кенигсалее 2 на зградата на амбасадата на РМ стои мермерна табла со напомена дека таа е изградена и пуштена во работа во време на амбасадорувањето на сегашниот главен менаџер во фирмата „МПМ“ и воедно и вонреден или редовен професор на еден од скопските универзитети. И ова е единствен случај на зградите на амбасади да има слични обележја со кои се влегува не само во историјата, туку и во археологијата.

Летечкиот циркус има секогаш нови нумери. Последната е вклучувањето на македонската амбасадорка во Токио за избор на некаква си убавица.Како што веќе постојано најавувам, Летечкиот циркус има секогаш нови нумери. Последната е вклучувањето на македонската амбасадорка во Токио за избор на некаква си убавица. Се разбира дека една режисерка мора да има истенчено чувство за естетика и оттука е во жирито. Големо признание за оваа влада, а и за традиционално пријателските односи меѓу кралството Јапонија и Република Македонија.

Насмеаниот ни министер за надворешни продолжува да се шетка по светот, оставајќи ги кловновите во својот циркус да ја забавуваат публиката. Не е загрижен поради пораките од Србија од највисоко ниво за гласањето за прием на Косово во УНЕСКО. СПЦ не се огласила директно, но пораката од патријархот Иринеј (од која децидно не се огради и политичкиот врв на Србија), би требало посебно да се анализира во заспаниот Синод на МПЦ. По гласањето во Париз, не може да се очекува наскоро нов дијалог меѓу месните цркви.

По условната препорака (уште еден последен испитен рок) за преговори сите понатамошни лобирања и мапет (се извинувам роуд-шоуа) се фарса. Јасно ни е кажано до кај сме и што треба да направиме. Министерот што убаво ни објасни што е пуч, бадијала оди по безбедносни форуми и лобира за прием на РМ во НАТО. Извештајот на Комисијата на ЕУ е круцијален за приемот на РМ во НАТО. Воените стандарди и така не ги исполнуваме. Каква Варшава (идниот самит), какви бакрачи. Работите се решаваат тука. Флоксулите од типот „Приемот на РМ позитивно ќе се одрази врз НАТО, но и врз безбедноста и стабилноста во регионот на ЈИЕ“ не поминуваат. Последна опомена беа настаните во Куманово. Се виде колку обезбедуваме стабилност.

Можеби со време зградата на МНР ќе ја нарекуваа „Кеј на палмите“, метонимија што никому немаше да му пречи. Напротив, ќе останеше белег на период на еден ботаничко-архитектонски фалсификат.Да се вратам пак на „Палатата Сарафов“, за која кумот уште не ни е познат. Мора да имало стручна анализа на сите овдешни компетентни институции, истакнати историчари, филозофи па и дипломати, врз база на што е донесена одлуката. Кое било име да го добиеше зградата на МНР ќе беше непотребна, неизнудена грешка кажано со тениски речник. Именување на институција каква што е Министерството за надворешни работи со име на една личност значи однапред прејудуцирање на неговата политичка опција или ориентација, што секако не е дипломатски ниту, пак, политички дозволено. Можеби со време зградата на МНР ќе ја нарекуваа „Кеј на палмите“, метонимија што никому немаше да му пречи. Напротив, ќе останеше белег на период на еден ботаничко-архитектонски фалсификат. Вака се заплеткавме во патриотско-предавничка жабокречина на радост на сеирџиите. На Меморандумот на МНР ќе стои „Палата Б. Сарафов“ ул. Филип Втори Македонски. Доволно идентитетски.

http://okno.mk/node/51333

Originally posted by Staro Skopje Кој е придонесот на св. Лидија во сферата на електронските комуникации?

тоа ти се психичките коплекси за кој би се подразмислил и Фројд, каде што најбитно нешто во цел живот е да имаш палата, па макар и само во име, и таа палата да ти е античка, па макар и само во име...
ќе си ја прележиме ли некогаш оваа болест? не знам

Edited by zabegan - 05-Nov-2015 at 16:53

АЕК стана палата „Света Лидија“ (ГАЛЕРИЈА)

Црква ли е, државна институција ли е и дали тие двете се одвоени една од друга? Вака некако можеби ќе се прашуват граѓаните и туристите кога ќе застануваат пред новиот објект на Агенцијата за електронски комуникации (АЕК) кој деновиве е наречен палата „Света Лидија“.

Претходно, објавивме дека зградата на Министерството за надворешни работи е наречена палата „Борис Сарафов“, зградата на јавното обвинителство стана палата „Петре Пирузе - Мајски“, а зградата на Археолошкиот музеј стана палата „Александар Македонски“.

Уште колку нови плочи и на кои згради ќе не изненадат деновиве?









http://plusinfo.mk/vest/46011/aek-stana-palata-sveta-lidija-galerija

Грујо бе имењак,Љубчо е против букефализацијата

Мала шега што набрзо може да стане вистина...