Именување на улици и објекти

Претерале малце со бројкава. Што е идејата тука? Бришење на сите што имаат врска со античка историја и именување на тие што сега имаат само број?

УЛИЦАТА АМИНТА ТРЕТИ ПАК ЌЕ БИДЕ ЛЕНИНОВА, ЈОРДАН МИЈАЛКОВ – ЖЕЛЕЗНИЧКА

Познатите улици во Скопје чии имиња беа сменети во времето на ВМРО-ДПМНЕ пак ќе се викаат по старо. Од Град Скопје вчера ја објавија листата од 571 име според која во иднина би се именувале улици, плоштади, паркови и мостови.

Од Град Скопје објаснуваат дека граѓаните нема да имаат дополнителен трошок, бидејќи личните документи со потенцијалните нови имиња на улици не се менуваат до истекот на нивната важност.

Покрај новите имиња се предвидува да се вратат и старите имиња на улиците и тоа Аминта Трети пак да биде Ленинова, Јордан Мијалков во Железничка, Филип Втори во Стив Наумов. Тафталиџе повторно ќе ја има улицата Мексичка наместо Петре Пирузе, а Борис Сарафов пак ќе стане 4 Јули.

„Едно од моите предизборни ветувања беше враќање на идентитетот на Скопје. Ги враќаме старите имиња на добро познатите скопски улици”, вели градоначалникот Петре Шилегов.

Во листата на нови имиња се пејачот Дејви Боуви и групата „Квин“, групите „Леб и сол“, „Лева патика“ и „Мизар“. Улица ќе биде именувана и по Есма Реџепова, како и по филмот „Медена земја“.

Во листата е и новинарот Никола Младенов, пејачката Вања Лазарева, архитектот Живко Поповски, спортистите Благоја Георгиевски – Буштур, Атина Бојаџи, како и заменик-градоначалникот на Скопје Енвер Малиќи. Во листата се и писателите Петре М. Андреевски, Блаже Конески, Владо Малески.

Се предлага еден плоштад да се вика „Вера, надеж и љубов“, а улица да биде именувана и според местото Нивици каде беше потпишан Договорот од Преспа.

https://sdk.mk/index.php/dopisna-mrezha/ulitsata-aminta-treti-pak-ke-bide-leninova-jordan-mijalkov-zheleznichka/

Добро, ама меѓу Аминта и Стив Наумов знам кој ми е поблизок. Истото и меѓу Ќосето и Ѓорги Колозов. Е сега со тие малцинските, државната политика ни е отстапка по отстапка. Јас зборував за улиците преименувани од ВМРО, а за ваквите малцинските... државата е веќе федерализирана, нит се мешаме, нит се познаваме. Како ќе се викала улицата во Сарај или во Чаир во која никогаш нема да стапнам многу многу не ми менува.

Заврши јака работа пијаницава (би додал и придавка пореметен, ама ај ќе бидам коректен малку повеќе). Го тргнал Петре Пирузе, за да има улица именувана според некакви бугарски капиталисти. Се надевам дека жителите на истата улица ќе се радуваат кога ќе се возат или шетаат по улицата на успешните бугарски капиталисти, за кои ни знаат ни чуле.

Од она што слушнав на вести ми падна така во внимание дека во духот на Препспанскиот Договор ќе се именувала улица "Нивици", што мислам дека е ОК. Е сега незнам дали добро пренесоа медиумите, ама нели во духот на Преспанскиот договор би требало баш да не се користи терминот "Нивици", туку да се вика улица "Псарадес"?!

Originally posted by ehrlich „Али Паша Мехмед - Албанец од Египет“ е врвот.

https://en.wikipedia.org/wiki/Muhammad_Ali_of_Egypt

Мехмед Али Паша е основачот на модерниот Египет, борец за независност од Отоманците. Меѓу другото, роден е во Кавала која според вас кои верувате во картите на „Обединета Македонија“ ете била „наша“ (Оти Тасос и Кавала се многу познати по тоа што имале многу наши луѓе )

По таа логика оти да нема улици именувани според голем државник роден на „македонска“ територија?

Edited by гитардемон - 18-Feb-2021 at 09:43

Originally posted by fichot Originally posted by Marxentric Заврши јака работа пијаницава (би додал и придавка пореметен, ама ај ќе бидам коректен малку повеќе). Го тргнал Петре Пирузе, за да има улица именувана според некакви бугарски капиталисти. Се надевам дека жителите на истата улица ќе се радуваат кога ќе се возат или шетаат по улицата на успешните бугарски капиталисти, за кои ни знаат ни чуле. Петре Пирузе мислам ќе си го врати старото име Мексичка?

Петре Пирузе ќе се врати пак на старо односно на Мексичка.

Настрана фрлањето магла со целава иницијатива со цел да се подзаборави на реалните проблеми и неработењето на селоначалникот ни Шилегов, настрана и дебилноста, комичноста, а и за антидржавниот аспект на дел од предлозите, брука е и по оваа егзибиција со преименувањата, Скопје да не добие достојна улица со името на неговиот убедливо најдобар градоначалник Јосиф Михајловиќ-Јуруковски, како и по според многу историчари, најголемиот патриот помеѓу раководителите на социјалистичка Македонија, Крсте Црвенковски...или пак можеби ги има на списокот, но јас не успеав да ги најдам...

Edited by antigona - 18-Feb-2021 at 11:27

А што се чудите за имињава? Ставени се само за придобивање гласови на претстојниве избори.

Менување имиња е моментално најнепотребното нешто што му треба на ненормално загадениот и инфраструктурно недоразвиен град Скопје.

Edited by skopskodete - 18-Feb-2021 at 11:43

АЛИ ПАША ЈАНИНСКИ ИЗВРШИ ГЕНОЦИД ВРЗ ВЛАСИТЕ, А ГРАД СКОПЈЕ ЌЕ ИМЕНУВА УЛИЦА ПО НЕГО, ВЛАШКАТА ЗАЕДНИЦА БАРА ИТНО ДА СЕ ТРГНЕ ОД ЛИСТАТА

Демократскиот сојуз на Власите бара Град Скопје под итно да го тргне името на Али Паша Јанински од листата на имиња за улици, бидејќи тој се смета за разбојник кој направил геноцид врз влашката популација во почетокот на 19. век. Али Паша е одговорен за уништување на Москополе и Грамос, двата наголеми влашки центри со развиена култура, академија, високи школи и трговија, што и било причина за масовното иселување на Власите низ цела Европа. За Власите оваа одлука на Градот е навредувачка и неприфатлива, и велеат дека тоа е исто како во Ерусалим да именуваат улица по Адолф Хитлер.

„Власите од Република Северна Македонија се зачудени и навредени од одлуката на листата на имињата на улиците да се најде сатрапот Али Паша Јанински. Освен што бил познат џелат, тој немал никаква друга историска заслуга за да се најде на оваа листа. Разбојник и одметник од Големата Порта, палел, убивал и пљачкал од убавите и богати влашки села. Затоа реагираме веднаш да биде тргнат од оваа листа“, се вели со соопштението од Демократски сојуз на Власите.

Али Паша (1741-1822) е феудалец од албанско потекло, паша на Јанина, кој се одметнал од централната отоманска власт и бил независен владетел на Албанија, Епир и Мореја, а потоа ја проширил својата власт и во Македонија, Тесалија и Грција. Поради суровоста во управувањето, влегол во народната традиција како беспримерен зулумќар.

Од Град Скопје велат името на Али Паша Јанински било доставено како предлог на јавната анкета, без притоа да бидат наведени податоците во однос на влашкото население, а Комисијата која одлучувала го одобрила предлогот и тој момент не го забележала.

Во Комисијата за именување на улици, плоштади, мостови членуваат само советници од Советот на Град Скопје од сите политчки партии, но не и историчари или професори. Претседател на Комисијата е советникот од СДСМ Бојан Ивановиќ, а членови се советничките од СДСМ Соња Глинџарска и Михаела Иванова, советниците од ВМРО-ДПМНЕ Владо Поповски и Луке Галески, советничката од ДУИ Халиде Палоши и советникот од БЕСА Ибуш Јусуфи.

Од таму велат дека во моментов не можат да одговорат дали името ќе биде тргното од листата. Тоа ќе се одлучи до одржувањето на седницата на Советот на Град Скопје наредната недела. Дотогаш, овие имиња не се официјални туку се само предлог.

Во понеделникот, Град Скопје ја објави листата на 571 име според кое во иднина би се именувале улици, плоштади, мостови и паркови. Од Градот објаснуваат дека листата не значи дека веднаш ќе бидат сменети 571 улица, туку во иднина од неа би се одбирале имињата.

https://sdk.mk/index.php/dopisna-mrezha/ali-pasha-janinski-izvrshi-genotsid-vrz-vlasite-a-grad-skopje-ke-imenuva-ulitsa-po-nego-vlashkata-zaednitsa-bara-itno-da-se-trgne-od-listata/